المحبه والغلا والبعد وظـروف الزمانـي

[معلومات العضو مقعد الدغيلبي]

اسعد الله اوقاتكم بكل خير وبركه""اول مصافحه واسمحولها بالهبوط بمطار ابداعاتكم
"""""""""

يامواويل الغرام وياصدى صـوت الحنانـي=ويانسيم الليل داو الجرح والنفـس العليلـه
طالت المده وانا أسامرك ياسهيـل اليمانـي=ليله آشوفك وليله يحّجبـك بـرق المخيلـه
واصتدمت بواقعي والشوق للعـوده دعانـي=وعودة المشتاق تنهكها ألمسافـات الطويلـه
والمحبه والغلا والبعد وظـروف الزمانـي=أرهقتني مير أنا مالي على المكتوب حيلـه
آتصدى والزمان الشيـن مازعـزع كيانـي=وأتحدى وآتصدى وابرك الحملـي واشيلـه
والفلك دوار والشـدات للرجـل أمتحانـي=وألاماني ماتحقـق بيـن يـوم وبيـن ليلـه
ماعلا الدنياء قرار ولاعلا الدنيـاء ظمانـي=قالها أللي جرّب الحلـوه وذاق الحنظليلـه
علموا(تركي) تراني رحت فالرحله ترانـي=رحلة ألاشواق سارت والله أعّلـم بالدليلـه
يابن مزيد ماشكيت الا ألك عن قاصي وداني=حيث جرّبت الهواء قبلي وشارب من صميله
ماذبحني يالعصيمي غيـر جـلآي الثمانـي=المناياء في عيونه والنعومـه فـي جديلـه
عيطموسٍ وسط قلبي جالها قـدّر ومكانـي=بنت شيخٍ له مكانه واطيب اشيـوخ القبيلـه
آلاصاله ورث جـده والعبيـه والحصانـي=ينتمي للمجد(عفواً) مجدها اللي ينتميلـه
والحقيقه طيفها سيطـر عليـه واحتوانـي=واستشلت عنفوانت قوتـي وامسـت ذليلـه
عن وصاله ماحداني خوف كل اللي حداني=سلّم ابوي وسلّم جدي والمعاليـق ألأصيلـه
والعلاقـه بيننـا مندوبهـا كوفـي عنانـي=بس كوفي من فصيله والحبيب من فصيلـه
والنهايـه يازمانـي وش بقالـي يازمانـي=مابقى غير أنتظر مردود كسـاب الجميلـه

 

 

 

 

[معلومات العضو عبدالله الحافر الغييثي]

ماذبحني يالعصيمي غير جـلآي الثمانـي=المناياء في عيونه والنعومـه فـي جديلـه
عيطموسٍ وسط قلبي جالها قـدّر ومكانـي=بنت شيخٍ له مكانه واطيب اشيوخ القبيلـه

الله الله صح لسانك واعتلى شانك ومرحبا الف بك اخوي الغالي في منتدى الدواسر الرسمي واسعدني أنني اول من رد على جوهرتك النفيسه,,,لك مني الاعجاب وفائق المحبة والتقدير اخوك/خميس الغييثي

 

 

 

 

[معلومات العضو عبدالرحمن العقيلي]

الدغليبي

الله يحييك ومصافحة اولى رائعه كروعة شاعرها

تقبل تحياتي

 

 

 

 

[معلومات العضو شافي بن راشد النتيفات]

مقعد الدغيلبي

بداية مميزة وصح لسانك وبيض الله وجهك وبنتظار ابداعاتك تقبل مروري

 

 

 

 

[معلومات العضو خيالية]

 

 

 

 

[معلومات العضو مبارك بن الجوير]

المحبه والغلا والبعد وظـروف الزمانـي
أرهقتني مير أنا مالي على المكتوب حيلـه

آتصدى والزمان الشيـن مازعـزع كيانـي
وأتحدى وآتصدى وابرك لحملـي واشيلـه

والفلك دوار والشـدات للرجـل أمتحانـي
وألاماني ماتحقق بيـن يـوم وبيـن ليلـه

ماعلا الدنياء قرار ولاعلا الدنيـاء ظمانـي
قالها أللي جرّب الحلـوه وذاق الحنظليلـه
×××××××××××××××××××××

اولا" مرحبابك يامقعد الدغيلبي
في منتدى الدواسر الرسمي
عني وعن اخواني فالمنتدى
ويسعدنا مرورك المميز وانضمامك
لكوكبة الابداع ,, كيف لا!!!
وانت تكتب بهالجزالة ماشاءالله عليك
وارجع اقول مرحبابك والله من ملفاك
يابن روق لين منصاك والعنوة للابداع
واستمتعنا بمرور متصفحك المضيء
بديت معنا بالغزل وانسجمنا معها
لين اظهرنا الحضور السياسي لكوفي عنان
الله يهديك هههه ,,,<<واحد مايداني السياسة هههه>>
**************
والجد صح الله لسانك ملاييييين
واعتلا شانك ودمت مبدعا"
لاتحرمنا جديدك واطلاعك ومرورك
وانا استمتعت بالجزالة في صفحتك
وسعدت بالمرور المتواضع تقبله لاهنت...

 

 

 

 

[معلومات العضو محمد مبارك ماجد]

أخي / مقعد الدغيليبي
أسعد الله جميع أوقاتك ويا مرحبا ومسهلا والله يحيك
شاعر مبدع وقصيده غزليه جميله
وانت شكلك شاعر محاوره إظافة ً إلى النظم
والله أعلم ___ تقبل مروري

 

 

 

 

[معلومات العضو الشـيخه]

نص جميل وإن ساده شبح الفقد والحزن .. / صح نبضك ..