|
موج البحر يضرب على الجيلان ماتمنعونه=لكن شد وشيل الطنب والدعوه سعوديه ترى راعي المعرفه والقدا ماخابت ظنونه=وليا هدا الهواء ماهب والدعوه سعوديه |
واصلوا ياشعار والدعوه سعودية:)
|
أبو رجب وابن مشنان الله لا يهينكم واصلو وابشرو بالصفوف .... توني متقهوي انا والشايب وماسكين الصف
|
احب الرجال لاوردوا القيفان موزونه=نماريبها بين الملا والدعوة دوسرية وابي العذر على كل بيت تقرونه=مانيب شاعر مير الدعوة سعودية لاهنتوا يالربع ابو رجب وابن مشنان واصلوا |
الله لا يهينكم واصلو ,الليل شب والدعوة سعودية.
|
احب الرجال لاوردوا القيفان موزونه=نماريبها بين الملا والدعوة دوسرية
وابي العذر على كل بيـت تقرونـه=مانيب شاعر مير الدعـوة سعوديـة عشت يابو محمد صح السانك والله منت بسهل ماشاالله عليك |
تركي الودعاني , محمد الغريري , العماني , و ابو محمد الودعاني ..
الله لا يهينكم و بيض الله وجيهكم على الحضور و الصفوف الطيبه .. عبد الرحمن ,, مادام ان الشايب قريب سلم لنا عليه و حب خشمه .. لا هنتوا و لا عدمناكم يالنشامى ..... ابو رجب ,, يالمنعور ... اســـــتلم طال عمرك ....
دوم الجبل ثابت و لا هزت امواجك ركونه =لا هي بطيب و لا هي غصب و الدعوه سعوديه العايل اطوي صفحته مثل ما يطوي شنونه = و الذيب ما يهاب الضب و الدعوه سعوديه |
الله لايهينكم .......
دوم الجبل ثابت و لا هزت امواجـك ركونـه لا هي بطيب و لا هي غصب و الدعوه سعوديه العايل اطوي صفحته مثل مـا يطـوي شنونـه و الذيب ما يهاب الضب و الدعـوه سعوديـه |
اخوي تركي
صح ابدنك ومشكور على ردك الطيب لاهنت |
صح الله السنتكم ياشعار ولاهنتوا يالصفوف وحطو لي محل بينكم تراني احب النص (ولو اني قصير) لاهنتو جميع |
نسيت اقول صح الله لسانك يا ابومحمد صح الله لسانك واسمح لي تراني ملتهي فالصف انا قصير وجيت بين طوال (مشعو جنبي مير الله يعين) |
لاهنتو يامال العافيه
خلوووووووووووووووووها وش رايكم رديه الا الدحي 0 |
الحر صح ابدنك
:D ماعاش من لايحطلك محل في الصفوف محلك فوق الراس وبعدين القصر مهوب عيب وناخوك راكان بن حثلين كان فارس وقصير
كم قصير(ن) زحول الرجال يهابونه=امثال راكان في العلوم الاولية والفتى بالمخابر علمه يصونه=شرواك يالحر والدعوة سعودية عذرا على المداخلة واصلوا ياربعنا ابورجب ابن مشنان |
العماني + عبدالرحمن + ابومحمد الودعاني + راشد النتيفات + فهد بن بتال + تركي الودعاني + الحر= مرحبابكم ياطيور السعد والدعوه سعوديه
ارررررررررررررحبواااااااااااااااااا |
استلم يالشاعر فراج اااااااااااااااااااااااااااا
اليا نقضنا الحبل ياابوزيد ماتفتلونه = كلام الصدق ماهو كذب والدعوه سعوديه الاياجربوع الخلا والقلب زادت شطونه = اهيب منكم اهب والدعوه سعوديه |
الساعة الآن 12:54 PM
 |
Powered by vBulletin® Copyright ©2000 - 2025, Jelsoft Enterprises Ltd.
---