فوز الشاعر محمد سلمان الخييلي بالمرحلة الاولى في برنامج الامسية الكبرى

[معلومات العضو نايف الخييلي]

بسم الله الرحمن الرحيم
الحمد لله رب العالمين والصلاه والسلام على المبعوث رحمة وهدى للعالمين نبينا ورسولنا محمد على افضل الصلوات والتسليم وعلى من اتبعه واهتدى بهديه واستن بسنته الى يوم الدين ..... أما بعد


مبروك التأهل والفوز
بحمد الله ومنته تأهل شاعرنا عضو بالموقع محمد بن سلمان الخييلي الدوسري الى المرحلة الثانيه في برنامج ( الأمسية الكبرى ) الذي يُعرض على قناة فواصل الفضائية وقد حصل الشاعر على المركز الاول في الترشيح بعد 48975صوت , وقد كانت مشاركتة بهذه القصيده :

لي ذوق والعالم لها ذوق عن ذوق=وكل ٍ على ذوقه شفوق ٍ و تواق
و كل ٍ له بضاعه وشرايه و سوق=و ماش ٍ مشا لولا إختلافات الاذواق
و ذوقي جبرني العب اليوم طاروق=من مبتدا تبيين ما بي من اشواق
اسرد قصيده كنها ( قد ) ممشوق=من غيّها لفت لها وجيه و اعناق
اسج فكري واسرح شوي واسوق=بكرا فكر مع صيحة الوجد تنساق
وافضي كنين بيحه حب مخلوق=طفل ٍ قطف من جنة الحسن ما لاق
لا من ضحك ملكت انا ملك فاروق=و لا من تجهم عفت انا كل ترياق
أثمل على صوته وأغيّب ولا افوق=و صويحبي أثره مغيّب ولا فاق
فأنا أشهد إن ما كل منطوق منطوق=و ما كل عشاق ٍ مع الوقت تشتاق
ناس ٍ تسج ولا لها قلب محروق=و ناس ٍ من أعراض المحبه على ساق
فتدري وش أكذب فعل يا لين يا ذوق=ضحكي لعذالي وانا منك منعاق
و تدري وش اصدق فعل من ( نظرة الشوق )=دمعة غبن تنساب من عين مشتاق

وبأسمي وبأسم الجميع أبارك للشاعر محمد بن سلمان هذا الفوز متمنياً له التأهل بالمراحل القادمة , وسيكون للجميع من ابناء القبيلة وقفتهم المعهوده مع ابناءهم في مشاركاتهم في المحافل الادبيه والشعريه
وللإطلاع على تفاصيل مشاركة الشاعر على الرابط التالي


http://www.alduwasser.com/vb/showthread.php?t=40580

 

 

 

 

[معلومات العضو محسن بن عناز]

خير من شرف القبيلة
والله يوفقك وانت واللي مثلك ينومسنا

 

 

 

 

[معلومات العضو خــالــد الخييلي]

مبروك التاهل للشاعر محمد سلمان الخييلي

ولاهنت يانايف على طرح الخبر

وان شاء الله نشوفه بالمراحل الاخيره بالبرنامج

 

 

 

 

[معلومات العضو محمد بن سالم الخضراني]

لله يبشرك بالجنه يابوفهاد

ويستاهل ابو سلمان كل خير

وان شالله يفوز بالاول

 

 

 

 

[معلومات العضو ابوعبدالله الخييلي]

يستاهل ابو سلمان الفوز والف الف مبروك...

ولاهنت يابو فهاد على هالخبر الطيب...

 

 

 

 

[معلومات العضو عبدالله أبن مصلح]

تساهل الفوز يابو سلمان وانت كفوا له

و تستاهل الناموس يابن بجران

وأسأل الله ان يوفقك فى هذه المسابقه


اخوك / عبدالله ابن مصلح الخييلات

 

 

 

 

[معلومات العضو خالد المشاويه]

الف مبرووك
والله يبشرك بالجنة اخوي نايف

وعقبال المراحل القادمة ان شاء الله,,,

 

 

 

 

[معلومات العضو نايف الخييلي]

المشاركة الأصلية كتبت بواسطة خيال الخيل

خير من شرف القبيلة
والله يوفقك وانت واللي مثلك ينومسنا

خيال الخيل

اشكرك على التواجد الطيب والتشجيع

والشاعر محمد بن سلمان مثل ماقلت انت من خير من يمثل القبيلة

 

 

 

 

[معلومات العضو نايف الخييلي]

المشاركة الأصلية كتبت بواسطة خــالــد الخييلي

مبروك التاهل للشاعر محمد سلمان الخييلي

ولاهنت يانايف على طرح الخبر

وان شاء الله نشوفه بالمراحل الاخيره بالبرنامج

الله يبارك فيك


والله يقبل دعوتك ولك جزيل التقدير على التواجد والتشجيع

 

 

 

 

[معلومات العضو عبدالله الحافر الغييثي]

ويستاهل ابو سلمان كل خير وان شالله يفوز بالاول ولاهنت يانايف

 

 

 

 

[معلومات العضو نايف الخييلي]

المشاركة الأصلية كتبت بواسطة محمد بن سالم بن فهيد

لله يبشرك بالجنه يابوفهاد

ويستاهل ابو سلمان كل خير

وان شالله يفوز بالاول

ومن يقول يابو سالم

والله يرضى عليك على كلامك الطيب ومرورك المشرف

خالص التحايا

 

 

 

 

[معلومات العضو نايف الخييلي]

المشاركة الأصلية كتبت بواسطة ابوعبدالله الخييلي

يستاهل ابو سلمان الفوز والف الف مبروك...

ولاهنت يابو فهاد على هالخبر الطيب...

الله يبارك فيك

ومن قال مايهون يابو شافي والشكر لك على وقفتك وحرصك الطيب


وكلنا مع الشاعر محمد بن سلمان

 

 

 

 

[معلومات العضو نايف الخييلي]

حياك الله ياعبدالله

وشاكر لك تواجدك ومرورك

 

 

 

 

[معلومات العضو نايف الخييلي]

المشاركة الأصلية كتبت بواسطة خالد المشاويه

الف مبرووك
والله يبشرك بالجنة اخوي نايف

وعقبال المراحل القادمة ان شاء الله,,,

الاخ العزيز\ خالد المشاويه

الله يبارك فيك ويطول بعمرك

والله يسمع منك ولك جزيل الشكر على التواجد الطيب

 

 

 

 

[معلومات العضو أمير الإحساس]

مبروك التاهل للشاعر محمد سلمان الخييلي

ولاهنت يانايف على طرح الخبر

وان شاء الله نشوفه بالمراحل الاخيره بالبرنامج