من اجزل ما قرأت

[معلومات العضو ناصر الشريف]

الشاعر خالد مدعث الدوسري شاعر مهما وصفت لا يمكن ان اوفيه حقه وهو بلا شك مهضوم اعلاميا

اترككم مع هذه القصيدة الراقيه

البرق لعيون المولع مناديب=والبيد لقدام الخلاوي ركايب
وارواحنا لهموم بقعا معازيب=ومعزب الارواح قبر ونصايب
سبحان من يخفي عن العالم الغيب=وخلا الوعد من نازع الروح غايب
كلً يسوق الرجل ويروح ويجيب=احدً يجيب بسلم واحدً نهايب
واحدً يجيب الفود والعز والطيب=واحدً يذله كل ما كان جايب
من لا ستر وجهه عن الذل والعيب=ما عاد يلقى لذل وجهه طبايب
ومن لا حمى وجهه قبل طلعت الشيب=محدن يعوظه وجه لا صار شايب
ولا صار ذكرك فوق روس المراقيب=خلك على دربك ترى الدرب صايب
تصير بعيون النشاما كما الذيب=وفعيون عدوانك عطيب الظرايب
موت الفتى با المرهفات المحاديب=اخير من حيً مع الناس خايب
موتً تباكا له عيون الاجانيب=ولا عيشتً تدعي عليها القرايب
ولي نفوسً ما تروم المواجيب=ولي يدينن ما تسد النوايب
عذر الردي ما كل من يجهد مصيب=عود الحماطة كاسرته الهبايب
ما يخلف الهقوه طوال الاشانيب=صحيح من قال المراجل وهايب
يربى على الشاهوق عكف المخاليب = ولا الوطى يرباه بوم الخرايب
من راقب العالم يشوف التعاجيب = ومن طاول الدنيا يشوف الغرايب
غير النبي محدً بليا عذاريب=وكلً على الثاني سيوله جذايب
ما كامل الا وجه جزل التواهيب = ولا رابح الا اللي من الذنب تايب
كلٍ ذنوبه تغرق الكم والجيب = وكلٍ عليه من الليالي مصايب
ليه؟ الحسد والغل والشك والريب=وليه ؟ القطيعه واندلاع الحرايب
يولد الاحقاد شذب العراقيب=والحقد سمً فا المعاليق ذايب
شرارةٍ من ملحقين المشاهيب=من ناشته خلة ضلوعه حطايب
يومون با الامواس مثل القصاصيب=ذنبً يوقف منه قطر السحايب
لعل من يفرح بشيل المشاعيب=ويصير في فرقا الرفاقه سبايب
تقطع عراويه من الرزق والصيب=ويموت ما تنظر عيونه حبايب
وتصفى النفوس ويركدن المشاريب=لابه ذنب عقرب ولابه نشايب
هذا بعض ما علمتنا التجاريب=اللي من الايام جتني جلايب
لا كامل الا وجه من يعلم الغيب=ولا رابح الا اللي عن الذنب تايب

 

 

 

 

[معلومات العضو محمد بن سالم الخضراني]

ناصرالشريف صح لسانك والله يبيض وجهك ولله لايهينك وصح لسان الشاعر خالد بن مدعث شاعر غني عن التعريف . ولم يبحث عن الاعلام والشهره لانه فحل شعر عملاق وموهوب وهو مقل من الضهر اعلاميا .وانت خابر كل حاجه واسطه والرجال ماهوب فاضي يلاحق ذا القنوات ولله يوفقه

 

 

 

 

[معلومات العضو عبدالله الفاران]

ناصرالشريف
صح لسانك والله
يبيض وجهك ولله لايهينك
وصح لسان الشاعر خالد بن مدعث

 

 

 

 

[معلومات العضو عســافةالخيل]

صح الله لسانك ولسانه

جزل مايختار الا الجزل

صح نقلك

دمت

 

 

 

 

[معلومات العضو ابو عمر الشمري]

لاهنت يا الشريف على النقل وصح لسان ابن مدعث جزله والله