مطلق بن عبدالله الحصان آل عمـــار


كفووو كفووو

مطلق صح لسااانك مدد


وافي يمال الغناه

لاهنت

ابتدي باذكار ربي آله العالمين= خالق(ن) ماكان وحده ولله الدوام
جلّ شانه دايم الدوم لجله ساجدين= نرتجي عفوه بيوم(ن) لنا فيه ازدحام
يوم هولات البصر والخلايق موقنين= ومن يقدم بالحساني لقا فيها السلام
وانثني بالقاف للي لهم فعل(ن) حسين= يوم قافي يستوي لي على مدح الكرام
كل قول(ن) ساسه الفعل له حبل(ن) متين=يعتلي بالعز مبناه ما جاه الهدام
لابتي غيث(ن) تنشى من الغربي رزين= بارقه لمع الهنادي اليا جا الاحتدام
لااستهاج وهاج صوته برعاده دنين= يشلع الروس العنيده ويجلى للعسام
لا انهمل بالغيث سيله عقب ماهو محين=يستظيق الضلع منّه ويصفق بارتطام
لاانتحا يصفق بجاله وغادي له عكين=كل ضلع(ن) زام طوله عليه السيل طام
من مقاديم السعد جاك وعلاج الحزين =الفرج عقب الدهر فيه غادي له علام
يروي الظامي ويجلى عطش غبر السنين=وتنجلي به كل كبد(ن) مغطيها الكدام
وينفرج به كل دمع(ن) بمحجر كل عين=الفرج عقب السهر يوم حاربها المنام
وتنطلق كل كفّن حداها الوقت شين= قصرّوها مبعدين الهقاوي بالسهام
ويعتلي به كل منهو بحرّابه غبين=يعتلي بالطايله فوق رايات العدام
ويرتقي به كل منهو لجا صوبه زبين= من دخل به قام لعداه يصفق بالبهام
الدواسر مجدهم كاتبينه باليدين=حبره الدم الحمر يوم وقفات الزحام
لآدزايد مضرب العز حامين العرين= ولآد تغلب منبع الجود عآقات الخصام
يوم جول الخيل والرمح والسيف السنين=واشهب البارود عجه يثوّر له كدام
والعزاوي والهقاوي وروغات الذهين= والمناوي حدها السيف من دون الكلام
لا اعتلو من فوق صفر(ن) عليها مسرجين= واردفو من فوق جيش(ن) يبوج(ن) الظلام
واستوت وحده ولا عاد فيها خيرتين= يوم خيرات الذليل الحياه ولو يظام
نارد الموت المحتم وجينا مقبلين=نارده يوم الحرايب مثل ورد الحيام
كسبنا يوم الحرايب من الكسب الثمين= القلايع والخزايز لنا يوم اللحام
ريشه الشعلان كسب(ن) من سيوف اليمين=جابها اللي بالفعايل رقا فوق المقام
مع ربوع(ن) لا استهاجت وجاوك واردين= كل جمعن قد نطحهم يجي فيه انقسام
كم طريح(ن) بالهنادي لكبده شالعين= قام عج الخيل فالقاع يبرمه ابترام
وكم صويبن ينزف الدم واضحى كاسرين= مانفع طب المداوي ولو عشرين عام
وحن سناد اللي من الحيف ما عيّن زبين= نعتلي به ويتعلاّ الى حد الغمام
يوم جا ابن مطرّف(ن) ثم قفاه اللي ظمين= الشريف بعدته كملوها بالتمام
حولو به لابتي فاللقا متسابقين= ثم رغا من عقب ما هوب غادي له رزام
لين كد القاع وامسى على قوزه دفين=واستمت باسم الآسامي على من كان هام
وفي ثرانا يشبعّن الضواري مطعمين= وفي ثرانا كل طير(ن) على العدوان حام
يشهد جريس اليماني وحنّا المحتمين = ما نعينه من طليبه وربعي له حزام
يستظّل بظل رمح(ن) يظل الخايفين= ويتذرا في ذرا السيف قصّام العظام
وقد شهد بالفعل برك(ن) وحنا خابرين= يوم ابن بدران للحرب قاده واستقام
نثني نمنع ونارد وحنا قادمين= لين نروي حربه السيف من كبد الخصام
وكل فعل(ن) قد ذكرته على ساس(ن) متين=يشهد التاريخ دايم وهو خير احتكام
والقبايل وافيه بالوفا طول السنين= مانغط فعول منهم على العليا كرام
والصلاه ختام قولي عدد مر السنين= للرسول اللي بهديه جلى عنا الظلام

المشاركة الأصلية كتبت بواسطة ابوشجاع صح اللسانك يالعماري مطلق قصيده جزله من راس جزل الله لايهينك وبيض الله وجهك ويستاهلون الدواسر المدايح تحياتي لك--ابوشجاع

المشاركة الأصلية كتبت بواسطة ابن هديهد لشاعر الكبير مطلق الحصان العماري أرحب عدد ماحاجٍ حج وكبر وهلل صح الله السانك واعتلا شانك وبيض الله وجهك على الهديه الرائعه يالقرم قصيد جزله من شاعرجزل عزالله وفيت وكفيت جعل ماتنشل يمناك تقبل فايق تحياتي وتقديري محبكم ابن هديهد

المشاركة الأصلية كتبت بواسطة عبدالله الصخيبري السلام عليكم ورحمة الله وبركاته الشاعر القدير مطلق ابوعبدالله (وسام) صح الله لسانك واعتلا شانك على الأبيات الجزله والجميله وبيض الله وجهك على كل ماقلت ولاهي بغريبه منك الجزاله واسعدنا تواجدك معنا في منتدى القبيلة الرسمي في انتظار المزيد من ابداعاتك الشعريه يابو عبدالله اخوك:عبدالله

المشاركة الأصلية كتبت بواسطة ابوعبدالعزيز الدواسـر مجدهـم كاتبيـنـه باليـديـن**حبره الدم الحمر يـوم وقفـات الزحـام لآدزايد مضرب العـز حاميـن العريـن**ولآد تغلب منبع الجود عآقـات الخصـام الشاعر:مطلق الحصان العماري الله يصح السانك على القصيده الجزله تقبل تحيات : ابوعبدالعزيز...

المشاركة الأصلية كتبت بواسطة يحيى الودعاني صح لسانك وبيض الله وجهك

المشاركة الأصلية كتبت بواسطة نمر بن الأشيب الدواسـر مجدهـم كاتبيـنـه باليـديـن=حبره الدم الحمر يـوم وقفـات الزحـام لآد زايد مضرب العـز حاميـن العريـن=ولآد تغلب منبع الجود عآقـات الخصـام الشاعر مطلق الحصان العماري صح الله لسانك على هذه القصيدة وابياتها الرائعة قصيدة جزلة من شاعر جزل ومشكور على هذا الأهداء و ننتظر جديدك __________

المشاركة الأصلية كتبت بواسطة ذيب الغياثات صح السانك يا العماري والله يبيض وجهك عزالله انها تستاهل التثبيت وتكتب بموية الذهب ياابن عمي تقبل احترامي وتقديري وسجل اعجابي ياالعميري اخوك / ذيب الغياثات

المشاركة الأصلية كتبت بواسطة ابن غياث صح الله لسانك وبارك فيك على القصيدة الجزلة من شاعر فحل

المشاركة الأصلية كتبت بواسطة الودعاني الــــــــشـــــــاعر الكــبــيــر/ مطلق الحصان آل عمار . (وســـــــــــــــــــــــــــــــــــــــــــــــ ــــــــــــــــام). صـــــــــــح لــــســـانك واعتلا شـــــانك. قصيدة أحتار لاجيب بوصفها . ولــكــن ماأقـــول الا طول الله عمرك ونفع بك . صح لسانك مره اخرى ولاهنت.