الشاعر ظافر بن حمد العرجاني اليامي يمتدح قبيلة العجالين

[معلومات العضو حفيد الأمراء]

ياالله يامنزل تبارك وياسين=ماغيرك أسجد له وأكبر وأصلي
طالبك فقهني ووفقني آمين=أنت الملاذ ونور دربي وظلي
وأنت الوحيد الي مع عبادك معين=أنك تجملني إلى من حصلي
مواقف في مدح ناس ميامين= والاالرخوم ومثلها فدوة لي
لاناشد عنها ولاقايل وين=حتى ولو بلسانها لي تهلي
أبقى على المقدار والعز والدين=وإلى دعاني وافي جيت كلي
أحضر الهاجس وسوق الفكر لين= مزون شعري تستخيل وتهلي
وإلى بغيت أذكر فعول الوفيين=أحترت ويش أجيب من ويش أخلي
الوقت مايسمح لسرد الدواوين=ولوتنزف الأقلام ماشفيت غلي
وتبغى أختصار القول رح للعجالين=ياتيك كل الطيب ماغاب ملي
لطيب مجد وللمراجل عناوين=أسطورة التاريخ لأنهم من اللي
كسابة الناموس ضد المعادين=دواسر فيها الشموخ أمتعلي
رجالهم يرسي على العسر واللين=وعدوهم وقت الملاقى يولي
وشيوخهم لامن غدى العلم علمين=تحل مالايمكن أنه يحلي
تضرب على روس العقد حق ويبين=نور على كل الكواكب مطلي
الله خلقهم للمراجل ميادين=وخلا الصدور بعز الأنفس محلي
قلته وانا عندي شهود وبراهين=لاعاش راس اللي شعوره تسلي
وإلى بغيت الطيب فنص العجالين=وتشوف كل الطيب ماغاب ملي
وانا من اللي يرجحون الموازين=عرجاني ويام العريبة هللي

 

 

 

 

[معلومات العضو راشد المسعري]

وإلى بغيت الطيب فنص العجاليـن
وتشوف كل الطيب ماغـاب ملـي
وانا من اللي يرجحون الموازيـن
عرجانـي ويـام العريبـة هللـي


صح لسانك ياحفيد الأمراء وقصيدة مدح جزلة فيمن يستحقون المدح وهو قليل بحقهم
وبيض الله وجه العرجاني على كلامه الطيب ولاهوب غريب الطيب على آل عرجا ويام كلها.
تقبل ودي وتقديري ،،،

 

 

 

 

[معلومات العضو حفيد الأمراء]

	أخي العزيز:راشد المسعري شاكر لك على هذا المرور الرائع والذي البس المشاركه نوراً وجمالاً وعطراً يفوح شذاه طوال الأيام وماعليكم زود ياآلاد مسعر