|
|||||||
13-06-2007, 01:00 AM
|
#1 | ||||||||
|
دواسرٍ كنها على الضد زلزال
بسم الله الرحمن الرحيم
ابدا بذكر الله على كل الاقوال = الواحد اللي قدر الكون تقدير وســـــلامه الجميع سبحانه المعبود علام الاحوال = منشي السحاب المرزمات المزابير محيي العظام الباليه مفني الحال = عالم عليم مجبر العظم تجبير ومن بعد ذكر اللي له الخلق بجّال= قامت تجاول بالحشا بي تعابير واخذت من نظم الدرر كوم وارطال = تصعب على راع الردى نافخ الكير وسنّدتها للي على روس الاقذال = حرٍ شهر من روس قوم مشاهير من لاد مسعر لاقسا الوقت واجتال= سقم المعادي بالسيوف المعاطير لاصاح صايحٍ ريبهٍ جاو جهّال= تقدح صعاطير الشجاعه مناعير زبن الدريك اللي شكا حر الاهوال= وعوق الخصيم اللي يجر الطوابير يشهد لها التاريخ حقٍ بالافعال = بالدم يكتب من فعول البواتير مجدٍ على كبد السما جاله ظلال = كم لاذ به منهو حدته المعاسير يفرح بهم منهو عليه الدهر مال = وفي ظفهم يارد على جمّه البير ومن جالهم يشكي شقا حمل الاثقال= شالو حموله ناقلين المخاسير سيفٍ حسيم لمن على الدرب قدعال = من ظربهم جمع المعادي مدابير اليا اعتزو عند الحما واحتّما الجال= وشالو صخاف الشول يوم المناذير تفرح بهم سوٍد كما الليل لا انهال= وتفرح بهم وضحاً تقود المظاهير اليا تلاقو رايب الدم قد سال = ضرب النحر على النقا له مغاوير جتك القوافي ياعضيدي والامثال= بيضٍ تسجل بين خط الاساطير مني لماجد خطها صافي البال = واحكمتها وابرمتها بالتصاوير دارت رحا الايام بالناس تجوال= وتّبين المكنون عقب المكاسير وابدى ردي العرف ماكان به دال= من ّقل عرفه قال من دون تبصير نشوف من يرثع على كل منوال= عكس القدا يمشي بليّا معايير ماكل رجلٍ للثقيلات نقّال = ولا كل رجلٍ يستحق التقادير ولاكل رجلٍ يلبس الثوب رجال= لو كان ثوبه زيننه الازارير ولا كل ركابٍ يقال انه خيال= لو كان يقني حاذيات المسامير ولاكل هراجٍ يقال انه فتاّل= لاصار ماله مع هل العرف تصدير كم واحدٍ عقله كما الكوخ طربال = من مر ينفخ به ولافيه تدبير وكم واحدٍ من جمله الناس تمثال= ديكور جسم ولا درى عالمه غير وكم واحدٍ وصفه مع الخلق طبال= يمشي ولا يفهم سوى طقه الزير وكم واحدٍ في تالي القوم دلال = نقصٍ بقا والا خذته الجزازير ومن شذ وافرد عن زحازيح الابطال= خسارته من وافيات المخاسير خسارته هم مع الوقت غربال = يتيه معها في سموم المعاصير يبقى القمر نوره على روس الاطلال= ويظهر شعاع الشمس لو كنت فالنير وتفرق الاسامي بالبلد رغم الاميال= حوطه تميم ومثلها حوطه سدير ويضيع من يتبع من الناس دجّال = لاطال له حلمٍِ ولاحنه السير ومن ضاع وانحا في مزانيق الاغلال= يبطي وهو ماعينّوه المداوير يبقا العزيز بعزته شامخٍ عال= مثل الجبل لوهي سنينه مغابير ينّلاذ به بعد الولي ربنا العال= يذري ذراه ولا يقدم معاذير وانته ونا من نسل من بالوفا نال = عزٍ على مجده بروس المواكير من نسل زايد محتمي غر الاجهال= يوم الدهور ويوم حكم المقادير حّنا ال زايد من على مر الاجيال= وسمٍ سما رسمه على الشر والخير نرقا على العليا على كل ماطال= بافعالنا نفخر زحولن مباتير دواسرٍ كنها على الضد زلزال=شرار برق سيوفها له تناوير عزم وصلافه كلها اوسود واشبال = هذى يشيل الحمل وهذى له مشير حنا الدواسر لازما كل عيّال= نرويه من حدب السيوف المجازير حنا الدواسر لااحتما الوقت ثم صال= نعدل الضايع على الحق تظيير كم عايلٍ يلبس من الضيم سربال= منه الهنادي بالثنادي مصادير وكم شيخ قومٍ ساقه الوقت زرفال= بنحورنا جته المنايا تباشير اليا غدى لجول الرمك عج واسبال= وقامت تجاول بالرجال الصعاطير نقدم لها راسين بالعزم وثقال= ونورد رماحٍ بالحنايا مطايير مثل الحرار اللي على الصيد تجتال= صوارمٍٍ نجزم عزازٍ مساطير حامين حد ديارنا روح وسلال = بالرمح والشلفا وسيف القياصير حامينها غصبٍ على كل مختال= لاساقته نفسه رديّ التدابير دارٍ ذراها السيف والسيف جمّال= يودع مصاريم الحشا به مكاسير كم هايمٍ راسه من المتن قد شال= وخلاّه من زوم العنا من عشا الطير وكم سابحٍ في منتهى الغي قد حال= بينه ومن بين المناوي مشاوير ومن جالنا يشكي لنا ظلم الانذال = لامن زبنا حاديته المساعير نسكنّه في عالي الرجم نزّال= وبارواحنا نحماه من دون تقصير وناسم عصا من جالنا باسرع الحال= ناسم عصاه ولا تجيه التكادير وحامين غرسٍ يرتوي جال شلال= غرسٍ زما ونّا بجاله محاظير يشرب قراح العين صافيه وزلال= نبعٍ من الرحمن مثل النوافير وحامين قطعانٍ رعت نبت الاسهال= ترعى الفياض اللي زهت بالنوايير ماتشتكي في ضفنا الرعب وجفال= من وين ما انحا الخير سقنا المظاهير ترعا بها بحمايه الواحد الوال = ومن بعد ربي محتمين االمعاشير ترعا بها سودٍ مزايين وطوال =كنها الظلام اليا اقبلت حزت عصير فنس الخشوم اللي من الزين تختال =جرد الرقاب سناد فجحا مواخير وترعا بها وضحٍ كما المزن لاجال =فيه الرعد منّه بروقه دواجير هزعٍ سناد وكلها رق وجلال =لانوهو بالصوت جاتك مذايير حامينها طلقٍ بلا قيد وعقال= ترعى بحد السيف يوم المناذير واختم كلامي عد ماهل همّال = بازكى صلاتي للنبي دون تقدير وارجو السماح اذا زدت او انقصت حرف اخوكم/ مطلق الحصان آل عمار
|
||||||||
|
|
|
|
13-06-2007, 01:13 AM
|
#2 | ||||||
|
رد: دواسرٍ كنها على الضد زلزال
|
||||||
|
|
|
|
13-06-2007, 01:21 AM
|
#3 | ||||||
|
رد: دواسرٍ كنها على الضد زلزال
الشاعر الفذ والأخ الغالي : مطلق الحصان آل عمار
|
||||||
|
|
|
|
13-06-2007, 01:29 AM
|
#4 | |||||||
|
رد: دواسرٍ كنها على الضد زلزال
اقتباس:
الحصان/ مطلق آل عمار
مرحبا ومسهلا حياك الله وحيا الله ماجبت لنا لولا مصافحتك لنا بهذه الدرة الفريدة لما عذرناك على الغياب لكن قدمت مايشفع لك طال عمرك أخوي مطلق: ( منتدى الدواسر كافة ) بحاجة لمثلك وشرواك من الشعراء الذين يقدمون الشعر الحقيقي كما ينبغي ، وكل واحد منا بالتأكيد على ثغر وترى منتب معذور ابداً أبداً في الغياب صح لسانك ودمت بعافية ،،، وتقبل تحيتي وتقديري ،،،
|
|||||||
|
|
|
|
13-06-2007, 02:06 AM
|
#5 | ||||||||
|
رد: دواسرٍ كنها على الضد زلزال
الشاعر الفذ والأخ الغالي : مطلق الحصان آل عمار
|
||||||||
|
|
|
|
13-06-2007, 10:33 PM
|
#6 | ||||
|
رد: دواسرٍ كنها على الضد زلزال
الشاعر الكبير المبدع / مطلق الحصان آل عمار
اررررررررررررررررررررررررررررررررررررررحب اررررررررررررررررررررررررررررررحب ارررررررررررررررررررررحب ارررررررررررررررحب اررررررررحب اررررحب ارحب مليووووووووووووووووووووووون أشهد انها ابيات تشيب الراس من جزالتها و ما يقول مثلها ألا شاعر كبير مثلك وتشكر على هذه الدره والتي تعد احدى الدرر التي نحن بنتظارها بفارغ الصبر ويستاهلون (( لاد مسعر )) هذه الابيات ولا تحرمنا من مشاركاتك المميزه محبك ومغليك ابو زيد الغييثي
|
||||
|
|
|
|
15-06-2007, 10:45 PM
|
#7 | ||||
|
رد: دواسرٍ كنها على الضد زلزال
الاخ مطلق صح لسانك على هذه القصيده الاكثر من رائعه
|
||||
|
|
|
|
16-06-2007, 12:29 AM
|
#8 | |||||
|
رد: دواسرٍ كنها على الضد زلزال
اقتباس:
ما أقدر أزوّد على كلام أخوي نايف يامطلق إلا :-
صح لسانك مليووووووون × مليووووووووون يالقرم
|
|||||
|
|
|
|
16-06-2007, 12:45 AM
|
#9 | ||||||||
|
رد: دواسرٍ كنها على الضد زلزال
كفوا يالسمي
|
||||||||
|
|
|
|
16-06-2007, 06:59 AM
|
#10 | ||||||
|
رد: دواسرٍ كنها على الضد زلزال
اخوي / مطلق ال حصان
|
||||||
|
|
|
|
17-06-2007, 11:26 PM
|
#11 | ||||
|
رد: دواسرٍ كنها على الضد زلزال
صح السانك يالحصان على القصيده الجزله
|
||||
|
|
|
|
17-06-2007, 11:42 PM
|
#12 | |||||||||
|
رد: دواسرٍ كنها على الضد زلزال
اقتباس:
والبقا بك يافهد صح بدنك واشكرك على كل حرف كتبت فلقد غمرتني كلماتك بوفائها ووفاء صاحبها واتمنى من كل قلبي ان اكون عند حسن الظن تحياااااااتي وتقديري لك ولشخصك الرائع يابو هادي اخوكـ / مطلق الحصان
|
|||||||||
|
|
|
|
17-06-2007, 11:44 PM
|
#13 | |||||||||
|
رد: دواسرٍ كنها على الضد زلزال
اقتباس:
صح بدنك وطيب الله فالك والاروع هو مرورك تحياااااتي لك ولما كتبت اخوك/ مطلق الحصان
|
|||||||||
|
|
|
|
17-06-2007, 11:50 PM
|
#14 | |||||||||
|
رد: دواسرٍ كنها على الضد زلزال
اقتباس:
والبقا بك ياذيبان واشكر على كل حرف كتبت وفي الحقيقه نحن اللذين بحاجه لمنتدى الدواسر لكي نلتقي بنخبه الشعراء من اخواننا من القبيله ونعدك بالتواجد ان شاءالله وصح بدنك تحيااااااتي وتقديري لك اخوك/مطلق الحصان
|
|||||||||
|
|
|
|
19-06-2007, 09:40 AM
|
#15 | ||||
|
رد: دواسرٍ كنها على الضد زلزال
الشاعر الفذ والأخ الغالي : مطلق الحصان آل عمار
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| جزالة الدواسر بين الماضي و الحاضر ( روائع النبط ) | ابو زيد الغييثي | :: قسم الـشعر العــام :: | 20 | 24-09-2011 09:43 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:19 AM
