زايدي والزايدي مهما يقال= عنه ما يوفيه ياللي تمدحون

[معلومات العضو سعدبن فيصل آل ناصر]

مساء الخير ..

مشاركه اولى
ان شاء الله تلقى الصدى الطيب ...

قال منهو بادين حلو المقال=بسم واحد كلنا له راجعون
الرحيم اللي عليه الاتكال= ما يخيّب من عنوا له تأبون
خالقن ذا الكون في ستت ليال=وجامعن هـ الناس يومن يوعدون
كل مـُـلكن لو يعمــّر في زوال=وكل حي(ن)ذايقن كاس المنون
الا وجهك يا العظيم وذو الجلال=يوم كل الخلق بأمرك هامدون
جــّل شانك في صفاتك والكمال=عالمن ما كان وما سوفا يكون
مسلمين ورافعينٍ بابتهال= اليدين وفيض عفوك يطلبون
لولا فضلك كنــّا في جهل وظلال=مرسل احمد لاجل خلقك يهتدون
والصلاه اعداد ذعذاع الشمال=وعــّد همــّال السحايب والمزون
عـ الذي كـ البدر نوره والجمال=خير خاتم خير كل المرسلون
هو شفيع الناس في يومن وبال=تشخص الابصار وتذهل به عيون
ويا قصيدي لا طلبتك بـ ارتجال=أزحم الشعــّار واللي يقصدون
عادتن لك لا كتبتك بـ أنفعال =ما يشابه حبكك اللي يكتبون
ما خبرت البيت منك (مش حال)=مثل هـ اللي في الجرايد ينشرون
يا تجيب من الفرايد والجــّزال =او تكب الشعر واللي يشعرون
طالبك بالله تكفى قـــّم تعال=اسرد القصه على اللي يسمعون
يوم حــّول لي رفيقي الاتصال =واثرها بنت(ن) عليــــّه ما تمون
لا سلام ولا عطتني من مجال =ولا عرفت السائله منهي تكون
قلت سمي وفاجئتني بالسؤال =انت مرسل لآجل ناسك يضحكون؟
افتضحنا منك جعلك للزوال =يا فشيلتنا ويا كبـــّر الطعون
ذي رساله للدواسر واحتفال =دشنوا جوال ومنه يرسلون
فيه تقرى اخبار مجدك والرجال =لابتن وقت الحرايب يقبلون
قلت لحظه فهميني باعتدال =يركدون ويركدون ويركدون
بختصرلك ما قصدته في مثال=وافهميه وخلي غيرك يفهمون
(ما على جال الرساله غير جال)=دوسرين لو طلب روحي تهون
دون ربعي ذايدن في كل حال=ومستعد وحاضرن للي يبون
بس نوماسي يسبب الانفصال =لين وصلني الى حــّد الجنون
النعاره ورثّ جدي والخوال =زايديــّه واللي مثلي يفخرون
خصّ لا صار الحكي عن مجد آل=زايد الملطوم حامين الحصون
راسيين مثل ما ترسي الجبال=في نهارن قـــّل فيه الصاملون
في نهارن تحذف العذراء جلال=وينتخي من دونها رجلن زبون
لا تعزوا شل حملن ما يشال=وارتكاله لين شالته المتون
ما يهاب الموت لو أنــّه مـــ آل=ولا حسب له مثل ناسن يحسبون
واحدن يسوى عدد حب الرمال=من رجالن فـ اللقاء ما يـُــقهرون
ترخص الدنيا في عينه والعيال=لا اعتزا به كل رجــّال امغبون
زايدي والزايدي مهما يقال=عنه ما يوفيه ياللي تمدحون
هيه يا بنت القبايل والحلال=لو بغيتي الصدق واللي يصدقون
اقسم بربي وعليــّه بالحـــّرام=ما درينا عنك ولا هم يحزنون
بس غاوي شعر واكتب بـ أنفعال=وانطرب واخلي غيري يطربون

كتبها الفقير الى عفو ربه
سعد بن فيصل آل ناصر الودعاني
27/05/2007 مــ

 

 

 

 

[معلومات العضو حنيان الدوسري]

الأخ الغالي : سعد بن ناصر الودعاني

صح الله لسانك وبيض الله وجهك

قصيدة جميلة ومشاركة رائعة كيف لا وهي في بداية تواصلك معنا

فمرحباً بك وبقصائدك ونحن نتمنى منك تواصلاً أكثر من رائع

وفقك الله

 

 

 

 

[معلومات العضو سعدبن فيصل آل ناصر]

يا مرحبابك يا حنيان

صح بدنك ووجهك ابيض

ويسعدني تشريفك وحضورك

واالله لا يهينك

 

 

 

 

[معلومات العضو أبونواف الدوسري]

الأخ العزيز سعد بن ناصر الودعاني

صح الله لسانك وبيض الله وجهك

أذا كانت بدايتك في هذه الروعه عسي الله يوفقك معنا في هذا المنتدي الغالي.

تقبل تقدير وأحترام

أخوك ابو نواف الدوسري.

 

 

 

 

[معلومات العضو ابو زابن المسعري]

هلا وغلا بالشاعر سعد بن فيصل

الله يحييك وقصيده رائعه

بيض الله وجهك

 

 

 

 

[معلومات العضو عبدالله الصخيبري]

زايدي والزايـدي مهمـا يقـال = عنه ما يوفيـه ياللـي تمدحـون

كفو كفو كفو يالزايدي كفو لعنبوا لحيت الردي لاهنت يالوديعي وابيض وجه منعور ومن مناعير

 

 

 

 

[معلومات العضو فيصل بن جزاء]

هلا وغلا بالشاعر سعد بن فيصل

الله يحييك وقصيده رائعه

بيض الله وجهك

 

 

 

 

[معلومات العضو ابن وتيد السباعي]

الشاعر الجزل / سعد بن فيصل الودعاني

صح لسانك يالقرم مليووووووووووووووووووون

قصيده جزله من شاعر جزل

ونتشرف بنضمامك لنا يالقرم.

 

 

 

 

[معلومات العضو ابو زيد الغييثي]

الشاعر المبدع : سعد بن فيصل آل ناصر الودعاني
صح اللسانك ملاين على هذه الرائعه والتي


حقيقتاً اطربتني وانا أقراء هذا الابداع


لله درك على هذه الابيات :-

النعـاره ورثّ جـدي والخـوال=زايديّه واللـي مثلـي يفخـرون
خصّ لا صار الحكي عن مجد آل=زايد الملطوم حاميـن الحصـون
راسيين مثل ما ترسـي الجبـال=في نهارن قّـل فيـه الصاملـون
في نهارن تحذف العذراء جـلال=وينتخي من دونها رجلن زبـون
لا تعزوا شل حملـن مـا يشـال=وارتكاله ليـن شالتـه المتـون
ما يهاب الموت لـو أنّـه مـآل=ولا حسب له مثل ناسن يحسبون
واحدن يسوى عدد حب الرمـال=من رجالن فـاللقاء ما يُقهـرون
ترخص الدنيا في عينه والعيـال=لا اعتزا به كل رجّـال امغبـون
زايدي والزايـدي مهمـا يقـال=عنه ما يوفيـه ياللـي تمدحـون
هيه يا بنـت القبايـل والحـلال=لو بغيتي الصدق واللي يصدقون
اقسـم بربـي وعليّـه بالحّـرام=ما درينا عنك ولا هـم يحزنـون
بس غاوي شعر واكتب بـأنفعال=وانطرب واخلي غيري يطربـون

أخوك / ابـــو زيـــد الغيـــيــثي

 

 

 

 

[معلومات العضو عبدالله الدوسري]

سعد ال ناصر




صح لسانك



و كفو بالدواسر


و مرحبا بك في إبداعات شعراء المنتدى






و في انتظار القادم،،،

 

 

 

 

[معلومات العضو العماني]

لقد كسبنا شاعر عملاق في المنتدى

الشاعر وابن العم العزيز سعد بن ناصر الودعاني

مرحبا بك ملايين في محلك وبين ربعك وبني عمك في موقع الدواسر الرسمي

وصح الله لسانك لين ترضى على على القصيدة الروعه والابيات الجزله

وسجلني من المتابعين لكل ماتكتبه ، ونحن في شوق وسغف لجديدك وابداعاتك

تقبل تحياتي،،

 

 

 

 

[معلومات العضو سعدبن فيصل آل ناصر]

ابو نواف
صح بدنك ووجهك ابيض

حياك الله ويا مرحبابك

 

 

 

 

[معلومات العضو سعدبن فيصل آل ناصر]

ابن زابن المسعري

هلابك اكثر والمرحب باقي

ووجهك ابيض والله لا يهينك على الحضور

مرحبا مرحبا

 

 

 

 

[معلومات العضو سعدبن فيصل آل ناصر]

الصخيبري عبدالله

ما عليك زود يا ذيبان

ووجهك ابيض

وابشر بالسعد

هلابك ومرحبا

 

 

 

 

[معلومات العضو نايف بن مسرع]

المشاركة الأصلية كتبت بواسطة هايف العماني

لقد كسبنا شاعر عملاق في المنتدى

الشاعر وابن العم العزيز سعد بن ناصر الودعاني

مرحبا بك ملايين في محلك وبين ربعك وبني عمك في موقع الدواسر الرسمي

وصح الله لسانك لين ترضى على على القصيدة الروعه والابيات الجزله

وسجلني من المتابعين لكل ماتكتبه ، ونحن في شوق وسغف لجديدك وابداعاتك

تقبل تحياتي،،

صح لسانك وسلمت يمينك ياسعد

وفعلا لقد كسبنا شاعر يشرفنا الانصات لبوحه الجميل بيننا

تقبل ودي وتقديري ،،،،