ياوجودي كل ماهبت نسايم = في طرف ليل"ن" جرح قلبي خشوعه
وجد مليوع"ن" من الفرقى مهايم = ذاكر"ن" عقب البطى لمة ربوعه
ووجد ماشاف اليتيم من الظلايم = ماتوني من مدامعها دموعه
آه من قلب"ن" على ليلاه هايم= كل مانسنس هوى الغربي يلوعه
راح من عمري ثلاثين"ن" صرايم= أتوجدها على الوصل القطوعه
لعنبو دنيا"ن" تواليها حطايم = والله ان نفسي من الدنيا قنوعه
كان نتايجها علي ترجع هزايم=شمت والمقبل قطع سكة رجوعه
ودامها ماوافقت عز"ن" ملايم = يحرم الفنجال ماذقنا قدوعه
يابني عمي موطين الخصايم = يوم كل"ن" يفخر بوقفة جموعه
ماطلبناها رغد عيش وولايم = الفخر والطيب نضماه ونجوعه
خبروا المثبور من جيز البهايم = خيب الله عيشة النفس الدنوعه
ولا ليل الذيب في نحور الخرايم = يلتغف والجوع يطحن في ضلوعه
حطت الدنيا على قلبي وسايم = وشفت فيها كل رجل"ن" ويش نوعه
مارثع فيها وصك الا الهلايم = الخدوش اللي من الهلس مخدوعه
الشحاح اللي ماجابوها غنايم = كل هيس"ن" ما جلبها الا بخضوعه
كيف راحت واخلفت بيض العمايم= العقول المستقيمات البتوعه
والسعادة والهنى مهيب دايم = ولادمي دنياه ماتمشي ابطوعه

المشاركة الأصلية كتبت بواسطة دغش البطي العزيز الغالي عبدالله بن عريمه مرحبا والله ومسهلا بك وبالهديه مدتك سمينه وهديتك ثمينه لاهنت وبيض الله وجهك وجعلك ذخر لبني عمك وصح الله لسانك مليارااااااااااااااااااااااااااااااااااات لقد تشرفت بمعانقة هذه الدره الغالية تقبل ودي وتقديري محب الجميع