|
الشاعر العملاق محمد بن راشد الذيب يرد بقصيدة صوتية لمن اراد ان ينال منه
محمد بن الذيب حينما يتزعم الكلمة والمعنى تخضع له القوافي فتصبح كالسيل الهادر لا يقف امامها عائق ولعل ضعاف النفوس الذي يريدون الوصول على اكتاف المشاهير ارادوا بإفتعال زوبعة في قمقم مارده محمد بن راشد الذيب فلنسمع ما قاله ابو راشد بحق هؤلاء: http://alajman.ws/uploader/pic/Pict0063.jpg استمع الى القصيدة بالضغط على هذا الرابط: http://up.c-ar.net/11/9beaa.rar |
وهذي قصيدة ابن الذيب كتابة عندما رد على قصيدة علي بن فطيس عندما قال : من المعلوم ان عائلة ال فطيس الكرام تبروا من كلام هذا السفيه الذي تعرض لشاعر الكبير محمد بن ذيب حيث قام احد تجار قطر بإغراء ابن فطيس بالمال لهجاء ابن الذيب، وعملوا ال فطيس اجتماع عشاء لابن الذيب في دولة قطر لاعتذار لابن الذيب على ما بدر من هذا السفيه ، ومن المعلوم ان الشيخ تميم ال ثاني بعث الشاعر الكبير محمد بن الذيب الى لندن لتعلم اللغة خلال موسم الصيف الحالي. قال محمد بن الذيب في الرد على الشاعر علي ابن فطيس ، ويخاطب احد شيبان ال فطيس وهو محسن بن فطيس في القصيدة وكان يعده مثل ابيه يرحمه الله حيث قال :
يا كبدي الصبر الغنيمة..وأنـا أخيـش=اقولـها لكـبـدي وكـبـدي معَـيّـه لا هَب ذعذاع الهوا..طيـر يـا ريـش=طعنـة رفيق الجنب..ماهيـب ليّـه يكبر مقامـي فـي عيـون المداغيـش=ويطيـح في عيـن الـردي يا البنيَـه والزمزميّـه مـا تقهـوي المشـاويـش=يقطعـك يـا رزق(ن) ورى الزمزمـيّـه بيت(ن) لأبي محسن بن فطيس كنه ايش!!=كنّـه ترفـاعـي ولــي مقـدريـه بيـت(ن) لعـود(ن) متعبـتـه المطـاريـش=لـو إنهـا بيـن الحـفَـر والحـويّـه عود(ن) على ربعه صدى صوته إشويـش=وعلى قبيلـة ( يـام ) عنـده حميّـه ليتك يِبَه محسن على الواقع تعيـش=وتشوف صُنع أهـل العقـول الرديّـه لـو إنهـا بالطيش..يمدينـي أطيـش=لكـن حـيّ وشيمـة النـاس حـيّـه وانـا حفيد الطيـب وأم العكاريـش=مـا هيـب ولـدَة لاش ولا صلبـيـه أردهـا بوجهـي؟؟ او اردهـا بإيـش=يـكـرم نباي..وتـكـرم الجابـريـه وأنا بني عمي اهـل الهـوش وتهيـش=خوالـي أهـل الوقـفـه الأولـيـه ما هـم بيّـزٍ فـي يديـن الدراويـش=وقصيرهم مـا هـو يعـرف الأذيّـه وأصواتنا يا اهل القلـوب المعاطيـش=تعرف بـدون أسمـاء والنـار حيّـه ماهوب من كثر الحكـي والأشاويـش=مـن كثـرة الترحـيـب والقابلـيـه ودام الجمل عقـب السنيـن المرابيـش=يبْـرك لهـا ويحـنّ مثـل المطـيّـه تكفـون خلوهـا يـا ركابـة الجيـش=تـرى المعقـب شيـخ وأنـا سميّـه ورى الحكومة ما ندور ( بخاشيـش )=ارزاقـنـا بكفوفـنـا الصيـرمـيّـه على الملوك نزوم ونـزوم ونعيـش=تسمعـوا يـا اهـل العقـول الرديّـه |
بسم الله الرحمن الرحيم السلام عليكم ورحمة الله وبركاته الله لايهينك على هذه القصيده يابوحمد الصوتيه والمقروآه وأبن الذيب غني عن التعريف . أما بالنسبه للذين تهويهم المشاكل فإن الله يمهل ولا يهمل وهناك بيت قصيده للشاعر ريكان بن حثلين العجمي ويقول فيه : مانيب طراد الحكايا ولا معي & لثمي خبلان القبايل سدايد |
مرحبا الف بالاخ العزيز قليب الذيب لا هنت على التعقيب والكلام الطيب ما قصرت يا السنافي |
كفو والله ببن الذيب وبوه
ونعم بالعجمان |
الله لايهينك يابو حمد
|
مرحبا الف بالاخ العزيز بن مشخص المسعري لا هنت على التعقيب والكلام الطيب ما قصرت يا السنافي وما عليك زود |
مرحبا الف بالاخ العزيز ابو محمد لا هنت على التعقيب والكلام الطيب ما قصرت يا السنافي |
السلام عليكم ورحمة الله وبركاته
كفوا ببن الذيب وقصيده زين وجزل والله لايهينك على كل حال ولاننسى العجمان الطيبين |
مرحبا الف بالاخ العزيز ناجي الشكري اسعدني مرورك يا السنافي ولا هنت على التعقيب والكلام الطيب. وما عليك زود يا القرم وحنا وياك يا الدواسر مثل الاخ واخيه. |
كفو يابن الذيب
|
مرحبا الف بالاخ العزيز ذياب بن غانم لا هنت على التعقيب والكلام الطيب ما قصرت يا السنافي عندي تعديل على ذا البيت : والصحيح ( والبنيه ) ماهوب ( يا البنيه ) |
اسعد الله اوقاتك اخوي الشامري
يعطيك العافيه على مجهودك الطيب ومحمد بن الذيب شاعر لايختلف عليه اثنين ولكن لدي كلمه وهي ان محمد بن الذيب هو سبب هذه المشاكل وهو اول من بدا في هذه الزعزعه ولا احترم خواله واريد ان اذكرك فالبيت الذي قاله ضمن قصيدته من زحمة الشعار ماني بمهموم اطقع الشعار في كل حاره يعني بالله عليك هذا بيت يقوله شاعر مثل محمد شاعر معروف وله احترامه بين الناس والصراحه ماتوقعت البيت هذا يطلع من محمد بن الذيب ولكن الانسان ليس معصوم من الغلط وكلنا نغلط ولكن العيب ان نستمر بالغلط هذا اللي حبيت اقوله وارجو انك ماتزعل اخوي الشامري هذه وجه نظر وشكرا |
مرحبا الف بالاخ العزيز نادر الحربي لا هنت يا القرم على التعقيب الطيب، ولا طال عمرك مانيب زعلان يا السنافي والله لا يجيب الزعل. بس شف طال عمرك البيت اللي انت ذكرته تراها ما فيها حاجه غلط في مقاييس الشعراء والمطلعين على الشعر الفصيح والنبطي، انا اقولك طال عمرك ، هو في ذا البيت يتحدى الشعار ويهجيهم وهذا موجود في الشعر العربي لشعراء كبار اكبر من بن الذيب امثال جرير والفرزدق والحطيئة والكثير من فحول شعراء العرب مثلا عندك جرير يهجي الشاعر الراعي النميري وهو من قبيلة نمير من هوزان فيقول:
اغض الطرف انك من نمير(ن)= فلا كعبا بلغت ولا كلابا
ذا البيت عدته العرب انه اهجي بيت قالته العرب يعني يقصد جرير انت وش انت يا الراعي النميري ؟!! هذا البيت لو قاله احد من شعراء الساحه الان في احد شعراء القبائل وقال انت وش انت يوم تكلم كانك مثلا من القبيلة الفلانيه او غيرها وتحقيرا لقبيلته اللي هو منها كانت قامت القيامه علشان ذا البيت ، والامثلة واجدة في شعر العرب ولولا فحشها كان ذكرتها لك الان وبيت ابن الذيب هذا نقطه في بحر هجاء شعراء العرب. ولا هنت يا السنافي على الاضافة والتعقيب |
لاهنت اخوي بوحمد على الموضوع وعندي توضيح وهو ان ابن الذيب لم يرسله الشيخ تميم الى لندن لدراسة وهذا غير صحيح. وانما ابن الذيب في لندن مع معازيبه من شيوخ الامارات سافر معهم وبصيف معهم. واوافق الاخ النادر على ابن الذيب اخطأ بحق الشعراء ولكل حصان كبوه وخير الخطائين التوابين. تقبلوا تحياتي،، |
الساعة الآن 08:49 PM
 |
Powered by vBulletin® Copyright ©2000 - 2025, Jelsoft Enterprises Ltd.
---