|
اقتباس:
النادره |
لاهنتي اختي النادره
والله يعطيك العافيه على تميزك ودقتك في الطرح وهناك بعض الأسماء تتكرر وأصلها واحد مثل السدارى البدارين منهم أسرة في عنك يتسمون بالخالدي وأصلهم دواسر ولازالوا يقولون انهم دواسر ولكن من عشرات أو مئات السنين انتقلوا للشرقية وعاشوا مع الخوالد وربما بعضهم لم يغير المسمى في البطاقه يعني هناك قبائل لو بحث في جذورها لوجد أنها ترجع للقبيلة الأصل ولايوجد اسم مماثل لاسمها في تلك القبيلة وذكر حمد الجاسر في كتابه: العمري من أهل البكيرية من العمور ، من بني خالد ، واحدهم عمري قال الشيخ محمد العبودي : أصلهم من الدواسر الذين لحقوا ببني خالد فأصبحوا يعدون منهم ولايعرفون إلابذلك تحياتي لك |
الــــعـــــجــــــالـــــــيــــــن : (الدواسر)
العجلان: (الهواجر) منهم الشاعر/فالح العجلان.... العـــــجلان: (عــــنزة) وغيرهم كثير........................................ |
لاهنتي اختي النادرة على الموضوع القيم
ال ابو زمام من الدواسر كذلك هناك ال ابو زمام من يام |
مشكورين الأخوة الأعضاء على المعلومات الهامه اللي قدمتوها لنا ,
وماقصرتوا,,,, تحياتي ,,,, ** الشرافي ** |
تسلمين يالنادره والله لايهينش
وفيه ايضا ال عاطف من قحطان وال عاطف من يام |
يا هلا ومرحبا بك ياليامي والله لا يهنيك ... شرفت محلنا وأسعدني مرورك ...
النادره |
اقتباس:
بالنسبه للفخذ اللي من سبيع فأرجوا المعذره هو ماهوب الجملين هو الجمالين و مفرده جملاني الله يعطيك العافيه |
اقتباس:
وثانياً : حبيت اني اعقب على بعض ماذكره الأخوان اذا سمحتولي ذكر بعض الأخوان ان البريك من شمر يرجعون الى بريك الدواسر وهذا غير صحيح والصحيح انه لا يوجد علاقه بينهم ولكن هذا خطأ وقع فيه السديري رحمه الله في كتابه وهذا هو الصحيح ثالثاً: يوجد الكثير من يقول ان الغياثات او الغيثات من الدواسر هم اساساً من الغييثه من شمر وهذاالكلام سمعته من كبار الغيثه رابعاً: احب اضيف اسماء فخوذ قبائل متشابهه مثل الجربا شيوخ شمر الجربا حاظره بالرياض السحمه من حرب السحمه من بلي السحمان من البريك من شمر وكلهم ينطوقون السحيمي الطواله من شيوخ الأسلم من شمر الطواله حاظره بالزلفي هذا واكرر شكري لك اختي الكريمه |
اقتباس:
الاخ العزيز الشمري اول شي حياك الله مرحبا ومسهلا فيك ولكن الله يهديني ويهديك الغييثات معروفين ونسبهم صريح هم في صهيب في زايد ومعروف ان صهيب هو اكثر اقسام الدواسر ويرجعون في زايد وانت تعرف ان الدواسر قسمين زايد وتغلب وش لون يصيرون شمامره كلام لا يدخل العقل مع كامل احترامي وتقديري لك ولـ من اعطاك المعلومه والغييثات يااخي العزيز مافيهم كلام دواسر اصلا وفصلا ولا هم في شمر ولا اقول في شمر الا ونعم من اكبر القبايل وتاريخهم مشرف وابيض لكن هذا يا اخي نسب وحنا ادرا بنسبهم في زايد ولا يرجعون في شمر بشي و اعطيك كلام موثق يا الشمري ارجع لكتاب البسام وتلقاه ذاكر وقعاتهم وحاط تاريخ معركه لهم ويرجع تاريخ المعركه في سنة 999 هجريه 1590 ميلاديه يعني اكثر من خمس مية سنه وذاكر ان الوقعه الغييثات الدواسر وقصايد شعرا الغييثات واجد وتثبت صراحه نسبهم في زايد الدواسر وهذا يا اخي كلام جديد ولا سمعناه الا تو وحنا ادرا بنسبنا والناس مؤتمنون بانسابهم لكن انت يمكن اشتبه عليك اسم وما جبت شي يثبت او شي تستدل عليه واحط لك قصيدة الامير عامر بن بدران امير الدواسر في عهده ويذكر الغييثات صراحتا انهم في صهيب في زايد وانت تعرف ان زايد هم اساس الدواسر وتغلب وصار لها اكثر من خمس مية سنه ذا القصيده
يقول ابـن بـدران مسقـي حريبـه = مـرٍ علـى كبـده تزايـد وقـايـده يقـول ابـن بـدران مقـدي مثايلـه = مثايلـه فيـهـا قـريـع وعـايـدة كـب ( الغييثـي * ) وخلهـم= ترى حربهم مـا ينلقـي منـه فايـدة يزيد الفتى الرجال في مطلـب العـلا = لا طـرد هـزلات المعانـي بزايـدة مجاهيل حرب من ( صهيب بـن زايـد )= لا اشتـد مجهـود تلـقـوا لكـايـده * الغييثي مفرد لجمع الغييثات او على قولتك غياثات وهذي ابيات من قصيده للشاعر بن ظافر الودعاني وشوف الابيات اللي بين الاقواس
وان كبرت القالة وجت بالحما =يـاذيب عـوي قـاد الذيـب عـواه من كان في (زايد )وفـا بالوعايـد=لبـي نـدا الـداعـي لادعــاه من كل فج جا وصوب الـوادي =مـع كـل شيـخ لابتـه تتـلاه جينا كما بحر الى هاج والتطـم =مايشـرب الظميـان بـارد مـاه ودعانـي ورجبانـي وعمـاري =والمسعري خوض الحروب مناه وآلاد حسن والمخاريـم درعنـا =مركاظهـم والله مــا ننـسـاه وان جا (الغييثي) في مقاديم سرية=تكبـر علـي عـدونـا بـلـواه وما فشل جمع فيه لاد الحبيبـي =مـن كـل حـر طيـب مجنـاه وعمور لامن صك حاجب حاجب =اروا حمهـم يـوم اللقـا مهـداه ولاد الحريجي ويل من بنحوره =مضربة قضا تعطي الخصيم دواه ومن كان في تغلب الى سمع الندا=جانا وسيف الزيـر فـي يمنـاه ترسي رواسينـا وتفعـل يدينـا= وان صك جمع جمـع حطمنـاه حنا حماة الدار والجار والوطـن =كـم عايـل بالسيـف طوعنـاه واحط ابيات العجمي يوم زبنوه الغييثات وهذي المعركه صار لها مئات السنين يقول فيهم
وزبنت علـى لمَـا رجـال (آل زايـد )=طـوال القنـا للحاربيـن إعـسـاف وعسى الله يحي لـي ديـار (آل زايـد) =وعسى دارهم عقب الربيـع إتصـاف اظن كلامي والقصايد كلها واضحه وارجو منك تحري الدقه لان هذا موضوع لايصلح فيه اجتهاد فقط بل يكون بادله وتوثيق والسلام ختام |
مشكور اخوي الشكري
واما عن الغييثات طبعاً انتم ادرى مني بنسبكم وانا نقلت ماسمعته من كبار الغيثه وحبيت اني اطرح ماسمعته في منتداكم المحترم لكي اعرف هل صحيح ماسمعته ام خطأ واكرر شكري لك اخي الكريم على الإجابه الوافيه |
يا مرحبا والله بالشمري و حياك الله في منتدى الجميع منتدى قبيلة الدواسر
أما بالنسبة من رجوع نسب ال بريك إلى الدواسر او لا ال بريك الذين يعيشون مع شمر الأن هم من الدواسر من ال بريك ما فيها شكة لأحد وقد تقابل أحد ال بريك الذين مع شمر مع أحد شيبان الجماعة عند السديري في مجلسة و قد سئل من أي القبائل من الدواسر و قال من ال بريك و سئل أيضاً من أي ال بريك و قال لا أعرف يقول شيبانا قالوا لنا أنتم من ال بريك الدواسر و لا نعرف أي من ال بريك و نزوحهم إلى شمر من قديم الزمان و تحالفوا مع الجرباء و صارت بينهم أكثر من مودة و أخوة و صاروا حروبهم و سلمهم سووا . هذا و الله أعلم . تقبل خالص تقديري / مترك المسعري .... |
اخوي مترك المسعري
مساك الله بالخير اما عن كلامك ان البريك يرجعون الى الدواسر فهذا الكلام اخي العزيز غير صحيح واحب انك تعرف اني انا من البريك ولم اسمع ولو مره اننا نرجع للدواسر وبعد صدور كتاب السديري قام كبار البريك بمناقشة السديري بالخطأ الذي وقع فيه وايضاح له الحقيقه وهي ان البريك من شمر ويختلفون عن ال بريك الدواسر ولكن على كلام شيبانا ان جد البريك اللي هو خميس خواله من الدواسر وهذا مايؤكده شيبانا حول علاقة البريك بالدواسر اما عن كلامك اخي الكريم ان البريك تحالفوا مع الجربا احب افيدك اخوي ان البريك والجربا والهضبه والعليان كلهم من الخرصه من شمر وهم اولاد سيف بن منبه بن زايد بن زوبع بن محمد الحارث وسيف له اربعة اولاد خميس: ومنه البريك علي: ومنه الجربا عليان: ومنه العليان معلا: ومنه الهضبه يعني البريك والجربا هم عيال عم ومن نسل رجل واحد وهذا للإفاده والتوضيح واخيراً اتمنى اني وضحت لك اخي الكريم هذا اللبس وتقبل تحياتي |
مداخله ياشباب الله لايهينكم
الشمري نت ارحب واسهل وحياك الله في منتدى الجميع منتدى قبيله الدواسر اما عن البريك اللي في شمر فنحن نعلم وشي معروف ان ناس من البريك الدواسر نزحوا صوب شمر والدليل على كلامي ان هايس القعيط البريك الدواسر معهم وجلسوا مع شمر وكان هايس القعيط شيخ معهم وهو قايد المعركه التي بين شمر وعنزه التي قتل فيها عيال الشيخ سعدون العواجي عقاب وحجاب واللي قتلهم الشيخ هايس القعيط وللقصه قصايد عديده لاتحضرني الان ولكن على من يحفظها ان يكتبها هنا للفائده وانا سوف ابحث عنها. ومارثته شيوخ في شمر الى الان. صعوط المجانين |
ياهلا وسهلا فيك اخوي صعوط المجانين
يااخي الكريم انا من البريك و غير صحيح ماذكرت اخي الكريم لم ينزح احد من الدواسر الى شمر وهو فقط تشابه بالأسماء لاغير واما عن الشيخ هايس القعيط هذا شيخنا وانا وضحت ان السديري رحمه الله قد اخطأ بنسب الشيخ هايس الى الدواسر وقد ناقشه كبار البريك واعتذر السديري عن خطئه وللعلم ان هايس القعيط هو من السعدي من البريك وابن سعدي هو من كبار عوارف شمر وطبعاً وسبعة انعام بالدواسر وكل واحد يتشرف انه يكون ينتسب لها ولكن هذي الحقيقه والناس مؤتمنون على انسابهم وانا ذكرت ان جد البريك هو خميس وخوال خميس هم الدواسر وخميس اخ لعلي جد الجربا وعليان جد العليان ومعلا جد الهضبه وكلهم يقال لهم الخرصه وواحدهم يسمى الخريصي وطبعاً مستحيل ان يكون الجربا والعليان والهضبه من الدواسر فكيف يكون البريك من الدواسر وعيال عمهم من شمر وهم عيال رجل واحد اما عن القصائد التي قيلت بالشيخ هايس فهي كثيره واذا اردت اخي ان اوردها لك انا حاظر |
الساعة الآن 01:05 PM
 |
Powered by vBulletin® Copyright ©2000 - 2025, Jelsoft Enterprises Ltd.
---