المشاركة الأصلية كتبت بواسطة صالح الجعيدي محب الجميع الغالي : أبومحمد صح لسانك على هذه القصيده الجزله، ولا هنت يالغالي مهما قلت ومهما كتبت فلن أوفيك بالكلام ولابالكتابة حقك فأنت منهل شعري يروي الكبود من الشعر النادر والجزل و نبارك للأخ/نايف بن مسرع ونتمنى له التوفيق، تمنيت أن كنت معكم ولكن ظروف العمل تحكمني دائماً. تقبل تحياتي يامحب الجميع ومحبوبهم ولاتبطي بجديدك ؛؛؛ أخوك/ صالح الجعيدي

المشاركة الأصلية كتبت بواسطة أباسليمان الودعاني الاخ العزيز والموقر دغش البطي(ابو محمد-محب الجميع) صح الله السانك واعتلا شانك على الجزلة الوافية المهداه لابو مسرع وهي من كريم الى مستحق ويستاهل ابو مسرع والله يوفقه ويبني بيته ويرزقه الذرية الصالحة وجعل يمناك مايجيها العطب ياكحيلان

المشاركة الأصلية كتبت بواسطة ابن وتيد على دعوة حليف الجود نايف بأبذل المجهـود=عسانا عند إبن مسرع نُجود ونكسب إعجابـه جيتك يا ابو محمد بحد ذاتها مكسب وشرف من الدمام حثيت الركايـب والزمـن محـدود=شفوقٍ خاطري في طرقتـي لمواجـه أحبابـه الله لا يهينك وبيض الله وجهك على قبول الدعوه والحضور مساعرةٍ تُضد الضد لامـن قادهـا المقـرود=عزاويهم تروََع خصمهـم ويضَيـع إحسابـه ماعليكم زود يالغياثات انتم اهل الطيب وساسه وأختم اللي بديته يالنشامـى كاسبيـن الجـود=عسى ربـي يُوفـق مـن تـزوج ويتهنابـه امين الله يوفق ابو عبدالمحسن في زواجه الشاعر الكبير شاعر المنتدى/دغش البطي صح لسانك يالقرم مليووووووووووووووووووووووووووووووووون على هذه القصيده الجزله بكل مافيها بيض الله وجه من تعنى ولبى دعوه رفيقه ولاهمه لا زمان ولا مكان والله اتمنى اني كنت من الحاضرين لنبارك لابو عبدالمحسن ونشاركه فرحه ونستمع لشاعر المنتدى ابو محمد وقصائده الرائعه التي تجذب المستمعين اليها الله لا يهينك يا ابو محمد ويبيض وجهك على الحضور والقصيده الجزله لك كل الشكر وفائق الاحترام من اخوك ومغليك/ابن وتيد المسعري

المشاركة الأصلية كتبت بواسطة مسفر المصارير الأخ الغالي والشاعر النادر : أبو محمد صح الله ألسانك ملاييييييييين قصيده جزله من شاعرٍ جزل بماذا اعبر وماذا أكتب مهما كتبنا فلا يوفيك حقك تعجز الكلامات با التعبير عن مثلك وشرواك فأنت شاعر مبدع و الابداع ليس بغريبٍ عليك والله لا يهينك على ها المشاركة الطيبة وهي في ناسٍ يستاهلون كل علمٍ غانم جعل شيبالنك في الجنه يا دغش تقبل تحياتي أخوك : مسفر المصارير

المشاركة الأصلية كتبت بواسطة تركي ال فنيس الأخ الغالي : أبو محمد صح الله ألسانك ملاييييييييين قصيده جزله من شاعرٍ جزل بماذا اعبر وماذا أكتب مهما كتبنا فلا يوفيك حقك وهي من كريم الى مستحق ويستاهل ابو مسرع والله يوفقه

المشاركة الأصلية كتبت بواسطة هايف العماني اخوي الغالي ابومحمد اطال الله بعمره صح الله لسانك مدد لا عدد على هذه الرائعه والذي تشرفت بسماعها منك اثناء حفل زواج اخونا العزيز نايف بن مسرع عسى الله يجعل ايامه وايامك مسرات وافراح وشهادتنا فيك يابومحمد مجروحه فمهما قلنا فلن نوفيك حقك سواء في حميتك على قبيلتك او على طيبك ومرجلتك او على كرمك وشهامتك او على شعرك وقصيدك فانت جمعت الطيب كله يابومحمد ولاهوب غريب عليك ياعريب الجد والخالي. تقبل تحياتي،، اخوك هايف العماني

المشاركة الأصلية كتبت بواسطة ابو عبدالمحسن المسعري الأخ العزيز والشاعر القدير: دغش البطي أولاً:- صح لسانك على هذه القصيدة الوافية يابو محمد وثانياً:- بيّض الله وجهك بياضن تستحقه على حضورك حفل بني عمك وعلى إجابة الدعوة وتحمل السفر من المنطقة الشرقية لمحافظة الخرج وعلى الأمسية الشعرية التي أقمتها بمشاركة الشاعرين الكبيرين محمد بن محسن بن حشفل الخضراني ومعيوف بن مبارك بن معيوف المسعري. والتي كانت بحق امسية ناجحة ومازال صداها وصدى ذكر الطيبين شرواك في المجالس حتى الآن وهذا ليس غريب عليك يابو محمد وأنت من كل العلوم الطيبة قريب. مرة أخرى صح لسانك وبيض الله وجهك ولك الود والتقدير ،،،

المشاركة الأصلية كتبت بواسطة رعاد الأخ العزيز والشاعر القدير: دغش البطي صح لسانك على هذه القصيدة الوافية يابو محمد وبيض الله وجهك ،،،

المشاركة الأصلية كتبت بواسطة فيصل بن جزاء صح اللسانك يادغش مدد ماهوب عدد قصيدة جزله ياابومحمد ويستاهل نايف بن مسرع ونبارك له الزواج والله يوفقه تقبل تقديري واحترامي ياهرم الشعر

سلام الله عليكم عد ماذعـذع هبـوب النـود=سلام الدين والأسـلام قبـل الشعـر نبدابـه
سلامٍ كالعسل في مطعمه وأصفى من القرهود=سـلامٍ صافـيٍ مـن خاطـرٍ قـام وتغنابـه
يعم أهل الوفاء وأهل المراجل كاسبين الفـود=عزيزين النفوس اللي لهم قدر ولهـم جابـه
يقوله شاعرٍ مايجهل المنطـوق والمقصـود=على سلم العوارف والمعرفـه رتََـب إكتابـه
على دعوة حليف الجود نايف بأبذل المجهود=عسانا عند إبن مسرع نُجود ونكسب إعجابـه
من الدمام حثيت الركايب والزمن محدود=شفوقٍ خاطري في طرقتي لمواجه أحبابـه
بغيت مشاركتكم في الفرح ياكاسبيـن الجـود=عسى ربـي يُوفـق مـن تـزوج ويتهنابـه
وعساكم ياأهل الفعل المشَرََف والفخر في زود=وعسى درب السعادة صوبكم ماينقفـل بابـه
وعساك العز ياحفلٍ على سآس الشرف مـشدود=يُحاضونه رجـالٍ للوفـاء والجود كسَابـه
رجالٍ تكسب المجد العـلا وأفعالهـا سنـود=مداغيشٍ تحوش الطايلـة والطيـب تشقابـه
رجالٍ في المواقف سِلْمها ماتقـرب المنقـود=شغاميـمٍ الرجال اللي لغالـي الـروح جـلاَبـه
فعايلهم تنومـس ربعهـم وتُزعـل الحسـود=من الوقت القديم اللي مضى والطيب تحضابـه
بني عمي سند رآسي ليا من صك عود بعود=وإليا منََه كشـر وجـه الزمـان ودار دولابـه
سلايل لابةٍ تنشـاف لامـن قـوَس البـارود=مواقفهم نهار الحرب بين النـاس يدرابـه
مساعرةٍ تُضد الضـد لامـن قادهـا المقـرود=عزاويهم تروََع خصمهـم ويضَيـع إحسابـه
هل الوقفات والفزعات لامـن دبَـر الشـرود=هل الصولات والجولات يـوم النـار شبَابـه
مُتيهة العشاير للطرف يوم البـرى مـردود=دبشهم كل ماطاح الحياء في القفـر يرعَابـه
عيال صهيب إبن زايد أُسودٍ في اللقاء وفهود=عطيبين الضرايب قاضبين المـدح بنصابـه
وحنا اليوم ننعم في بلدنـا والرخـاء ماجـود=تحت حُكم الزعيم اللي حكمنـا وإرتضينابـه
زعيم العدل والأحسان والكف الصخى الممدود=زعيم الدار وأهل الدار والأسـلام وأعرابـه
أبو متعب زعيم الطايلات اللي عليها شهـود=توشَح بالعلوم اللي تنومس وأتعـب إركَابـه
عذاب المعتدين ومزبن المحتـاج والمظهـود=حكيم الرآي والمنطوق نجـمٍ فـوق حرََابـه
عسى أيامه طويله بالمعزه والفـرح وسعـود=وعساه بخيـر والصحـة ترفَـل دوم بثيَابـه
ولاننسى ولي العهد لاجـارت علينـا السـود=لنـا سـدٍ منيـعٍ مـن الأعـادي ونتذرابـه
أبو خالد صديق المجد كسََاب الثناء المعهـود=مواقيفـه تشرفنـا ودرب الخيـر يسعـابـه
وعسى ربي يحفظ الديرة اللي بالوفاء تُجـود=ديارٍ تحت حكم الشـرع والتوحيـد وكتابـه
وشعبٍ لأجل حب الدار والأسلام صار جنـود=تحت رهن الأشـارة لادعتنـا الـدار ثلاَبـه
وأبختم مابديته يالنشامـى كاسبيـن الجـود=عسى ربـي يُوفـق مـن تـزوج ويتهنابـه

المشاركة الأصلية كتبت بواسطة مهدي الحبابي أخوي دغش البطي صح لسانك وسلم راسك جزله ورايعه بروعة حضورك لك فااائق احترامي وتقديري

المشاركة الأصلية كتبت بواسطة محمد الغريري دغش البطي شاعر الدواسر ومحبوب الجميع لقد اجمعنا على محبتك يابو محمد و اجمعنا على اعجابنا بقصيدك و على جزالة مفردات القصيدة ومعانيها .. ومما يزيّن القصيدة بأنها قد قيلت في حفل زواج الأخ العزيز " نايف بن مسرع " فهو يستحق العناء وتحمل مشاق السفر فمن كريم الى مستحق .. والقصيدة ذهبت لمن يستحقها فعلاً لا قولاً .. تقبل تحياتي .. اخوك في الله محمد الغريري