ياراكب اللي ماصنعه الخواجة

[معلومات العضو فراج بن فهد آل تركي]

السلام عليكم ورحمة الله وبركاته :

أعضاء وزوار المنتدى الكرام :

كل عام والجميع بخير وتقبل الله منا ومنك صالح الأعمال,

يسرني مشاركتكم من جديد بهذه القصيدة .

.
.
.

" خلف بن ظفر آل تركي "

ابن عمي نسباً , وأدعوه عمي , وهو في الحقيقة أبي ,
حيث توفي والدي رحمه الله وأنا دون سن الخامسة ,
كانت ولازالت أفضاله تغمرني ومهما قلت فيه فلن أفيه معشار حقه ,
هي مجرد محاولة للتعبير لاأكثر .
.
.

ياراكـب اللـي ماصنـعـه الخـواجـة=من (طوكيـو )يحمـل تواريـخ الإنتـاج
فكسـارٍ لـهـم الضمـيـر انفـراجـة=لونه كمـا رغـوة حليـب وكمـا العـاج
مــاورّده ( عبداللطـيـف ) بكـراجـه=من ( البريمـي ) جابـه لنجـد ميـراج
كنـه تحـت نـور القمـر بإرتهـاجـه=ألماسـةٍ مـن فوقهـا النـور وهــاج
وإن أشّـر اصطبـه وحمّـر زجـاجـه=جمر ابدويٍ من تحـت حامـي الصـاج
فـي وقفتـه تيـه وفخـر وانبـلاجـة=صاحب سمو في حفل تخريـج الأفـواج
وإن اشتغـل مالـه ضجيـج ولجـاجـة=همسـاتٍ بشهـر العسـل بيـن الأزواج
ياطـا الوعـر مابـان فيـه ارتجـاجـة=كنـه علـى موكيـت ماهـوب مطنـاج
وإن شاف في الخـط السريـع ازدواجـه=يشلـع كمـا حـرٍ علـى الصيـد نفّـاج
هـذا هـوى اللـي ضايقـاتٍ افجـاجـه=يلعب بـه الهاجـوس مـع كـل منهـاج
نصّـه حزامـي فـي نهـار المـواجـه=بحر الصخا والجود في غـرب الأفـلاج
ملفـاك قصـرٍ للضـيـوف ابتهـاجـة=يلقـى بـه العانـي مسـرات وإبـهـاج
فـي مجلسـه للعـود الأزرق عجـاجـه=ولاحـطّ لأبـوابـه قـفـولٍ ومــزلاج
مـن جـاه عمسـانٍ يكيّـف مـزاجـه=بـريّـةٍ فنجالـهـا وصـفـة اعــلاج
ولاقلـط الا مــن غـوالـي انعـاجـه=حيلٍ شحمهن في الصحـن لـه تمـواج
ودرّ البكـار الـلـي غـزيـرٍ نتـاجـه=يالله عسـى ذوده مـن الوسـم ثجـاج
بـحـرٍ تـلاطـم بالمـكـارم أمـواجـه=مافكـر بحجـم الخسـايـر والإحــراج
وإن قيل من هو ؟ قلت : شعري سماجة..=إن ماذكـر عمـي ذرا كــل محـتـاج
(عمي خلف ) لاجـا الزمـان انعواجـة=بـإذن الولـي عنـده مفاتيـح الإفـراج
سمـح الجنـاب اللـي طليـقٍ احجاجـه=عوق الخصيم وللخوي ضحكـة احجـاج
جينـا لـه أيـتـامٍ بفـقـرٍ وحـاجـة=وافـرش لنـا البيـداء زهـورٍ وديبـاج
ظــل ظلـيـلٍ ماتمـايـل اسـيـاجـه=حطـه لنـا رب البشـر درع واسـيـاج
عقـب الزمـان اللـي جرعنـا هماجـه=نشرب قـراحٍ فـاض مـن بيـر هـداج
بأبـثّ مدحـي لـه علـى كـل مـاجـة=وأرفع له البيضـا علـى روس الأبـراج
لـعـل يـفـداه الــردي والدجـاجـة=ويفـداه فـراجٍ مـع اعـيـال فــراج

.
.

فراج بن فهد آل تركي

 

 

 

 

[معلومات العضو فيصل بن جزاء]

صح السانك ياابو فهد جزله جعل عمرك طويل يابن العم

ويستاهل المدح خلف بن ظفر الله يمتعه بالصحه والعافيه

ومن طول الغيبات جاب الغنايم يابن العم

تكفى لاعاد تبطي ياابوفهد اللي مثلك وشرواك نستمتع بحضوره

وقصايده لاهنت وبيض الله وجهك ومدح في رجال يستحقه

تقديري واحترامي

 

 

 

 

[معلومات العضو الشقرديه]

صح لسانك اخوي ماقصرت لاهنت
الشقرديه

 

 

 

 

[معلومات العضو ماجد بن رويه]

(عمي خلف ) لاجـا الزمـان انعواجـة=بـإذن الولـي عنـده مفاتيـح الإفـراج
سمـح الجنـاب اللـي طليـقٍ احجاجـه =عوق الخصيم وللخوي ضحكـة احجـاج






صادق ووفي وجزل يابوفهد


من الشعرا اللي نتحراهم ونشتاق لجديدهم



ابطيت يابوفهد وعانقتنا بهاذي الشامخه في خلف بن ظفر ال تركي


الله يكثر من امثاله ونعم بالمادح ونعم بالممدوح



تقبل التحايا


محبك فالله

 

 

 

 

[معلومات العضو كلاش]

المشاركة الأصلية كتبت بواسطة فراج بن فهد

السلام عليكم ورحمة الله وبركاته :

أعضاء وزوار المنتدى الكرام :

كل عام والجميع بخير وتقبل الله منا ومنك صالح الأعمال,

يسرني مشاركتكم من جديد بهذه القصيدة .

.
.
.

" خلف بن ظفر آل تركي "

ابن عمي نسباً , وأدعوه عمي , وهو في الحقيقة أبي ,
حيث توفي والدي رحمه الله وأنا دون سن الخامسة ,
كانت ولازالت أفضاله تغمرني ومهما قلت فيه فلن أفيه معشار حقه ,
هي مجرد محاولة للتعبير لاأكثر .
.
.

ياراكـب اللـي ماصنـعـه الخـواجـة=من (طوكيـو )يحمـل تواريـخ الإنتـاج
فكسـارٍ لـهـم الضمـيـر انفـراجـة=لونه كمـا رغـوة حليـب وكمـا العـاج
مــاورّده ( عبداللطـيـف ) بكـراجـه=من ( البريمـي ) جابـه لنجـد ميـراج
كنـه تحـت نـور القمـر بإرتهـاجـه=ألماسـةٍ مـن فوقهـا النـور وهــاج
وإن أشّـر اصطبـه وحمّـر زجـاجـه=جمر ابدويٍ من تحـت حامـي الصـاج
فـي وقفتـه تيـه وفخـر وانبـلاجـة=صاحب سمو في حفل تخريـج الأفـواج
وإن اشتغـل مالـه ضجيـج ولجـاجـة=همسـاتٍ بشهـر العسـل بيـن الأزواج
ياطـا الوعـر مابـان فيـه ارتجـاجـة=كنـه علـى موكيـت ماهـوب مطنـاج
وإن شاف في الخـط السريـع ازدواجـه=يشلـع كمـا حـرٍ علـى الصيـد نفّـاج
هـذا هـوى اللـي ضايقـاتٍ افجـاجـه=يلعب بـه الهاجـوس مـع كـل منهـاج
نصّـه حزامـي فـي نهـار المـواجـه=بحر الصخا والجود في غـرب الأفـلاج
ملفـاك قصـرٍ للضـيـوف ابتهـاجـة=يلقـى بـه العانـي مسـرات وإبـهـاج
فـي مجلسـه للعـود الأزرق عجـاجـه=ولاحـطّ لأبـوابـه قـفـولٍ ومــزلاج
مـن جـاه عمسـانٍ يكيّـف مـزاجـه=بـريّـةٍ فنجالـهـا وصـفـة اعــلاج
ولاقلـط الا مــن غـوالـي انعـاجـه=حيلٍ شحمهن في الصحـن لـه تمـواج
ودرّ البكـار الـلـي غـزيـرٍ نتـاجـه=يالله عسـى ذوده مـن الوسـم ثجـاج
بـحـرٍ تـلاطـم بالمـكـارم أمـواجـه=مافكـر بحجـم الخسـايـر والإحــراج
وإن قيل من هو ؟ قلت : شعري سماجة..=إن ماذكـر عمـي ذرا كــل محـتـاج
(عمي خلف ) لاجـا الزمـان انعواجـة=بـإذن الولـي عنـده مفاتيـح الإفـراج
سمـح الجنـاب اللـي طليـقٍ احجاجـه=عوق الخصيم وللخوي ضحكـة احجـاج
جينـا لـه أيـتـامٍ بفـقـرٍ وحـاجـة=وافـرش لنـا البيـداء زهـورٍ وديبـاج
ظــل ظلـيـلٍ ماتمـايـل اسـيـاجـه=حطـه لنـا رب البشـر درع واسـيـاج
عقـب الزمـان اللـي جرعنـا هماجـه=نشرب قـراحٍ فـاض مـن بيـر هـداج
بأبـثّ مدحـي لـه علـى كـل مـاجـة=وأرفع له البيضـا علـى روس الأبـراج
لـعـل يـفـداه الــردي والدجـاجـة=ويفـداه فـراجٍ مـع اعـيـال فــراج

.
.

فراج بن فهد آل تركي

ويلوموني بعد لاقلت شاعر منتدانا لا والله شاعر شباب الدواسر كلهم ..

والله مالي مصلحه حتى يقال أني أجامل لكن الله وهبنا عقول نميز بها

الذهب ودنينه والنحاس ورنينه ..

عموماً يبو فهد كل عام وأنت بخير والله يطوّل عمر العم خلف آل تركي الشكره

ويمتعّه بالصحه والعافيه ووالله أن الواحد يعتب على ألي مثلك بسبب الأنقطاع

عن المنتدى لكن يوم تباشرنا بمثل هالقصيده أنك تلجمنا ويضيع عتبنا بلجة بحورك

وفرحتنا بتواجدك

تقبّل أعجابي بأفكار ومعاني ومفردات وسبك قصائدك وبشخصك الكريم ..

 

 

 

 

[معلومات العضو سالم الحراجين]

صح السانك ياابو فهد جزله جعل عمرك طويل يابن العم

ويستاهل المدح خلف بن ظفر الله يمتعه بالصحه والعافيه

ومن طول الغيبات جاب الغنايم يابن العم

تكفى لاعاد تبطي ياابوفهد اللي مثلك وشرواك نستمتع بحضوره

وقصايده لاهنت وبيض الله وجهك ومدح في رجال يستحقه

تقديري واحترامي

صح الله السانك يافراج بن فهد

 

 

 

 

[معلومات العضو راعي البرصا]

فكسـارٍ لـهـم الضمـيـر انفـراجـة
لونه كمـا رغـوة حليـب وكمـا العـاج

بيض الله وجهك على القصيده الطيبه

 

 

 

 

[معلومات العضو ابو زيد الغييثي]

وإن شاف في الخـط السريـع ازدواجـه=يشلـع كمـا حـرٍ علـى الصيـد نفّـاج

سيكون تعليقي سخيف على ابياتك لانني اقف

امام نص يبهر القارئ


لو كان هناك كلمه تعبر أكثر من قول شاعر


لقلتها لك ولكن يكفيني فخرا ً هو علمي بوجود شاعر

في الدواسر من طرازك الفريد

امــا ابن العم خلف بن ظفر التركي الشكره


فهو يستحق هذه الابيات ومما زاد اعجابي بك

هو مدى حبك له هو قولك

وإن قيل من هو ؟ قلت : شعري سماجة..=إن ماذكـر عمـي ذرا كــل محـتـاج

اخوك / ابو زيد

 

 

 

 

[معلومات العضو نايف البدراني]

هذا من وفاك يافراج صح لسانك والله يمد بعمر والد

الجميع على الطاعه ويمتعه بالصحه والعافيه ..

 

 

 

 

[معلومات العضو العماني]

شاعر الجزالة والابداع " بوفهد "

صح الله لسانك واعتلا شانك على القصيدة الاكثر من رائعه والله يطول بعمر عمك على طاعته ويعطيه الصحه والعافية وطولة العمر ، وبارك الله فيك على مشاعرك الطيبه وبرّك به والله يوفقك دنيا واخره

تقبل تحياتي،،

 

 

 

 

[معلومات العضو سالم بن صمهود]

جينـا لـه أيـتـامٍ بفـقـرٍ وحـاجـة
وافـرش لنـا البيـداء زهـورٍ وديبـاج
ظــل ظلـيـلٍ ماتمـايـل اسـيـاجـه
حطـه لنـا رب البشـر درع واسـيـاج
عقـب الزمـان اللـي جرعنـا هماجـه
نشرب قـراحٍ فـاض مـن بيـر هـداج


الشاعر الفذ فراج ابن فهد صح الله لسانك منا الى يوم الدين والممدوح يستاهل

 

 

 

 

[معلومات العضو بوحمد الحمد]

بن فراج

صح السسانك

وصح قلمك الرائع

كلمات تفووق الخيال

والى الامام

ولاتحرمنا من اي جديد


دمت بكل خير

لك سلامي ماحترامي

دمت بود

 

 

 

 

[معلومات العضو بدر بن صقر العجالين]

أخوي الغالي وصلب جدي حــسـن

الشاعر - فراج بن فهد الشكره

صح الله لسانك ملايين

جزله من راس جزل

والله ونعم فيك انت وعمك...

تقبل تحياتي،،

 

 

 

 

[معلومات العضو فراج بن فهد آل تركي]

المشاركة الأصلية كتبت بواسطة فيصل بن جزاء

صح السانك ياابو فهد جزله جعل عمرك طويل يابن العم

ويستاهل المدح خلف بن ظفر الله يمتعه بالصحه والعافيه

ومن طول الغيبات جاب الغنايم يابن العم

تكفى لاعاد تبطي ياابوفهد اللي مثلك وشرواك نستمتع بحضوره

وقصايده لاهنت وبيض الله وجهك ومدح في رجال يستحقه

تقديري واحترامي

السلام عليكم ورحمة الله وبركاته

مرحبا بك أخي فيصل بن جزاء
وصح بدنك ولاعليك زود ياأبوسعد
والمنتدى غني برجاله وشعرائه وكلهم فيهم الخير والبركة
والله يقدرنا على تقديم مايجملنا معكم
كل الشكر والتقدير لحضورك المبهج .

 

 

 

 

[معلومات العضو فراج بن فهد آل تركي]

المشاركة الأصلية كتبت بواسطة الشقرديه

صح لسانك اخوي ماقصرت لاهنت
الشقرديه

صح بدنك أختي الكريمة

وفقك الله لمايحب ويرضى