قصيدة الشاعر عبدالله بن حمير الرجباني ورد ابن زامل السبيعي

[معلومات العضو العماني]

هذه قصيدة ترحيبية بشيوخ واعيان قبيلة سبيع الذين حلوا ضيوفا بالوادي لانهاء مشكله حصلت والقصيدة للشاعر الكبير عبد الله بن حمير السابر الرجباني الدوسري حفظه الله:

مرحبا ترحيبة الأرض بمزون المطـر=يا سبيع اللي لكم عندنـا قـدرٍ كبيـر
بسم(( أبو فيصل)) يحيى بكم من هو حضر=مرحبا مليون ترحيب من صدق الضمير
نعتبر هاليوم يومً يسجل فـي العمـر=يوم عيدٍ ينثر الورد وانفـاس العبيـر
مافعلنا مـن المواجيـب حـق نعتبـر=مالنا به منه غي حقكم ما هـو كثيـر
كل منـا وده يشفوكـم ياهـل الفخـر=في زيارة منزله من صغير ومن كبيـر
من الفرعا اليا السليل لكم حشمه وقدر=مثل مانتوا من نصاكم غدا كنه أميـر
في الحدود موحده والنسب محزم ظفـر=والاخـوة سابقـة مالهـا والله نظيـر
انتو أهل الجود والمـدح لا رد الخبـر=ما نبي فيهـا دليـل وشـرح يصيـر
منتدى الضيفان يوم الليالـي تستعـر=علمكم عند القبايل كما القمـرا يسيـر
معذرة ما ساعد الوقت في نظم الشعر=ولا كان بمدحكم والله أن أبـدع كثيـر
اعذروني يا رجال المعرفـة واعتـذر=والكريم اللي عذروني جـزاه الله خيـر

ابوفيصل:شافي بن قينان الرجبان الدوسري


وقد رد عليها الشاعر حمود بن زامل السبيعي على قصيدة الشاعر الكبير عبدالله السابر الرجباني الدوسري وبعد انهاء المشكله:

البقى يـا ((آلاد زايـد)) بعيديـن النظـر=عد من سير برجلة على البيدا يسيـر
أو عدد من حج بيتـه ولبـا واعتمـر=أو عدد ما غرد الطير في واحة عسير
قول شاعركم كما النقش في صم الحجر=عبر اللي في ضميره من القلب اتعبيـر
لا مدحتونا ترى المـدح فينـا معتبـر=هل ثلاثٍ بيض غلبا مدلهـة القصيـر
وان بلانا الله بدعوى يضيق بها النحـر=نبرك الها ما نشاور بدعوانـا شويـر
ولا عليكـم زود تشهـد لكـم البشـر=تذبحون الحيل للضيف وعيال الفطيـر
يوم جينا عند ((شافي)) جلا عنـا الكـدر=نعم والله بالمعـزب وربعـه والأميـر
لو خذينا عند ((شافي)) سنـة ولا شهـر=ما شكا هداج من وارداتـه والصديـر
ما يكفي في(( البرازات)) مـدح مختصـر=مير قالوا خير ما دل في القول القصير
ثم أعود لعـزوتٍ تنثـر الـدم الحمـر=((لاد مسعر)) عزوةٍ مالهم فيهـا خشيـر
يوم صكات الليالي يدوسـون الخطـر=ما يهابون الخطر لو يجي منه النذيـر
في ذر((ا ابن قويد ))يرعون حسكات الوبر=تفرح بمركاض خيالهـم بنـت البعيـر
والكرم طبع لهم مثل غـواص البحـر=مثل عدٍ لو يشح المطر جمـه غزيـر
هل دلال نارها مع غطاليـس السحـر=نجرها لا ناشه القهوجي يجضر جضير
تنشر البيضا على روسهم مثل القمـر=من جبل صنعا ليا الشام وديار الظفيـر
يوم جيناهـم علينـا حمـولٍ بالظهـر=نزلوها مـا بقـى لا قليـل ولا كثيـر
ثم قلنا ثم قالـوا هـذا طبـع الدهـر=تقبل الدنيـا وتقفـي رحاهـا يستديـر
العوض ما يجبر العظم لا منه انكسـر=العوض من ربنا يجبر العظم الكسيـر
تنشر البيضا على روسهم مثل القمـر=من جبل صنعا ليا الشام وديار الظفيـر
والختم صلوا على المصطفى خير البشر=هو بشير أمة محمد وهو أفضل بشيـر

شافي : شافي بن قينان الرجبان الدوسري

 

 

 

 

[معلومات العضو تركي ال فنيس]

بيض الله وجهك يالعماني وصح السانك والسان الشعار انت مبدع في طرحك دايمااااااااااااا

 

 

 

 

[معلومات العضو العماني]

ووجهك ابيض اخوي تركي وتسلم على المرور

تقبل تحياتي،،

 

 

 

 

[معلومات العضو أبوفهيد الودعاني]

صح لسان بن حمير ولسان ابن زامل


العماني لاهنت يالقرم على طرح قصيدة ابن حمير ورد

ابن زامل عليه.

تحياتي ،،،،

 

 

 

 

[معلومات العضو العماني]

صح ابدنك يالبراق ولاهنت يالقرم على المرور

تقبل تحياتي،،

 

 

 

 

[معلومات العضو نايف]

صح لسانك يالعماني ولسان الشاعر عبدالله والشاعر السبيعي ولاهنت يالغالي ,,,,,

 

 

 

 

[معلومات العضو حمد الودعاني]

صح السانك يالعماني والسان الشعار والله يعطيك العافية

 

 

 

 

[معلومات العضو العماني]

نايف

حمد الودعاني

مرحبا بكم واشكركم على المرور والردود الطيبه

تقبلوا تحياتي،،

 

 

 

 

[معلومات العضو مبارك الخييلي]

صح ألسان شاعرنا الرجباني

وجعل يمينك يا هايف سالمه

وبيض الله وجهك

تقبل جزيل الشكر والتقدير

 

 

 

 

[معلومات العضو العماني]

مرحبا بك اخوي مبارك واشكرك على المرور

تقبل تحياتي،،

 

 

 

 

[معلومات العضو العماني]

مرحبا بك اخوي مبارك واشكرك على المرور

تقبل تحياتي،،

 

 

 

 

[معلومات العضو محمد ال مطيلق]

بيض الله وجهك يالعماني وصح السانك والسان الشعار انت مبدع في طرحك دايمااااااااااااا

 

 

 

 

[معلومات العضو شافي القويسي المخاريم]

اخوي العماني مشكور جعل فالك طيب

 

 

 

 

[معلومات العضو بوحمد الحمد]

صح السانك

والسان كل واحد فيهم

والله لايهينك

تقبل مروري

 

 

 

 

[معلومات العضو ناصر آل جزاء]

صح لسان بن حمير ولسان ابن زامل


العماني لاهنت يالقرم وبيّض الله وجهك على طرح قصيدة ابن حمير ورد

ابن زامل عليه.

تحياتي ،،،،


ناصر آل جزاء