صالح الصليبي الحقباني في البل

**معلومات** **العضو** · 09-12-2010, 08:40 PM

يا شاري البل تخير في منابعها=وعليك باللي نهار الورد تنشافي
الجبره النايفه محلا مزوعها=لا جا نهار الممارى والتغطرافي
مزيونة " لأقبلت مزين مفرعها=فنسا و عظم الأطيمس كنه مشرافي
والأذن متقدمه منتب تخارعها=تعارض خدودها مع مشرب" ضافي
فجا النحر وأرقبتها كنك مازعها=سندا" لها غارب" متقدم" وافي
فجحا" عراقيبها كنك تهازعها=وسنامها منفهق من فوق الأردافي
منها المواطي كبار" يوم تتبعها=لاشفت ثرها يهولك كبر لخفافي
كن القوايم إلى سارت توزعها=تشعاك في مشيها مع زين الأوصافي
سودا" كما النيل كن الكحل ناشعها=وهاجة " لونها من صونها صافي
ترى طراة البداوه في مراتعها=وممشا" على شفها في كل الأطرافي
لا جات مع خايع " محلا تخشعها=كنها طموح " تغلا يوم الأنكافي
ربحان شرايها خسران بايعها=وكم واحد" باعها والقلب منلافي
البل تعز الرجل والمال يرفعها=لاصار قنايها مطنوخ و سنافي

**معلومات** **العضو** · 09-12-2010, 10:13 PM

لا هنت أخي أبومطر

وصح السان الشاعر صالح الصليبي,,

وفقكم الله جميعا...

**معلومات** **العضو** · 09-12-2010, 11:42 PM

مشاءالله عليه وصف وأبيات جزله

صح الله اللسانه

وبيض الله وجهك ولاهنت

**معلومات** **العضو** · 10-12-2010, 01:36 AM

ذائقه راقية المستوى

صح اللسان شاعرها وسلم لنا فكرك واحساسك

دام تألقك

وفقك الرحمن وانار بصيرتك لخير الدارين

سلمت ودمت

**معلومات** **العضو** · 10-12-2010, 01:46 AM

قصيده جميلة جدا

صح الله لسان الصليبي

ولاهان ناقلها

والله يلوم اللي يلومنا بحب المجاهيم

احبنا من حبها واغليها=اللي غلاها حاكمٍ وجداني

**معلومات** **العضو** · 10-12-2010, 10:43 AM

صح لسان الشاعر صالح الحقباني

قصيد روعه من شاعر جزل

ولاهنت يابومطر على هذا الاختيار الجمييييل

تحياتي وتقديري

**معلومات** **العضو** · 10-12-2010, 10:23 PM

صحت ابدانكم جميع ولاهنتوا على مروركم العطر..
ولاتنسى المغاتير ياخالد قبل احذف القصيده ههههههههههههه

**معلومات** **العضو** · 11-12-2010, 01:05 AM

صح لسانك ولسانه ولاهنت على النقل

**معلومات** **العضو** · 15-12-2010, 11:51 AM

ارحب يابوشالح وصح الله بدنك يالقرم
تشرفت بمرورك وسعد بتواجدك بعد الكلمه اللي قلت لي امس والله اني قدني ابي اتخارج منك ههههههههه

**معلومات** **العضو** · 15-12-2010, 01:52 PM

صح الله لسان الحقباني

وتسلم يمينك على النقل يا بو مطر

تحياتي وتقديري

**معلومات** **العضو** · 15-12-2010, 04:24 PM

من قال سالم يالخضيري واسعدني تواجدك يالذيب ولاهنت على تواجدك

**معلومات** **العضو** · 15-12-2010, 04:41 PM

صح لسان شاعرها وقايلها ،،،

مشكور يا بو مطر على النقل ، ولاهنت

اقتباس:

المشاركة الأصلية كتبت بواسطة خميس الغييثي

البل تعز الرجل والمال يرفعها=لاصار قنايها مطنوخ و سنافي

[/poem]

خطأ كتابي البيت انكسر

قنايها >> قانيها ..

البل تعز الرجل والمال يرفعها = لا صار قانيها مطنوخ وسنافي

**معلومات** **العضو** · 17-12-2010, 01:07 AM

سودا" كما النيل كن الكحل ناشعهـا
وهاجة " لونها من صونها صافـي

ارررحب يابوشيخه حيك وحي ماجبت . . وبيض الله وجهك على نقلها , ,
وصح لسان شاعرهآ مليآآر . .

اقتباس:

المشاركة الأصلية كتبت بواسطة نآصر البدراني

البل تعز الرجل والمال يرفعها=لاصار قنايها مطنوخ و سنافي
[/poem]

خطأ كتابي البيت انكسر

قنايها >> قانيها ..

البل تعز الرجل والمال يرفعها = لا صار قانيها مطنوخ وسنافي

تعليق :

أخوي ناصر شكرآ ع الملاحظه لكن لو قال (( قانيها )) أنكسر البيت لكن (( قنايها )) بتشديد النون يكون البيت موزون . . .

______________

والمعذره أخوي أبو شيخه لو خذيت مساحه في متصفحك . . .

**معلومات** **العضو** · 17-12-2010, 02:42 AM

أرحب يأبو مطر جزل ولا تختار الا الجزل

صح لسانك ولسان الحقباني

تحياتي وتقديري ..

**معلومات** **العضو** · 10-01-2011, 06:51 AM

مرحبا والله مسهلا بالكل والجميع ولاهنت ياناصر ولاهان ابوهذا على التوضيح
شاكر للجميع مروره وتسجيل كلمته

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية