|
اهلا هلا بك ياعزيزي عامر النتيفات وتشرفت المشاركة بمرور الكبار امثالك واشكرك جزيل الشكر على المتابعه الثمينه عندي
|
لا فض فوك يابوطلال
انتحى بي هاجس الفكر يالله المستعان=هاجس(ن)لا أدوى على الفكر يبطي ما استراح وانفتح باب القوافي وبدع القاف زان= وانجذب طاروقها لي مع الدرب السماح وارتحلت احصان الامثال واطلقت العنان= وماكنيته في مخازن قوي السد باح ولالي إلا أحطم الصمت خوف(ن) من الجنان = وكون احصل عقب شكواى ونس وارتياح او يجيني فزعة تجعل الداين مدان= اونصيحة خير ويفيدني نصح الصحاح فيا نديبي جهز الجيب وارد ذالزمان= وارد الفكسار مطلب بعيدين المراح كامل الميزات ماهوب في عازة ضمان= ابيض من اللي يجي له على الشنطة جناح خله ايوجه ترى لازم الموجاه حان= ونحره مطلق عريب النسب طير الفلاح ابن عم وفي اللوازم نعده من الخوان= منوة اللي منوته يارد العد القراح القبيلة لاد عمار والجد الحصان= لابتة(ن) يوم الوغي ما يزعزعها الصياح لابة(ن) تارد على الموت لاهاب الجبان= والفخر عنوانها في الهجوم وفي الكفاح واخطرك لامن لفيته على الحيل السمان=ومدخن(ن) فيه ازرق العود فوق الجمر فاح سلمه خطي وقله سلامي باللسان= عد مابرق الوسامي بسود المزن لاح عطه روس اقلام ومعزبك سيد الذهان= قل رفيقك في محابيل عكش الرمش طاح واعجل برد المكاتيب لاهنت ولاهان= تدري الي ينتظر خاطره مابه فساح قول منهو ذاق ذبحه وشافه بالعيان= وكان حر وصار في حاجة اطلاق السراح مثل حر طاح في الفخ يوم الحظ خان=وفارق المرقاب والكفخ في الجو الفياح وفخي السود المضاليل وهروج الحنان= والجبين اللي شعاعه كما نور الصباح جادل مشهور بالدين واوصافه زيان= وصيت ابوه يلبسه من الفخر تاج وشاح ماخذ القلب ومجوده عنده ارهان= وطال صمتي ماحصل لي من اسكاتي صلاح كل ماحاولت واشفيت في عقد القران= النهايه للأسف ماتكلل بالنجاح ومابنيته في ليال(ن) يهدمه في ثوان=رفض ابن عمه بسلم الرجال وبسلاح وحرت بين امرين كلاتها عندي إشيان=والحلو منها كما جرعة السم الذحاح ماتعودنا نعمد الخطاء جهر(ن) بيان= وما تعودنا على الخوف من زرق الرماح ولابه إلا نطلب الرب يصلح كل شأن = وننتضر من مطلق الشور ولا الاقتراح السلام عليكم ورحمة الله وبركاته الاخ العزيز والشاعر الكبير ابو طــــــلال " عبدالله بن مرضي الجماعين" ابوطلال يعجز السان ان يصف روعتك في ابداعك وسلاسة منطوقك وجميل عيباراتك وحسن ترتيبك للكلام الجزل والجزاله من طبعك ابو طلال صح الله السانك وعتلا شانك وزادك الله من زوايد فضله على هذي الرائعه التي تخطف الاباب وتملك القلوب وتسحر الاذهان ابوطلال اسأل الله رب العرش العظيم ان يبارك في قلمك واحساسك.. وان يجزيك عنا خير الجزاء بما تتحفنا بهي من قصيد له رونق من الجزاله ابو طلال السموحه على تأخير الرد فالشاعر الي مثلك وشرواك لا بد ان نتريث قليلاً كي نرد عليه الرد الي يليق في مقامه العالي. وتقبل تقديري واحترامي في مقامك العالي اخـــوك / فــهـــد الـــغـــريــــري,,, |
الاخ فهد الغريري اررررررررررحب وحياك الله يامعشوق حب الرجال ولاهنت على المرور وان رديت في البداية او النهايه اهم شئ اننا كسبنا اعجابك عسى الله لايحرمنا منك
|
الشاعر الكبير بوطلال
صح الله لسانك ملاااايين ولايسدن على القصيدة الراااائعه ويستاهل بوعبدالله وآل عمار المدح. ماشاء الله من ابداع الى ابداع دمت متألقاً تقبل تحياتي،، |
مرحبا اخي العماني ويسعدني مرورك الكريم ولاخلينا ولاعدمنا 0000لك الود والورد
|
اخوي الغالي واستاذي ومعلمي / عبدالله
صح لسانك مدد بلاعدد وقد وضعتني امام الامر الواقع وادخلتني امتحان ارجو ان اخرج بتقدير لابأس به امام هذه الشامخه العملاقه ولاهنت على ماكتبت قصيده في قمه الجزاله والروعه ابدعت ورسمت وصورت وعسى ان نحذو حذوك للقمم وتقبل خالص الود والشكر |
مرحبا بك يابن العم مطلق الحصان ولست بهذه المراسلة اقصد امتحانك فكيف يتم امتحان رجل سبق وان اعلنت نتيجته بالنجاح المتفوق واحب ان الكل يعلم يأن نحن الشعار نفهم لغة بعضنا فكلام الاخ مطلق هو الهدوء الذي يسبق العاصفه وليعلم الجميع ان المراد من هذه المشاركات هو خلق الاثارة وجو المتعة والتسليه للجميع في ضيافة ابن مرضي وابن الحصان وكم نتشرف بهذا والاخ مطلق اعتبره نبراس لي من حيث سوابقه في مجال الشعر الجزل000000
|
الاخ الغالي والشاعر الكبير/ ابو طــــــلال " عبدالله بن مرضي الجماعين" ،،، لا هنت على ما تقدمه لنا يالقرم ،، تسلم يمناك على ما كتبت ،، قصيدة وافية من شاعر وافي مسندة لشاعر وافي من رجال كفو. الشعر والقصيد يتشرف ويفتخر ويعتز بشاعرينا الكبيرين/ الشاعر/ عبدالله بن مرضي الجماعين ،، والشاعر/ مطلق الحصان آل عمار ،،، وتقبل خالص وفائق تقديري واحترامي من أخوك ومحبك في الله/صالح الجعيدي |
العجب لوماتجب الي يفهمون= ولا قليل الفهم له مناسماح+++++++++++ صح لسانك وعتلا شانك اخوي ابن مرضي على الآسلوب الرائع وعافاك الله
|
ارحب اخوي صالح الجعيدي وانت تعلم ماذى يعني مرورك لنا فنحمد الذي وفقنا لما يجلبه لنا ولاخلينا منك اخوي الجعيدي
|
الاخ عبدالكريم البليهي اررررررررحب بلا عدد ولاهنت على المرور المشرف وسر الذوق في الموضوع يكمن في جمال ذوقك
|
الله واكبر
عيني عليك باردة يابو مرضي لله درك على الجزلة الوافية........ من كريم لمستحق وقصيدة في غاية الروعة وقوية المعاني واسجل اعجابي وعز الله يستاهل اخونا مطلق جزيل المدح وكفو ويحري بالجزيل الوافي |
ياسلام عليك يابوطلال
وافيه من وافي ويستاهل ابوعبدالله كل خير واطراء.. |
مرحبا مرحبا مرحبا مرحبا مرحبا يابومحمد ولولا خوفي يصير المنتدى ثقيل لواصلت في قول مرحبا مئات الصفحات حتى ان تقول لي يكفي ولك جزيل الشكر على المرور العذب يابومحمد ولو انك تقتلنا بطول الانتظار له فكم هو غالي على النفس عسى الله يحفظه لنا من الزوال00000ابو طلال محبك ومحب الجميع
|
ارررررررررررررررحب يالودعاني تراحيب المحبين عند اللقاء بعد طول الغياب واشكرك جزيل الشكر على هذه الطلة العزيزه ومرورك ياغالي شرف للمشاركة وهدف ثمين لصاجبها 000 لك ود ابو طلال
|
الساعة الآن 05:57 AM
 |
Powered by vBulletin® Copyright ©2000 - 2025, Jelsoft Enterprises Ltd.
---