ياهجوسي حضريلي بيوتن منتقاه =ودي اوضح ألعايض وش اللي بخاطري
صاحبي يابو محمد تغير وشبلاه =من سبب صده وجوره أمشيب ناظري
اتحرى دقته بس ماضني طراه =ودارها لو جيت ابيها تكود الكامري
ياوجودي وجد عودن تذكر مبتداه =لاتذكر مامضى له بروضن ماطري
وعذابي كل ماجيت ابسلا عن هــواه =اجرحتني كل نسمة هبوبن عابري
اتخيـل صورته بالـــمنام وبالصـــلاه =وابتليت بحبها يوم حضي عاثري
هي شبيه البدر ليلة تمامه في سماه=وهي مناة العمر والله وسلوت خاطري
له ثـــمانن لاتبسم ورى ذيك الشفاه=تشبه البراق وسط السحاب الحادري
ابنشدك ياصاحبي ودلني وين النجاة =خابرك باخص دروب الهوا وبه خابري
الصبر عندي ترى واصلن اقصى مداه=من ثمان اسنين واكثر وجرحي مابري