مع فيصل بن احمد قنصنا جنوب الروس=وطينا بهن جمبـول والعـرّق واللبـه
بدار خلا ماداج فيهـا يكـود عسـوس=عسوس لفيصل قد عطوها لهـم نبـه
على أول نبات العشب ما ناشه اليبوس=قفور عليها صـدّق المـزن منصبـه
مافيها ياكود الريم الأشقح فلو وكنوس=وخطوى اسحم لا خب تهتال من خبـه
وزرقا النحر ثرها جدايد وفيها رمـوس=اجـوال بخـدٍ راعـي الصيـد يطربـه
على صفة جيوب رمعها جديد جمـوس=تبوج الديار وتجحـد الجـرف والطبـه
عليها الرجال الي تدوس المخاطر دوس=قروم العرب واللاش ماهوب يحسب به
ثقال الا جات المواقف خفـاف نفـوس=ولاهوب يمشي بينهـم راعـي السبـه
مع ضف فيصل راعي الجود والناموس=مغيث الهلاكا كاسـب الطيـب بالشبـه
لبس لبسه الظافي من المرجله لبـوس=نداوي حـرار ماكـر الهـون ماربـه
الى حرك التنده عليها الشيوخ جلوس=وتناول رفاعٍ حوله اللذكر ثم ذبه
معاد يغبط صقاره اغنى العرب والروس=بعينه جبال الكون مـا تـازن الجبـه
وأخذ عن عديم يبعد الهم والهاجـوس=ألى داره الصقـار تـاق وذكـر ربـه
مجال الزمل من خاطره دائماً مطموس=مدامه على يمنـاه ولا علـى الشبـه
الا من خذا عنه وتاق ولحقهـا جـوس=تقول بجناحـه شعلـة النـار مشتبـه
ظربها بحد اللافح الي سوات المـوس=وحـول بهـا تحويلـة الدلـو بالغبـه

عليها الرجال الي تدوس المخاطر دوس=قروم العرب واللاش ماهوب يحسب به
ثقال الا جات المواقف خفـاف نفـوس=ولاهوب يمشي بينهـم راعـي السبـه