يضيق صدري لاسمعتـك تونيـن

[معلومات العضو عبدالله الحافر الغييثي]

قصيدة هيضت شعوري جدا ونقلتها لكم كما وصلتني على الاميل

يا ريوف ياعلّك بحالـي تروفيـن=لاقلّ شوفي وانحنت بـي عصايـه
يمين من نـزّل تبـارك وياسيـن=انك قمر عمري وكوكب فضايـه
أدراك بالخاطر واعاملـك بالليـن=وارجي عسى الله مايخيّب رجايـه
احب من حبك واعادي المعاديـن=وادعي لك الله بالستـر والهدايـه
فقدتك البارح وجريت صوتيـن=هذي وهي ليله وعنـد انسبايـه
كله غلا ياويلي اثر الغـلا شيـن=الله واسالـه لايبـيّـن غـلايـه
من حبها حبيت كـل الصغيريـن=صارت محبتهـم بقلبـي هوايـه
عودتك الممشى على شان تمشيـن=اشد بالثنتيـن واقصـر خطايـه
وليا بكيتي قمت اهلل وتصغيـن=واحيان اغني لـك واردد غنايـه
يضيق صدري لاسمعتـك تونيـن=واجر صوتي من خـلاي بخلايـه
وان جيت ابقفي عنك لدّيت بالعين=الدرب قدامـي واطالـع ورايـه
رد الوفا ياريوف ماابيـه ذالحيـن=ابيـه لـي دارت عليـه رحايـه
ابيه لا منه غـدا الليـل ليليـن=لا اشتدّت الايام واظلـم سمايـه
وابيه لامن صارت العشـر ثنتيـن=اليا اتركونـي عزوتـي واقربايـه
وابيـه لا عـزّوك فـيّ المعزيـن=تدعين رب البيت يغفـر خطايـه
اليا كتب ربـي افـراق المحبيـن=ثم ادفنونـي لابتـي واصدقايـه
توك صغيرة سنّ مانتيب تدريـن=والعالـم الله وش تكـون النهايـه
اما التفتي لي وزيـن علـى زيـن=والا رميتينـي بـدار الرعـايـه

 

 

 

 

[معلومات العضو ابو حسين الدوسري]

أدراك بالخاطر واعاملك بالليـن وارجي عسى الله مايخيّب رجايه

احب من حبك واعادي المعاديـن وادعي لك الله بالستر والهدايـه

الله لايخيب رجاك ان شاء الله
لاهنت

 

 

 

 

[معلومات العضو محمد بن سالم الخضراني]

لاهنت يابومطر

وصح لسان الشاعر

ولله يعيين كل منهو غايب من عياله

تقديري واحترامي

 

 

 

 

[معلومات العضو متعب الشكري]

لاهنت يابومطر وصح لسان الشاعر ولله يعيين كل منهو غايب من عياله

تقديري واحترامي

 

 

 

 

[معلومات العضو عبدالله الحافر الغييثي]

شاكر ومقدر لكم مروركم خالص التحيه والتقدير لكم احبتي

 

 

 

 

[معلومات العضو حنيان الدوسري]

قصيدة جميلة صح الله لسان قائلها وأدام الله لنا ناقلها

وهي من كلمات أبوريوووووووف

الشاعــر / فهد المفرج

 

 

 

 

[معلومات العضو الهاج ـري]

صح الله السانك والسانه وبيض الله وجهك على القصيده الطيبه لاهنت

 

 

 

 

[معلومات العضو عبدالله الحافر الغييثي]

هلابكم حنيان الهاجري سعدت جدا بتواجدكم الطيب خالص التقدير لشخصيكم

 

 

 

 

[معلومات العضو حماد الدوسري]

لاهنت يابومطروصح لسان الشاعر

ولله يعيين كل منهو غايب من عياله

تقديري واحترامي

 

 

 

 

[معلومات العضو عبدالله الحافر الغييثي]

ارحب اخوي حماد ولاهنت على طيب المرور والله يتقبل منك الدعاء خالص التقدير لشخصك الكريم

 

 

 

 

[معلومات العضو صبي الصمايل]

ابومطر بيض الله وجهك يالقرم على نقل هذه القصيده الرائعه ومنور يالذيب واعجبني لقاءك مع الشاعر بن فهيد اخوك/صبي الصمايل

 

 

 

 

[معلومات العضو محمد.الودعاني]

صح الله لساانك ولساان الشااعر والله يعطيك العااافيه وبيض الله وجهك محمد الخمااسين

 

 

 

 

[معلومات العضو عبدالله الحافر الغييثي]

صبي الصمايل محمد الخماسين صحت ابدانكم ولاهنتوا على طيب المرور

 

 

 

 

[معلومات العضو العنووود]

رائعه.من روائعك المعتاده...سلم نقلك

وصح لسانك..ولسان قايلها..

 

 

 

 

[معلومات العضو عبدالله الحافر الغييثي]

العنووود هلابك ويامرحبا وشاكر ومقدر لك مرورك الطيب خالص التحيه والتقدير