يا اهل الكرَم يا متعبين الطبابيخ!

**معلومات** **العضو** · 14-05-2006, 10:44 PM

قصيدة في حفل تعارف بين الحقبان و عوانيهم الصّلابخه (في المنطقة الشرقية و الكويت)من البرازات السّهول و ذلك في محافظة الإحساء يوم الخميس قبل الماضي.

يالله يا مرسي الجبال الشواميخ=يا عالم سرّ النفوس و عددها
يا مرسلٍ الطير مثل الصواريخ=يوم إبرهه خيرة جيوشه حشدها
تعزّ دينك من هل الشرك و السيخ=و إنّك تحلّ احوالنا من عقَدها
من عقب ذا نوّختنا القاف تنويخ=أنتخ من جزال القوافي جدَدها
يا مرحباَ يا عنوتي يالصّليبيخ=ابو سعد سلطان مكرِم وفَدها
و محمّدٍ ريف الرّكاب المداويخ=النّادر اللي لا بغاها وِجدها
و مناحي أرّث له حرارٍ مناتيخ=تعجِبْك لا من جات حزّة هدَدها
يا جعل شايبكم رياضٍ مطاريخ=في جنّة الفردوس يطعَم شهَدها
أسّس و أخوه فهيد للوصل تاريخ=يا ويش قرْب الوالده من ولَدها
يا مرحباً في جمعكم يالمشاييخ=ترحيبةٍ من خاطري معتمدها
يا لابةٍ مذكورةٍ في التواريخ=(سهول)ياجد طيبها من قصَدها
سلام مني عدّ نسخ النواسيخ=و عداد ما دكّ السّحايب رَعَدها
يا اهل الكرم يا متْعبين الطّبابيخ=و ان جاء نهار الهوش تثبت عمدها
قلته و انا ربعي قرومٍ مطانيخ=لاد العياضي وافيه في عهَدها
من ساس تغلب من قديمٍ رواسيخ=دواسرٍ كسب الثّنا من سعَدها
نقلط على الموت الحمَر لا أدبَر الكيخ=كم روح شيخٍ ننزعه من جسدها
نمّن قصير البيت و يشيخ و يديخ=ناسم عصاه و نهمِله في بلدها
و اليوم في ظل السّعود المصاليخ=في ظل ابو متعب و يدْنا بيّدها
عبد الله اللي رسّخ العدل ترسيخ=قضى على الفتنه و هي في مهَدها
صلاة ربّي عد رمل التّخاتيخ=على النبي صلّوا عدد من سجدها

**معلومات** **العضو** · 15-05-2006, 04:34 PM

الاخ العزيز الغالي والشاعر الكبير في قدره وشعره

ابو صالح " عبدالله الصليبي الحقباني"

ارررررحب ترحيبةٍ من باب الشام الى باب نجران

ابو صالح صح الله السانك وعتلا شانك وزادك الله من زوايد فضله

لا هنت ولا هان منطوقك الذي يقطر الحكم والعبر في هذى الراااااائعه

حيث بلسم شافي لمن ارده طريق العلوم الغانمه والذكر الحسن لدى الجميع

كفيت وفيت جعل من ارثك في الجنه دايم الجزاله تنبع من يمانك جعلها تسلم

وتقبل مني فاق التقدير والاحترام في مقامك العالي

اخوك / فهد الغريري

**معلومات** **العضو** · 15-05-2006, 04:59 PM

الاخ العزيز الغالي والشاعر ابو صالح " عبدالله الصليبي الحقباني"
ارررررحب ترحيبة المطرياابو صالح صح الله السانك وعتلا شانك ولاهنت يالقرم على هذه القصيدة الرائعه

تقبل تحياتي أخوك الصقر الحر

**معلومات** **العضو** · 19-05-2006, 08:24 AM

الاخ العزيز الغالي والشاعر الكبير في قدره وشعره

ابو صالح " عبدالله الصليبي الحقباني"

ارررررحب ترحيبةٍ من باب الشام الى باب نجران

ابو صالح صح الله السانك وعتلا شانك وزادك الله من زوايد فضله

لا هنت ولا هان منطوقك الذي يقطر الحكم والعبر في هذى الراااااائعه

حيث بلسم شافي لمن ارده طريق العلوم الغانمه والذكر الحسن لدى الجميع

كفيت وفيت جعل من ارثك في الجنه دايم الجزاله تنبع من يمناك جعلها تسلم

وتقبل مني فاق التقدير والاحترام في مقامك العالي

**معلومات** **العضو** · 07-06-2006, 04:33 PM

فهد الغريري

هلا بكـ و مرحبا

لا هنت

و ما عليكم زود،،،،

**معلومات** **العضو** · 07-06-2006, 10:16 PM

عبدالله الصليبي

صح الله لسانك على هذه الرااائعة والجزلة

وننتظر جديدك يالقرم ..

تقبل تحياتي ..

اخوك في الله

محمد الغريري

**معلومات** **العضو** · 12-06-2006, 05:00 PM

الصقر الحر

شكرا لك

يشرفني تواجدكـــ

**معلومات** **العضو** · 12-06-2006, 05:01 PM

دغش البطي

لا هنت

و شكرا لك يالغالي

سعيد بتواجدكـ،،،

**معلومات** **العضو** · 12-06-2006, 05:02 PM

محمد الغريري

هلا

و

غلا

و شكرا لكـ يالغالي،،،

**معلومات** **العضو** · 13-06-2006, 03:39 PM

عبدالله الصليبي

صح الله لسانك على هذه الرااائعة والجزلة

وننتظر جديدك يالقرم ..

تقبل تحياتي ..

**معلومات** **العضو** · 14-06-2006, 07:19 PM

صح الله السانك وعتلا شانك وزادك الله من زوايد فضله

لا هنت ولا هان منطوقك الذي يقطر الحكم والعبر في هذى الراااااائعه

**معلومات** **العضو** · 28-06-2006, 11:01 PM

هايف العماني

شكرا لك

يا ابو مبارك

حضورك الكريم

لا هنت ياغالي،،،

**معلومات** **العضو** · 28-06-2006, 11:01 PM

رعاد

ألف شكر

لحضورك

و لا هنت يا رعاد،،،

**معلومات** **العضو** · 07-07-2006, 10:28 PM

عبدالله الصليبي الحقباني

قصيدتك جزله

وعلومك غانمه

بيض اللة وجهك

وجعل يفدونك الرخوم يالحقباني

وعوانيكم السهول يستاهلون

صح لسانك ياعبد اللة

اخوك المحب

ابو زابن

**معلومات** **العضو** · 11-07-2006, 09:55 AM

قلته و انـا ربعـي قـرومٍ مطانيـخ=لاد العياضـي وافيـه فـي عهَدهـا
من ساس تغلب من قديـمٍ رواسيـخ=دواسرٍ كسـب الثّنـا مـن سعَدهـا

كفووووووووووووووووووووو

والله ونعم بلاد العياضي


	الاخ العزيز / عبدالله الصليبي صح الله لسانك واعتلا شانك .. وبيض الله وجهك على هذه القصيدة الجزلة. وننتظر جديدك الجزل يالقرم تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية