|
إهداء إلى قبيلة الدواسر العريقة ( أول مصافحه ) ,.
بسم الله الرحمن الرحيم هذه أول مشاركة لي وتعتبر المصافحه الأولى في هذا الصرح الشامخ وقبلية الدواسر العريقه لها في قلبي مكانة وقدر وقد أبى شعري المتواضع إلا أن يختار إعلان مشاعري من خلاله
أنا براق شعري قمت أخيلة = رزيمة فكري وقافي مسيلة تحدر ماطره من نو جاشي = وموضوع القصيدة في هميلة سلام الله عليكم يالدواسر = من أصغركم ليا كبار القبيلة سلامٍ صادقٍ من قلب صادق = ولا غير الشعر عنده وسيلة تغنى في فعول أولاد زايد = على كل الطروق المستحيلة لهم تاريخ مختوم بجزالة = ولزوم أسوق قافي بالجزيلة أهل طيب وكرم جود وحمية = وأهل وقفات مايوجد مثيلة طوال شبورها سقم الأعادي=كواسر لاعدوا فوق الأصيلة لهم طبع الشجاعة والبتاعة =وتشهد لمعة سيوفٍ صقيلة عراقة طيب وجدود ومبادي= ولامالوا على دروب الرذيلة عليم الله ماقلته مجامل =ولادورت من قولي حصيلة وأنا من قوم له مجد وفعايل= تعلى صيتهم فوق الطويلة طنايا لابتي شمر جدودي =هل الطولات شعري ينحنيلة أقدركم مثل تقدير ربعي =ولاقد تاه من عقلة دليلة كتبت اليوم ماكنة ضميري =وتبقى في نظر عيني قليلة ولكم مني سلامي وإعتذاري=إذا قصرت أو بالقاف ميلة أخوكم الشاعر والإعلامي : طراد السويدي مجلة حول الخليج |
مـــــــــــــرحـــــــبــــــــــا ومـــــــــســـــــــهــــــــلا
|
رد: إهداء إلى قبيلة الدواسر العريقة ( أول مصافحه ) ,.
طراااد السوييدي صح السااانك وحياك الله بين بني عمك وخوانك وانشاءالله سوف نشاهج ابداعااتك فيه
تقبل شكري وتقديري ولد ودعان |
رد: إهداء إلى قبيلة الدواسر العريقة ( أول مصافحه ) ,.
طوال شبورها سقم الأعادي كواسر لاعدوا فوق الأصيلة لهم طبع الشجاعة والبتاعة وتشهد لمعة سيوفٍ صقيلـة طراد السويدي مرحبا والله ومسهلا في محل بني عمك صح لسااانك يالامير على ماقدمت من ابداع وبيض الله وجهك تقبل تحياتي |
رد: إهداء إلى قبيلة الدواسر العريقة ( أول مصافحه ) ,.
|
رد: إهداء إلى قبيلة الدواسر العريقة ( أول مصافحه ) ,.
مليوووووووووون نعم بشمر
صح لسانك على ما ابدعته الله لايهينك تحياااااااااااااااتي |
رد: إهداء إلى قبيلة الدواسر العريقة ( أول مصافحه ) ,.
بيض الله وجهك وصح الله السانك ونعم بك وبربعك
|
رد: إهداء إلى قبيلة الدواسر العريقة ( أول مصافحه ) ,.
ارررحب يا طرااااااد
والله يحييك في محلك وصح الله لسانك يالقرم وبيض الله وجهك وباختصار ... اسمحلي بهذه الابيات الارتجاليه والسموحه على القصووور:
عدد ماهل فالديرة مخيله = الا واهلين بالطيب وعميله لفانا شبل من نسل الطنايا = بجزلات التحايا نبتدي له لانه من قبيلة لو علمتوا = قبيلة عز والسيرة طويلة قبيلة بأختصار اقول فيها = هذه شمر الا نعم قبيلة ولو ننشد تواريخ القبايل = يقول من الكرم " خوذوا" دليله والا يا طراد منت بضيف لكن = من اهل الدار يا راع الاصيلة |
رد: إهداء إلى قبيلة الدواسر العريقة ( أول مصافحه ) ,.
ارحب ارحب يا طراد السويدي الشمري
الكل ترحب بك من ابنا قبيله الدواسر شاعر واعلامي معروف على مستوى الساحه صح لسانك واعتلاء شانك على القصيده الجزله من رجلآ جزل ولا عليكم زود مرحبا بك مره اخرى بين اخوانك |
رد: إهداء إلى قبيلة الدواسر العريقة ( أول مصافحه ) ,.
اقتباس:
صح اللسانك واررررررررررررررررررررررررررررررررررررررررحب وان شاء الله تفيدنا مما يكتب قلمك من سطور الابداع اكيد |
رد: إهداء إلى قبيلة الدواسر العريقة ( أول مصافحه ) ,.
الشاعر والإعلامي طراد السويدي
ارحب ثم ارحب يالسويدي ، الله يحييك ويبقيك في منتدى الدواسر الرسمي وصح لسانك ويشرفنا والله تواجدك بيننا ومدحك للدواسر من طيبك وطيب ربعك يالسنعوسي . |
رد: مـــــــــــــرحـــــــبــــــــــا ومـــــــــســـــــــهــــــــلا
اقتباس:
حياك الله شرفني مرورك الله لايهينك تقبل تحيتي |
رد: إهداء إلى قبيلة الدواسر العريقة ( أول مصافحه ) ,.
اقتباس:
حياك الله شرفني مرورك الف شكر |
رد: إهداء إلى قبيلة الدواسر العريقة ( أول مصافحه ) ,.
الشاعر والإعلامي طراد السويدي
ارحب ثم ارحب يالسويدي ، الله يحييك ويبقيك في منتدى الدواسر الرسمي وصح لسانك ويشرفنا والله تواجدك بيننا .
طنايا لابتي شمر جـدودي =هل الطولات شعري ينحنيلة
والله وسبع انعام بك وبربعك شمر ، الطنايا أهل الكرم والجود ، بيض الله وجهك على القصيدة الجزلة وحياك الله مرة اخرى بين اصدقائك ومحبيك قبيلة الدواسر ، اكرر ترحيبي اخوك : غازي المسعري |
رد: إهداء إلى قبيلة الدواسر العريقة ( أول مصافحه ) ,.
اقتباس:
حياك الله شرفني مرورك الكريم لاخلا ولا عدم تحيتي |
الساعة الآن 10:53 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
