السهر والهم وخباث الليالي=والمقيل من الوساوس فالظهيره
والهوى والطيش واللي عاد تالي=والظنون الخايبة عقب الأخيره
والرجال بوقتنا كِنْها جمالي=وفالشدايد كم حمير ٍ مع حميره
والحظوظ الليّ ماجات لكيف بالي=والهواجيس برداها مستخيره
والصعيب من الأمور الإستحالي=وكل شيءٍ ما انقسم لك فيه خيره
والبسيطه بسطت سهل المنالي=ولي طموح اللي بسيطن مايثيره
صدق بأن الكايد اللي مايطالي!=وكم يمنى في مطاولها قصيره؟
والله إنّ ما كاد كايد كود غالي=وعاين [الفصام] وكم يسوى بعيره
ياجماعه.. يارفاقه.. يامعالي=الآفاضل.. كل مرؤوس ومديره
مجتمعنا يضمّ مْتوليّ و والي=والوزير برزّته زرّ بـ‎زئيره
والسمو كل السعادة والرجالي=والعرب والربع في شبه الجزيره
وربي إنّي لا مساقي للثمالي=ولاني من روسن مِدرباها سكيره
لاكحول,, وليّ كاحل,, وإكتحالي=وحرم ماليّ نسبته لوْها في بيره
ولا دهقت الليّ مْطاحه بالخمالي=ولا عليّ من بنت نوف ولاسميره
والله إنيّ ما حليت إلا حلالي=والضمير المبتلى الله يجيره
كلّْ أذنٍ تستمع قول المقالي=ومابطن علاّم به رب السريره
ماخبرته مَرّ حَالي,, مُرّ حْالي=ومن خبرته قال يا حلو المريره
‎ما عليّ من الملامة ولا ابالي=ولا يصح إلا صحيح"مستنيره
حيّ سمن الهرج لاجاله مجالي=وحي زين القول لوْني آستعيره
عندي بيت لجدي اللي من خوالي=ورثي من جدي ولا خال استشيره
((والله إِنَّا ما نحسب للريالي=نجمعه,, ونِّفدّه,, و نجيب غيره))
أشهد إنّه جاب من زين المثالي=وعن كبير القدر,, قادر للكبيره
بيت مِنّه أَتفكّر في خيالي=من حدود المنطق أقصى المستديره
أتحيّر,, وأتسبّر,, مِن خلالي=المعاني,, المنتقات من الجديره
وأتخيّر,, وأتعبّر,, بإختيالي=والحلول تحول.. وتحيل المحيره
من شرايد,, للفرايد,, للجزالي=آأتنقّل فالشعر ديره لديره
والسقّا مسقايّ وجاله عدّْ جَالي=وأنفلج بحرين و آرواني غديره
والهجوس تدوس.. والعلم أستوالي=والفكر / شاطره سيف إبن المغيره
‏ياالتشره في شراهه إشري فالي=العتب,, يكتب,, رتب,, وآتب سيره
ياسؤالي والمشوره ياسوالي=والجواب اللي بذهني مستشيره
والله إِنَّا فالبسيطه بالزوالي=إلاّ وجه الليّ حَمّا الدين ونصيره
وأنا عبدن عند ‏خلاّقي مآلي=وكل عبدن ربي آدرى عن مصيره
والزمان الليّ حداني عن ظلالي=وحظيّ الأقشر كواني في هجيره
أشهد إن حالك يا جدي عدّ حالي=‏شف سميّك ندّ حالك له نظيره
ماجرّآ لك مرّ ياجدي و جرآ لي=وأتضح لي نظرة الجاهل ضريره
والله إني ما تثاقلت الحمالي=لوّ ظهري تَقصّمَّ الشعره بعيره
وحالف إنّيّ لأكرم الضيف بحلالي=وعارف إني للستر آآموت غيره
وداري إني محتمّا / ومزبن لجالي=وخابر إني بسلم ربعي: ريف جيره
فوالله إنِيّ,, ما شحنّي,, قُلّ مالي=‏إن جمعته؟! مْنفدّه.. وجلاّب غيره

المشاركة الأصلية كتبت بواسطة عامر النتيفات (المشاركة 603156) الاخ الشاعر مبارك بن الجوير لاهنت على هذه القصيده الوافيه والمعبره استمتعت بقراءتها التي لا شك انها تفيد المتابع وتشوق المتذوق للشعر ومثل تلك القصائد مطلوب لان الفائده لم تقتصر على قائلها بل الجميع لاهنت اخي وتقبا شكري وتقديري

المشاركة الأصلية كتبت بواسطة عبدالرحمن آل بريك (المشاركة 603199) مبارك بن الجوير : أسمح لي إبدي إعجابي بهذه القصيده . صح لسانك وبإنتظار جديدك .

المشاركة الأصلية كتبت بواسطة محمد بن حمد الشكرة (المشاركة 603204) صح الله لسانك يامبارك على قصيدتك الجزلة وانا اتشرف اني ارد عليك وعز الله ان شاعر تغرف من المحيط وقصيدك جزل وانت ماتجيب الا الجزال ياالقرم تقديري,,,,

المشاركة الأصلية كتبت بواسطة ناصر الفصام (المشاركة 603212) ارررحب يا ابن جوير جزله .. جزله .. جزله وانت بحررر يا ابن جوير جعلني افداااك وقصيده رراائعه وصح لسسانك يا ابن جوووير وبيض الله وجهك

المشاركة الأصلية كتبت بواسطة حسن بن بطحيّه الودعاني (المشاركة 603448) ارحب يامبارك انا بسميك اصمعي هذا الجيل لغزارت ماتكتب وعلى قوة قريحتك الفذه معلقاتك تصعب على الكثير دمت مبدع.. اكيد مادام خوالك الوداعين هههههههههههه.. تقبل مروري ونا خالك..

المشاركة الأصلية كتبت بواسطة نسناس الهوى (المشاركة 603732) عندي بيت لجدي اللي من خوالـي*ورثي من جدي ولا خال استشيـره ((والله إِنَّا مـا نحسـب للريالـي*نجمعه,, ونِّفدّه,, و نجيب غيره)) أشهد إنّه جاب من زيـن المثالـي*وعن كبير القدر,, قـادر للكبيـره مبارك.. صح الله لسآآآآنك ليــن ترضى.. وبيض الله وجهك ع النص.. وجعل جدك في جنات النعيم.. كفيــيت ووفييـــت.. لاعدمناك

المشاركة الأصلية كتبت بواسطة ابو زيد الغييثي (المشاركة 603739) اررررررررررررررررحب تراااااحيب المطر الشاعر المبدع / مبارررررك بن الجوووير ابييييات جــــــزله من رااااس جزل ابيات لها أمتداد سابق عن طريق جدك الذي ذكرته في الابيات نسأل الله ان يديم عليه العافيه أن كان حيا ً ويرحمه و يغفر له أن كانت الآخرى أتمنى منك يا شاعرنا الكبير أن تتحفنا بابيات جدك التي استوحيت منها هذه الدره الراااائعه التي اعجبت بها و قرأتها أكثر من مره لا تحرمنا من جديدك يا مبارك أخوك / ابو زيد

المشاركة الأصلية كتبت بواسطة حفيد المسنحاني (المشاركة 604031) صح الله لسانك يامبارك ولاهنت

المشاركة الأصلية كتبت بواسطة ناصر الشكره (المشاركة 604577) قصيده رائعه صح لسانك وبيض الله وجهك

المشاركة الأصلية كتبت بواسطة عبدالله بن فهد (المشاركة 605111) صح الله لسانك يالقرم ابدعت وامتعت لك اجمل التحايا والف شكر لك على ماخطت أناملك شكر يامبارك

المشاركة الأصلية كتبت بواسطة ابو حسين الدوسري (المشاركة 607855) صح السانك يمبارك واعتلى شانك لك مني خالص الود والتقدير