قصيدتان في مدح قبيلة العجالين

[معلومات العضو حفيد الأمراء]

	القصيدةالاولى خاصة في مدح الأمير عبدالعزيز بن حزام العجالين وهي قوله بين مسطور الورق والحبر والتسجيلا = = = مابعد شدت هواجيسي مثل ذا المرّه يالله التوفيق يالمطلوب والتـــــسهيلا = = = في مديح اللي تقول النـــاس لله درّه الأمـــــــير الهيلعي النـــادر الحلحيلا = = = في جبين المجد والتاريخ مثل الغرّه أنــــــت ياعبدالعزيز اللي تعدل الميلا = = = وأنت حر والمراجل في يمينك حرّه وأنت أبوك حزام يوم المعترك فاليلا = = = واقتحام المصمك وليلٍ عبوسٍ شرّه أمّره يوم استوت صقر الجزيرة ليلى = = = لن له بين الرياض ودار جابر جرّه وآل مره بسم أبوك حزام سمو جيلا = = = عد لك خمسين بسم حزام عند المرّه والسبب في التسمية يحتاج له تفصيلا= = = مير أنا وشلون أعد نجومه المنثرّه وأنت لك قدر ومقام يوجب التبـــجيلا = = =عند أمير العاصمة بحر الكمال وبرّه يجلسك جنبه على يمناه كالتفــضـــــيلا = = = والأمير أبخص بمرجان المحيط وبرّه وأنت راعي المجلس اللي فيه بن وهيلا= = = صف رسلانه كما الصفين فالمغترّه صك بيبانه حــــــــــــرام مامعه تحليلا = = = والحطب في ساحته يطري عليّ الحرّه من شيوخ اللابه اللي يتعبون الخيلا = = = العجـــــــالين أن تناخوا والرحا مفترّه كفكلوا دهم الجموع اللي تبذ الحيلا = = = لاعثوا في خصمهم جاله عطيط وصرّه لابتن مقياظهم مابين غرس وغيلا = = = في براد وغيرهم بين العجــــاج وحرّه وأن غدى للوسم تبكيروسال السيلا= = = ساقوا المظهور والمقزور كلٍ زرّه في هوى سودٍ اليا وصفة سوات الريلا= = ماتــــهاب الحفيف اللي يعيد الكرّه تحت هيبة من لهم فالمعركة تهليلا = = = الهنادي البيض بديهم تجي محمرّه القصيدة الثانية عامة في مدح قبيلة العجالين وهي قوله مالي عذر من دون حفل العجالين= = = اسمٍ يشــــــــــــــــرفنا نباه ومقــــــــــامه حنا لهم في قاسي الوقت واللين = = = وهم كذالك لانهــــــــــار القيــــــــــــــامه سلام ياحفاد الشيوخ المسمين = = = شيوخٍ لهم فالوقت قامـــــــــة وقــــــــامه معجب ليا مالت كفوف الموازين= = = وجا فالمواقف صدتن وابتـــــــــــــرامه قام وتساوا واستوت لحمر العين= = = وساوا كفوف الميل بالاستقــــــــــامه والجاه جاه حزام عند السلاطين= = = كلٍ بجاه حزام يكرب حـــــــــــــــــزامه كم فك جاه من رجالٍ مساجين = = = راحوا حرار بدون شرط وغــــــــرامه شيوخٍ صعبين دهــــاتٍ ثقيلين = = = اسم وجسامه وافتخار وضخــــــــامه وعبدالعزيز اليا غدا العلم علمين== فرّق علوم الخصم واقلق مــــــــنامه ومشعان من بعده زبون المجلّين= = لاجا نهارٍ مايهود عســــــــــــــــامه ومترك طويل الباع طلق الحجاجين== بنك الوفا والمرجله والقــــــرامه من شان وقته واحتزم بالعــجالين== أنا أشهد أنه ماتراخا حـــــــــزامه وعندي وأنا محسن عليها براهين== وهرجٍ بلا برهان عيب ومـــلامه وبرهانها لسعود عند القحاطين= = وسعود مثل البحر تسعين قـــــامه وسعود سعد اللي طوا حاله الدين= ومن الوزى ماعاد تصلب عظامه مثل العقاب تهاب منه الشياهين== ويفرض على كل الرجال احترامه وكل العجالين بجميع الميادين=== خذوا مع أهل المجد ذروة سنامه خيالة الحرشا صعوط المجانين== يوم الردي تبرك عليه الرخـــامه صلوا على سيد البشر والنبين== اللي نظام أهل الشريعة نظـــامه وسلامتكم

 

 

 

 

[معلومات العضو حفيد الأمراء]

	أعتذر عن نسيان اسم الشاعر وهو الشاعر محسن بن فالح الشكرة

 

 

 

 

[معلومات العضو شافي القويسي المخاريم]

يستاهل الممدوح و يعطيك العافيه على الطرح

 

 

 

 

[معلومات العضو سالم بن صمهود]

من شيوخ اللابه اللي يتعبون الخيلا = = = العجـــــــالين أن تناخوا والرحا مفترّه

كفكلوا دهم الجموع اللي تبذ الحيلا = = = لاعثوا في خصمهم جاله عطيط وصرّه


حفيدالامرا صح الله لسانك ويستاهل الممدوح

 

 

 

 

[معلومات العضو حفيد الأمراء]

	الأخوة الأعزاء شاكر لكم كل الشكر على مروركم العطر والذي زاد في جمال المشاركة

 

 

 

 

[معلومات العضو العماني]

صح لسان الشاعر ويستاهلون العجالين الكرام فهم أهل المدح

لاهنت اخوي حفيد الأمراء على ايراد القصيدتين

تقبل تحياتي،،

 

 

 

 

[معلومات العضو حفيد الأمراء]

	الأخوة الأعزاء شاكر لكم كل الشكر على مروركم العطر والذي زاد في جمال المشاركة

 

 

 

 

[معلومات العضو محمد الولامين]

صح لسااان الشعرااء

ويستاهل الأمير عبدالعزيز بن حزام العجالين المدح والعلوم الطيبه

لاهنت ياحفيد الامراء على ماقدمت وبيض الله وجهك

 

 

 

 

[معلومات العضو صارم]

صح لسان الشاعر ويستاهل الممدوح

 

 

 

 

[معلومات العضو حفيد الأمراء]

	الأخوة الأعزاء شاكر لكم كل الشكر على مروركم العطر والذي زاد في جمال المشاركة

 

 

 

 

[معلومات العضو الجراح]

بيض الله وجه من مدح العجالين والأمير عبدالعزيز بن حزام يستاهل المدح والطيب علمه غانم وكلن خابره لاهنت حفيد الأمراء على النقل

 

 

 

 

[معلومات العضو حفيد الأمراء]

	الأخ العزيز: الجراح شاكر لكم كل الشكر على مرورك العطر والذي زاد في جمال المشاركة