|
اقتباس:
والله وبدون مجاملة أنها قصيدة من أروع القصائد بالنسبة لي يعجبني الشاعر الذي يعبر عن موضوع قصيدته بأبيات مختصرة بدون أن يخل بالمعنى فتأتي القصيدة وافية مشوقة مقبولة خالية من التطويل الممل لتأخذ طريقها إلى قلوب وعقول المستمعين بلا إستئذان مسبق... وهذه الصفات تنطبق على قصيدة الشاعر عبدالله الصخيبري التي هيضتني..... ولو مناب في رمضان كان إعلوم:) صح بدنك ياأبوسعود وننتظر المزيد |
السلام عليكم ورحمة الله وبركاته
ارحب يابو فهد وجزاك الله خير على الزياره التي بها نور متصفحي واشكرك جزيل الشكر على الكلام الطيب الذي به اخجلتني ابو فهد لاتبخل علينا بما عندك من قصيد فنحن في شوق لسماع ماتحفظه في سريرتك اخوك:عبدالله |
شاعرنا المبدع عبدالله الصخيبري صح الله لسانك على الابيات الجزله معانيك جزله و عليا ولانويت المقناص المره الثانيه فعلمني يمكن اخاويك والا اقل شي احجز قسمي من الصيد لاهنت ياعبد الله وننتظر جديدك اخوك الحر |
السلام عليكم ورحمة الله وبركاته
ارررحب يالحر وصح بدنك يالغالي ومن ناحية المقناص فاخوة الرجال تنشرى وانت امر بالي تبيه |
صح السانك ملايين وقصيدة رائعه من شاعر متمكن
والله لايهينك ياعبدالله على الجزلة الوافية ولك مني جزيل الشكر وفائق الاحترام |
السلام عليكم ورحمة الله وبركاته
اخي الغالي ابو محمد صح بدنك ومن قال مايهان ويكفيني منك الزياره يابو محمد اخوك:عبدالله |
السلام عليكم ورحمة الله وبركاته
ارحب يابو عبدالله وحقك في البايت مهوب في الفايت ونشفق على اخوة الي مثلك وشرواك اخوك:عبدالله |
السلام عليكم ورحمة الله وبركاته الله لا يهينك يالنادر على هذي القصيده الاكثر من رائعه وخلك على ذاالموال وصح لسانك يابوسعودـ]
|
السلام عليكم ورحمة الله وبركاته
ارحب ياdoss.2005 من قال مايهان وصح بدنك يالغالي اخوك:عبدالله |
مبداي في رووس الحزوم المشاعيف = ابرك واخير امن القرايا واهلها اسج واخذ مع هجوسي تصانيف = اطرق رقاق القاع واسند جبلها واتوق لاشفت البها دون تكليف = واشرط على الونسه ولاارضى بدلها وان كايدوني في جنبها الملاقيف = مارضا على نفسي تلحق زعلها نطحت خشم الجيب حمرن مراديف = وقصيت لي دربن يدل لسهلها واخذت مع ربعي النشاما سولايف = تذهب عن النفس الونيه كسلها اربع ليالى ماطرتنا المناكيف = من طربتن في الروح ذقنا عسلها صيدن وفيد وذبتن للمشاريف = دوا لكبدي لانطوت في عللها شاعرنا / عبد الله الصخيبري صح لسانك وما تجيب الا جزلات وعوايدك الجزلات وعساك على القوه تسلم تسلم |
السلام عليكم ورحمة الله وبركاته
الغالي ابو عبدالله مرحبا ومسهلا وصح بدنك واشكرك على ماابديته وخطته يداك والله يقوي الجميع اخوك:عبدالله |
قصيده جزله. . . . . .من شاعر جزل
صح لسانك ولا يهون منطوقك ننتظر جديدك تقبل تحياتي اخيك / راكان العجمي,,, |
السلام عليكم ورحمة الله وبركاته
الاخ الغالي راكان من قال مايهان وصح بدنك يالقرم واشكرك جزيل الشكر على الزياره والتعليق اخوك:عبدالله |
الشاعر عبدالله الصخيبري صح السانك يالقرم وعز انك هيضتني على المقناص وانا اشهد انك
وصفة تسلم على هذي القصيده |
السلام عليكم ورحمة الله وبركاته
الاخ العزيز والغالي ابو عبدالعزيز صح بدنك وولا الهم عنك واشكرك جزيل الشكر على الزياره والتعليق ابو عبدالعزيز عيدالله عليك مبارك ومن العايدين وجعلك في ا لدنيا سوي قوي |
الساعة الآن 07:45 AM
 |
Powered by vBulletin® Copyright ©2000 - 2025, Jelsoft Enterprises Ltd.
---