اتمنى قراءتها لراجح العجمي

[معلومات العضو شافي بن راشد النتيفات]

عثى فينا جهاز الدش بث وعـرض وإستقبـال=محاقين الـردى لا بـارك الله فـي محاقنهـا
بدأ وقت الفتن يطلع عسى الله يصلح الأحـوال=ولا نقـدر نقـول إلا عسـى ربـي يزينـهـا
طلع جيل يشيّـب بالرضيـع ويذهـل العقّـال=بعض ناس ذكرها المصطفى شفنـا عواينهـا
لقينا الكاسيات العاريات الوصـف والأشكـال=عليهـا لبـس لكـن لبسهـا يبـرز مفاتنهـا
تميل عن الطريق المستقيم ومـن تبعهـا مـال=خبيثة شكل ظاهرهـا يمثـل خبـث باطنهـا
ترحّلها إبليس وإنجلى عنهـا الحيـاء وإنجـال=ولـو قامـت تلملـم مـن يصدقهـا ويآمنهـا
تستر لين تدخل رأسها فـي المشغـل الشغـال=وعلـى الشغـال بالمشغـل مذارعهـا تبيّنهـا
غدت ماعاد تجفل من عيـال الهنـد والبنغـال=تغنّـج لـه إليـن يهـزّ رأسـه ثـم يديّنهـا
على ذا الحال يمكن تفتن الصاحي مع البطّـال=مـادام إنهـا تغنّـج لـه وكلمتـهـا تلينـهـا
تجرد عن لباس المسلميـن وتلبـس البنطـال=مـع قـل الحـلا تلبـس لهـا لبـس يشينهـا
يقولون الرجال " إن الفرس في دبرة الخيـال "=ورى الخايب يخلي الخايبـة تبـرز محاسنهـا
ولا يؤدب ولا ينصح ولا ينظر لها فـي حـال=يعاملهـا بهيمـة بـس مـابـه إلا يسمّنـهـا
وبعضهم لو يبي يؤدب وينصح زوجته ما أحتال=ولا ينكر عليها شـيء وإن زعلـت يساكنهـا
خذت منه القوامة وأصبح الحرمة وهي رجـال=تخلي الثوب نصـف السـاق وثيابـه يطمّنهـا
ولا جاء الليل كل راح له سائق ولـه جـوال=إلى من جات ما تلقاه وإن جـاء مـا يعيّنهـا
تحدد نسلها تبغى الرشاقـة مـا تريـد عيـال=مع عـدوان ديـن الحـق معلنـة تضامنهـا
وظيفتها عساها البعد بين النـاس قيـل وقـال=تجيـب الهـرج وتودّيـه والفتنـة تكوّنـهـا
ولا أعمم لأن الخير في بعـض البشـر لازال=وكم مصيونـة فـي بيتهـا والـرب صاينهـا
ولا يمكن يضحّي بالشرف والدين بنت رجـال=لأن الطيبـة يحمـي شرفهـا طيـب معدنهـا
عطاها الرب عقل ودين مافيها جهـل وخبـال=تيجـة قـوة التيـار مـا تخلـف توازنـهـا
على زلة زوجها لـو يكررهـا وسيعـة بـال=تحدث في المحاسـن والعلـوم القشـر تدفنهـا
لها في مهجته منزل ولـه فـي قلبهـا منـزال=تبادلـه الغـلاء ماهيـب خاينتـه وخاينـهـا
ولا ننسى شبـاب إبتلـن بـه طيبـات الفـال=تبي العفّـة وستـر الحـال والداشـر يجننهـا
مريض وناقص عقله خفيف وتشعفـه الأزوال=ومنيحه من ردى حظه ومـن خبثـه يحينهـا
نهاره نوم وإن جاء الليل يسهر في ردى وهبال=ولا جاء الفجر جاك يسحّب رجيلـه مطيّنهـا
من آثار المخدّر كنّ في جوفه مـرض سـلال=مـن التدخيـن كـنّ شفـاه بالنيلـة يلوّنـهـا
ومنهم من تميّز بالنعمومـة والظفـور طـوال=وذيك القذلة اللي مـن دهـون أختـه يدهنهـا
تحلى بالإنوثـة مابقـى إلا يلبـس الخلخـال=يشوف إخته تجمّـل للعريـس وغايـر منهـا
إلى منه هرج في المجتمع جات الهروج هزال=يـدوّر للرخامـة والمراجـل مـا يواطنـهـا
يضايقه الآذان ويطرب الداشـر مـع المـوّال=قضى ليلة مع الشلّـة وبنـت النـاس هاينهـا
ولا أعمـم لأن المجتمـع لازال فيـه أبطـال=وترى الدنيا من أهل الطيب ماخليت مخازنهـا
رجال تلتزم نهج الرسـول وللحمـول جمـال=ولا يخرج حديهـم كلمتـه يـا كـود وازنهـا
ولا ننسى قضية من مسكها لأجل حـب المـال=لأجل المال وصلت بنتـه الخمسيـن راهنهـا
يبيع ويشتري فيها .. كما السلعة مـع الـدلال=يبي ينظر من اللي يدفع أكثـر مـن زباينهـا
ترى هذا ومثله في المجالـس عـدّه الفنجـال=جزى اللـي علشـان الطمـع بنتـه يخزّنهـا
إلى جـوه رجـال طيبيـن الديـن والأفعـال=يحوّلهـم علـى أم البنـت والخايـب ملقّنهـا
تقول أبغى المهر اللحين نقد ريال فوق ريـال=نبي فوق المية مـن غيـر حاجـات تأمنهـا
تحته لين يبقـى رأس مالـه غتـرة وعقـال=يـدوّر الدداسـن فـي المعـارض ويتدينهـا
ألا وآشيب رأسي شاخت النسـوان والأنـذال=ولا يعتـزّ جيـل شيّـخ الحرمـة ومكّنـهـا
أنا مانيب شامت .. بس أبيّن وأضرب الأمثال=لعل أهل العقـول الطيبـة .. تـردع مجننهـا
أبحـاول عـلاج عصـر الـدش والأهـوال=وناس ماتبي تسمع كلامـي مـا علـيّ منهـا
يقوله واحد يخطـي مـع التفريـط والإهمـال=ولكن في رجاء الرحمـن لا صعبـت يهوّنهـا
إلى منا هوينا فـي المقابـر والحمـول ثقـال=وبدينـا فـي حيـاة الآخـرة وأول مساكنهـا
وجاء يوم عبوس قمطريـر يشيـب الأطفـال=نهار فيـه نـاس يفرحـون ونـاس يحزنهـا
ورود النار هذا شيء ثابـت ماعليـه إشكـال=ولكن النجاة اللـي تبـي مـا أحـد بضامنهـا
تسمّع يا وسيع العرف لاتجهـل مـع الجهّـال=أبعـرض النصيحـة وإنـت ياجعلـك تثمنهـا
تخيل يـوم ينقطـع النفـس وتضيّـع الآمـال=ونفسك عن هجوم الموت ما تقـدر تحصّنهـا
ولا ينفع ولدك ولا ولد عمك ولا إبـن الخـال=مسجّـى والمكفـن عنـد جثمانـك يكفنـهـا
ألا يا الله يا اللـي بيـدك الأرزاق و الآجـال=ولا للنـاس غيـرك رب يرحمهـا ويأمنـهـا
تجاوز عن خطايانا إلى من عرضت الأعمـال=نهار فيـه نفـس العبـد مـا يجـدي تغابنهـا
عراة ما علينـا لبـس وحفـاة بـدون نعـال=نهـار فيـه يجمـع ظالـم الأمـة ومحسنهـا

 

 

 

 

[معلومات العضو الاعلامي]

بيض الله وجهك وصح السان الشاعر العجمي

قصيده طيبه****************************************

 

 

 

 

[معلومات العضو راشد المسعري]

ألا يا الله يـا اللـي بيـدك الأرزاق و الآجـالولا للنـاس غيـرك رب يرحمهـا ويأمنـهـا
تجاوز عن خطايانا إلى من عرضـت الأعمـالنهار فيه نفـس العبـد مـا يجـدي تغابنهـا
عراة ما علينـا لبـس وحفـاة بـدون نعـالنهـار فيـه يجمـع ظالـم الأمـة ومحسنهـا

اللهم آمين

ابو شالح بيض الله وجهك على الاختيار الموفق

الشاعر راجح العجمي شاعر قدير وشعره دعوي ونصح مؤثر جدا

وفقه الله على هذه الثمينة المليئة جداً بالنصائح القيمة

تقبل ودي و تقديري ،،،،

 

 

 

 

[معلومات العضو برق الدواسر]

بيض الله وجهك وصح السان الشاعر العجمي

قصيده طيبه

 

 

 

 

[معلومات العضو مبارك بن شافي النتيفات]

جزل يابوشالح ولا تجيب الا جزل

صح لسان العجمي على هذا البيان

وسلمت يمينك وعلى الاختيار

دمت بود

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة الاعلامي

بيض الله وجهك وصح السان الشاعر العجمي

قصيده طيبه****************************************

شكرا على مرورك ياغالي ولاهنت

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة الاعلامي

بيض الله وجهك وصح السان الشاعر العجمي

قصيده طيبه****************************************

شكرا على مرورك ياغالي ولاهنت

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة راشد المسعري

اللهم آمين

ابو شالح بيض الله وجهك على الاختيار الموفق

الشاعر راجح العجمي شاعر قدير وشعره دعوي ونصح مؤثر جدا

وفقه الله على هذه الثمينة المليئة جداً بالنصائح القيمة

تقبل ودي و تقديري ،،،،

شكرا على مرورك ياغالي ولاهنت

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة برق الدواسر

بيض الله وجهك وصح السان الشاعر العجمي

قصيده طيبه

شكرا على مرورك ياغالي ولاهنت

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة مبارك بن شافي النتيفات

جزل يابوشالح ولا تجيب الا جزل

صح لسان العجمي على هذا البيان

وسلمت يمينك وعلى الاختيار

دمت بود

شكرا على مرورك ياغالي ولاهنت

 

 

 

 

[معلومات العضو بنت الذيب]

صح لسان العجمي

ولاهنت ياابوراشد على حسن اختيارك

والله يصلح احوالنا وحال كل مسلم

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة بنت الذيب

صح لسان العجمي

ولاهنت ياابوراشد على حسن اختيارك

والله يصلح احوالنا وحال كل مسلم

شكرا على مرورك ولاهنتي

 

 

 

 

[معلومات العضو النايفه]

صح الله لسانه ولاعدمنا نقلك المميز
دمت بسعاده

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة النايفه

صح الله لسانه ولاعدمنا نقلك المميز
دمت بسعاده

شكرا لك على مرورك الجميل

 

 

 

 

[معلومات العضو خالد المشاويه]

عزالله انك نقلت يابوشالح

صح لسان الشاعر راجح العجمي

قصيدة حصر فيها اغلب مشكلات المجتمع المسلم


سلمت يمناك على هذا الانتقاء الرائع

جزيل الشكر والتقدير