ارحب ياوسام العصا تراحيب المطر

**معلومات** **العضو** · 02-11-2006, 08:42 PM

ارحب ياوساام تراحيب المطر وكل عام وانت بالف خير ياخوي وين الناااس

كل هذي من بركاات ابو سالم ((عبدالرحمن))

وسام لاشفت زوله فالملاعب حضر=يزدادشوقي على البدعه وطاروقها
لوكان عندي من الماضي مسجل خطر=لاشك احبه واحب البنت من شوقها

**معلومات** **العضو** · 02-11-2006, 09:19 PM

السلام عليكم ورحمة الله وبركاته
كل عام والجميع بخير
ارحب بالجميع وخصوصا استاذي المسعري الله يعيننا عليك
واستلم ياخوك لا هنت

يامرحبا بك عدد ما نجم لاح او ظهر=واعداد ما مزنة لاحت لنا بروقها
انت كنت تنوي المغازي خل قدمك سبر=واحرص على جرتي تمشي على فوقها

**معلومات** **العضو** · 02-11-2006, 09:33 PM

ارحب انت الاستاذ ياولد العم ومنك نستفيد
استلم لاهنت

وابك البقا يارفيق له سنين وشهر=مازار داره ولافتش بصندوقها
اليا نوينا المغازي ماعطينا خبر=مانسلك الا دروب معسر طروقها

**معلومات** **العضو** · 02-11-2006, 09:45 PM

ياعل ما ابكيك لا انت ولا كل طيب شرواك
استلم لاهنت

الدار ماهي خليه لا ولاهي قفر=وعساك يالمسعري مدي لها حقوقها
والحر حر سوى وقع او انه شهر=والا الرخم مايقال اطلق لها سبوقها

**معلومات** **العضو** · 02-11-2006, 09:57 PM

الله الله عليك

الدار دار غنيه مالحقها فقر=والربح تلقاه لامن جيت في سوقها
انا اعرف الحر لاكن ويش سوى الدهر=نتف جناحينها و الربق بحلوقها

**معلومات** **العضو** · 02-11-2006, 10:13 PM

الله الله الله الله
منك والله وشرواك نتعلم النقض والفتل
استلم لا هنت

لا ما نشكك ولكن جاء لدارك حظر=فحولها زهدت واللي غلا نوقها
ودامك عرفت المقاصد انتبه للحفر=واحذر تزل القدم و يشين منطوقها

**معلومات** **العضو** · 02-11-2006, 10:29 PM

الله الله ياسلام على الشعار

ترراني ماسك صف المسعري ولا يهون وسام

**معلومات** **العضو** · 02-11-2006, 10:30 PM

الشاعرين الكبيرين المسعري وسام العصا

صح اللسانكم وبيض الله وجيهكم

وعساكم على القوه

ولاهنتوا

وتعزون على وكذا ماني بصف حد منكم

ولاحد يشره على

هذا من غلاكم

تقبلوا تحياتي

ابو زيد

**معلومات** **العضو** · 02-11-2006, 10:34 PM

اثرك تحلم بنومك عقب طول السهر=الدار متعافيه والفن من ذوقها
شفت الزلامي يبي يسبح بغب البحر= والحوت بعض العرب وان مرت يعوقها

**معلومات** **العضو** · 02-11-2006, 10:46 PM

ارحبووووووووووووووو
ابو زابن وابو زيد يالله حيهم واحيهم
ولو كان يابو زابن صرت في صف المسعري شي يشرفني
لان الدم واحد والعرق واحد
وانت يابوزيد تروم العدل وانت راعيه ياعزوتي
لا هنتوا على كل حال ومرحبا بكم
اخوكم/ وسام العصا

**معلومات** **العضو** · 02-11-2006, 11:22 PM

الله الله صح لسانك
استلم لاهنت

المسعري يجهم بليله يظنه سفر=عذرب وهو في يمينه يقطع عروقها
يشري نحاس وغره يحسب انه تبر=ماالوم منهو عمى يتبع صدى بوقها

**معلومات** **العضو** · 02-11-2006, 11:34 PM

انا ليامن سريت اليل علمي ضهر=والعزوه الطايله ماني من يبوقها
حنا نسوم البضايع في يدين البشر=لاكن بضاعتك فاسدتا من عذوقها

**معلومات** **العضو** · 02-11-2006, 11:59 PM

استلم يابن العم لا هنت

كب المهايط وهات العلم بالمختصر=واوعدك يالمسعري ماافك مغلوقها
مثل الحصيني تروغ ومير مابك مكر=وتهز ذيلك ورجلك بينن عوقها

**معلومات** **العضو** · 03-11-2006, 12:26 AM

اثرك تصبر وجوفك فيه مثل الجمر=كبدك من الغم محدن خيط فتوقها
لاكن بعطيك علما وصله للحضر=ماني معود على الرفلا ومرقوقها

**معلومات** **العضو** · 03-11-2006, 01:12 AM

الله الله
اركد لا تكشف المستور وش قومك
اثر علمك قريب

تضحك بسنك وانته ميت من القهر=ودمع عينك يهل وحار في موقها
كفنت جثتك يوم اني لقيت القبر=وازريت انا ارفا عباتك كثرت شقوقها

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية