|
الدواسر 502
الدواسر 502 السلام عليكم ورحمة الله وبركاته اخواني وبني عمي في هذي الايام بدينا نشوف ونسمع عن هذا الشعار 502 انه لقب او رمز لقبيلة الدواسر نلقاه مكتوب على الجدران او على السيارات واصبح مشهور عند الشباب وصغار السن وكأنه فتح خط او رمز معتمد لقبيلة الدواسر سئلت بعض الشباب عن قصة هذا الرقم وقالوا كان فيه دوسري عنده سياره متعبث فيها وحجم مكينة السياره 502 وتحدى مع عجمي حجم مكينة سيارته 511 ومعهم قحطاني حجم مكينة سيارته 505 وفاز الدوسري صاحب المكينه 502 في السباق وبعدها صار رقم 502 مخصص للدواسر و 505 مخصص للقحاطين و 511 للعجمان ولكن 502 اصبح هو الاشهر بحكم فوزه بالسباق وبعد ها اخذ بعض الشباب من القبائل الاخرى بالتقليد وتأليف ارقام و رموز لقبيلتهم ومنهم من اتخذ له عباره كلقب لهم مثل قبيلة المره وشعارهم ( ما يهزك ريح ) وقبيلة بني هاجر ( المافيا ) وكذلك قبيلة العجمان لديهم لقب غير 511 وهو ( ألمان العرب ) مع العلم اني افضل هذي العبارات على الارقام لكن السؤال هنا هل تستحق قبيلة الدواسر العريقه ان تلغى جميع القابها المشرفه وتنحصر على رقم 502 ؟ هل يرضى شباب قبيلة الدواسر ان يكون لقبهم برقم 502 ؟ اين ذهبت القاب ومسميات قبيلة الدواسر المشرفه والتي يعتز بها كل دوسري لماذا شبابنا لا يستعمل بدل 502 عبارة ( خطلان الايدي ) وهو اللقب الاشهر للدواسر من هنا من منتدى قبيلة الدواسر الرسمي اناشد واحث جميع شباب قبيلة الدواسر ان يظهروا القاب قبيلتهم المشرفه المتوارثه عن الاباء والاجداد والتي يفتخر بها الجميع وان يتركوا الارقام لاهل الارقام الذين ليس لديهم أي لقب او مسمى وان يتمسكوا بلقب ( خطلان الايدي ) وإظهاره للجميع فأنه بحق لقب مشرف ويرفع الرأس ودمتم سالمين اخوكم سالم الغريري |
مشاركة: الدواسر 502
أشكرك أخوي سالم الغريري على الموضوع المهم
وأتمنى من الشباب أن يتمسكوا بلقب ( خطلان الايدي ) وتقبل تحياتي أخوك الصقر الحر |
رد: الدواسر 502
الاخ \ ســالم الغريري
الله يعطيك العافــيه على هالموضوع الجــميل و المضحك بعض الشي انا حبيــت أضيف نقطه بسيـــطه لموضوعك وهي : ان هالالقاب التي تطلق على بعض القبايــل لاتشتهــر الا عند شباب أهــل الشرقيه فقــــط يعني أهل الخرج والافلاج والوادي مايــعرفون هالكلام وهالالقاب . ولو تسئل راح تتأكد . اما بالنسبه لالقاب الدواسر الشهيــره فـــلا تخاف عليها ماراح تتحول لاسامي مكاين سيارات ولا لارقام لايعرف لها ماضـــي تقـــبل ســلامي . |
مشاركة: الدواسر 502
الأخ ( سالم الغريري )
اشكرك على طرح هذا الموضوع الذي كنت ناويه اطرحه ولكن بصيغة ثانية ، و دامك طرحته أنا أحب اضيف نقطة ألا وهي إني سمعت أن هذا الرمز ( 502) هو رمز الدواسر في قطر فما أدري مدى صحة هذي المعلومة على العموم أخوي ألف شكر على طرح هذا الموضوع |
مشاركة: الدواسر 502
العفو اخوي الصقر الحر
اسعدتني مشاركتك وحضورك الكريم واتمنى مثل ما تتمنى |
مشاركة: الدواسر 502
الغالي ابو فهاد
يمكن بعض المناطق ما يعرفون هذي السالفه لكن بيجي يوم وتشتهر عندهم وانا اصلا كنت متردد اطرح هذا الموضوع قلت يمكن ما احد يعرفه لكن بالعكس احس انه اشتهر اكثر حتى لو تلاحظ بعض الاسماء في منتدانا تحمل رقم 502 والمشكله على قولتك الشهر في المنطقه الشرقيه والمنطقه الشرقيه فيها من جميع القبايل بعكس الخرج والافلاج يعني الشهره تكون اكبر وخصوصا عند القبايل الثانيه مشتهر ان رمز الدواسر 502 وان شاءلله يصير حد لهذا الرمز وتحيه خاصه لك يا ابو فهاد على المداخله العطره |
مشاركة: الدواسر 502
تسلم أخوي سالم الغريري
عندنا في البحرين أغلبية شباب الدواسر يستخدمون( الـــــداء الــــســـــائــــــر ) و البعض قلة منهم يستخدم 502 |
مشاركة: الدواسر 502
اختي بنت القبيله
ما هنا فرق سوا انا كتبت الموضوع ولا انتي اهم انه ينكتب وكل واحد يبدي رأيه ولا لنا غنى عن مشاركتك الثمينه انتي تقولين الرمز هذا مخصص لدواسر قطر ( وهذا اللي اتوقعه ) وانا سمعت انه اول ما بدء في الخرج والاقوال كثيره والواقع انه منتشر في مناطق كثيره واتمنى ان الشباب يركزون على هذا الرمز ويغيرونه افضل واشكرك اختي على المشاركه العطره ولك مني كل تقدير |
مشاركة: الدواسر 502
اخوي سالم
لاهنت وبيض الله وجهك على المبادره بــطرح هذا الموضوع القيم وانا حصلت واحد دوسري اعررفه حاط على سيارته (( 502 )) وبادرت بأعطائه أستكر مكتوب عليه (( خطلان الايدي )) وانا مستعد لتصميم شعار مكتوب عليه خطلان الايدي لكي يعتمد بدال 502 وانتظر شوركم تحياتي للجميع |
مشاركة: الدواسر 502
كلام اعجبني وبارك الله فيكم يا خطلان الايدي
|
مشاركة: الدواسر 502
نطلب من ابناء القبيلة الغيورين على اسم قبيلتهم عدم استخدام هذا الرقم وتقدير اسم قبيلته وانهم يحشمونه من ذي الارقام .
يالربع اكثر ما به ألقاب الدواسر ولله الحمد طبوا وتخيروا بس الرقم هذا فكونا منه شكرا اخوي بومشنان على اثارة الموضوع المهم وسلم لي على العزبة تقبل تحياتي،، |
مشاركة: الدواسر 502
|
مشاركة: الدواسر 502
هلا والله اخوي ابو مرداس
شئ طيب ان قلة اللي يستعملون هذا الرقم اهم شئ يكون الشباب واعين وشاكر لك مشاركتك العطره |
مشاركة: الدواسر 502
الاخ العزيز عبدالرحمن الشرافي
بيض الله وجهك على فعلك الطيب وعلى اهتمامك بهذا الموضوع ويا ليت يشتهر ستكر خطلان الايدي بدل الرقم وعساك على القوة |
مشاركة: الدواسر 502
اللي اعجبني كلامك وتأييدك
اخوي قرناس وشاكر لك مرورك الكريم |
مشاركة: الدواسر 502
نطلب من ابناء القبيلة الغيورين على اسم قبيلتهم عدم استخدام هذا الرقم وتقدير اسم قبيلته وانهم يحشمونه من ذي الارقام .
يالربع اكثر ما به ألقاب الدواسر ولله الحمد طبوا وتخيروا بس الرقم هذا فكونا منه ++++++++++++++++++++++++++++++++++++++++++++ بيض الله وجهك يا ابو مبارك على كلامك الطيب ونصحك لبني عمك مشاركتك اسعدتني ونورت الصفحه والله يسلمك من كل شر |
مشاركة: الدواسر 502
صادق والله يا ابو عبدالرحمن
الخوف من هذي الارقام تضيع القاب قبيلتنا مع ان المفروض انا نشهرها ونفتخر بها ولك مني كل احترام وتقدير |
مشاركة: الدواسر 502
الغالي سالم الغريري
لاهنت على موضوعك يالقرم وبيض الله وجهك ويليت الشباب يتمسكون بلقب ( خطلان الايدي) تقبل فائق أحترامي أبوجمال الغييثي |
مشاركة: الدواسر 502
كلام اعجبني وبارك الله فيكم يا خطلان الايدي
|
مشاركة: الدواسر 502
ولا انت يا ابو جمال
واسعدتني بمشاركتك الطيبه وعساك على القوة |
مشاركة: الدواسر 502
ابيض وجه يا ابو مشنان جعل عمرك طويل
والله لا يحرمنا منك ولا من المشاكيل شرواك بيض الله وجهك على حرصك على قبيلتك والصراحه انه انتشر هذا القب او الرقم يالربع والله انها سماجه الواحد يعبر عن قبيلته برقم قبيلتنا فيها من الالقاب المشرفه والي نفتخر بها ما يغنينا عن الارقام وغيرها لاهنت يا ابو مشنان يا صاحب القلم الذهبي المفيد |
مشاركة: الدواسر 502
اسعدني مرورك العطر
اخوي الخيال خالص التحيه |
مشاركة: الدواسر 502
اررررررررحب يا ابو سعد
و وجهك ابيض ولا عليك زود يا ذيبان وعزالله انك صادق الدعوة سمجت والله يفكنا من ذا الرقم اللي انتشر بزياده خصوصا عند منطقتك يا ابو سعد واللي حولها |
مشاركة: الدواسر 502
أخي الفاضل:
جزاك الله خيرا على إثارة هذا الموضوع وأنا معك فيما ذهبت إليه ولكن ( بعض ) الشباب يحبون الصرعات الجديدة فتجد أثر ذلك على أشكالهم وملابسهم وكلماتهم وهذا أثر من آثار الإنهزامية النفسية التي ابتلينا بها في هذا العصر وأظن أنهم توجهوا إلى الرقم بسبب سهولة وطريقة كتابته على السيارة أو الحائط أو الكتب ومن يدري يمكن نجده غدا على الملابس شكرا لك مرة أخرى ولتكن هناك حركة جماعية للتنبيه إلى هذا الأمر |
مشاركة: الدواسر 502
صحيح اخوي الكبير ابو عبيد
قد يكون اغلب الشباب يبحث عن الصرعات الجديد ( جعل الله يصرع العدو ) لكن الدور علينا حنا ومن خلال هذا الملتقى ان ندعو الى التمسك بالقيم والعادات الثمينه وننصح بعدم الانسياق خلف الموضات الضائعه والف شكر لك يا ابو عبيد على مداخلتك الرائعه ولك مني كل محبه وتقدير |
مشاركة: الدواسر 502
لاهنت أخوي سالم
وظم صوتي لصوتك الدواسر غنيين عن رقام ماله داعي أحد يترك ألقاب تدل على العزة والطيب ويضع لقبيلة أرقام والله عجيب |
مشاركة: الدواسر 502
ولا انت اخوي الغالي
يحيي الودعاني وشرفني حضورك الكريم خالص التحيه |
مشاركة: الدواسر 502
الغالي ابو مشنان بيض الله وجهك ياالسناافي على هالموضوع الله يعطيك العافيه كفيت ووفيت وجعل يمناك مايجيها العطب ... وأشكر الجميع على التعقيب - جعل عماااركم طويله وأن شاء الله نشوف (خطلان الأيدي) في مواتر الشباب بدال الـ 502 يقول ابن لعبون:
خـطلان الأيدي كالأسود الهزابير =مقابـس للحرب وان شب ناره
لكم كل التحية والتقدير |
مشاركة: الدواسر 502
العزيز الغالي الاشعف
و وجهك ابيض طال عمرك وحمدالله على السلامه مبطين ما شفناك واسعدتني بمشاركتك الكريمه واضافتك الرائعه لبيت القصيد لابن لعبون لك مني كل احترام وتقدير ولا تحرمنا طلتك |
مشاركة: الدواسر 502
السلام عليكم ورحة الله/
اللا لا يهينك على الموضوع يالغريري بس انا بالنسبه لي شعار عادي ولا اعطيه اهتمام كبير لانها فترة شباب وتعدي بالنسبه لي وتقبلوا خالص أحترامي . . . اخوكـــــــــــم/ سالم |
مشاركة: الدواسر 502
وان اضم صوتي لخوي سعد الغريري وانا الصراحه الى من شفت واحد حاط ذا الارقام على موتره اني انقد عليه والله يهدي شبابنا وانا اايد فكرة كتابة القاب وعزاوي الدواسر مثل (خطلان الايدي) واشكرك على طرح المواضيع الهدفة وبيض الله وجهك
|
مشاركة: الدواسر 502
يا مرحبا اخوي سالم الغييثي
انا من اول كنت اقول مثلك يمكنها فترة شباب وتعدي لكن شفت الموضوع زاد وانتشر وصار مشهور اكثر وصار واجب علينا تنبيه الشباب واختيارهم للالقاب الاجمل اسعدتني مشاركتك وتعليقك ولك مني كل موده واحترام |
مشاركة: الدواسر 502
ابن ذيب الودعاني
جعلك والله تسلم على مداخلتك الطيبه وعسى الله يهدي شبابنا خالص التحيه |
مشاركة: الدواسر 502
المشكلة أن بعض المحلات تشجع على ذلك تجد بعض الملصقات مطبوع عليها502
فياليت نستبدل هذا الرمز بكلمة خطلان الايدي لها مدلولها ومعناها اشكرك على موضوعك القيم ياسالم وجعلك سالم من الشر على طول |
مشاركة: الدواسر 502
يا مرحبا اخوي الغمام
هذي معلومه جديده عرفناها منك ( ملصقات تباع في المحلات ) هذا دليل على ان الموضوع كبر وتطور واللي خلى المحلات تسوي ملصقات هو توجه الشباب الى هذا اللقب او الرقم لكن لو غير الشباب هذا الرقم واختاروا خطلان الايدي راح نلقى ملصقات تباع مكتوب عليها خطلان الايدي بيض الله وجهك اخوي الغمام والله لا يهينك على مشاركتك القيمه خالص التحيه |
مشاركة: الدواسر 502
الاخ العزيز (( سالم الغريري )) جزاك الله خيرا لطرحك لهذه الموضوع الطيب ووفقك الله إلى مايحبه ويرضاه تقبل أحلى تحية |
رد: الدواسر 502
جزاك الله كل خير اخوي عبدالله العيسى
ويسعدني حضورك الكريم ومشاركتك العطره الف شكر لك وعساك على القوة |
رد: الدواسر 502
أعتقد فيه طريقه بسيطه لحل هذي المشكله :
أن يتم توزيع استكرات على محلات الزينه ( خطلان الايدي ) وإن شاء الله تتغير فكرة هالرقم يعني مثلاا واحد من اهل الوادي يتكفل ويحط كم استيكر عند محل زينه واذا ركبها واحد الباقيين بيسوون مثله وبيركبونها . ونفسه واحد من اهل الافلاج والسليل والخرج وبكذا ان شاء الله تننتشر . |
رد: الدواسر 502
شكرا اخي [ سالم الغريري ] شكرا على موضوعك وانا ارى بعض الشباب يحطون استكر فيه 502 والدوسري , اما خطلان الايدي ماقد شفتها , بس اسمع ابها والصراحه عجبتني جدا ,,خطلان الايدي,, وتقبل تحياتي ...
|
رد: الدواسر 502
ابو سليط
كلامك اعجبني جدا وهذي هي الفكره الانسب اذا كان الشباب يحبون يلصقون استكارات هذا اللقب افضل من الرقم والله يعطيك العافيه على المشاركه الطيبه |
الساعة الآن 05:49 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
