ياسلام الله عليكم عريبين الجدود

[معلومات العضو *عالي مستواه*]

السلام عليكم ورحمة الله وبركاته

هذي القصيده قالها الشاعر / محمد بن راشد بن زابن الوداعين مدح في المخاريم

ياسلام الله عليكم عريبين الجدود

والمشاعر جمرت ن فايحن كمبودها

تتطبخ من طيبها كلما تحرق تزود

تنصا قروم ن يعتلي كل جودن جودها

المنيعي كل شبرن على شبره تزود

لابتن وقت اللقا محتمين حدودها

ياسلاطين المعارك عما جمع الحشود

مجرعين خصومكم ما يسم كبودها

دون ورث الجد شيبن وشبانن تذود

لأحتما الميقاف بين ثمار جهودها

يرسخ الهضب المسمى ما دمتم له جنود

في حماكم قبل حكم السعود يسودها

هذا وانا من رووس قوم ن تزلزل كل طود

من وداعينن تفاخر بماضي عهودها

حنا سندكم لاوهج بالسما نار الوقود

لاوردنا الجم نشرب صفا قرهودها

افعالنا تشهد لنا يوم قدحات الزنود

في سنام المجد قومن هواها يرودها



.

 

 

 

 

[معلومات العضو راشد المسعري]

صح لسانك ولسان الشاعر ويستاهلون لاد المنيعي المدح و هم اهله
بيض الله وجهك ولك ودي و تقديري ،،،

 

 

 

 

[معلومات العضو *عالي مستواه*]

صح بدنك ولاعليك زوود ويستاهل الشاعر ويستاهلون لاد المنيعي

 

 

 

 

[معلومات العضو اسير الاحزان]

طرح رائع ومميز

الله يعطيك العافية

 

 

 

 

[معلومات العضو *عالي مستواه*]

الله يعافيك ويطول عمرررك

 

 

 

 

[معلومات العضو نآصر البدراني]

صح لسانك ولسان الشاعر الفحــــــــل


لاد المنيعي يستاهلون المدح في ذمتي



لاهنت طال عمرك