|
رد: اكتب اسم شاعر واللي بعدك يكتب قصيده له
|
رد: اكتب اسم شاعر واللي بعدك يكتب قصيده له
الاخت نجديه هذه قصيدة الشاعر طلال الرشيد رحمه الله
ياصغيـر مايكبـرنـي لـقـب=ومايصغرني اذا انكرني صغيـر ماخذينا الصيت من جمع الذهـب=ولانسابه شيخ او قربـة وزيـر كاسبينه من اهل السيف الحـدب=الجنايـز كـان ماجـاك النذيـر صيتهم نجم علـى راسـه ذهـب=سمعوا الصقهان به وأجهر ضرير بالوفاء تاريخ أبيـض ينتصـب=لاحكوا بالحـق حييـن الضميـر ضيغمـي للسناعيـس أنتـسـب=لابه طلنـا بهـا عـرش كبيـر عند حدك ياكثيـر الهـرج تـب=ولاتمر النـار وثيابـك حريـر كـان لـك عـز بذلـي فتعقـب=والله الا تبطي وحبلـك قصيـر احسب انك من صناديـد العـرب=واثر ساترتك عباتـك ياغريـر ماحسب لسـوس زراع القصـب=والقراده مـادرى عنهـا البعيـر ولو حسبنـا للحسايـف والتعـب=مابذرنـا يالعصافيـر الشعـيـر عن هلك ابرا الـى الله واحتسـب=الرجال اللـي مجاراهـم عسيـر من قريش المصطفى وابو لهـب=والدغالب ماغشت عذب الغديـر للرجال مـن الرجاجيـل العتـب=والزكاه تحل فـي حـال الفقيـر لعن ابو وقت غدينا بـه حطـب=تحرقـه نـار يثورهـا أجـيـر ما الومك ذا الزمن سوى العجـب=هو بقى غير الكرامه بالجفيـر؟؟ مـا أذل وراسـي يشـم المهـب=لوبقى من شمـر طفـل غريـر وما أهاب ولا يزلزلني غضـب=الشجاعه ورث والعاقـل غزيـر ياصغـيـر مايكـبـر بالـقـب=غير مـن كـان دونـه صغيـر الشاعر المطلوب " الشاعر " خالد المريخي " |
رد: اكتب اسم شاعر واللي بعدك يكتب قصيده له
هلا فيك أخوي فيصل
قصيدة الشاعر خالد المريخي بين يديك ذا بلا بوك يا ناس خلوني معه واتركوني..........محد معوضني غيابه إلا غاب أغليه بس شلون لا تسألوني..........الحب من ربي يجي له أسباب شوفوة بعيوني قبل تعذلوني..........أنا حبيبي سيد تلعات الأرقاب ما فيه مثله بالبشرصدقوني...........مزيون متواضع وطيب وجذاب يقول بس الزين فيني عيوني.........وأقول أنا ذا بلا بوك يا عقاب الشاعر المطلوب****حامد زيد ****شاعري المفضل |
رد: اكتب اسم شاعر واللي بعدك يكتب قصيده له
قصيدتي زاد بعيوني جمالها =واخذت أنقي بالمعانيي جزالها واكتب معانيها من الشوق والغلا =لأمي وأنا اصغر شاعر ٍمن عيالها كتبتها في غربتي يوم رحلتي =لما طرالي بالسفر ماطرالها امي وانا بوصف لها زود حبها =وان ماحكيت لها قصيدي حكالها امي لها بالقلب والجوف منزله =مكانة ماكل محبوب نالها اقرب من ظلالي وانا وسط غربتي =وانا تراي اقرب لها من ظلالها ماشافت اعيوني من الناس غيرها =ولا خلق رب الخلايق مثالها اغلا بشر في جملة الناس كلهم =واكرم من ايدين المزون وهمالها اتبع رضاها ورتجي زود قربها =واللي طلبته من حياتي وصالها الصدق مرساها والاشواق بحرها =والعطف واحساس الغلا راس مالها اهيم فيها وابتسم يوم قلبها =يسأل وانا قلبي يجاوب سؤالها وان اطلبتني شي فزيت مندفع =اموت أنا واحمل تعبها بدالها واصبر على الدنيا والاحزان والتعب =واحمل على متني فطاحل iجبالها واسهر اعذب راحة القلب بالشقا =واعيش اعاني بس يرتاح بالها تربية ابوي اللي على الطيب بذكرة =اللي وهبني الحياه ومجالها نور لي ادروبي وانا طفل مبتدي =حتى تركني واحد من رجالها الوالدين اولى بالاحسان لجلهم =وأولى بتكريم النفوس وعدلها اقولها وانا على الله متكل =والله عليم بقدرتي واحتمالها ياكلمة اغلى من الناس كلهم =ياشمس بقلبي بعيد زوالها يافرحة تملي لي الكون باكمله =ياشجرة تكبر ويكبر ظلالها تضحك لي الدنيا ليا شفت زولها =مثل السما تزها بطلة هلالها والبعد عنها ياهل العرف ماقدره =لاشك ناري زايدة بشتعالها ماعيش ببلاد ولاهيب بأرضاها =ولابي عيوني كان ماهي قبالها أرض ٍ تدوس امي بالاقدام رملها =اموت فيها واندفن في رمالها المطلوب الشاعر بن لعبون |
رد: اكتب اسم شاعر واللي بعدك يكتب قصيده له
هاك قصيدة بن لعبون
من قصائدة: الشاعر المطلوب ( خالد مدعث ) |
رد: اكتب اسم شاعر واللي بعدك يكتب قصيده له
قصيدة يا ضلع للشاعر خالد بن مدعث الدوسري
يا ضلـع جعـل الغيـث يسقيـك نـوه=مـن مـزنـةٍ غــرا مطـرهـا رهــاواه ضــلــعٍ اذا زاد الــدهــر زاد قــــوه=ما جـاه مـن طـول الليالـي رخـاواه ضلـعٍ اذا سقـت الـقـدم فــي عـلـوه=جلست لي فـي مجلـسٍ لـه طـراواه عقب البطـى شوفـة فياضـه وجـوه=يبعـد عـن القلـب الشقـي الشقـاواه بـيـنـي وبـيـنـه خـــوةٍ وأي خـــوه=خـوة قسـا مـاهـي بـخـوة فـضـاواه أليا انزعجـت مـن الزمـان المشـوه=لقـيـت فــي عـالـي نـبـاه الـهـداواه وان بـار فـي الرفقـه قليـل الـمـروه=فـي قمتـه شفـت الوفـا والحـفـاواه صديـت بـه يـوم الـدهـر زاد ســوه=وعن عالمـه قطـع العلاقـه نجـاواه نـاس علـى الهفـوات فيهـم جــروه=تركض لجمع المال ركض الفـلاواه نظـراتـهـم لـلـمـال كـثــره وشـــوه=الـمـال مقـيـاس الـغــلا والـعــداواه رجـــلٍ بـلـيـا مـــال كــــل عــــدوه=وراعي الكنوز الطايله في النبـاواه والمـال كـم شيّـخ مـن النـاس بـوه=لو كان ما يسوى مـن القـدر مـاواه والـقـل كــم لـــوى مـــذارع فـتــوه=هو من هلا الردات وأهل الصخاواه يضحـك علـى الطيـب ردي الـربـوه=طـيـور شـلـوا بيدتـهـا الـصـعـاواه مـن الحـسـد قــام يـحـذف ويتـفـوه=وبيتـه لصلفـات الهبـايـب مـفـاواه ناس مشـو علـى الطريـق المشـوه=صلـى بهـم مـن لا يعـرف الـتـلاواه ممشى الفتـى فـي خايـعٍ سـال تـوه=قفـر عليـه مـن الحـبـاري حــراواه يبعـد عـن الأنــذال ويـشـب ضــوه=ويـحـط منـزالـه بــراس الـعــلاواه يبـرد بـهـا صــدره ويـرفـع سـمـوه=ويـشـوف للدنـيـا طــراه وحــلاواه اطلب قصيده للشاعر شليويح العطاوي |
رد: اكتب اسم شاعر واللي بعدك يكتب قصيده له
قصيدة لشاعر / شليويح بن ماعز العطاوي الروقي .... نيله تطالعني بوسط الجماعه و اظن نيله لامستني بمنقود يا ما تعرضنا الفنى و المجاعه ولا مسك الملهاب يا لين العود و في الليل يسهر مثل راعي زراعه وفا لصبح تصلانا السمايم على القود و ميرادنا عد تعاوى سباعه خا شرت فيه ذياب نمور و اسود و يا ليتها معنا على الهجن ساعه حتى تعذر وجيهنا لو غدت سود و تشوف فينا من فعول الشجاعه و تشوف فعل اللي كما السدو ممدود وتشوف شغموم طويل ذراعه صبار في الشدات نطاح للكود و تشوف حمال بتوع بتاعه مثل الفهد يلفي من الصيد بفهود و تشوف خبل همته في متاعه لا نافع ربعه ولا هوب مفقود ولا هوب طماع يجيب الطماعه ولا يقضي اللازم ولا كاسب فود أطلب قصيدة لشاعر : بـنـدر الـدوخـي . . . . . |
رد: اكتب اسم شاعر واللي بعدك يكتب قصيده له
هذي منازلنا بروس الهضابي=سمرٍ لها في ماضي العمر تذكار تسوى بعيني ناطحات السحابي=لو هي بقايا طيوف..وأحلام..وأشعار بدروبها بيّحت بيّن وغابي=ونفح التراب يبادل العين الأسرار بين الخشب والطين هذا شبابي=وهذاك صوت أمي يسلّي هل الدار وابوي والجيران عقب الغيابي=أوجيه خير..نورت شعلة النار الشارع المغبر خاوى ثيابي=والشارع الممطور للعشب محار وروس الشجر للطير والريح نابي=والقاع للمحراث ويدين بذار حياةٍ أبسط من ذهول اغترابي=ولا هزمها عاتي الغيم وأعصار فيها ركضت أحلام عمري زهابي= طفلٍ غرير أقدام وأحلام..وأفكار ومن يوم ما شع القمر حول بابي=حسّيت معنى الحب من طفلة الجار طعنة عيون.. ويوم حدّر صوابي=سألتها موجوع: ويش الذي صار ضحكت..وصدّت..واختفت عن عذابي= وأنا ذهولي شد في قلبي أوتار وجابت سنين العمر تفسير مابي=حب الطفولة له طعم كل الأعمار وشد الزمان يديه فوق العلابي=والنار فوق الطين تبني وتنهار قال الزفلت: اليوم هذا كتابي=فلّه.. وجا الأسمنت بادوار..وادوار خف السحاب وضاق مجرى سرابي=على الرصيف اللي تزاحم بالأمرار قرب الأثير أدنى لنفسي خرابي=ودربٍ يقرّب طال في الناس مشوار بين المشاغل.. والشره .. والعتابي=صارت حياة الناس من عذر لأعذار وأنتي .. ولا زلتي بكفك ترابي=يروي سنين العمر في زحمة أخطار خفي هوانا يا سحابٍ سرابي= خوفي حلاك يهل في سد الأمطار لا تشرهين .. وناظري وش حدا بي=يم الحديد اللي خذ العمر مسمار والا فأنا اللي من نخيل الروابي=للشمش..للأمطار..للريح..لأطيار المطلوب الشاعر عبدالله لويحان |
رد: اكتب اسم شاعر واللي بعدك يكتب قصيده له
البارحه ما هملج الطرف بنعاس =وما فاض من نجم عيوني تخيله لاباس ياعيني على السهر لاباس= على وليف فات مالقى مثيله من اول ياخذ جوابي من الراس= واليوم لا عاني وانا مااعني له العشرة اللي ماتوثق على ساس =تطيح لو صارت حصون طويله وياونتي منها المعاليق يباس= صبري قضى ماباقي الا قليله صبرت صبر صابني منه وسواس= صبر له النفس العزيزه ذليله ومن يتبع المقفي مرده للافلاس =مثل الذي بالقيض يدفق صميله هذي دروب الحب جد ودراس= الله يمضيها بستر وجميله وموفق للخير ياظبي الاطعاس =لاتحسب الدنيا باهلها جليله الصاحب الغالي نحطه على الراس= واللي يودك لاتدور بديله وصلاة ربي عد ماهب نسناس= على نبي وضح الله دليله اطلب الشاعر محسن الهزاني |
رد: اكتب اسم شاعر واللي بعدك يكتب قصيده له
يالله بنوٍ مدلهم الخيالا = طافح ربابه مثل شرد المها الزرق لي جا على البكرين بنىّ الحلالا=ولي عاد يفصل رعدها عن البرق يسقي غروسٍ عقب ماهي همالا=حط الحريق ديار الاجواد له طرق اسقى نعامٍ ثم يملا الهيالا= يصبح حمامه ساجعٍ يلعب الورق جريت انا صوت الهوى بحتمالا = في وسط بستانٍ سقاه اربعٍ فرق طبيت مع فرعٍ جديد الحبالا=وظهرت مع فرعٍ تناحت بي الورق روشن (هيا) له فرجتينٍ شمالا=بابٍ مع القبله وبابٍ مع الشرق ومبسم هيا له بالظلام اشتعالا=بين البروق وبين مبسم هيا فرق برقٍ تلالا قلت عز الجلالا = واثره جبين اصويحبي واحسبه برق ياشبه صفرا طار عنها الجلالا= طويلة السمحوق تنزح عن الورق له ريقٍ احلى من حليب الجزالا=واحلى من السكر الى جا من الشرق حنيّت انا حنة هزيل الجمالا=ينقض رويّ الخيل قد مسه الفرق وياقلّته في عاليات الجبالا =ماها قراحٍ مير من دونها غرق ماعاد للصبيان فيها احتمالا= من كود فرقاها يديهم لها طرق قالوا تتوب اعن الهوى قلت لالا= الا تتوب ارماح (علوى)عن الزرق قالوا تتوب امن الهوى قلت لالا=الا يتوبون الحناشل عن السرق قالوا تتوب اعن الهوى قلت لالا= الا تتوب الشمس من مطلع الشرق قالوا تتوب من الهوى قلت لالا=الا يتوبن العذارى عن القرق المطلوب الشاعر الشريف بركات |
رد: اكتب اسم شاعر واللي بعدك يكتب قصيده له
|
رد: اكتب اسم شاعر واللي بعدك يكتب قصيده له
|
رد: اكتب اسم شاعر واللي بعدك يكتب قصيده له
ياصـاحبي صـفـحـة الأيـام مقـلـوبــه
------------- وحـنـا عـلـى مـذهـب العـشـاق ، عـشـاقـي والحـب بعـض الخـلايـق مـاتـهـنـوا بـه ------------- اللـي هـواهــم تـسـكـّاعٍ فـالأســواقــــي أفـكـارهـم ســود، والأسـرار مـنـكـوبـه ! ---------------- عـسـاهـم فـداك يـاحـبـي وعـمــلاقـــي يـامـن جـمـعـت الحـلا، والذوق وإسـلـوبـه ---------------- والأصــل والعـز والـعـفــه والأخـلاقــي غـيـرك مـن النـاس والله مـالـتـفـت صـوبـه --------------- أنـت الـذي غـاص حـبـك داخـل أعـمـاقـي مابـيـن قـلـب الحـبـيـب وقـلب محـبـوبـه --------------- رسـايـلٍ مـاكـتـبـهـا حـبـر الأوراقـــي كان الهـوى له مناصـيب ، أنـت مـنصـوبـه ------------- مـافـوق آوامـرك لـي غــيـر أمـر خـلاّقــي وروحـي مـن البعـد والهـجـران مـسـلـوبه -------------- ياســيــدي لاتخــيــّب هــقــوة الهـاقــي لوكان تخطـي ، بأقـول أخـطـيـت والتوبـه ! -------------- وأنـا دخـيـلـك مـن أيــام التـفـراقـــي يـازيـن مـالـي عـلـيـك شـروط مكـتـوبـه ------------- إلا دخـول الهـوى مـع شـعـبـه الـراقـــي ! ليـه أبـيض القلـب ماتعـطـيـه مطـلوبـه ------------ هـو قـطـع الأعـنـاق ولا قـطـع الأرزاقــــي ؟ القـلـب مـشـغـول والأفكـار مـنـهـوبـه ------------ ثـورة هـمـومـي تعـانـق ثــورة أشــواقــي إخـتـرت مـن خـيـرة الزينات رعـبوبـه ------------ شـمـس الجـمال أشـرقـت في قـلبـي إشـراقـي حـلوه ، جـمـيلـه ، خفيفة دم ، موهوبه ------------ تـغـري عـيـون الحـسـد ، مـيـر الله الـواقـي ماكـنـهـا إلا مـن الأ لـمـاس مصـبـوبـه ------------ القــد ، والعــنـق ، والخــديـن ، والبـاقـي الشاعر المطلووووب(ناصر الفراعنه) |
رد: اكتب اسم شاعر واللي بعدك يكتب قصيده له
|
رد: اكتب اسم شاعر واللي بعدك يكتب قصيده له
البارحه راسي تصافق طواريه=والنوم ماله يمة العين حروه يلعب راسي صوت صلف المشاريه=ذيب عوى يبغى عشى امه الجروه وانا على الدنيا من الهاه للهيه=ماهمني شهرة ولا جمع ثروه همي وغمي واحد يوم القيه=كني عليل وشوفته محو قروه تل قلبي في الهوى من عروايه=رشاد الون ثلاثين عروه يتله الي حامي القيض حاديه=يسقيه هبل مارعاه كروه عشر شريده كثرها من غواليه=اقفن كما يقفى مع الجمع مروه والي يبقى عشر وصاته من ابيه=من دونه لو يصيح الصدر ثروه قلته وكلي ماء ينضح بما فيه=وفي العمر يوم لو يبلغ العز ذروه واليوم هذا يا اوله وين تاليه=والنوم ماله يمة العين حروه
|
رد: اكتب اسم شاعر واللي بعدك يكتب قصيده له
كان الرجولة بالمظاهر والاشكال=عزالله اني ماعرفت الرجوله وكان الرجوله بالمواقف والافعال =عز الله اني مرتوي يالخجوله ياجارحة احساس شاعر ورحال=غريب تايه من زمان الطفوله ماكل من يكشخ من الناس رجال=الشخص جوهر وأفهمي ما اقوله سطحية النظره ومعبودة المال=مايعجبك شكل الغريب ونحوله شكلي غلط لكن على الكود حمال=ودرب الفخر نفسي عليه معلوله والشاطر اللي يفتهم رمز الامثال=كم داس وقتك من سلايل جموله لاني بمغرورٍ ولاني بحيال=لي روح عن باقي الخبول معزوله باني لي اهدافٍ عظيمات وآمال=والغيم من شافه ترجى هطوله ولايندمج درب الدناسه والافعال=والاصل يعرف من يتم بأصوله المطلوب الشاعر فهد بورسلي |
رد: اكتب اسم شاعر واللي بعدك يكتب قصيده له
هاك فهد برسلي
الشاعر المطلوب ( خالد مدعث ) غير القصايد اللي راحت |
رد: اكتب اسم شاعر واللي بعدك يكتب قصيده له
(( لذة المقناص ))
أنا ليا ضاق صدري واشتعل جاشـي=داويت نفسي من همـوم تناهشهـا ضربت لي طرقة تصعب على اللاشي=وسريت رجلي ومسرى الليل ينعشها ونحرت جوٍّ خلي يوحـش أوحاشـي=صحاصح البيد طبّ اللـي يعايشهـا خالي جنابه من العالـم والأدباشـي=قفرٍّ مرب الوحوش ومأمن اوحشهـا عشبه سواة الحمى مهـوب يناشـي=لا راعي البل ولا الشاوي بنايشهـا ما يقطعن فرجته حـرار الابواشـي=الضمّر اللي وصوف الريم تلكشهـا ما يسهجه غير جيب يطرب الماشي=مع واعر الارض ولا مع مفارشهـا جيب يبعد عـن معشـاي مغباشـي=اللي يقص الـدروب اليـا تناوشهـا ما يسمع من المكينه غير وشواشـي=ماكنها إلا الحيايـا فـي توشوشهـا لا فر من دوس رجلي صابه خراشي=فـرة قطـاة دوي الملـح خارشهـا يطيش من طيش سواقه ليا طاشـي=نوب ٍ يخمّ الخطوط ونوب يقرشهـا أبيه لابـان نجـم ونجـم متلاشـي=وشفت السويبع مع خوانه مداقشهـا في ليلـة وبلهـا هتـان ورشاشـي=وقلايد الوسـم مرخيتـن مراهشهـا اليا ظمرن الفحول وجاهن طياشـي=والارض في بطنها قـرت هوايشهـا وراع ِ الولع عقب موته له تنعواشي=طيره على الكف والدنيـا مطنشهـا ما عاد يطري له الا برق الارياشـي=اللي على شانهـا البيـداء يفتشهـا وانا معي عاري ٍ مهـوب بخياشـي=لاتل سيره علـى المقفـي تفرشهـا عديم واسمه عديم ما اسمه شلاشي=زرق الشوش لا لحقها علق شوشها ومن لا عرف لذة المقناص ما عاشي=ولعه بليـا طماعـه ميـر عايشهـا يسلا بها الخاطر اليا ضاق وانداشي=وترتاح في النوم عيني يوم اغلمشها ما تسمع اذني صدى لجلاج وهواشي=الا السواري مع الظلمـا تخترشهـا يا لايمـي خلنـي أصـد وانحاشـي=عن شوف ناس مغير تلوي خششها والله إن يبطي مع المقناص مطراشي=لين المنيـه اقابـل وجـه طارشهـا هذا الدواء اللي يداوي حدب هشاشي=من هاجس لاتحـرك قـام يجرشهـا اطلب الشاعر عيدان بن راجس الهوامله |
رد: اكتب اسم شاعر واللي بعدك يكتب قصيده له
البارحة كثرت علي الروابع=بين الظماير مثل حس الطوابع لامن أبتلاها كاتب بألاصابع=شبت على صدري شبوب الوقايد وقايد حسيت منها ملايل=من كثر ماأفكر بعدل ومايل وقت تردى فيه عيال الحمايل=وأن قدر الله هان ماكان كايد حالي من الوجلى تقول مهيومي=ويحرم علي لذة متاعي ونومي وجسمي كما زرع شوته السمومي=أقفا نداه وجنبته الرعايد عقب خظاره بدل الوقت لونه=وحت الورق منه ويبست غصونه والنجم هرف وأستكنت مزونه=وكثرو على الماء بين وارد وقايد على اللذي ماعاد جاء منهم أخبار=غديت في دار والاحباب في دار يذكر على خدانهم غيم وأمطار=واللي مشا يذكر عليها بجايد يالله عسا المولى يخايط فتوقه=بنو مراديف تكاشف بروقه جعله على عد(ن) يحلون فوقه=فوق الخشوم وحادر من النفايد ترده مجاهيم تدق الرضامي=جرد الرقاب مفهقات السنامي من كثر ماترعى نبات الوسامي=وفل وبرها متنها له سنايد مجاهيم في طارف غروس مظله=وحصونها بندق ومهرة وسله حامينها من كل كبد مغله=أهل الوفا ترثة صهيب بن زايد أهل الوفا في الجار لامن وزاها=لامن وزى دار يذري ذراها وقبايل ماهوب يوطا حماها=الأ توطأ شامخات الفرايد يرعون في نبت الطرف شمخ النيب=يرعونها في الخوف غصب بلاطيب مر(ن)مشاميل ومر(ن) مجانيب=هذي جرايرهم دروس وجدايد مايتبعون اللي من الخوف هايب=صوب أسفل الوديان خب ومارب يتلون شف مظولعات الجنايب=مايحسبون حساب ناقص وزايد فعسى السحاب اللي تتالا غيامه=برقه إلى انشا مثل بارق تهامه يسقي ديار أهل الوفا والشهامه=في جاه من رتب فروض المساجد المطلوب الشاعر عبدالرحمن البواردي |
رد: اكتب اسم شاعر واللي بعدك يكتب قصيده له
حمام ياللي بـا لبساتيـن=يلعب طرب والهم ما جاه هو معجبك قرع الدمامين=أو معجبك عـلال حنـاه أو معجبك حضر مقيمين=هل القصور اللـي مبنـاه أو معجبـه بـدو مقفيـن=يرعون براق نثـر مـاه ذبحتني يا بـو عكاكيـن=يـا خالـط ورده بحنـاه ذبحتني واهلـي مقيميـن=واهلك ضعنهم ما لحقنـاه عساك يالروضة تسيليـن=والسيل يملي لي ركايـاه حيثك مقر دو يعج العيـن=محبوب انا ما شفت حلياه يالعين هـودي لا تلجيـن=صيري صبوره يا المشقاه المطلوب خالد مدعث غير ما سبق |
رد: اكتب اسم شاعر واللي بعدك يكتب قصيده له
الشيخ الدكتور عائض القرني عن الدواسر |
رد: اكتب اسم شاعر واللي بعدك يكتب قصيده له
الاخ يحيى الودعاني هذه قصيدة الشاعر خالد بن مدعث الخرفاني الدوسري(التوجد)
كل ما فاضت عيوني باشت الأضلاع غنا =الموارد في الضلوع وكل ضلع في ونه والتمني ما يحقق هقوت القلب ان تمنا =بس قلبي ما يداني تبعد الهقوات منه وا وجودي وجد من جلي عن دياره مجنا =تو عمره عشر واربع والليالي ما تحنه ما وراه إلا عجوزٍ واخته وعود مسنا =بين فقر وبين دين وبين ضيم وبين منه ما ذبحهم غير دمع من الغبينه ما يكنا =ويل من سود الليالي بالمصايب يبتلنه راح مثل الذيب وهبلته حياة الذيب ظنا =وآمن والموت يومه بين مخلابه وسنه راح ينقل دم قلبه وان ضواه الليل ونا =الذيابه مروحاته والسيوف يدورونه ليا ذكر دم القرايب عانق البيدا وثنا =وان تذكر ضحكة امه زاغ قلبه من مغنه ما يلوعه في حشاه إلا ليا شاف البرق سنا =غاب عشر اسنين ما به من يرد العلم عنه ان حداه الخوف منا هزت الأشواق منا =يوم طال الوقت عود للديار اللي ربنه قال ما دام المذله والبلاوي يبتلنا =والله ان الموت في الأوطان بين الربع جنه يوم وقف في المنازل ما لقى بيت مبنا =غير بيت للهبايب والذواري يلعبنه راح يمه كنه اللي ضاربه رمح مطنا =وعذابه ما دري ان اسهوم بقعا يحترنه يوم قرب سمع له صوت من العله يحنا =حصل امه عندها ضيف يقول الموت سنة قال يمه قالت عيوني من الدمع انعمنا =قال ابويه قالت اطوال النصايب قد خذنه قال واختي قالت اقفى القوم باختك مع ظعنا =قال ربعي قالت اسنين المجاعة فرقنه قال جيتك قالت ان الموت ما ظني تونا =واستلمها نازع الارواح روحن مرجهنه ثم صاح من التفرق صيحة اللي فيه جنا =دق صدره وانطوى من حر ما به طي شنه كل هذا حال قلب من خلقه الله معنا =الهموم يوكلنه والروابع يوكلنه ليه ادور للسبايب والسبب فينا ومنا =النفوس وما تسوي واليدين وما حصدنا لا تسودنا الخطايا نلحق الشرهه زمنا =ما جزانا إلا عملنا والخلائق يثبتنه |
رد: اكتب اسم شاعر واللي بعدك يكتب قصيده له
الاخ البدراني نت هذه قصيدة الشيخ عايض القرني في (الدواسر)
يبرق البارق اذا جيـت والراعـد رعد= وارضنا تبهج بمقدمك والشاخـص يميل الله من قلـب علـى نغمتـك قـام وقعد= كن قولـك منهـل بـارد مـن سلسبيل او كما العاب خود علـى المبسـم برد= ضاع فيه المسك والطعم طعـم الزنجبيـل جعل عيـن تنظلـك نونهـا فيـه الرمد= وجعل قلب مـا يحبـك يقطـع بالصقيـل يانشيد السحر لعلـع ويسلـم مـن نشد= عزوتـه بـاولاد زايـد مزبنـة الدخيل يطرب القمري ويمسـي يغنيهـا السـرد= والحمـام اذا سمعهـا يرتلـهـا هديل من رجـال الازد نعميـن والعالـم شهد= مانبي من خايب الجـد والمفلـس دليل ربعنا الانصار في الحرب واردهـم ورد= وحنظله منا شهيد وفـي الجنـه غسيل يشربـون الـدم شـرب المولـه للفـنـد= وينشـق البـارود كنـه رياحيـن نيـل مانهاب الموت لو كان في شـدق الاسـد= باعت الارواح في السوق يسلم من يشيل لو رصاص الحرب يهمي كما وبل البرد= فوقنا يابو علـي 00الجماجـم مـا تميل وش بعد تبغـى نحدثـك عنـا وش بعد= اقصر الهقوات تكفى ترى المسرى طويل شيخنا لو جاك شـوره تقـل يـازن بلد= وطفلنا من جود اة الراي جا شيخ جليل والنميمـه والخنـا سوقهـا فينـا كـسـد= ما تسمعنـا لهرجـة حقيـر قـال قيل ماتغزلنـا بسلمـى ولا نـوف ورغــد= وما توجدنا على الوجد في الطرف الكحيل ارتضينـا منهـج الله وبايعـنـا الفـهـد= ونتسبنـا للحنيفيـه الـديـن الاصـيـل الله من علم وشعـر بصـدري لـه زبـد =هايج مايـج ينيـف علـى دجلـه ونيـل كلما قمت احبسه ياقصيـدي هـدد= قام يغلبني بغـزره ونـا جسمـي نحيـل كم تدفق مثـل سيـل العرمـرم وحتشـد =حطم الجدران من سطوته شـال النخيـل الصلاة علـى محمـد تسيـر بـلاعـدد= وال بيته والصحابه خلاصـة كـل جيـل الشاعر المطلوب " الشاعر " شلعان بن ظافر الودعاني : |
رد: اكتب اسم شاعر واللي بعدك يكتب قصيده له
هذه القصيدة للشاعر المرحوم شلعان بن ظافر الجماعين الودعاني الدوسري التغلبي والزايدي منبع الكرم=دواسرٍ يشكي العدو من جورها نملك مداين بالسيوف القطّع=صوارمٍ روس الجماجم نقورها يرسخ بنا غرسٍ تمايل عذوقه=ولابنينا من وراها سورها السور حد السيف والخيل والقنا=وذيدانا ترعى بعالي قفورها حن درعها الضافي وحنا جمالها=حتى غدت جنه تبارى نهورها الغوينمي قد قالها في مثايله=دارٍ تلقت من سعدها سرورها بــــدويه حــضريه شـــاويه=فيها المعاوش من جميع جذورها حناسكانها ويانعم السكن=نحمي جوانبها ونجني ثمورها بلادنا راياتها مرفوعه=نـــوضــي لياليها بنور بدورها يامانحينا دونها من سربه=لاقادها خيالها مصطورها نسقيه من حوض المنايا جرعه=بشلفٍ يوردحدها ممروها الشاعر (عبد الرحمن الشمري ) |
رد: اكتب اسم شاعر واللي بعدك يكتب قصيده له
الاخت كفى هذه قصيدة الشاعر عبدالرحمن الشمري(الهوامير) (للفقر).لذه.في.عيون.الهوامير.ـ ـ شوفو.وشلون.بفقرنا.شاركونا.ـ *** ـ .دينارهم.يستـنسخونه.دنانير.ـ ـ ولـو.هـو.طلـبناهـم.ماعـطـونا.ـ *** ـ حسرة.قليل.المال.بكفوفهم.غير.ـ ـ ولو.هو.ذهب.يمدي.خذوه.وخذونا.ـ *** ـ الله.لايجزى.هاك.الطالع.بخير.ـ ـ اللي.علـيه.بعافيـتنا.حسـدونا.ـ *** ـ تجمعت.شرابة.الماء.على.البير.ـ ـ ًياحليلً.عنه.الجماعه.حدونا.ـ *** ـ جونا.(شتات.أصفر).تلقفهم.الطير.ـ ـ بلوى.ياليت.بشـرهم.مـابـلونـا.ـ *** ـ طاوع.معاهم.من.لقى.دهنة.السير.ـ ـ والا.وش.اللي.سـكته.يـوم.جـونا.ـ *** ـ ذقنا.على.يديهم.*هوان.المشاوير*.ـ ـ ظيعهـم.الله.مـثلمـا.ظيـعـونا.ـ *** ـ وش.صار.وش.بعد.باقي.يصير.ـ ـ يـافاهمين.السـالفه.فهمـونا.ـ *** ـ المشـ.ـكله.ياحـبـنا.للمعـاذيـر.ـ ـ والناس.وصلو.للقمر.وسبقونا.ـ *** ـ دايم.نسـوي.للخيـانـات.تـبريـر.ـ ـ والظاهر.الخاين.طلع.كل.أبونا.ـ الشاعر المطلوب " الشاعر " تركي المشيقح " |
رد: اكتب اسم شاعر واللي بعدك يكتب قصيده له
أبد على حطت يدك مامن جديد ونكتبه
غير اني اعتدت لغيابك واستلذيت الرتابه إلا انت وش جابك علي وخاطرك وش عتبه على بقايا انسان مات من القهر محدن درابه دام الوفا رجل تهاوى ماتشايله ركبه آه ياوجوده وجد من حده زمانه للمعابه قال الأمل قلت ارتسم لحظه وعدى وشطبه من لايعرف إن الأمل ابسط طموحات الغلابه قال انت .. شف تكفى جوابي وانتبه ترى السؤال احيان يدعوا للتعمق بالإجابه ماقدس الحطاب فاسه لين ماباع حطبه وانا بعينك زنت يومك عشت من شعري مثابه انا فقدت من الحياة اليوم قولة يايبه وش عاد يثربي غيابك لو تطاولبي عذابه رح واسأل التاريخ عن جرحي وش اللي رتبه رح واسأل الحاجب من اللي صك للعشاق بابه رح واستفز الصمت وتدري ليه ارخى منكبه واصبح يشيل من العيوب اشكال لايمكن تشابه ( هذا النخل شامخ ولادنق ليا طاح رطبه وشلون ادنّق لو يطيح القلب والساقي مشابه ) لايمايضر العين دمع من ولعها تسكبه ولايضر الليل شمعة حب او ومضة صبابه الموت جهدي لاتعبت وغصب غيري ينهبه ياويل حالي مابقى فينا حياة ولامهابه كان القصيد أكبر طموحك خذ قصيدي واكتبه والا انا رجل يخاف يموت وغيرك مادرابه الشاعر المطلوب سلطان بن محسن المسعري |
رد: اكتب اسم شاعر واللي بعدك يكتب قصيده له
العذر شافي ما اعرف له قصايد
|
رد: اكتب اسم شاعر واللي بعدك يكتب قصيده له
من احلى قصائد الشــاعر لافي الغيداني
يامكثرين الهرج لااسمـع ولااجيـب تريحوا من فضلكـم واسمحـوا لـي تريحـوا لاتلحـقـون المشاهـيـب على الردى ماني شفـوق عجولـي بالعقل والصبر ادب النفـس تاديـب والا لهـا مـده تصـول وتجولـي خلج ترازم فـي سيـاج المحاديـب مافيهـن اللـي بالعقـال معقـولـي اشد وطية زور مـن شمـخ النيـب اليا ضاع مفعو ل الحيـل والحلولـي انا لاقلـت ارتـب القـول ترتيـب حتى يجي كـي علـى فـك قولـي اليا ارسلت لافكار القريحه مناديـب ترايعن من عقـب ماهـن جفولـي لكن مالـي مـن وراهـا مكاسيـب لو كان عشاق القشر صفقـوا لـي مامستفيـد الا العـدو والاجانـيـب ولاني مطيـع مقرقعيـن الطبولـي خليتهـا تعطـي فجـوج مجـاديـب جربا تجود فـي رسنهـا مهبولـي والله لااجنب دام لـي درب تجنيـب من شرهة حشام الرفاقـه خجولـي لو انهـا بيـن النحـر والتلابيـب من الحيا وجهي مهـوب مغسولـي طبـع لنـا نشـب عليـه ونشيـب وطبيـعـةٍ لعـلـهـا مـاتـزولـي على الجماعـه للجماعـه مواجيـب الا جهلـوا قـدر الرفيـق الهتولـي ماني على ربعي قريـب محاضيـب ضادنـاة مايخلينـي اسـرج خيولـي ان جات من طيب شقاها على الطيب لو انها اعوج مـن رقبـة الذلولـي وان جات من مسكين منطق واساليب حطيتهـا بيـن الثـرى والنعولـي لاحركـت شعـره ولاطلعـت شيـب ولاضيقت صـدري ولاطـق جولـي وان كان في صبري على ميلهم عيب العيب تفتيـش الصـرر والحثولـي لاقمت تذكر فـي رفيقـك عذاريـب وتبيـن عيوبـه لذولـي وذولــي صبرك على ربعك علاج وتطابيـب يقصـر حبـال السالفـه لاتطولـي حتى مايلقا فـي طرفهـا مقاضيـب كـراه خيـر وللمشاكـل ميـولـي واليا بليت بتايـه شـره وصعيـب يقول انا العـراف وانـت الجهولـي قـل الله الله ياحصـان الاطالـيـب يالفاهـم العالـم عطيـب الفعولـي هذا الكلام اللي مافي صحتـه ريـب لانيـب لاحولـك ولانتـاب حولـي حصان وبن حصان طيـب مجاذيـب وبالمعرفـه رجـل محلـي ودولـي خله يروح يخطي الـدرب ويصيـب يقول مابالنـاس عرضـي وطولـي والفرق ماهـو باللحـى والاشانيـب الفرق بين النـاس فـرق العقولـي كم واحد تحسن به الظـن ويخيـب السـن يضحـك والفـواد معلولـي واللي غدت به كلمـة مالهـا غيـب ماهو من اطيب ربعي اللي غود لـي يالله عساها صيحة فـي قفـا ذيـب وقلع النيـا بينـي وبينـه يحولـي الرجل مايغصب على الطيب تغصيب اليا صار ماهو دل ضمـن الدلولـي ومن عادة اللي طيبه يحضر ويغيـب لاطالـت الرفقـة زهـوق ملـولـي واليا بلنـك غبـر الايـام بصحيـب في مستوى طيبه صعـود ونزولـي اعرف ترى الدنيا دروس وتجاريـب والكامـل الله والنـقـا للرسـولـي لاتصير مشـذاب يقـص العراقيـب خلـه وراع الاولـه وش يقـولـي اخذت حكمه مـن كـلام اللواعيـب للطيـب نـاس وللعـذارى فحولـي الشــاعر المطلوب / بديوي الوقداني |
رد: اكتب اسم شاعر واللي بعدك يكتب قصيده له
الاخت تناهيد هذه قصيدة الشاعر بديوي الوقداني(ايامنا والليالي كم نعاتبها) أيامنــا والليالــي كــم نعاتبهـا شبنـا وشابت وعفنـا بعض الأحوالـي تاعد مواعيــد والجاهـل مكذبهـا واللي عرف حدهـا من همهـا سالـي إن أقبلـت يوم ما تصفـى مشاربهـا تقفـي وتقبـل وما دامـت على حالي في كــل يوم تورينـا عجايبهـا واليوم الأول تراه احسـن من التالـي أيـام فـي غلبهـا وايـام نغلبهـا وايام فيهـا ســوا والدهـر ميالـي جربت الأيام مثلـي من يجربهـا تجريب عاقل وذاق المــر والحالـي نضحك مع الناس والدنيا نلاعبـها نمشي مع الفي طوع حيـث ما مالـي كم من علومٍ وكــم آدب نكسبهــا والشعر مازون مثقــالٍ بمثقالــي اعرف حروف الهجاء بالرمز واكتبها عاقل ومجنون حاوى كـل الأشكالي لكن حظــي ردي والروح متعبهـا ما فادني حسن تاديبي مـع أمثالـي إن جيت ابي حاجـةٍ عزت مطالبها العفو ما واحدٍ فــي الناس يا والي قومٍ الـى جيتهـم رفـت شواربهـا بالضحك واقلوبها فيها الردا كالـي وقومٍ الى جيتها صكـت حواجبهـا وابدات لي البغض في مقفاي واقبالي ما كنــي إلا حــال مغضبهــا والكل في عشرتـه ماكر ودجالـي يا حيف تخفي أموراً كنت حاسبهـا واللي على بالهـم كلـه على بالـي الجار جافـي وكـم قومٍ محاربهـا والأهل وأصحابنا والدون والعالــي والروح ويش عذرها في ترك واجبها راح الحسب والنسب في جمع الأموالي نفسي تبى العز والحاجات تغصبهـا ترمي بها بيـن أجاويـد وانذالــي المال يحــي رجالاً لا حيـاة ابها كالسيل يحي الهشيـم الدمدم البالــي عفت المنازل وروحـي يوم اجنبها منها غنيمـه وعنها البعـد أولا لـي لا خير في ديرةٍ يشقـى العزيز ابها يمشي مع الناس في هـمٍ وإذلالـي دارٍ بها الخــوف دومٍ ما يغايبهـا والجوع فيها ومعها بعض الاحوالي جوعى سراحينها شبعـى ثعالبهـا الكلـب والهـر يقـدم كل ريبالـي عز الفتى راس ماله من مكاسبهـا يا مرتضي الهون لا عزٍّ ولا مالي دللت بالروح لين ارخصت جانبهـا وانا عتيبي عريب الجـد والخالـي قومٍ تدوس الافاعـي مع عقاربهـا ولها عزايم تهــد الشامـخ العالـي خل المنازل وقل للبيــن يندبهــا يبكي عليها بدمـع العيـن هطالـي لا تعمـر الدار والقالات تخربهــا بيع الردي بالخساره واشتر الغالـي ما ضاقت الأرض وانسدت مذاهبها فيها السعــه والمراجــل والتفتالِ دارٍ بدار وجيــرانٍ نقاربهــا وارضٍ بأرض وأطلالٍ بأطلالـي والناس اجانيب لين إنك تصاحبهـا تكون منهــم كما قالوا بالأمثالـي الارض لله نمشــي فـي مناكبهـا والله قدر لنـا أرزاق وآجالـــي حث المطايـا وشرِّقهـا وغرِّبهــا واقطع بها كل فـجٍّ دارسٍ خالــي واطعن انحور الفيافـي في ترايبهـا وابعد عن الهم تمسي خالي البالـي من كل عمليـةٍ تقطــع براكبهـا فدافد البيــد درهـامٍ وزرفالــي تبعدك عـن دار قـومٍ ودار تقربها واختر لنفسـك للمنزال منزالــي لو مـتّ فـي ديرةٍ قفراً جوانبهــا فيها لوطـى السباع الغبس مدهالي اخير مـن ديرةٍ يجفـاك صاحبهـا كم ذا الجفا والتجافـي والتعلالـي دوس المخاطر ولا تخشى عواقبهـا الموت واحد وبعد العـز يجلالـي ان المنايــا إذا مـدت مخالبهــا تدركك لو كنت في جو السما العالي ما قرت الاسد في عالـي مراقبهـا تسعى على الرزق ما حنت للاشبالي والشمس في برجها والغيـم يحجبها تقفي وتقبـل لها في العرش مجدالِ رب السماوات يا محصي كواكبهـا يا مجري السفن في لجات الأهوالي ضاقت بنا الأرض واشتبت شبايبهـا والغيث محبوس يا معبـود يا والي يا الله من مزنــةٍ هبـت هبايبهـا رعادها بات له في البحر زلزالي ريح العوالي من المنشـا تجاذبهـا جذب الدلى من جباء مطوية الجالي ديمومةٍ سبلـت وأرخت ذوايبهــا وانهل منها غزير الوبـل همالـي تسقي دياراً شديد الوقـت حاربهـا ما عاد فيها لبعض الناس منزالـي يا جاهل اسمـع تماثيـلاً مرتبهـا فيها معاني جميـع القيل والقالـي مثـل المحابيـب زادت في قوالبها في صرفها زايده عن قرش واريالي يا ربي توبه وروحي لا تعذبهــا يوم القيامه إذا ما ضاقت اعمالـي وازكى صلاةٍ على المختار نوهبها شفيعنا يوم حشرٍ فيه الأهوالــي الشاعر المطلوب " الشاعر "ناصر بن دهيم " |
رد: اكتب اسم شاعر واللي بعدك يكتب قصيده له
احدى قصائد ناصر بن دهيم
شفتك وجانى من عيونـك ذهـول .. كنّى المشلول مـن تحـت ركبـى أتحرى الشوق يـا شبـه الجفـول .. والله اللى جاب لى عيون الظبـى أنعشـى وردٍ تمـايـل للـذبـول .. واجلسى ما بيـن بنتيـن وصبـى خلّى عنك الخوف وأنصاف الحلول .. أقبلـى وأجيـك وحبيلـك حبـى عيبك ان عينك لها طرفٍ خجـول .. لا لمحته قلـت يـا ديـن النبـى كل زول يمرنـى بعـدك يـزول .. كل ما فينـى يصـوت لـك ابـى عقلى وقلبى وعينـى لـك تقـول .. بـس امرنـى وقلـى وش تبـى والله ان الشوق فرسـان وخيـول .. لـو تهـز القـاع تسبيهـا سبـى الوعـد قـدام لا دقـوا الطبـول .. وارتفـع راسـى ويدحـم منكبـى جيت بين امرين والقصد الوصول .. الولـه يعطيـك وعيونـى تـبـى الشاعر المطلوب فيصل بن جزاء |
رد: اكتب اسم شاعر واللي بعدك يكتب قصيده له
مجاديف الالم للشاعر / فيصل بن جزاء
طويت الحزن لاجل انسى غيابك والليـال iiطـوال ولكـن كـل مااشـوفـك احــس الـشـوق iiيدعيـنـي تخيلـت انـي ابقـوى علـى بعـدك وصـار امـحـال تصـدق لانويـت انسـاك دمــع العـيـن iiيعصيـنـي انـا لـك كلـي وكلـك علـى بعضـك ابيـك اوصــال استوطـن حبـك بقلـبـي وتغلـغـل فــي شراييـنـي انـا لـي قلـب هايـم فيـك ولايسمـع حكـي iiالعـذال ويبقى المخلـص الوافـي ولوطالـت بـي iiسنينـي وانا لي قلب لو مالت نخيل(ن) بالحساء ما مال يظـل ثابـت علـى حـبـك وشـامـخ لــو iiتجافيـنـي احبـك ايـه انـا احـبـك واغـنـي لــك بـهـا iiمــوال علـى نغمـات همـس الليـل احبـك يانظـر iiعيـنـي نثرت الورد في دربـك وصـار الـورد بـك يختـال ياباقـة ورد فـواحـه ياعـطـر(ن) حـيـل iiيغريـنـي انا اغنـى البشـر فـي الحـب ولكنـي فقيـر iiالمـال الا ياويـش ابـي بالمـال ورصيـد الحـب iiيكفينـي مجاديـف الالــم والـيـم ومـركـب حبـنـا والـجـال وليـل وغيـم وامطـار(ن) ولطـم امـواج تغوينـي انا وانتـي حكايـة عشـق يجددهـا حديـث iiاجيـال بـطـولـة حــــب قـصـتـهـا مـابـيـنـك iiومـابـيـنـي الشــــــاعر المطلوب ( العملاق سعد بن جدلان ) |
رد: اكتب اسم شاعر واللي بعدك يكتب قصيده له
قصيده لابن جدلان
هي اطول من ذلك راكب اللّـي صممتـه الولايـات ،،،، اللّي مريكا في المصانع تصبـه تصميم شركة كا لاهان الخواجات ،،،، اموردة من نيويـورك ونصبـه أكبر مكينه سقّطـت للونيتـات ،،،، واحد صفر واحـد ودبـه ودبـه ما يصدر الا عن طريق القطاعات ،،،، حتى سبيراته تجي في اسطبـه وبالجدول السري خذته الوكلات ،،،، ومديرها وقّـع وعاهـد بربّـه وصدفه طلع بالواسطه والحيالات ،،،، ثم قيل يا سواق أخـذه وغبّـه ساعة فتح بابه عطوة السويكات ،،،، شغّل ولا الماء مع كزوزه يكبـه قام يتسمع وش تقول القزوزات ،،،، لياهي تقول ابغاك ممـه وببّـه اطلب الشاعر مطلق الثبيتي |
رد: اكتب اسم شاعر واللي بعدك يكتب قصيده له
قصيدة للشاعر مطلق الثبيتي رحمة الله
اختـار سمحـات الـدروب النظيفـة = اللي غسلها رايـح المـزن برشـاش يمشونهـا قـوم النفـوس الشريـفـة= اللي ضمايرهـم نقيـة كمـا الشـاش ابيوتهـم مثـل الحصـون المنيـفـة= ما هي لطير البوم غيران واعشـاش وإحلالهم للضيـف دايـم مريـفـه = لو رجلهم يسرح ويضوي على مـاش والرجـل منهـم مـا يخلـي رديفـه = إن ما ت مثله مات وان عاش له عاش وان مات منهم رجـل عقـب خليفـه= يطعن نحور القـوم ويـرد الادبـاش يعرف هدف روحه ويعـرف وليفـه = ما يعرف الخونـة ولا هـو بغشـاش وليـا رزقـه الله بعـذراء عفيـفـة = ايحطها مـا بيـن نونـه والارمـاش ماهو على الخفـرات يستـل سيفـه = وان طالعوا فيـه الرجاجيـل ينحـاش حلـو النبـا سمـح المحيـا لضيفـه = ويصير له خـادم مسخـر وفـراش وان مـد مـا مـدت يمينـه قصيفـة = مدت يمينـه تبهـر الخبـل والـلاش واليا هـرج تلقـى علومـه طريفـة = ما هـو لهفـوات المناعيـر منقـاش وان شبت النيـران مـا هـو بليفـة = في ساعة الكربـة سـواي ورشـاش سده بعيد ولا أحـد يعـرف غريفـه = ولا هو لعرض المكرم العرض نهاش والشوك في جنبـه سـوات القطيفـة = إن كان ما له بيت مامـون وافـراش ما يرتكي فـوق الخبـول الضعيفـة = اللـي ليـا حركتهـا قدرهـا طـاش وان جـا نهـار كـل قـرم يعيـفـه = ما هو ليا ثارت على القـوم رمـاش الكذب يعرف بيـن الأجـواد زيفـه = والصدق مثل السيف صاطي وحشاش وصحيفته يـا طيبهـا مـن صحيفـة = ولهـا مـن العقـال كاتـب ونقـاش حـاز المراجـل والمراجـل كليفـة = الا على اللي كل مـا رامهـا هـاش وان شاف له من جانب القـوم خيفـة = تلقـاه للخيفـة مهـاجـم وبـطـاش الصدق والمعـرف والطيـب كيفـه = ويغبش لها مع طلعة الفجـر مغبـاش للحمل مـا تلقـى جنوبـه صخيفـة = حوله بروق تعمـي العيـن وافـلاش يصبر على جرحـه ويمسـح نزيفـه = طبه بشبه خير مـن طـب الاحبـاش ولا هو كمـا سبـع سنونـه ضعيفـة = دايـم يلحسهـا وللعظـام عــراش وان شاف له في غيبة النـاس شيفـة = ما هو بخبل لاخضر العـود قـراش دنيـاه لـن صـارت ذلـول عسيفـة = طوع علهـا كـل عاصـي ونفـاش وان كان قفـت مـا عليهـا حسيفـة = ولا هو ورا هوج المعاصير قشـاش وان جاع ما وقع كمـا طيـر جيفـة= وان عري ما يلبس سماليل وأخيـاش ((الشاعر المطلوب....ناصر الفراعنه)) |
رد: اكتب اسم شاعر واللي بعدك يكتب قصيده له
الاخت كفى هذه قصيدة الشاعر ناصر الفراعنه
لا صار ما شاربك يدفع عـن اللحيـة=شوري عليك احلق اللحيه مع الشارب عن الردي كان مـا رجلـك بمنتحيـه=لآبوك لآبوه لآبـو طبعـك الخـارب ومن الردي كان ما نفسك بمستحيـه=منك الهرب خير ما يستعمل الهـارب بيضة نعـامٍ (بخـب النقـع) مدّحيـه=مشكوك في وضعها يا سعيد بن زارب لو قام يِرحي عليها الهاشمـي رحيـه=القول في اصلها المزعـوم متضـارب راحت علينا عقب ما اخطت بني شحيه=لو كان من دونها كل اشوسٍ حـارب صيّور ما هضبةٍ في الأرض مطّحيـه=ليل الغرق , ما ينجّي من الغرق قارب لا والذي في المدينه ما كـذب وحيـه=سوّ الدهر ما ترك حبلٍ علـى غـارب صفحات الايام مهمـا تطـول ممحيـه=لو سقت منها خبرها في ظهـر دارب لي هرجةٍ من علـوّ القـوم ملتحيـه=اليا كرب محزمه مـن قدّهـا كـارب يورب لها كل من عـوّد علـى لحيـه=سدّ البلا لقّبوه مـن الوجـع مـارب لا صار ما شاربك عقّب عن اللحيـه=شوري عليك ازلط اللحيه مع الشارب الشاعر المطلوب " الشاعر " الهجاج بن عيد الغييثات " |
رد: اكتب اسم شاعر واللي بعدك يكتب قصيده له
الاخ / فيصل بن جزاء
قصيده للشاعر الهجاج بن عيد الله يرحمه ويسكنه فسيح جناته يستانس الشاعرعلى شبـة النـار ضو(ن) عليهـا كاسبيـن النفيلـه جات السوالف مثل وراد واصـدار مثل الدلي فـوق القليـب الطويلـه سوالف الرجبان هل قـب الامهـار اهل المزيـن والسيـوف الصقيلـه وآلاد ابن مسعر وهم سقم الاشـرار من علقوا بالشلـف وآعزتـي لـه مساعره نطاحـة الهـوش لا ثـار كـم طلقـو فـي ورودهـم حليلـه لاشالو الريشه مع الصبـح لانظـار كـم حلـة ٍ حطـوا عليهـا دبيلـه مثل الذي جاهـم وساقتـه الاقـدار علـى الجفيـر الله يضيـع دليلـه وآلاد حسن من دون حسكات الاوبار يـروون حـد مشرخـات صقيلـه الى اعتلوا مثل الوضيحي الـى ذار لاعـود الصيـاح يومـي بشليلـه يردون بهم حوض المنايا الى ثـار من طاح بالميـدان ماحـد يشيلـه ذيدانهم في الخوف ترعى بلا جـار يقتل وراها من الجـوازي جميلـه ان اشملت يرعى بها نبت الاقفـار وان جنبت ترعى مظامـي طويلـه كم واحد حطوا على كبـده امـرار ومركاضهم يبـري الكبـود الغليلـه الشاعر المطلوب ( عبدالله الدندان الرجبــــــــــاااني ) |
رد: اكتب اسم شاعر واللي بعدك يكتب قصيده له
الاخت تناهيد هذي قصيدة"الشاعر"الدندان"عبدالله الرجباني"رحمه الله"
صبحونا طلعت الشمس وانبـاج السفـر=فـي جمـوع ٍ ماعرفنـا نعـد احسابهـا ثم زهمنا صلـب جـد ٍ يسـوون العبـر=خبرة ٍ كنهـم أسـود ٍ تعـض اشنابهـا مخروا سود من النيـل سبـلات النظـر=مدبحات ٍ كـن سـود الحنـوش رقابهـا واشتبك شوب اشهب الملح وابليس ٍ حظر=وكل مدغوش ٍ يمينـه علـى مقضابهـا والله مافي الشبوا زود ٍ على خمسة عشر=واقعدوا ناس ٍ جمـوع ٍ تسـن احرابهـا نطحوهم مغرب الشمس والـوارد صـدر=وعاف منها عقب ماذاق سـو اسبابهـا ترسخ (الجزلا )على السيف والماو الحمر=المصبـب والمضبـب جديـد اسلابهـا ذا لعينا شمـخ النيـف حسكـات الوبـر=الفطير اللـي تشـادي الجريـد رقابهـا والله ان تسند مع الجوب لازاف الزهـر=وان تعدي (جبجب ٍ) وانـت ماترضابهـا يانديبـي وارتحـل حايـل ٍ فـج النحـر=حـرة ٍ لا روّحـت يعجـبـك صلاّبـهـا صوب صبيان (آل زايد) بمـردود الخبـر=سرهـم بالعـلـم لاجـيـت ياركّابـهـا سعد منهم لابته محزمـه خـزن الظفـر=هل فعول ٍ من عصور الجهل يدرى بهـا بيض الله وجه من شاف بالعينـه حضـر=وحقـه البيضـا تنثـر عليـه اثيابـهـا الشاعر المطلوب"الشاعر"الامير"عبدالعزيز بن سعود"السامر" |
رد: اكتب اسم شاعر واللي بعدك يكتب قصيده له
الاخ / فيصل بن جزاء
رائعه من روائع الشاعر الأمير / الســـــامر أحـدْ يبنـي بدنـيـاه ويـهـدِّي بغيت أصبر ولكـن بـاح سـدِّي عجايـب هالزمـان الله يكافـي طويلـة مالهـا بالكـون حـدِّي إلى بَرَّقتْ فيها ضـاق صـدري وش آخذ ويش أخلِّي ويش أعدِّي أنا فـي خاطـري كلمـة خفيـه ابظهرهـا ولـو ماهـوب ودِّي ولا أحـد يستشـك إنّـه هدفهـا وانـا ماقلتهـا قصـدي تحـدِّي أحد يخطي وهو ماهوب يـدري يحسبه تايـه الـراي.. متقـدِّي وأحد ينطحـك لاجالـه بحاجـه ولامنّـه قضاهـا عنـك صـدِّي واحد يلعب على الحبليـن دايـم ضعيـفٍ لا يجيـب ولا يـودِّي ونـاس ٍ ماتفيـد بهـا الجمايـل تراهـم مابهـم مخلـوف كـدِّي وانا منهـم بـري والشاهـد الله وطـرف العيـن فيهـم مايلـدِّي جليس السو ماهو صاحـبٍ لـي أنا ضدِّه وهو خصمـي وضـدِّي إلى جا.. قلت يقعد مثـل غيـره والى أقفى قلت جعلـه مايـردِّي أنـا ويّـاه مانصـلـح بـديـره إلـى منـه نـزل فيهـا نشـدِّي يدوِّرْ لـه مـن العربـان مثلـه على قدّه وأنـا ماهـوب قتـدِّي إلـى جاملـت ولياهـا مصيبـه وإلى صرّحـت قالـوا مستبـدِّي ابصبر مثل صبـر أيـوب لكـن بطول الوقـت مانـي مستعـدِّي وعرف الطيبيـن أكبـر تجـاره تراهـا كـل يـوم ٍ تستـجـدِّي مشاهدهـم علـى عـز ومعـزّه تريح خاطـرك وأنـت متعـدِّي وجليس الخير يضحك له حجاجي واعدّه مثل أخوي وصلب جـدِّي الشاعر المطــــــلوب ( مساعد الرشيدي ) |
رد: اكتب اسم شاعر واللي بعدك يكتب قصيده له
الاخت تناهيد هذي قصيده"ا لشاعر" مساعد الرشيدي"سيف العشق"
كيف اطفي الريح بثايبك ، وكيف اشعلكـ=كيف اتنثر على جمركـ ، وكيف احتويكـ نقضت ليل الحرير ، وجيت ما انت لـ... هلكـ=سميت باللي فتنــي بك وقلت افتديـكـ هذا اول الدرب ، او هذا الطريق أولـكـ=جيت اتوقـى عذابات المــدى واهتديــك شوقــي مسافة ، وهمـساتك مدار وفلكـ=وان ما مضيت غلا ... يا علني ارتويـكـ إيه اعرفكـ ، واعــــــرف اني من غلاك ادخلكـ =مرات اضمــــك واخاف اني ... مشبه عليكـ مرات اشوفك بنفس الوقت واتخيــلكـ=وانشد كفوفي عن آخر سالفة من يديكـ أعن لك لــــو تصب المـــــــــوت واتهيلكـ=واجوع لك ، واتمنى خنجرك واشتهيكـ ما قلت لكـ .. عمر سيف العشق ما يقتلكـ=ما تشوفني حي قدامك وانا اموت فيكـ مليت جمر انتظارك واستحيت اسألكـ=واحسبتني ما بعد جيتك وفكرت اجيكـ اثرك بقلبـي من البارح وانا استعجلكـ=واثري نسيتك من الفرحه وقمت احتريكـ الشاعر"المطلوب"الشاعر "جارالله الشدي" |
رد: اكتب اسم شاعر واللي بعدك يكتب قصيده له
للأسف ماعرف هالشاعر
فهد المحرج |
رد: اكتب اسم شاعر واللي بعدك يكتب قصيده له
لأسف والله ماعرف
طيب فهد المحرج |
الساعة الآن 06:22 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
