الناقد عجل ولاتهون تراني عجل

**معلومات** **العضو** · 01-12-2006, 08:22 PM

اخواني بما ان الاخ عبد الرحمن الشرافي حدد الموعد اليوم السااعه التاسعه العب مع الناقد والشاعر (الذيال)وبما ان وقتي محدد الى الساعه 11ليلا استاذنكم في تقديم الموعد ساعه من الزمن

خلووووووووها

ياسلام الله سلامي والتحيه=ياهل الميقاف يارمز الحميه
قلتها يالربع والنيه مطيه=الله الله ياللحون السامريه

يوم ابتدت ساعه الصفر اللحون ابتدت=يالناقد اقرب وخذ مني وهات العلوم

العرب تالي الزمن فيها وفيها=والنفوس العايفه محدن يبيها
والجرب في الذود والبرد يحديها=الله الله ياللحون السامريه

الناس تالي الزمن قلنا عساها اسكنت=وتريح نفوسها من حمل كبر الهموم

**معلومات** **العضو** · 01-12-2006, 10:02 PM

ياسلام ياسلام متااابع متااابع

**معلومات** **العضو** · 01-12-2006, 10:12 PM

خلوووووووووووووووووووووووووووووووووووووها

هلا اخوي البدوي

والله العظيم إني نازل من السيارة ومخلي أغراضها داخلها ما نزلتها ، وجاي من السفر مستعجل عشان وعدنا هنا.

الله يحيي الجميع واننتظروني ،،،

**معلومات** **العضو** · 01-12-2006, 10:22 PM

لاتتبطي يالذيال جعل تحيا تراني في صفك ولا يهون ابن عمي البديوي

**معلومات** **العضو** · 01-12-2006, 10:37 PM

أرحب واسهل يا شعيل الدوسري وصفي يتشرف بوجود أمثالك ولعيونك جينا
إيييييييييييييييييييييييييييييييييييييييه :

مرحبا في ليلة فيها مطر=بالحضور من البدو ومن الحضر
بس يا بدوان حذرا من الخطر=الله الله ياللحون السامرية
*********************=******************
في ليلة(ن) أرضها من خير ربي ندت=جيناك نبغى علومك جعل عمروك يدوم
*********************=******************
أنت تدري والعرب بالعلم تدري=مير بدري يا طويل العمر بدري
آه من علم(ن) كتمته وسط صدري=الله الله ياللحون السامرية
*********************=*****************
الناس تزرع وبه يوم تحصد ما زرعت=ويزين لون السما لا صار فيها نجوم

**معلومات** **العضو** · 01-12-2006, 11:14 PM

يا جماعة محد شاف اخو بدوة الظاهر إنه جاء ونزل بيتينه وعطا الباب ههههههههه
وبعدين من قالك يا بدوي تقدم وقت المحاورة وبصفتك إيش قدمتها ؟؟؟
وترى الوعد كان بيننا عن طريق المشرف الساعة 30ر9 مهوب 00ر9 يا لحبيب
وينكم يا جماعة !!!!!

**معلومات** **العضو** · 01-12-2006, 11:21 PM

والله الظاهر لاحولي لا جماعة ولا بدوي بس قاعد أنادي بلحالي
تصبحون على خييييييييييييييييييييييييييييييييييييييييييير

**معلومات** **العضو** · 02-12-2006, 04:54 AM

السلام عليكم

الله اكبر

الله اكبر

عدونى فالصفوووووووووووووووووف

الله الله

الله الله

الليل الليل

تحياتى للجميــــــــــــــــــــــــــــــــــع

**معلومات** **العضو** · 02-12-2006, 10:28 AM

العذر
العذر
العذر
من اخوي الذيال
ومن المشرفين
ومن الصفوف
والله البارح اني مداوم ويوم جاء المطر طلعت في مهمه عمل اي وربي كان مفرووض اطلع الساعه 11 لاكن سبق السيف العدل والجايات اكثر تبينا نكمل الليله وانا اخوك ابشر على خشمي ماعندي مانع واتشرف باللعب مع شخص بمستواك شعراً وخلقاً
اكرر اعتذار وابشروا بالحق وما يلحق
انا عصااكم اللي ماتعصاكم متى تبون ابشروا والله لو اغيب مافيه مشكله
بس اهم شي سمعه منتدى ربعي وتاج راسي

**معلومات** **العضو** · 02-12-2006, 04:11 PM

الله

الله

الاخوة الغالييين

اررررررررررحبوا

وانت يا اخوي البدوي ما يحق عليك باس و وسع خاطرك الكل تجيه ضروف (( وتجري الرياح بما لا تشتهي السفن ))

والعوض فالجايات الله يمد بعماركم

ومسموووووووووووح يالقرم

وانت والذيال اللي بيجي منكم يكتب الوعد و والوقت اللي يعجبه ويرد الشاعر الاخر

بهل الوقت مناسب ام لا

وانا انتظر ردكم

والوعد على اللي تبون

تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية