الراس شــاب ولا بقـى غــير الاهــداب-من تجارب السنين شعرا- ابومحمد

[معلومات العضو محبكم الدوسري]

قصيدة الراس شاب من تجارب السنين شعرا بسم الله الرحمن الرحيم احيانا تكون في الدنيا متناقضات . لانملك امامها الا الاستسلام والتكيف معها بطريقة لاتفقدنا الامل والرجاء بالله سبحانه وتعالى , والاستمتاع بها في ثوبها الجديد . فقد ننظر الى وردة جميله امامنا ولكن مع مرور الوقت نكتشف انها بدات تذبل حتى تسقط. والحياة هكذا ونعرف انه لايأس مع الحياة , ولا حياة مع اليأس محبكم الدوسري الراس شــاب ولا بقـى غــيرالاهــداب ومـن فوقهـــا كنّـه بـدا فـي جـفــونــي ياحيلــة الله يــوم راس الفتــــى شــاب لفـــى قبــل حِلّــه وهيّـــض شـجـوني يومْ الْتَـفَـتْ وشـفــت دنيا لها انيـــاب صــــارت خيـــالٍ من ورايــه ودونــي مرّتْ كما المشهــاب في راس مرقاب جـــــاه العجـــــاج وغافلـتـه المـزوني صكّيــت ما بينــــي وما بينهــا البــاب وسرّحتهـــا تمـشــي ورايـــه بهــوني دنيــا بهــا الادنين صاروا لك اجنــاب ماعــاد به منـهــو عليـهـــم تمـونــي ولا صديـــقٍ تشتكــي له ولا احبـــاب ولا رفيــــقٍ لانصـيتـــــه حنـــونــــي ولا خــــويٍ للثنــــا دوم كَسّـــــــــابْ ولا قــــريــبٍ قـــال فِــــدوه عـيونـي اخيـــر منـهــا راحــم العـبـد لاتــــاب رب رحـــــومٍ فــــي حمــاه السكوني ما ضاع حــقْ اللي له القلــب طـلاّب ومــــادون ذلك ياالـعـــواذل يـهونـي ابومحمد

 

 

 

 

[معلومات العضو آل هميل الودعاني]

مشكوووووور والله يعطيك الف عافيه

 

 

 

 

[معلومات العضو بنت الذيب]

صح لسانك اخوي بومحمد

وبارك الله فيك على الابيات الرائعه

 

 

 

 

[معلومات العضو راشد المسعري]

ياحيلــة الله يــوم راس الفتــــى شــاب
لفـــى قبــل حِلّــه وهيّـــض شـجـوني

يومْ الْتَـفَـتْ وشـفــت دنيا لها انيـــاب
صــــارت خيـــالٍ من ورايــه ودونــي

مرّتْ كما المشهــاب في راس مرقاب
جـــــاه العجـــــاج وغافلـتـه المـزوني



الله الله يابو محمــــــد

صح لسانك وسلم فكرك

قصيدة تحكي عن تجربة

أبدعت فيها كعادتك

صح لسانك وسلمت يالجزل ،،،،

 

 

 

 

[معلومات العضو محبكم الدوسري]

ولاتهون اخوي الغالي
آل هميل الودعاني
شكري لتواجدكم

 

 

 

 

[معلومات العضو محبكم الدوسري]

الاخت الفاضله
بنت الذيب
شرفني
تواجدك وردك الراقيين

 

 

 

 

[معلومات العضو محبكم الدوسري]

ماعليك زود الغالي
راشد المسعري
دائما حضورك اخوي راشد له طعم خاص
ولا يهونون الاخوات والاخوان
شكري وتقديري

 

 

 

 

[معلومات العضو ابتسامة دفى]

دنيــا بهــا الادنين صاروا لك اجنــاب ماعــاد به منـهــو عليـهـــم تمـونــي ,, صح ابدانك وطاب فالك الْلَّه يُعْطِيـــــك الْعــافِيَّة ~| دمت بهذآ التميز وآكثر ~|

 

 

 

 

[معلومات العضو محبكم الدوسري]

ابتسامة دفى
الشكر والتقدير لتواجدك واضافاتك الرائعه

 

 

 

 

[معلومات العضو عقاب بن هذال ال بريك]

صح لسانك يابومحمد ’’ قصيده جززله من راس جزززل ......

 

 

 

 

[معلومات العضو موسى ابومشهور]

لب المفردة وعذوبة الكلمات وابداع صح لسانك شاعرنا

 

 

 

 

[معلومات العضو مبارك بن شافي النتيفات]

الله الله يابو محمــــــد

صح لسانك وسلم فكرك

قصيدة تحكي عن تجربة

أبدعت فيها كعادتك

صح لسانك وسلمت يالجزل ،،،،