شوركم يا ربعي

[معلومات العضو ال هميم المخيريمي]

مرحبا بكم

ابي شوركم ولا تبخلون علي به

هذي صورة البعير و صورة بنته عمرها حقه

وش رايكم فيه و فيها يستاهل من يسوق ابله له يضرب عنده والا نقصر العنوه



و تسلمون على كل حال

 

 

 

 

[معلومات العضو عبدالله الحافر الغييثي]

والله ياخوك راس بنته كايف جدا ولكن الباقي مدري عنه والبعير ماهي واضحه صورته لي

 

 

 

 

[معلومات العضو ابو زابن المسعري]

البعير كايف وبنته كايفه

والله يبارك في حلالك ومالك يالمنيعي

 

 

 

 

[معلومات العضو ابو فزّاع]

والله يالسنافي انت طلبت الشور
حاول تدور اطيب منه ان لقيت زين وان مالقيت فالشكوى على الله اضرب به حيه ولا الحيال

 

 

 

 

[معلومات العضو محمدبن عبدالعزيز]

هلا والله بالغالي
شوف اخوي البعير راسه مافيه زودى لاكن راس بنته حلووو.ولاتسوق اباعرك كلها ظرب عدد قليل عشان لو صار انتاجه زفت ماتصير مضرب النياق كلها

 

 

 

 

[معلومات العضو عبدالمجيد]

الي اشوفه ان الفحل وسط مهوب ذاك الزيان على قولت الردود قبلي ضرب بعض النياق منه إذا كان غيره متوفر ...وسلامتك..............

 

 

 

 

[معلومات العضو متعب الشكري]

البعير كايف وبنته كايفه والله يبارك في حلالك ومالك يالمنيعي

 

 

 

 

[معلومات العضو سلمان الفهد]

انا راعي مغاتير ما اقدر اعطيك شور طيب في المجاهيم
لكن لا تضرب شي واجد من اباعرك
وحده ثنتين
تقبل مروري

 

 

 

 

[معلومات العضو الشكري]

ما اقول الا ما شاء الله عليها

وتبي النصيحه اقصر العنوه يا ولد ابوي

مهوب قصور فيها لكن بتلقا اللي اطيب منها

ذا رايي ويمكن اكون غلطان

وسلامتك يا الغالي

 

 

 

 

[معلومات العضو ال هميم المخيريمي]

مشكورين على المشورة و ما قصرتوا

تحياتي لكل من شارك

والله لا يهينكم