سلام الله عـلـى رمز الـشـهـامـه = على أمـيـرٍ نـوقـف لاحـتـرامـه
أمــيـر نـفـتـخـر به ونـقـتـدي به = سديـد الشور شوره استـقـامـه
حـمـود ابن حـقـطـان ابن آل وثـيله = أمير لا آل رجـبان الـنـشـامـه
يـعـز الـشـايـقـي طـاريك يـاحـمـود = لأنك تاج للـجـود ووســامـه
و انا يوم اتـذكـر آل رجـبـان = لوصلك يوصل الخـافـق هـيـامـه
ويزيد هيام شاعر يوم يذكر = هل الطاله خواله هم عمامه
دواسر لابةٍ والله لابه = بها الـتـاريخ يـفـخـر كل عـامـه
لـنـا الالـقـاب من ربي خـلـقـنـا = إلى ذا اليوم وتبقى للقيامه
مقيدة الجمل قيد الحديدي = في ساحات الوغى يرهب سنامه
جريد ارماحنا تزرق كما البرق = إلى رميت تقل نبل السهامه
لـقـبـنـا من الكـرم خـطـلان الأيدي = ومن يدخل علينا ما يظامه
من اسـمـاء الأسد لـقـبـنـا دوسـر = ولا فـيـنـا ابد رجلٍ هـلامـه
بدا من لاء تـنـفـذ مــاتـثـنى = بها الـرجـال يـاقـو اللـتـزامـه
وعـمـر ابن عـامـر ابن مـلـطـوم = لآل زايد جد والـتـاريـخ شــامـه
مـبـاري الريح و الـقـمـقـام عـمـرُ = مـزيـقـيـاء جابـرٍ كسر العظامه
وجــدُنـا عـامـرٍ ماء الـسـمـاءُ = كـفـوفـه بالـكـرم غـيـث الغمامه
يكفينا فخر مدح اشرف الخلق = عـلـيـه افـضـل صلاة الله وسلامه
وخص الازد بأوصافٍ جميله = امـانـه وجود وللـقـوة عـلامـه
ومن لا لـه أصـل فليلحق الازد = فـهـم اصـل الـعـرب اهل الـزعـامـه
يـمـوت الرجل حـاجـاتـه بصدره = حفظها لم يفضها في كلامه
وعـلـي ابن طـالـب قال عنهم = رجــالٍ مــابـهـم جـبـن و رخـامـه
وجـدنـا الأزد اكـرمـكـم جوارا = جرير قالها و طب السقامه
ومـعـلـقـةٍ لـعـمـرٍ ابن كـلـثـوم = بها العزه و بها علو المقامه
ولنا تـاريـخ مع صــقـر الجـزيـرة = ابـوتـركـي اللي انور باليمامـه
مـوحـدهـا بـشـرع الله وحـنـا = ســيـوف لله ما نـخـشـا مــلامـه
ومن صـقـر لـصـقـر والمملـكـة فوق = لها صيتٍ لها بـالـديـن قـامـه
قبايل اصبحت بأسم الـسـعـودي = قبيلة وهذه من ربي كـرامـه
عـسى الله يحـفـظ بلاد الـشـريـعـة = من الإرهاب و أفكار الظلامه
ويحفظ صـقـرنا صقـر الـعـروبـه = مـلـك عز الـوطن همه ومـرامـه
ويحفـظ عـضـده ســلـطـان ويمينه = وكـفـه للـوطـن درع وحـزامـه
وعلى خير البشر اختم كلامي = عليه افضل صلاة الله وسلامه