قصيدة بالجيب الشاص

[معلومات العضو ماجد الشرافي]

هذه قصيدة بالجيب الشاص


مادريتو عن مزاجي ويش خشه
...................................... موتر حبه مزاجي ورغبة

شاص أبيض من هقى به مايغشه
..................................... منوة اللي شاف خله ونهبه

منـوة اللي لامشى شماغة يطشه
..................................... سايقة في كل مرقاب شعبه

ماحسب للحمل لو زادو بقــــشه
..................................... وإن لقى الناشب على الخط سحبه

لاسرى بالمطر ثم زاد رشــــــــه
..................................... مادعس له بالفرامل وكربــــــــه

شغل مساحته ثم قامت تمشه
.................................... ويتلامع بالمطر تقل ذهبـــــــــه

كل ماقدام صدامه يقــــــــشه
.................................... بالرفارف والتواير وشنبـــــــــــــه

لانزل صدره على قشع يحشه
.................................... حش منشار يحش له خشبــه

الكفر ماوقف السايق يفــــشه
................................... وجاء لسواقه على كيف طلبــــه

لازم خشمه لاظهر حزم يدشه
................................... وان حداك السيل بالليل اسربه


وسلامتكم

 

 

 

 

[معلومات العضو al_meteb]

شكرآ على القصيده

 

 

 

 

[معلومات العضو الوافيه]

لاهنت يا ماجد
قصيده جزله
صح لسان شاعرها

تحـيتي..

 

 

 

 

[معلومات العضو وقيان الحنابجه]

مشكور على القصيده
انا اشهد ان الشاص موتر

 

 

 

 

[معلومات العضو ابو حسين الدوسري]

اسلم اسلم اسلم والله يماجد اشهد بالله انها كايفه

يعطيك العافيه يذيبان

حالص التقدير

 

 

 

 

[معلومات العضو عبدالله الحافر الغييثي]

لاهنت ياماجد على نقل وصح لسان الشاعر/مرير الحبيل العتيبي فقد ابدع في هذه الابيات لك الشكر والتقدير

 

 

 

 

[معلومات العضو العنووود]

صح لساااانك ولسان شاعرها...

 

 

 

 

[معلومات العضو ناصر بن فهد]

صح لسانك وصح لسان الشاعر
وبيض الله وجهك على النقل