سلامتك يـمّـــه......

[معلومات العضو نفحات نور]

سلامتك يـمّـــه


طاحت الدمعه وذابت فوق شريـــــــــان الخفوق
.......وأحترق نجــم الأماني وأنطفى ضوّ القصيد
أرعد لهمّي سحــــــــــــاب ولاح لأحزاني بروق
.......والمصايب شقّـقـتـني من وريــــدي للوريد
يـمّــــــه الدنيا بدونك ليـــــــــل ما يعرف شروق
......والحياه أقسى وأصعب من لهب نـــــار الوعيد
لا لمحتك والمرض يسري بدمّـــــــك والعروق
......تنكســــر فيني عزوم ويخضع الرّاس العنيد
كل ما اشوفك يايـمّـــــه قلت والعبره تمــــــوق
.......ليت عيني ماتشـــــوف وليت قلبي من حديد
ضاق صدري والمشاعر غنّت احساسي طروق
.......ما يعوّضنــــي غيابـــــك لا قريب ولا بعيــــد
التّحف والمزهريّــــــــه والمرايــــــا والعذوق
.....والزوايا مع هدايا عيدي وثوبــــــي الجديـد
كلّها تسأل عليك وبالها عيّــــــا يروق
.....ناظري حتّى مكانـــك صار بغيابـــك جليد
من يدفّيني يايـمّــه وأنتي الصدر الشفــــــــوق
......من يصحّيني ويقول اصحى عسى يومك سعيد
من يداويني يايـمّـــه من عظيمـــــات الحروق
......والدّوا بيدينك الّلي تمسح الجـــرح ويحيــــــد
دام تقبيل الجسد طاعه وغفــــــــران وحقوق
.......هاتها اقدامك فديتك لأجل اقبّــل وأستفيد
بين نوحي وأحتسابي يـمّـــــــه ادري بالفروق
.....وأدري انّ اقدرانا ما جت على ماكنت اريـد
وأدري انّك ماتبيني ابكي ودمعــــــــي يسوق
.......أذكرك ياما تقولين البكـا عيب ونقيــــــد
بس وش صبري يايـمّــــــه والألم فيني يفوق
.....السما والأرض وطعوني على حالك تزيــــد
اعذريني لو ضعفت وصارت اعظامي سحوق
.....أكبر ومهما كبرت ابقى لك الطفــــــل الوليد
مابقى في اليد حيله غير للمولى أتــــــــــوق
.....يرفـــــــع البلوا ويصرف عنّك الضيم العتيد
بالسلامــــه يالحبيبه يابعد نبـــض الخفــوق
.....موعدك لي ترجعين وياعسى الموعــد أكيد

 

 

 

 

[معلومات العضو بنت الذيب]

نفحات نور

ابيات رائعه بمعنى الكلمه ..صح لسان راعيها

وتسلم يد ناقلتها..والف شكر وتقدير لروعة اختيارج

بارك الله فيج

 

 

 

 

[معلومات العضو ناصر بن فهد]

ابيات راائعه وفي قمة الروعه
صح لسانتس وصح لسان شاعرها
ولآهنتي على نقلها هنا

 

 

 

 

[معلومات العضو المهره]

روعه

صح لسان شاعرها وتسلم يمينتس

 

 

 

 

[معلومات العضو الهاج ـري]

مابقى في اليد حيله غير للمولى أتــــــــــوق
.....يرفـــــــع البلوا ويصرف عنّك الضيم العتيد
بالسلامــــه يالحبيبه يابعد نبـــض الخفــوق
.....موعدك لي ترجعين وياعسى الموعــد أكيد




امين ويخلي جميع امهات المسلمين يارب ,,

صح الله السااان كاتبها وتسلم يمنااس على النقل الرائع

 

 

 

 

[معلومات العضو عقاب بن هذال ال بريك]

صح السان الشاعر وتسلم يمين الناقل

مشكور نفحات نور ....

 

 

 

 

[معلومات العضو نفحات نور]

على المروركم الرائع

 

 

 

 

[معلومات العضو عبدالرحمن بن فلاح آل بريك]

صح لسان شاعرها وناقلها .


يعطيك العافيه .