شاعر من بني زيد يمتدح قبيلة الدواسر والشاعر سلطان آل مطلقه الدوسري يرد برائعة شاعريه

[معلومات العضو هادي مشبب]

إخواني أعضاء منتدى قبيلة الدواسر الرسمي تحية مخلوطة بريح العود والمسك والعنبر تصافح كفوفكم النديه
واسأل الله العلي القدير أن يبارك لنا في شعبان ويبلغنا رمضان (آمين)

إعزائي وإخواني أعضاء وزوار أعتذر عن طول الغياب ولكن انا مؤمن بالمثل القائل مابطا بالسيل الا كبره
جئتكم اليوم وأنا أحمل في جعبتي قصة وقصيدة لأحد شعراء قبيلة بني زيد العريقه قالها في قبيلة الدواسر والقصة والقصيدة قبل أن أرويها وددت أن أروي لكم الموقف الذي من خلاله عرفت هذه القصة والقصيدة
حيث كنت في دولة الكويت قبل أيام وفي مجتمع يضم أشخاص من جميع القبائل وروى شخص من قبيلة شمر كان ضمن الموجودين قصة الدواسر المشهوره مع رفيقهم الشمري عندما تعرضت سيارته للعطل على حدود اليمن وهي قصة معروفه للجميع
فتحدث شخص آخر من قبيلة مطير عن كرم الدواسر وشجاعتهم وذكر بأن لديه قصيدة للشاعر عبدالمحسن المطوع وهو من قبيلة بني زيد يمتدح فيها قبيلة الدواسر العريقه وهو مقطع صوتي محفوظ في جواله وقد بتسميعنا إياه وطوال القصيدة كان الحضور جميعهم ليس على لسانهم سوى كلمتين (كفو ويستاهلون) وبيض الله وجه المطوع
المهم نقلت القصيدة لجوالي وبعدما رجعت للسعودية نشدت عن قصة القصيدة أو مناسبتها فذكر لي أحد الأشخاص بأن الشاعر عبدالمحسن قام بمخاواة عدد من أبناء قبيلة الدواسر ومن القبائل الأخرى ممن يعملون معه في نفس العمل وفي كل شخص دوسري يجد المطوع بأن الدواسر يتميزون بصفه من غير قصور في القبايل الأخرى وهي أنه كل ما أراد حاجه قالو له سم وأبشر واذا قلط عند واحد منهم مايقدم له الا الحيل هذا بالإضافة إلى خفة الناس التي رآها في أبناء قبيلة الدواسر ولم يجد ولا شخص من بين الدواسر اللي يعرفهم الا ويتمتع بها الصفات فتغنى بها الأبيات
وطبعا قبل ماسرد قصيدة المطوع لابد من التذكير بأن الشاعر سلطان بن محمد آل مطلقه الودعاني الدوسري وهو أحد شعراء قبيلة الدواسر المتميزين والجزلين في نفس الوقت قد رد على قصيدة المطوع بقصيدة ذكر فيها أفعال وأمجاد قبيلة بني زيد مما جعلها حديث لأفراد قبيلة بني زيد وهذه خصلة جميله من شعراء الدواسر ان تجدهم جاهزين بالرد لأي شاعر يمتدح قبيلت الدواسر العريقه
وقصيدة سلطان آل مطلقه حصلت عليها من شخص آخر بعد أن أخبرني الشخص الأول الذي روى لي مناسبة قصيدة المطوع بان الشاعر سلطان آل مطلقه قام بالرد على قصيدة المطوع

قصيدة المطوع يقول فيها

بعض المجالس لاهجرتّه تهنيت = لاصار يجمع له وجيه(ن) قبيحه
اما حكو في غرتك كل ما أقفيت = ولا بلوك ولفقولك فضيحه
والمجلس الي مجمع(ن) للسرابيت = يثر على نفسك وسدك يبيحه
ومن لامني لاشمت عنّه وصديت = يطيح ما سمّا ويشهق بصيحه
في صفرت(ن) فيها ثمانين عفريت = تكسر رقبته مايغادر مطيحه
اليا ومرك الله وفي السوق طبيت = جنب عن المترديه والنطيحه
واليا هداك الله لخوّه وخاويت = دوك الدواسر كاسبين المديحه
قوم(ن) لياجات الحرايب طواغيت = وكفوفهم تندا ولا هي شحيحه
فقيرهم لاجيت بيته تعشيت = تلقى الشحم والعود الازرق وريحه
وكريمهم ترحيبته بك ليا جيت = ترحيبتن تبري القلوب الجريحه
ان قلت له تبقى قلط بك على البيت = وان قلت وشلونك ذبح لك ذبيحه
وصبيهم لاصحت فيه وتعزويت = صدره من النخوه يروّع فحيحه
قبيلة(ن) يفخربها الحي والميت = شريحة(ن) راحت وباقي شريحه
من عاش يبقى طيب الذكر والصيت = ومن راح منهم جعل ربي يبيحه
الاد زايد هيّضوني وغنيت = ومن طيبهم هاضت علي القريحه
حاولت اعد فعولهم لاكن ازريت = ولا قلت فيهم غير حاجه صحيحه
فهمت من بعض التجارب وعانيت = ويكفيك عن بعض التجارب نصيحه
اليا هداك الله لخوه وخاويت = دوك الدواسر كاسبين المديحه

وهذا المقطع الصوتي

وهذا رد الشاعر سلطان بن محمد آل مطلقه على شاعر بني زيد الشاعر عبدالمحسن المطوع

وهذا المقطع الصوتي



أتمنى أن أكون قد وفقت في نقل هذه الروائع الشعريه لكلا الشاعرين .

والله الموفق

 

 

 

 

[معلومات العضو محمد بن سالم الخضراني]

بيض الله وجهك يابومشبب وجعل عمرك اسنين وصح لسان المطوع والله يبيض وجهه ولا عليهم زود بني زيد وصح لسان الشاعر سلطان وبيض الله وجهه على الرد الوافي تحياتي لك يابومشبب

 

 

 

 

[معلومات العضو نايف الخييلي]

هادي بن مشبب
الله يبيض وجهك على طرحك لهذي القصيده الرائعه للشاعر محسن المطوع
وبيض الله وجه على مدحه للدواسر ولا على ربعه بني زيد الكرام زود ونعمً والله
بهم , فهم اهل دين وكرم وطيب ويستاهلون الرد الثناء وصح لسان الشاعر سلطان
ابن مطلقه على الرد الوفي ,,, خالص تحياتي

واستسمحك بنقل الموضوع لقسمه الانسب

 

 

 

 

[معلومات العضو دغش محمد الصخابرة]

بيض الله وجهك يابومشبب

وصح لسان المطوع والله يبيض وجهه

ولا عليهم زود بني زيد

وصح لسان الشاعر سلطان وبيض الله وجهه على الرد الوافي

وتقبل تحياااااااااااااتي ..

 

 

 

 

[معلومات العضو عبدالله الحافر الغييثي]

بيض الله وجهك يابومشبب وجعل عمرك اسنين وصح لسان المطوع والله يبيض وجهه ولا عليهم زود بني زيد وصح لسان الشاعر سلطان وبيض الله وجهه على الرد الوافي تحياتي لك يابومشبب ومثل ماقلت ما ابطى بالسيل الا كبره جعل عمرك من عمر نوووووووح

 

 

 

 

[معلومات العضو سلطان بن دخيل الله]

لاهنت ياهادي وبيض الله وجهك عزالله انها ترفع الراس مثل هالقصايد خصوصا لاجت

من رجال فيهم خير مثل المطوع وبيض الله وجه بن مطلقه على هالرد الطيب

وحقيقة بني زيد قبيلة معروفه ونسب عريق وهم حاضرة وتزخر بالعلماء والفقها والمشايخ الذين كان لهم دور كبير في خدمة هذه الامه ولعل الشيخ الجبرين الذي
توفي قبل اشهر من اعلام هذه القبيله بعلمه وفقهه وخلقه ووو الخ لذا اسئل الله
له ولوالدي واموات المسلمين والمسلمات الرحمه والمغفره وان يرحمنا برحمته اذا
صرنا الى ماصاروا اليه.

تقبل احترامي وتقديري لشخصك الكريم

 

 

 

 

[معلومات العضو راشد المسعري]

الله لا يهينك يابو مشبب وصح لسانك ولسان المطوع ولسان الشاعر سلطان بن مطلقة الودعاني ، وعز الله يستاهلون بني زيد المدح لأنهم اهل له .
تقبل ودي وتقديري ،،،

 

 

 

 

[معلومات العضو فهد الغريري]

السلام عليكم ورحمة الله وبركاته اخوي العزيز الفاضل : ابو مشبب ارررحب ثم اررحب ثم اررحب يالمنعور " من طول الغيبات جاب الغنايم " وصح الله السان المطوع ولا عليه زود جعله المعزه وصح الله السان شاعرنا الكبير سلطان بن مطلقه ويستاهلون بني زيد الطيب لأنهم اهل له ونحن بنتظار موضيعك الجزله ياكحيلان وتقبل تقديري واحترامي اخوك / فهدالغريري

 

 

 

 

[معلومات العضو عســافةالخيل]

صح لسان الشعار ولاتهون اخوى

 

 

 

 

[معلومات العضو الساطي]

اخوي هادي بن مشبب
بيض الله وجهك على ها القصيدتين الجزلات
وبيض الله وجه الشاعر الكبير عبدالمحسن المطوع
وبيض الله وجه الشاعر الفذ سلطان بن مطلقه

وبني زيد يستأهلون المدح والثناء

تقبل مروري اخوك
الســاطــي

 

 

 

 

[معلومات العضو ناصر فياض الودعاني]

	بيض الله وجهك يابومشبب وجعل عمرك اسنين وصح لسان المطوع والله يبيض وجهه ولا عليهم زود بني زيد وصح لسان الشاعر سلطان بن محمد ال مطلقه الودعاني وبيض الله وجهه على الرد الوافي وعزالله أن علومه كلها وافيه ابو حميد تحياتي لك يابومشبب ومثل ماقلت ما ابطى بالسيل الا كبره لاهنت يالاد المنيعي

 

 

 

 

[معلومات العضو حسن بن بطحيه]

كفو ياسلطان صح الله السانك انت شاعر تطربني كثير ولاهي غريبه ولاهنت ياالناقل
دره من درر الغالي ابو محمد تقبل مروري وعجابي,,

 

 

 

 

[معلومات العضو هادي جدا]

بسم الله الرحمن الرحيم
بيض الله وجهك يابومشبب على هذا النقل الرائع والمميز كناقله وعادتك في انتقاء الجزل ياجزل ولا تحرمنا من جديدك المتميز دائما يا ذيبان .
وصح لسان شاعر بني زيد المطوع على القصيدة الجزله .

أما أبو محمد فعز الله أنه بحر وغزير وجزل ووافي وكل العلوم الطيبه من طباعة صح لسانك يابو محمد يا سلطان الشعر والطيب والله اللي رفع سبع وطمن سبع أني أغليه غلا ما يعلم به الا الله سبحانه وافنا في جديدك جعل ربي يزيدك خير بابن الكرام .

 

 

 

 

[معلومات العضو ابن شميعان]

الله لا يهينك يابو مشبب وصح لسانك ولسان المطوع ولسان الشاعر سلطان بن مطلقة الودعاني ، وعز الله يستاهلون بني زيد المدح لأنهم اهل له تحيااااااااتي لك نايف ابن شميعان

 

 

 

 

[معلومات العضو نايـف]

الأستاذ هادي بن مشبب ..

بيض الله وجهك ووجه الشاعر عبدالمحسن المطوع والودعاني .. يستاهلون الدواسر وبني زيد كل خير وهم ربع وأصحاب من أول ..

لي طلب بسيط من الاستاذ هادي ولا عليك أمر ان ترفع لنا الملفات الصوتيه للشعراء لأنها متعطله


تسلمون