ليتني ماجيت أنا السوق عصريه= هيْضََتْني ياولد بنت الأجــــوادي
جادلاً عمهوجةً توهــــــــا بنــيـه = من بعدها صرت للسوق ورادي
أتمشى والتـفـت وأدرج شــــويه= وماخذاً السوق سرداد مـــردادي
كــود عـيني تلمح الزين ووخـيه = مثل ذاك اليــوم ياعـــل يـنـعـادي
ثم صدفني مطوعٍ من هل الهيئه = قال أخرج ياولد مالك قـــــعــادي
ويش عندك وش تبي ويش بالنيه= يوم أشوفك تـدّرج مثل الارصادي
قلت له ياشيخ أنا جيت جــبـــريه =وظنتي ياشيخ أني بــعــد غــــادي
جـيـت أدور صاحبي لعنبوا حـيـه = صـاحباً قـفّـى بقلبي وبــــفـــــوادي
صـاحــبي يـذبح ولا فيه مــاويـــه =ذبـحـة الـعـشـاق عـنده وضع عادي
قال آسـف والــعذر والســموحــيه = مــادريت أنك هواوي وتـــو بــادي
الـــهوى يابوك عــــذّب شـــقـاويه = عـــذّب أعمامك وخالك والأجـدادي
وعــذّب اللي ينصحك وادمع عنيه =واحــرمه من فرحته وقت الأعيادي
قلت له عــفواً كــفايــه نــصــاحيه =دامك مـجّـرب وعــارف ومـعــتادي
لكن ابسألك وأرجــوا الـمـعـــذريه = وأرجــوا الـتوجــيه بالهـون والهادي
وين درب أهل الـعـشـق والهواويه = با سلكه ياشيخ والــدرب منـقــــــادي
باسلكه لـعــل خـلي يـجــي لـيــه =(كامل الأوصاف مــركـوز الأنهــادي)
وصـفها نـادر كـمـا وصـف ريميـــــه = ( خـشـف ريـمٍ أتــعــبــت كـل صـيادي)
الـعــيـون وسـاع وبــهـا حــورنـيه =وتـرسـل سـهـومٍ كـمـا سـهم الأمهـادي
شعرها فوق المتن يـشبـه الحيه =أمـتـلــــوي والـبـلى لا منه ســــــــادي
يا صــل الـكـعـبـين ويـزود بشويه= ويــشـبـه بــلــونـه لــهــب نـار وقــادي
والـخصـر نـاحـف ولا فيه مــاريـه=كــود كـــبـر الـردف لا مـنّـه أنــقــادي
هـذي هي الميزات والروح مبليه =في هـوى الـخفـرات أصـبـحت منصادي

المشاركة الأصلية كتبت بواسطة عبدالله الصخيبري السلام عليكم ورحمة الله وبركاته الغالي ابو مبارك لاهنت وصح لسانك وليتهم جودوك اهيئه وسجنوك عشان ماعاد تغازل وبالنسبه ليحيي فانامثله احوليت من الجوع زين جبت الكتابه صح اخوك:عبدالله

المشاركة الأصلية كتبت بواسطة فهد الغريري السلام عليكم ورحمة الله وبركاته الاخ العزيز الغالي والشاعر المجّيد "ابو مبارك المسعري" يشهد الله أني احبك في الله واسأل الله رب العرش العظيم ان يجمعنى في مستقر رحمته وان يضلنا تحت ضله يوم لا ضل الى ضله في ذيك الساعه. ابومبارك يشهد الله انك اعجزتني وكبلتني بعلمك الغانم وفعلك النايف. ابومبارك صح الله السانك وعتلا شانك وزادك الله من مناهل فضله قصيده ذات انسياب في المعاني وطراوه في المنطوق تمتاز بسهولة وعذابة كلماتها بمجرد قراتها تنساب معها وانت لا تعلم الى وانت في نهايتها من جزالت ماتحتويه من شاعر متمكن في قوافيه. ما شاء الله تبارك الله يابومبارك هذي البدايه اسأل الله ان يهنك في عمرك وان يبارك في فكرك واحساسك لكي تتحفنا بما هو جديد من عذب قوافيك ابومبارك اكرر شكري وتقديري واحترامي واعجابي واعتزازي في شخصك الذي اكن له كل الموده ولاحترام. اخوك / ابوراشــد / فهد الغريري,,

المشاركة الأصلية كتبت بواسطة فهد الغريري السلام عليكم ورحمة الله وبركاته الاخ العزيز الغالي والشاعر المجّيد "ابو مبارك المسعري" يشهد الله أني احبك في الله واسأل الله رب العرش العظيم ان يجمعنى في مستقر رحمته وان يضلنا تحت ضله يوم لا ضل الى ضله في ذيك الساعه. ابومبارك يشهد الله انك اعجزتني وكبلتني بعلمك الغانم وفعلك النايف. ابومبارك صح الله السانك وعتلا شانك وزادك الله من مناهل فضله قصيده ذات انسياب في المعاني وطراوه في المنطوق تمتاز بسهولة وعذابة كلماتها بمجرد قراتها تنساب معها وانت لا تعلم الى وانت في نهايتها من جزالت ماتحتويه من شاعر متمكن في قوافيه. ما شاء الله تبارك الله يابومبارك هذي البدايه اسأل الله ان يهنك في عمرك وان يبارك في فكرك واحساسك لكي تتحفنا بما هو جديد من عذب قوافيك ابومبارك اكرر شكري وتقديري واحترامي واعجابي واعتزازي في شخصك الذي اكن له كل الموده ولاحترام. اخوك / ابوراشــد / فهد الغريري,,

الشاعر المبدع (ابومبارك المسعري) صح لسانك وعسى الله أن يغفر لنا ولك ولوالدينا وللمسملين جميعاً في هذا الشهر الفضيل..

بس ما تلاحظ أخوي الغالي إن ما ذاب وقتها... ما خليتها شوي لين يجي العيد

((اللهم إني صائم))