الدواسر هم قناده وهم عدّايته

[معلومات العضو شمس الحقيقه]

قال منهو يبدع القاف في حبكه شطير=يستقيم اليا استقاده ويرفع غايته
قال قدني دام قولك لربعك بالعبير=قلت سمّ وقال تسلم وجاب املايته
طاب لي بدع القوافي وزانت بالمسير=بالوفا جتني على الطيب ترفع رايته
وجيت اسجلها بعد قاد لي سلك الحرير=في مقام اللي ولاهم دخلت ولايته
ربعي اللي في سما العزّ تجبر بالكسير=وفي نحا العايل سيوفٍ تجيب نهايته
من على مر الليالي وزوغات النظير=والدواسر للمعادي دواه ودايته
كم خذو ذودٍ من القوم غصبٍ والنذير=فزعته ماعاونت له وجات عمايته
وجات كسبٍ من على الجدّ وامست ماتذير=واحتموها من خذوها وراحت فايته
في زمانٍ والمغازي تدور وتستدير=والتفق تشعق بروقه معا رمايته
من على وقت الجهل والمكارم تستنير=والمعادي ينقل الكيل من كوّايته
ويوم حربٍ فالوديعه وصفقٍ بالعسير=والدواسر هم قناده وهم عدّايته
ويوم جالت صوب جيزان فتح وجمع خير=والدواسر هم حزامه وهم ظوّايته
ويوم صالت فالبريمي على الحدّ الخطير=والدواسر تنقل الحمل هم فدّايته
ماتوانو بالمغازي ونارٍ بالسعير=والمعادي من صلفهم تزود اقفايته
وكم خذو دارٍ من القوم في جوٍّ غبير=بين زرق الرمح الاشهب وزند ارهايته
لاعوى ذيب من البعد جاوب له برير=والفزايع تنتحي له لصوت عوايته
يدبسون القوم عمدن بسيفٍ مايحير=من شظاه العظم الآسط تجذّ هوايته
كم عقيدٍ من صلفهم يحوذ ويستجير=موصيٍ ربعه على البعد ساق وصايته
قال خلّو ديره العوق وارضو باليسير=من نصاهم ماتوفق وذاق كفايته
يوم قبله كم عقيد غذابه كلّ طير=جا مبيعٍ بالهقاوي وهم شرايته
سجلو مجدٍ كبيرٍ تناقله الصغير=وارتقو في رايه العزّ بين روايته
نوم عيني ياربوعي ويالفعل الكبير=مجدكم عزٍّ رموزه تطول بنايته

 

 

 

 

[معلومات العضو الـمـحـامـي]

ارحب ياشمس الحقيقه

ومرحبا بالقصيد الجزل


لي الشرف اني ارد اول واحد على هذه القصيده اللي ترفع الراس


بيض الله وجهك بيض الله وجهك


وصح الله السانك وجمل الله حالك ,نومستنا يانوماس على ذكر بعض فعول ربعنا


الله لا يهينك على كل حال

 

 

 

 

[معلومات العضو عبدالله الحافر الغييثي]

صح لسانك واعتلى شانك يالقرم بيض الله وجهك على هذه الرائعه والمعلقه اللتي قلت امثالها تقبل فائق الاحترام والتقدير لك ولما كتبت

 

 

 

 

[معلومات العضو محمد بن سالم الخضراني]

صح لسانك والله يبيض وجهك


وانت مكسب للمنتدى وللقبيله

بدون قصور بالجميع

تقديري

 

 

 

 

[معلومات العضو ابومبخوت الدوسري]

صح لسانك قصيده جميلة وجزله الله يعطيك العافية ولا تحرمناء من جديدك يا السنافي

 

 

 

 

[معلومات العضو شمس الحقيقه]

المشاركة الأصلية كتبت بواسطة الـمـحـامـي

ارحب ياشمس الحقيقه

ومرحبا بالقصيد الجزل


لي الشرف اني ارد اول واحد على هذه القصيده اللي ترفع الراس


بيض الله وجهك بيض الله وجهك


وصح الله السانك وجمل الله حالك ,نومستنا يانوماس على ذكر بعض فعول ربعنا


الله لا يهينك على كل حال

حياك يالمحامي وتبقا يالغالي

وانا كذلك لي الشرف بمرورك الجميل ولي الشرف بالطرح عن قبيلة الدواسر الشامخه

ووجهك ابيض يالغالي

وصح بدنك

والنوماس لنا جميعا يالدواسر

ومن قال ما يهون

لك الود

 

 

 

 

[معلومات العضو دغش محمد الصخابرة]

صح لسانك والله يبيض وجهك

 

 

 

 

[معلومات العضو دغش بن حمد بن منصور]

صح السانك واعتلى شانك /ياشمس الحقيقه

قصيدة جزله جعل عمرك طويل وبيض الله وجهك على ذكر بعض فعول ربعك

وياليت بعض الشعراء وليس كلهم يسلكون ماسلكت في مدح قبيلتك عامه وخص في بعض المواقف التي شاركوا فيها كلهم وحفظها التاريخ

سجل اعجابي وتقديري بشخصك الكريم وجعل يمناك مايجيها العطب اللي كتبت لنا هذه الشامخه

وارجوا من ادارة المنتدى تثبيتها لانها تستاهل وكاتبها يستاهل


تقبل مروري المتواضع


اخوك / دغش بن حمد بن منصور

 

 

 

 

[معلومات العضو شمس الحقيقه]

المشاركة الأصلية كتبت بواسطة خميس مطر الغييثي

الاخ ابومطر

حياك وصح بدنك يالغالي

ووجهك ابيض

ولاهنت على ماكتبت

تحياتي لك وللدواسر كافه

 

 

 

 

[معلومات العضو أبونواف الدوسري]

صح لسانك ..والله يبيض وجهك..

وفقك الرحمن ورحم والديك...

 

 

 

 

[معلومات العضو فيصل الشكري]

الله الله


صح لسانك واعتلى شانك على هذه الأبيات التي في قمه الجمال والروعه



تقبل تحياتي,,

 

 

 

 

[معلومات العضو فارس الدبالين]

صح الساااانك ملآآآييين وبيض الله وجهك على القصيده الجزله الرااااائعه جدآ

ابدعت ابدعت ابدعت بمعنى الكلمه طال عمرك

ولاهنت ولك جزيل الشكر على مدحك لربعك وقبيلتك وذكرك إلفعايلهم اللي ترفع الراس

وعزالله مايكفيهم لو يقال فيهم معلقات...

تحياتي واحترامي لك يالجزل ...