قصيدة غزليه رهيبة ,, وياكثر مايصير مثلها

[معلومات العضو نواف الرجباني]

انا قرايت هاالابيات واعجبتنى وانا ماادرى منو صاحبها قلت اوصلها لكم والله يكرمكم عن بعض الكلمات خاصه اخر بيتين ,, بس قصتها حلوه وواقعيه خاصه هاالايام ,




البارحة جاني مـن الحـب مرسـال

من عقب ما بينـي وبينـه خصيمـة



وأنا ترى في الحـب مانيـب فعّـال

ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

ولا بعد ذقـت الفـراق وجحيمـه



ولا جرى دمعي على الخـد همَّـال

ولابعـد جربـت مــرّ الهزيـمـة



حتى وردنـي تالـي الليـل جـوال

وأنا على شاهي وبسكـوت ديمـة



الرقم بايخ لكـن الصـوت قتـال

كنه مثل صـوت المذيعـة حليمـة



قالت مساء الخير يـا طيّـب الفـال

قلـت ارحبـي ترحيبـةٍ مستديمـة



بالعود والصفـري ودلـة وفنجـال

واجبك يا بنت الأصـول الكريمـة



ردت بضحكة ثم قالت وش الحـال؟

قلت اشهد إن الحال عقبك سقيمـة



قالت وهي تضحك بعد مثل الأطفال

وأنا بعـد كنـي بدونـك يتيمـة



من يـوم قالتهـا تزلزلـت زلـزال

من فجعتي كنـي مسـوي جريمـة



قلت ارفعي صوتك ترى مابه ارسال

كـذاب لكـنّ المصيبـة عظيمـة



قالت أقول اسمع ترى هرجنـا طـال

ممكـن تصاحبنـي ترانـي وسيمـة



واسمي الحقيقي أول حروفـه الـدال

لكـن يسمّونـي البنـات الزعيمـة



صحيح أحب الفخفخة واعشق المال

لكـن ترانـي طاهـرة مستقيـمـة



ما عندي امغازل ولا (لعب أطفـال)

ما عندي إلا في الشرف والحشيمـة



بس الصراحة قلبي لشوفتـك مـال

واصبحت وحدك جالسٍ في صميمه



فكّر بعقلك واترك القيـل والقـال

واحذر تطيع أهل العقـول العقيمـة



وارسل علي الحين خمسميـة ريـال

أشحن بهـا جـوال أختـي غنيمـة



أو طقم غالي فيه خاتـم وسلسـال

أروح بـه فـي عـرس ولاّ عزيمـة



قلت الحقيقة مانيب رجـل أعمـال

ولانـي بتاجـر والمـوارد عديـمـة



أنا الصراحة شبـه عطّـال بطّـال

وعلاقتـي بالفقـر جـداً حميـمـة



والراتب الله يرحم الحـال مـا زال

محـدود والمصـروف ربـي عليمـه



والدين بـالآلاف والبنـك شغّـال

ياكـل فلوسـي بالربـا والظليمـة



والسوق طايح والغلا ضيّـق البـال

والموت والله صايـر اكبـر غنيمـة



قالت تحمّل بـس والحمـل ينشـال

خلك شديد الباس صلـب العزيمـة



ياخي تصرّف جعلك اتصيـر نشّـال

أهـم شـي إن النوايـا سليـمـة



لابد تفهمني علـى كـل الأحـوال

ما دمت من أهل العقـول الفهيمـة



قلت إيه والله فاهم اللي على البـال

لكن تـرى هـذي علينـا قديمـة



يا بنت هـذا صايـر اليـوم مـوال

للي تبي تلعب علـى ابـن اللئيمـة



يا بنت ما تدرين كـم فيـه محتـال

يلعب على الحبلين وانتـي غشيمـة



يا بنت كم من جاهلة دمعها سـال

من عقب ما جات العواقب وخيمـة



والبنت لا اقفى عرضها بيد الأنـذال

والله مـا يبقـى لهـا أي قيـمـة



قالت تبي ولاّ فخلّك علـى جـال

مهوب ناقصنـي نصايـح حكيمـة



عز الله إنك للأسف منـت رجّـال

وانك قليل الذوق ما فيـك شيمـة



يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة



( تفو ) عليك وصكّت الخط في الحال

مدري ( تفو ) هي مدح ولاّ شتيمـة


وسلامتكم جميع واعذرونى ومحشومين من بعض الكلمات

 

 

 

 

[معلومات العضو فهد بن مبارك الودعاني]

حتى وردنـي تالـي الليـل جـوال=وأنا على شاهي وبسكـوت ديمـة ههههههههه يافرقيني ياهـ ، الرقم بايخ لكـن الصـوت قتـال=كنه مثل صـوت المذيعـة حليمـة أن ذا بلأ بوكـ يا عقاب ، بالعود والصفـري ودلـة وفنجـال=واجبك يا بنت الأصـول الكريمـة معاد هيب لحية عود و دلال هههههههههههههههه ، ردت بضحكة ثم قالت وش الحـال؟=قلت اشهد إن الحال عقبك سقيمـة قالت وهي تضحك بعد مثل الأطفال=وأنا بعـد كنـي بدونـك يتيمـة على طول !! مافيه تسحيب على الأقل !! ههههههههههه ، قلت ارفعي صوتك ترى مابه ارسال=كـذاب لكـنّ المصيبـة عظيمـة هههههههه لعنبو إبليسه مكذبه و يعترف !! يعجبني صراحته ، وارسل علي الحين خمسميـة ريـال=أشحن بهـا جـوال أختـي غنيمـة هههههههههه أني داري مهيب مطوله و عجلاً ما تكع ، أو طقم غالي فيه خاتـم وسلسـال=أروح بـه فـي عـرس ولاّ عزيمـة لعنبو إبليسكـ ما عين الرجال الأ يأكل بسكوت ديمه و تبين طقم و سلسال ههههههههههه ، [poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"] ياخي تصرّف جعلك اتصيـر نشّـال=أهـم شـي إن النوايـا سليـمـة لعنبو أبليس ذي مخبلها ليه أصير سروقاً أخر زماني علشانكـ !! هههههههههههههه ، يا بنت ما تدرين كـم فيـه محتـال=يلعب على الحبلين وانتـي غشيمـة يا بنت كم من جاهلة دمعها سـال=من عقب ما جات العواقب وخيمـة والبنت لا اقفى عرضها بيد الأنـذال=والله مـا يبقـى لهـا أي قيـمـة صح السانه مدد بلا عدد و لأفض فا1111هـ ، كلام عقلاني و رائع جداً ، عز الله إنك للأسف منـت رجّـال=وانك قليل الذوق ما فيـك شيمـة يا لعنبو اللي مـا يسطّـرك بنعـال=حتـى يعلمـك الغـزل يـا بهيمـة ههههههههههههههههه لعنبوكـ يالحظ ،، خربة الدعوى ، ( تفو ) عليك وصكّت الخط في الحال=مدري ( تفو ) هي مدح ولاّ شتيمـة الأ و الله في و جهكـ لعنباكـ ،، هههههههههههههههههه ،، لعنبو لأيمها لأ فلوس و لأ طقم و لأ سلسال وش تبي بذا المنتف ،، تبي دراهماً ترهي لأ أكثر و لأ أقل ،، تحسبه على بنكـ الراجحي ههههههه ، أررررررررررررررررررررحب و أسهل يا نواف ، و بيض الله و جهكـ على ما أتحفتني به صراحتاً كل أمتعتني عسى الله يمتعكـ بالصحه و العافيه يالغالي ،، و أرجو تقبل مروري الثقيل و مداخلتي ،، لـك كـل الأحـتـرام و الـتـقـديـر .

 

 

 

 

[معلومات العضو فهد بن مبارك الودعاني]

أررررررررررحب و أسهل يا نواف ، لأهنت يالغالي على ما أتحفتني به ، بيض الله و جهكـ يالغالي ، وأرجو قبول تعليقي و مروري الثقيل ، لـك كـل الأحـتـرام و الـتـقـديـر .

 

 

 

 

[معلومات العضو نواف الرجباني]

البقىىىىىىىى



وبالعكسس مرورك اسعدني


وزااد علىى الموضوع حلاوته

شكرا لكــ

ومبدع اينما خط قلمك

شكرا لك

 

 

 

 

[معلومات العضو ولد ودعان]

( تفو ) عليك وصكّت الخط في الحال=مدري ( تفو ) هي مدح ولاّ شتيمـة

نواف الرجباني لاهنت على الموضوع والله شرحت صدورنا وننتظر المزرد والمزرد من مشاركاتك

تقبل شكري وتقديري

ولد ودعان

 

 

 

 

[معلومات العضو نواف الرجباني]

هلا والله ولد ودعان

شكرا لمرورك


والله يعطيك العافيه

 

 

 

 

[معلومات العضو محمد الولامين]

نواف الرجباني

صح لسان الشاعر


ولا هان من جاب القصيده


بيض الله وجهك على كل ماتقدم


تقبل تحياتي

 

 

 

 

[معلومات العضو نواف الرجباني]

ولا انت

وشكرا لمرورك


والله يعطيك العافيه

 

 

 

 

[معلومات العضو ابوسلطان الرجباني]

الف شكر على النقل الرائع يانواف
القصيدة جزلة ونت اجزل