::: مـنتدى قبيلـة الـدواسـر الـرسمي ::: - منوة اللي لا تظايق من ظروفه

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - منوة اللي لا تظايق من ظروفه (http://alduwaser.org/vb/showthread.php?t=6288)

الاخ العزيز

ابومحسن

صح الله لسانك ودائما متميز

لاعدمناك يالقرم وجعلك في الوجود

الاخ ابو عبد المحسن المسعري

عوايدك الوفاء دائماً طالت حياتك اشكرك من كل قلبي على التعقيب اخوك محمد

الاخ قهيدان

شرف كبير لي عندما احصل على التقدير من الطيبين شرواك اشكر من كل قلبي على التعقيب

الاخ سعد المقابله

سلمت على ما قدمت من الكلام الطيب يابو عبدالله جعلها تبطي حياتك تقبل مني وافر الشكر والعرفان

اقتباس:

المشاركة الأصلية كتبت بواسطة ((محمد))

اخواني الاعزاء اسعد الله اوقاتكم بكل خير يسرني ان اهديكم هذه الابيات المتواظعه عسى ان تنال اعجابكم ورظاكم

راكب اللي لا مشا يجلا الحسوفه= لا تنهض مقدمه مالخد زاعي
جيب نيسانٍ عديمٍ في وصوفه= مايبي له غير راع الصنف راعي
منوة اللي لا تظايق من ظروفه= ما قعد يركب مع النقل الجماعي
عقب ما قضا من المطرش شفوفه= قال انا مشوف للمقعاد داعي
كل ما شافوا بجده ما يشوفه= كون دارٍ شوفها مثل المتاعي
دار اهلنا جعل ساعات النكوفه= بعد ساعات المفارق والوداعي

وسلامة الجميع

الشاعر الكبير محمد الخضراني

صح الله لسانك مليارراااااااااااااات

ابيات جزله من شاعرٍ جزل

سجل اعجابي بشعرك وبشخصك الكريم

اخوك الحر

يا سلااام

السلام عليكم ورحمة الله وبركاته

الشاعر / محمد الخضراني

صح لسااانك مليووون

اسلوب مختلف .. وابداع حتى الثماله

لا هنت

الاخ ماجد المهنا

اشكرك على مرورك واسف على التاخير حيث انني لم انتبه لتعقيبك بيض الله وجهك

اخوي محمد صح لسانك وانا اشهد ان الكبير كبير في كل شئ وفي الحقيقه قصيده لها رونق خاص ومن شاعر مرهي و شاعر يعتبر مدرسه ولا يسعني ان ارد عليها إلا بقول الله على الشعر لاجاك من اهله ما اطيبه على المسامع مهوب قصيد لاقريته مغثني وجاني بالصالي على الكبد الله يجيرك

وسجل اعجابي الا محدود بما تملك من تمييز

اخوك الوفي| عبدالله بن مرضي بن فهيد الجماعبن

ابن العم /محمد الخضراني

صح لسانك واعتلا شانك ولا هنت يابومحسن

جزله من جزل قليله في ابياتها وكبيره في مضمونها ومعانيها (شامله)

عسى الحمراني مايرفعون السعر بعد هالابيات الرائعه.

تقبل تحياتي

اخوك / وسام العصا

ابداع ابداع والله لايحدك على النقل الجماعي.. يابومحسن

الشاعرالجزل/محمد بن حشفل الخضراني

صح لسانك طال عمرك وتقبل تقدير وتحيات تلميذك نواف ناصر الودعاني...

كبير الماضي والحاضر

الاخ عبدالله بن مرضي الجماعين اطلعت على تعقيبك بيض الله وجهك والكلام الطيب لايستغرب من ومن الطيبين شرواك اشكرك جزيل الشكر وتقبل مني اجمل التحايا والتقدير

الاخ وسام العصا

كم انا مسرور بتعقيب كل طيب من بني عمي شرواك طابت حياتك على طاعة الله تقبل مني اجمل التحايا والتقدير

الودعاني

الاخ نواف بن ناصر الودعاني سرني كل السرور كلامك الطيب وهذا تواظع منك بيض الله وجهك تقبل مني اجمل التحايا والتقدير