::: مـنتدى قبيلـة الـدواسـر الـرسمي ::: - رجوم الشياطين وبرق الجنوب( زلزال سونامي وإعصار كاترينا)

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

اقتباس:

المشاركة الأصلية كتبت بواسطة أبوفهيـــد

صح الله لسانك يارجوم الشياطين

وصح الله لسانك يابرق الجنوب

قصيديتين جزلتين من شعار جزلين

دمتو ودام همس قوافيكم ترن بمسامعنا

ولاتبطون بجديدكم ،،،

صح بدنك ياابوفهد ولاهنت يالغالي

وابشر بالخير ان شاء الله

اخونك /برق الجنوب ورجوم الشياطين

اقتباس:

المشاركة الأصلية كتبت بواسطة ثامر البدراني

صح لسانك يا رجوم الشياطين

وصح لسانك يا برق الجنوب

اللي قصايدك دوم تعجبني

الله ينصر المسلمين ..

ومشكورين على إبداعكم

تقبلوا أطيب تحية ..

ثامر البدراني

الاخ الشاعر// ثامر البدراني

لاهنت على المرور والاشاده وهذا وسام وشهاده

اخوانك / برق الجنوب ورجوم الشياطين

اقتباس:

المشاركة الأصلية كتبت بواسطة ابوريما

صح الله لسانك برق الجنوب ورجوم الشياطين والله يعز الاسلام والمسلمين ويذل الشرك والمشركين انه على كل شئ قدير

مشكور اخوي //ابوريما

ولاهنت يالغالي عسى ايامك افراح

اخوانك// برق الجنوب ورجوم الشياطين

سونامي و كاترينا

قصيدتين جزلتين من شاعرين متألقين في هذا المنتدى الرائع بروعة و جزالة شعرائه الذين سخروا شعرهم لتجسيد معاناة

هذه الأمة و ما تعانيه من الظلم و الجبروت الشيطاني متمثلا في امريكا و اذنابها

صح الله لسانك و اعتلا شانك أنت و أخوك الشاعر برق الجنوب وبيض الله وجيهكم و تقبلوا مني خالص الود و التقدير

أخوك في الله

العرابي

اقتباس:

المشاركة الأصلية كتبت بواسطة ابو عبدالمحسن المسعري

المبدعين برق الجنوب ورجوم الشياطين صوت وصدى رائعين لشاعرين متميزين في منتدانا الرائع ، وبيض الله وجيهكم على هذي المراسلة الطيبة والموضوع الذي يهم المسلمين ، وعلى هذا النهج فلننضم الشعر وإلا فلا.
يقول من عدا علـى راس مشـراف ........ متهيـضً لكـن مهـوب لوليـفـه
مطلع قوي للمتمكن برق الجنوب ، صح لسانك وبيض الله وجهك ، وعز الله إن شعرك هو اللي يهيض يابرق الجنوب ، فدمت ودام إبداعك وتوهجك ، ولك مني خالص الود والتقدير

اخي العزيز/ابوعبد المحسن

لقد تميز هذا المنتدى بك وامثالك لاعدمناك يامال المهلا والحض الطيب

شاكرين ومقدرين مرورك وتعليقك وهذا تواضع من شخصك .

اخوانك الشكره// برق الجنوب ورجوم الشياطين

اقتباس:

المشاركة الأصلية كتبت بواسطة الودعاني

رجوم الشياطين وبرق الجنوب
عمالقه برديات تبحر في جزاله الشعر
لاهنتو يالقرووم..

اخي الشاعر/الودعاني

ماعليك زود طال عمرك
ولاهنت ايضا وبيض الله وجهك

اخوانك// رجوم الشاطين وبرق الجنوب

اقتباس:

المشاركة الأصلية كتبت بواسطة دغش البطي

الشاعرين الكبيرين رجوم الشياطين و برق الجنوب

هنا وجدت الشعر الحقيقي

وهنا إستمتعت بالشعر الأصيل

يقول رجوم الشياطين

ياجـرح ياللـي فـي المعاليـق نـزّاف=لاطــاب لاوقّــف وزوّد نـزيـفـه
أرفاه من صوبً ومن صوب ما إنـراف=مافـاد فيـه إعـلاج بيـض اللفيـفـه
ظيـمً وجـور وزود والثالـث إجحـاف=ظـلـمً وبـهـتـانٍ وقصةطـريـفـه
تكالبـت كـل الأمـم قـدم وإخــلاف=علـى العـرب والمسلميـن الضعيفـه
عدونا أمريكا عسـى رزقهـا إكسـاف=عسـى لياليهـا إشــداد وكسيـفـه
عسى( سونامي) يضرب حدود الأسياف=وتبقـى ديـارً موحـشـاتً مخيـفـه
قامت تجـوب العالـم إتكـوّن أحـلاف=وياويل مـن يرفـض أمريكـا حليفـه
حربً صليبية علـى الديـن ياأشـراف=أهدافهـا نجسـة ولاهــي شريـفـه
جـات العـراق وحطتـه كلـه أنتـاف=واللي رضى ياخذ مـن أرضـه نتيفـه
والأرزاق تعطيهـم بشوكـة ومغـراف=إبعكـس يـوم إنّ (الرشيـد) الخليفـه
(وبرق الجنوب) الله علم ويش هو شاف=أكيد حسّ وشاف فـي الوضـع شيفـه
رجـلً يميـز كلمتـه كــل عــراف=حـرً رقـى فـي العاليـات المنيـفـه

ياسلالالالالالالالالالالالالالالالالالالالام

لله درك من شاعر وصح الله لسانك ملاييييييييييييييييين

وهنا رد الأخ برق الجنوب :

((( إعصار كاترينا)))

يقول من عدا علـى راس مشـراف=متهيـضً لكـن مهـوب لوليـفـه
ماهيضه ياكـود زينـات الأوصـاف=نـوادر ابيـوت القصيـد العفيفـه
يامرحباً باللي علـي عنّـز القـاف=قرمً جعل عسـر القوافـي عسيفـه
تشكي وأنا أشكي من زمان التعجراف=والكـل منـا شايـفً مـا يعيـفـه
ياأخوك أنا شفت الوزا والتحسـاف=من دورة أحـداث الزمـان العنيفـه
تصوطنا أمريكـا ولاعندنـا إخـلاف=كنـا تعودنـا الحـيـاة الكسيـفـه
مليـار مسلـم كنهـم خمسـة آلاف=مافيهم اللي شـال رمحـه وسيفـه
أبشر بهم عند الولايـم والأصنـاف=وقلوبهم وقـت المعـارك إصخيفـه
سطوة (صلاح الدين) ماعاد تنشـاف=وعيوننا عـن شوف(خالـد) كفيفـه
لكن رجانا منـزل آيـات الأحقـاف=الله ولاخـاب الــذي يستضيـفـه
النصر قادم لامحالـة فـلا إتخـاف=مهما طغى الباطـل بظلمـه وزيفـه
يالله عساهم (كاترينـا) بالأضعـاف=إ تـدكّ ساحلهـم وتمحـى رصيفـه
تبرد كبودً مالهـا طـب وإسعـاف..=ألا تقـاضـا للنـفـوس الكثيـفـه
إنفوسً أزهقها فعل جيش الأحـلاف=وسط البـلاد المسلمـة والضعيفـه
والله يرجّعنا علـى نهـج الأسـلاف=أهل العقيـده والسيـوف الرهيفـه
أما حيـاةً تسعـد قلـوب الأشـراف=وألا ممـاتً فـي سبيـلً شريـفـه

صح الله السنتكم جميعاً وجعلكم ذخراً للأسلام والمسلمين

وعز الله العزيز ان القصيدتين جزلة ومأساوية وتصف مأساة المسلمين

الذين بلغ عددهم اكثر من مليار ونصف المليار مسلم ولا احد يحرك ساكنا

المسلمين يقتلون ويعذبون ونتتهك اعراضهم وتسلب اراضيهم

ونحن نائموووووووون ...

والله المستعان ..

واسأل الله ان ينصر المسلمين في كل مكان فوق كل ارض و تحت كل سماء

اللهم انصرهم واعلي كلمة الحق يا رب العالمين ..

تقبلو ودي وتقديري وشكري وعرفاني

محب الجميع : دغش البطي

اخي وعزيزي الشاعر/ دغش البطي

لاهنت يالغالي ويامنبع الطيب ....ردك على كل القصايد شهاده

بيض الله وجهك وعسى عمرك طويل على طاعه

أعلم أن ردك وتعليقك يهمني بصراحه .ويهم الاخ الشاعر// برق الجنوب

اخوانك الشكره/// برق الجنوب ورجوم الشياطين

اقتباس:

المشاركة الأصلية كتبت بواسطة ابن هديهد


	بسم الله الرحمن الرحيم السلام عليكم ورحمة الله وبركاته وبعد صح الله السنتكم جميعاً وجعلكم ذخراً للأسلام والمسلمين والله العظيم مأدري من اين ابدا ولا ويش اقول الله يبيض وجيهكم فقد جاش القلب بما فيه من هم وحزن تجاه اخوانا المسلمين والتي تنهشهم دول الكفر من كل حدب وصوب والمسلمين لا يحركون ساكن لكن لا نقنط من رحمة الله الله ينصر السلام والمسلمين والكم مني جزيل الشكر والعرفان اخوكم ابـــن هـــديـــهـــد

اخي الشاعر العزيز//ابن هديهد

جزاك الله كل خير على شعورك الطيب تجاه اخونك المسلمين وابشر بالنصر ان شاء الله قريب

ومشكور على المرور والتعليق

تقبل تحيات اخوانك الشكره// برق الجنوب ورجوم الشياطين

اقتباس:

المشاركة الأصلية كتبت بواسطة ماجد المهنا

السلام عليكم ورحمة الله وبركاته

رجوم الشياطين / برق الجنوب

اسمان وضعا للأبداع سمات

ابدااااااع حتى الثماله

صوت وصدى ولا اروع

ولاهنتوا على كل حال

اخي العزيز الشاعر// ماجد ال مهنا

مشكور على الشعور الطيب وبيض الله وجهك

وتقبل تحيات الشكره//برق الجنوب ورجوم الشياطين

اقتباس:

المشاركة الأصلية كتبت بواسطة العرابي

اخونا العزيزوالغالي// العرابي

لاهنت وبيض الله وجهك على المرور والتعليق و كذلك شعورك وماتحمله من هم هذه

الامه
نلقاك في مناسبه قادمه ان شاء الله

اخوانك // برق الجنوب ورجوم الشياطين

رجوم الشياطين وبرق الجنوب يعجز اللسان ويحتار البيان

وتجف الاقلام في وصف ابداعتكما , لكن ما اقدر اقول الا الله

لايهينكم ويعطيكم الصحة والعافية ...

تحياتي...

اقتباس:

المشاركة الأصلية كتبت بواسطة فهد الدهمش

اخونا العزيز// فهدالدهمش

لاهنت يالغالي عسى عمرك طويل وبيض الله وجهك .

اخوانك //برق الجنوب ورجوم الشياطين