محاوره بيني وبين زاهي العتيبي

[معلومات العضو ابو زابن المسعري]

هذه المحاوره جرت بيني وبين الصديق
العزيز زاهي بن زبار الغنامي العتيبي (العود ابو ماجد)
ثاني ايام العيد رحت رحله قنص إلى جيزان

وعلم بمراحي وجرت هذه المحاوره الفكاهيه بدأت بها انا


ياسلام الله سلام عد همال المخيله=لرجال اللي لهم بالصدر قدر وحترامي
ابتدى سحمي بقاف وانت من عقبه تشيله =او تجيب الرد يازاهي على حسب النضامي

(العود ابو ماجد )

ياهلا يامرحبابك يالسنافي كل ليله=عد من طاف الحرم وعداد من صلى وصامي
بعد ماهاضت هجوسك قمت تبدع بالجزيله= ضرب ماخزنت في جغدك بدى زين الكلامي


البقاء بك يالمرحب ونتبه من كل ميله=لاتحسب ان كل رجال مثل طبعك حرامي
الجزيله عادتي يالعود وكب الهزيله= وانت تعرفني يابو مجَود ضربي ضرب حامي



(العود ابو ماجد)

كل واحد ياعميل الخير ياخذ من عميله=ان بغيتوها حرابه ون بغيتوها سلامي
الجمل للحمل يركي لارتكا حمله يشيله=مع تهاتيه الخلا يصبر على قطع المضامي


كان تبغاها حرابه والله ان تصلى المليله=والله ان اقيدك يالعود وحط الخطامي
طيعني يالعود وافلح لا تدرع فالفشيله=ثم تعود ياهبيل القلب جيعان وضامي[/poem]


(العود ابو ماجد)


انت في جيزان لابسلك مع الوزره فنيله=عايش جو اللحوج وعيشتك نبت الخزامي
تاركن واد الدواسر والمعايد بالقبيله=ورايح الجيزان ياسحمي تعايد لك تهامي

رحتنا لجيزان ولـ مكه وجده والخشيله=عقب ماعيدت ربعي رحتنا شرق وشامي
لابغيت اضرب تخاتيخ الخلا فنا دليله=وانت جالس في عفيف وحارسه مالك مقامي[/poem]


(العود ابو ماجد)


اثر سحمي رايح لجده يبا يشفي غليله=بعد ماخزن طراله شي ثم زاده هيامي
مالقى غير التكرن اهل القصب واهل البليله=كيف طعت ابليس ياسحمي على فعل الحرامي


كل شعب ياولد غنام ياتي معه سيله=وانت موضوعك تسند به وتنحيبه شمامي
عزتيله مالقى الا يتهمني عزتيله=واحمد الله واشكره قسمي من اعلو السنامي
(العود ابو ماجد)
انت مثل الضب لامنه طلع فوق النثيله=يحسبنه مايصاد ولايصيبه كل رامي
مادرى اني لو رميته رميتن طيرت ذيله=طلقة وحده تكفي ياعميلي من حزامي


وانت مثل الحصني اللي معجبه فعل الرذيله=ياكل الجيفه ومبسوطن على مص العظامي
اسند اسند ولتزم يالعود بدروب الفضيله=والله اني ناشبلك لين تبصم بالبهامي


(العود ابو ماجد)

اقبست بيني وبينك وانت من شب الفتيله=وابتدى بالمعركه من بعد ماثار العسامي
والله انك نشبتن واشهد بعد مافيك حيله=مار ابي منك العذر وقبل سلامي بالختامي[/poem]

 

 

 

 

[معلومات العضو محمد بن سالم الخضراني]

صح لسانك يابوزابن ملايين وانشهد انك كفو ولا فيك حيله وصح لسانك ولسان الغنامي لاهنت ياذيبان .

 

 

 

 

[معلومات العضو ابن شميعان]

صح لسانك يابوزابن ملايين
وانشهد انك كفو ولا فيك حيله
وصح لسانك ولسان الغنامي
لاهنت ياذيبان


تحياااااااااااااااااااااااتي لك



نايف ابن شميعان

 

 

 

 

[معلومات العضو راشد المسعري]

ارحب يابو زابن

صح لسانك ولسان العــــــود الغنامي وبيض الله وجيهكم على الأبيات الطيبة ولاهيب غريبة عليك ولا على العتيبي وكلكم كفو وخوتكم تنشرى.
لكن وين الصيد !!!
أو على الأقل عطنا بعض الصور هنا في الموقع عن الرحلة ولا ترانا بنقومك بحق..

تقبل ودي وتقديري ،،،

 

 

 

 

[معلومات العضو ابو عمر الشمري]

صح السنتهم ,, ولاهنت على النقل

 

 

 

 

[معلومات العضو ابومبخوت الدوسري]

صح لسانك يابوزابن ملايين وانشهد انك كفو ولا فيك حيله وصح لسانك ولسان الغنامي لاهنت ياذيبان

 

 

 

 

[معلومات العضو ابو زابن المسعري]

المشاركة الأصلية كتبت بواسطة محمد بن سالم الخضران

صح بدنك وبيض الله وجهك وشرفتني بمرورك

 

 

 

 

[معلومات العضو ابو زابن المسعري]

المشاركة الأصلية كتبت بواسطة نايف بن مفلح ابن شميعان

صح لسانك يابوزابن ملايين
وانشهد انك كفو ولا فيك حيله
وصح لسانك ولسان الغنامي
لاهنت ياذيبان


تحياااااااااااااااااااااااتي لك



نايف ابن شميعان

ارحب يانايف ولاهنت وبيض الله وجهك

 

 

 

 

[معلومات العضو ابو زابن المسعري]

المشاركة الأصلية كتبت بواسطة راشد المسعري

ارحب يابو زابن

صح لسانك ولسان العــــــود الغنامي وبيض الله وجيهكم على الأبيات الطيبة ولاهيب غريبة عليك ولا على العتيبي وكلكم كفو وخوتكم تنشرى.
لكن وين الصيد !!!
أو على الأقل عطنا بعض الصور هنا في الموقع عن الرحلة ولا ترانا بنقومك بحق..

تقبل ودي وتقديري ،،،

ارحب ياراشد تراحيب المطر

ماعليك زودوجعلك تسلم

الصيد وبران وكملت ياخوك هههههه والصور والله مدري نرمي ولا نصور

لكن ابشر بالعوض

 

 

 

 

[معلومات العضو ابو زيد الغييثي]

صح اللسانك ملايييييييين

انت وخويك العتيبي

محاورة جميلة وراائعه

نتمنى منك ان تتحفنا

بأبداعاتك التي تجود بها قريحتك

محبك

ابو زيد

 

 

 

 

[معلومات العضو ابو زابن المسعري]

المشاركة الأصلية كتبت بواسطة ابو عمر الشمري

ارحب ياشمري والله يحييك ولاهنت على المرور وبيض الله وجهك

 

 

 

 

[معلومات العضو ابو زابن المسعري]

المشاركة الأصلية كتبت بواسطة أبومبخوت الشكرة

صح بدنك وجعلك تسلم ولاهنت وبيض الله وجهك

 

 

 

 

[معلومات العضو عيسى الدوسري]

صحت الآلسن وبيض الله وجيهكم
مقناص ومحاورات عاد من قدكم
ههههههههه
لكن يابو زابن وراك ماتنشاف بمحاورات المنتدى؟

 

 

 

 

[معلومات العضو غازي المسعري]

ارحب يابو زابن صح لسانك ولسان الغنامي وبيض الله وجيهكم على الأبيات الطيبة

 

 

 

 

[معلومات العضو قلب القلطه]

صح السانك والسانه

مع احترامي اذا كان يقصد ان اهل جيزان الحوج فا اسمحلي لها رد اخر ورد خطير وارجو ان المحاورات تكون من شخص لشخص وذلك بالابتعاد عن الديره والقبيله والعنصريه لانه في ناس في القبيله من شيوخ وغيرهم يكون الشاعر يتكلم عليهم وقد يكون منهم اهل دين وتقوي ولذلك اريد رد سوالي هو يقصد اهل جيزان او غيرهم ثانيا عدم التدرج في القبايل او العنصريه حتي ولو كانت للفكاهه اخي الكريم الفكاهه من شخص لشخص بسب او عيب فيه لانك انت تلاعبه ما تلا عب القبيله


اخوك\ابراهيم محمد السحيمي

ابوعبد العزيز

اجو تقبل تعليقي ولو اني اطلت بعض الشي والله الموفق