التغطية المصورة لحفل قبيلة الحقبان لتكريم العقيد منصور بن محمد بن مفرج الحقباني

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري منصور نسل اهل الوجيه المسافير=منصور زبن النايبات الجسيمة منصور عون اللي حدته المقادير=وادوت به هموم السنين الاليمة منصور لاضاقت عليك المعابير=منصور لا خلى القليّل لزيمة منصور منصور السعد والتباشير =سيلً قفاه من ادهم الغيم ديمة ترفع له البيضا بروس المشاهير=ابو الفعول الطيبات العديمة الطيب الوافي حريب المعاذير=راع اليدين الراهيات الكريمه اكرم من خقوق الخيال الشخاتير=واصدق من طعون السيوف الحذيمة فيه الوفا والصدق والجود والخير=طبيعةً لبو محمد حميمة يسر إدارة الموقع الرسمي لقبيلة الدواسر أن تقدم لكم التغطية المصوّرة للحفل الذي أقامه قبيلة الحقبان لتكريم العقيد منصور بن محمد بن مفرج الحقباني. ولما قدمه من مواقف نبيلة وشريفة في خدمة قبيلته ومجتمعه . هذا وقد شهدت الإحتفاليّة حضوراً إعلامياً من قبل الموقع الرسمي لقبيلة الدواسر العريقة حيث اقيم الإحتفال في محافظة الاحساء بـــ (قصر صحاري للإحتفالات ) . العقيد منصور بن محمد بن مفرج الحقباني من اليمين شايع بن شبيب الحقباني وبجانبة الشيخ عبدالله بن سلمان آل مصلح الخييلات وبجانبة محمد بن ناصر الحقباني من اليمين محمد بن مشيع الحقباني وبجانبة سالم بن مجول الحقباني وبجانبة سعد بن ناصر الحقباني من اليمين الشاعر مبارك بن سالم المري وبجانبة عبدالله بن راشد بن نقيزان الحقباني من اليمين موافق بن فالح الحقباني وبجانبة عمير بن سويد الحقباني من اليمين سعد بن ناصر الحقباني وبجانبة سويد بن محمد العماني من اليمين عامر ابوفاس في المنتصف عبدالله بن وافق الحقباني وبجانبة محمد بن خالد العيافي عمير بن سويد الحقباني وبجانبة سالم بن سعد الحقباني وبجانبة راشد بن شبيب الحقباني من اليمين عبدالله بن راشد ابن نقيزان وبجانبة سعد بن فارس الحقباني وبجانبة ناصر بن صالح الصليبي من اليمين عبدالله بن راشد وبجانبة عامر بن انقيزان وبجانبة عمار بن محمد وبجانبة ناصر بن انقيزان وبجانبة منصور بن شعيه من اليمن جابر بن عطران الرزقي وبجانبة عامر بن عبدالله الحقباني من اليمين سالم بن عجب الحقباني وبجانبة عجب بن عبدالرحمن الحقباني وبجانبة محمد بن عامر الحقباني من اليمين الشاعر مانع بن شلحاط وبجانبة العقيد منصور بن محمد الحقباني من اليمين مشاري بن عبدالله بن موافق الحقباني وبجانبة هادي الرقيصي الحقباني ______________________________________ فـقـرات الحـفـل الأستاذ راشد بن حماد الغريري إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ راشد بن حماد الغريري وقد بدأ الحفل بآي من الذكر الحكيم تلاها مجول بن عيد الحقباني لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر صالح بن محمد الصليبي آل شملان الحقباني: الشاعر صالح بن محمد الصليبي آل شملان الحقباني الشاعر مانع بن شلحاط ثم ألقى الشاعر الكبير مانع بن شلحاط قصيدةً بهذا الحفل نالت استحسان الجميع : الشاعرمبارك بن سالم المري ثم ألقى الشاعرمبارك بن سالم المري قصيدةً بهذا الحفل ، حيث يقول في قصيدته : سالم بن عجب الحقباني ومن ثم اللقاء سالم بن عجب الحقباني كلمة الحفل حيث رحب بالحظور: الشاعر سعدون النصافي ثم ألقى الشاعرسعدون النصافي قصيدةً بهذا الحفل ، حيث يقول في قصيدته : سلامي على اللي مكرمين الضيف وواسع الصدور=سلامي على اللي له من القدر والحشمه سلامي للدواسر كلهم واختص به منصور= على الصاحب اللي ورد الطيب في كلمه اقوله وانا لا جله تعنيت في عاشور=هلا يامرحبا والله يكافيك من سقمه وانا باختصرها من هجوسي والوفاء معمور=ونحمده في نعمة ونشكره في نعمة وانا من عرفت الخلق ذا منهي وذا مأمور=وكلن في طريقة عارفن رجعتة من حسمة وذا يبني على الطيب وذا يبني على المعسور=وكلن طريقة والسلوم دروس من سلمة وابختمها وانا ماجيت الا خاطري مسرور=سلامي على اللي له من القدر والحشمه الشاعر محمد بن مبارك الشرع العمور ثم ألقى الشاعر محمد بن مبارك الشرع العمور قصيدةً بهذا الحفل ، حيث يقول في قصيدته : يـالعياضي لـد لـي بـالعين واسمع للقصيد=مــا عـلى مـثلي مـلام ولا عـلى مـثلك مـلام أطــرق بـحـور الـقـصايد واتـخـير فـالـفريد=والـعميري يـحتمي لك ما هي هروج وكلام لاجـل اقـدم نـخبة الأبـيات في حفل العقيد=جـيت عاني من شعب تمرة واقدم له سلام ايـه جـيت وجـابني صـيت ٍ ينادي من بعيد=صـيت قـرم ٍ بـالجمايل يـعتلي فـوق الغمام بـيض الله وجـه منصور اخذوا العلم الاكيد=انـــه ومـثـلـه سـنـام وفـالـصعيبات الـحـزام صــامـل فـالـحـق راســه لا ولا عـنـه يـحـيد=راعــي الـفـزعات يـشهد له بـما قـدم الانـام عـنك مـن سـماه مـنصور ٍ مـعه راي ٍ سديد=لد فيه وشاف طبع ٍ يشدي السيف الحسام نـاصـره ربــه بـفـعل الـطـيب والـطيب يـزيد=مـتـنـه الــيـا زادت حـمـولـه تـحـمـلها وقــام بـين ربـعه الاقـربين وبـين الاصـحاب البعيد=ذاع صـيـته يـوم وجـهه بـين ٍ وقـت الـزحام عـزوته حـقبان والـحقبان هـل بـاس ٍ شـديد=يـكـرمون ويـقـدمون وهـل مـواقيف ٍ جـسام عـزهـم وامـجـادهم فـي زود والله مـا تـبيد=جـدهم الأقـصى عـديـم ومـرث ٍ قـوم ٍ عدام قـلـتـه وربــعـي عــمـور ٍ لا تـلـين ولا تـحـيد=ضـربـنا يـوم الـمعارك فـي جـليلات الـعظام يـوم كـون الـشعب بـنا وانهزم خصم ٍ عنيد=واحـتـمينا الـديـرة الــي لا تـباع ولا تـسام الشاعر والمنشد جابر آل جوزاء المري ثم كان هناك حضور مميز لصاحب الصوت الشجي المنشد المميز جابر آل جوزاء المري: الشيخ عبدالله بن سلمان آل مصلح الخييلات ومن ثم اللقاء الشيخ عبدالله بن سلمان آل مصلح الخييلات: حيث اثنا على المحتفى به العقيد منصور بن محمد الحقباني وذكر بعض مناقبه وشكر القائمين على الحفل الشاعر فيصل بن بدر آل مرسان الهاجري ثم ألقى الشاعر فيصل بن بدر آل مرسان الهاجري قصيدةً بهذا الحفل ، حيث يقول في قصيدته : سجلوها بالصحافه واكتبوها بالجرايد=قلتها بسمي واسم كل الهواجر وقحطاني لابدعنا ماكتبنا الا النوادر والفرايد=والشعر يزها هل النوماس وتزين المعاني الدواسر لاتعزوت تجتمع تغلب وزايد=روس قومً فعلهم يشهد لهم طول الزماني ماتوفيهم حروف الشعر وجزال القصايد=بس حبينا نشارك ياعريبين المجاني حي من ذكره مع العالم حزامً بالشدايد=مثل ابومحمد مايبغا بعدها شي ثاني يوم جتني دعوة الطيب في تكريم قايد=ماتعذرنا عن الواجب من طوال اليماني الشاعر مفضي العازمي ثم ألقى الشاعر مفضي العازمي المري قصيدةً بهذا الحفل : الشاعر خالد بن علي المري ثم ألقى الشاعر خالد بن علي المري قصيدةً بهذا الحفل ، حيث يقول في قصيدته : بسم الله الرحمن مبدا وتصوير=محيي العروق اليابسات الهشيمه منجّي ومظهر نبيه من البير=المقتدر محيي العظام الرميمة من بعدها سلام تسليمةً غير=تسليمةً على الوفا مستقيمة تسليمةً ترقا القنوف المزابير=وترعد وتبرق بين غيمة وغيمة وتمطر محبة واحترامً وتقدير=وتبقى على طول الزمن مستديمة على الرجال الطيبين المناعير= اهل الفعول الراسخات القديمة اللي لهم في قمة المجد تسطير=رجح العقول الزاكيات الحكيمة دواسرً للجود ورد ومصادير=ولهم على كل المنابر وسيمة بوجيههم تلقا التبهلال والخير=وفي قربهم عزً وقدر وحشيمة خطلان الايدي مرويين البواتير =اللي مواقفهم كبار وعظيمة حبيت اشاركهم محبة وتوقير=بقدوم من عرفه وسام وغنيمة منصور نسل اهل الوجيه المسافير=منصور زبن النايبات الجسيمة منصور عون اللي حدته المقادير=وادوت به هموم السنين الاليمة منصور لاضاقت عليك المعابير=منصور لا خلى القليّل لزيمة منصور منصور السعد والتباشير =سيلً قفاه من ادهم الغيم ديمة ترفع له البيضا بروس المشاهير=ابو الفعول الطيبات العديمة الطيب الوافي حريب المعاذير=راع اليدين الراهيات الكريمه اكرم من خقوق الخيال الشخاتير=واصدق من طعون السيوف الحذيمة فيه الوفا والصدق والجود والخير=طبيعةً لبو محمد حميمة الشاعر صالح حمد الفارعه المري ثم ألقى الشاعر صالح حمد الفارعه المري قصيدةً بهذا الحفل ، حيث يقول في قصيدته : ياراكب اللي على الطرقه توليته = اخر مديل اللكازس يطرب البالي سايقه ماوقفه يكشف على زيته= على ضمان الوكالة والسعر غالي طبلونه إعجاب في شكله وفي ليته=لونه بعد لولوي مافيه تمثالي من سرعته ساهرٍماامداه تثبيته=حتى مع القار عجه له تعزالي فرخ الشياهين يشدي له لاهديته=على خريشٍ وفي العصرمالي لاخالط انجومها في الجوواخفيته =ثم ردها وانزلت للأرض طوالي يلحق لحوقٍ ابعيني مابعد ريته=عليه سميت واذكر ربي الوالي والكزس اسمه على اسم الطير سميته=النادر اللي ماجابه كل دلالي انا اشهد ان رزته زاهيته=لونه سوات البرد والا يورالي يازين عقب العشا ركبٍ على سيته=هو منوت اللي ضرب له تختخٍ خالي لاهل الحسا من شمال بقيق سريته=منصاي حفلة رجالٍ قدرهم عالي من شانهم غالي الاثمان عنيته =والهجس يلعب طرب ويجيب الامثالي سلام في حفل ربعٍ ذايع صيته=في حفل تكريم رجلٍ طيبه اشكالي منصور طيب وانا في بقيق خاويته=متواضعٍ ياعسى تفداه الانذالي طبعه كذا في العمل وان جيت في بيته=تلقى الكرم في محل معرب الخالي والداعي اللي داعني ماتناسيته=ابن الرقيصي خويي سمح الاقبالي يومٍ دعاني سعد داعيه لبيته=حضرت لجل السنافي طيب الفالي من لابة في الزمن وطت طواغيته=حقبان واقوالهم تثبت بالافعالي دواسر فعلهم وطا عفاريته=اهل الكرم والشجاعه مزبن الجالي دون العشاير حياض الموت هاويته=اليا اختلط في اللقا رجلي وخيالي دخيلهم خصمه الكايد اموطيته=تاسم عصاه وخصيمه صابه جفالي والشبر بالطيب انا ربعي اموفيته=ربعي غياثين تعرف الا حتما الصالي مرية ضدهم بالنار كاويته=ياميةٍ في الحرايب شبرهم طالي وباقي القبايل جميع الطيب حاويته=نعمٍ بهم ماعليهم زود ورجالي وبديت انا القاف ياهل المدح وانهيته=والعذر ياهل الوفا حماية التالي المنشد سعود بن جابر آل جوزاء المري ثم انشدا المنشد سعود بن جابر آل جوزاء المري قصيدةً بهذا الحفل لشاعر سالم بن وحير المري الشاعر مدعث بن محمد بن زيد بن جريس الخييلات ثم ألقى الشاعر مدعث بن محمد بن زيد بن جريس الخييلات قصيدةً بهذا الحفل ، حيث يقول في قصيدته : يأهأجسي لأمن زهمتك لاتدور لي عذر=واجبك تعطيني جزيل الشعر منته بمعذور وان كان به طاري طرالك ياهجوسي تعتذر =يحرم علي بدع المثايل والقوافي والبحور ومن بعدها ياهاجسي عطني فضل رب البشر=محيي عظامن بأيده بالماء في وسط القبور الكون بأمره كونه والكون بأمره يدحر=منزل كتابن مايمسه يابشر غير الطهور وأليا دعانا داعين نجب ولا له نعتذر =واصغر نمانا لاحضر كفى عن أطوال الشبور شاعر وامثل ﻻبتي وانقش على صم الصخر =من فضل ربي مالحقني في مواجيبي إقصور يأمرحبا في مرحبا تبقى على دب الدهر =يأمرحبا في مرحبا ازكى من أنواع الزهور يابومحمد مرحبا يا من على العليا شهر =كم من فقيرن من فعل يمناك بأنن له قصور وكم من يتيمن لافته بقعا وعذبه القهر =لولا ولي الكون ثم منصور مازانت الأمور منصور للحقبان يا حقبان عزه مع فخر =تفاخروبه يالعياضي مأعلى منصور قور ضأبط وضبط لابته دون الدواسر مأذخر=كاسب نعم في دنيته كاسب لجر يوم النشور له ﻻبتن سقم العدا تارد على الموت الحمر =اهل جهام ومغترن من دونها فج النحور خوالي ركون البلد خوالي حزام العمر=خوالي زحول العرب خوال جبرن للكسور والمغزل اللي ياسمونه كسب من عمر الظفر=ورثن لهم من فعلهم ثابت على مر العصور قلته وانا لي ﻻبتن يوم اللقى ترد الخطر=ﻻد الخييلي طلقتن من محزم الصاحب تثور دواسرن كواسرن والروس تقدح من سطر=دواسرن كواسرن كسيرنا ماله إجبور دواسرن كواسرن تاريخنا مجد وفخر =حنا جنود المملكه حنا جنودن ما تبور وباقي الخلايق والنعم ماخص به بدو وحضر = كلن يراجع صفحته يلقى النعم حسب الأمور بعض العرب على الثرى وفوق الثريا مشتهر=وبوم الوطى عقب الوطى عاف الوطى يبغى الظهور واختامها صلو على خير البشر سيد البشر =اعداد من زار الحرم واعداد كفخات الطيور الشاعر مبارك بن عبدالله بن انقيزان الحقباني ثم ألقى الشاعر مبارك بن عبدالله بن انقيزان الحقباني قصيدةً بهذا الحفل ، حيث يقول في قصيدته : لمراجل ما تهيا بالعوافي=مير تبغى عصب راس وفتل شارب ابري الذمة وابين كل خافي=وكل خافي يتضح عقب التجارب لا غدا فالوقت غيره واختلافي=فلاتروح الا لعكفان الشوارب والمدايح تتتحي صوب السنافي=ولا لنافالمدح قصد ولا مآرب صوب من ذكره براس الرجم نافي=ابلج من روس عطبين المضارب عقب اللي فالمواقف ما يشافي=لا نفع نفسه ولا سر الاقارب فيك يا منصور ما قلنا بكافي=والا كيد ان ماهي بسدد وقارب سمعتن جمله ومنعور ووافي =ولا نصيته وردك عذب المشارب ما يرد الراس في حكي الضعافي=يدعس برجله على اذيال العقارب لا برك للحمل ماشال الخفافي =يحتمل ما تحتمل شيب الغوارب ولا هرج هرجه مثل حد الشلافي=كلمته لا جات ما فيها تضارب وفالنهاية عد من صلى وطافي =مرحبا بقدوم ماضين التجارب الشاعر شبيب عامر الحقباني ثم ألقى الشاعر شبيب عامر الحقباني قصيدةً بهذا الحفل ، حيث يقول في قصيدته : مبداي بسم الوالي علام الاحوالي =خلاق لارواح رازقها ومحييها واليوم مالي عذر في بدع الامثالي=والله الابدع من الخاطر ونقيها لاصرت ابمدح عريب الجد والخالي=فرايد الشعر تدعيني ولبيها لهان رجلن طلع في النايف العالي=نفسه علي مطلع العياء مضريها وابومحمد سنافي طيب الفالي=دايم علي زلت الصاحب يعديها طيبه علي ساس من اول ومن تالي =ترى الرجاجيل تمدح من يمانيها كم كربهً قد فرجها طيب الفالي=من كثرها ياعرب مانيب محصيها واناشهدان الشلي للحمل شيالي=ويشيلها لاعجز منها مخليها يوم الردي غره المنصب معا المالي =منصور ماغرته ولا أفتكر فيها يوم الردي هايبً ماياصل الجالي =منصور يارد عليها لين يرويها ياشبه حراً عديمن ماله أشكالي=وليا ضرب صيدته لابد يدميها الطيب يسهل علي ذربين الافعالي=يسهل على اللي فعول الطيب ماشيها يالله عسى محمدً في أنعام وظلالي= لاجاء نهاراً يدوربه حسانيها وصلاة ربي عدد ماهل همالي=وعداد من زار مكه وأعتمر فيها علي شفيع الخلايق يوم الاهولي=رسولنا اللي فعوله نقتدي فيها الشاعر نايف بن راشد الحقباني ثم ألقى الشاعر نايف بن راشد الحقباني قصيدةً اخية الشاعر سويد بن راشد بهذا الحفل ، حيث يقول في قصيدته : ياالله يخلاق سبع السموات=والارض ساوها وثبت وتدها نرفع لك كفوف الدعاء بالصلوات=افراحنا نسألك يارب زدها يامرحباً اقولها عشر مرات=لاوالله الا ماحصرنا عددها يامرحبا وازكى سلام وتحيات=عن لابةٍ تفرح بعودة ولدها منصور ابو محمد زبون المهمات=حلاّلها لاكثروا في عقدها حييت ياشوق الهنوف الخوندات=ياشوقها ياسترها ياسعدها نعم الرفيق اللي يروم الصعيبات=وأعلى مراقيب المراجل صعدها رمز الشجاعه والكرم والمروات=والفزعه اللي ماتردى جهدها ومامثل منصور المفرج والأثبات=نص الوظايف للجماعه رصدها وطيبه مع الاجناب وأيضا القرابات=وله سيرة بالطيب كلً حمدها لعل يفداه الردي خص بالذات=اللي بني عمه يدور نكدها وكم من ردين حي من ضمن الأموات=بخيل مال وجاه والخافي أدها الشاعر سلطان بن عجب الحقباني ثم ألقى الشاعر سلطان بن عجب الحقباني قصيدةً بهذا الحفل ، حيث يقول في قصيدته : يالله... ياللي عليك اتكالي=ياعالم سري وعالم بحالي سبحان ..من بأمره تسير الخيالي=سبحان من عقب الدجاء يبلج النور من بعدها ياهاجسي قم تحزم=ورد بنا ياهاجسي صافي الجم عادتك دايم فالمواقيف.... تدحم=ابحر بنا يا هاجسي سبعة بحور قمت اتنقاء من جميل الفرايد=جزايلٍ ...من ضميري جدايد تسلم من العذال وحكي النقايد=وبأذن الله المعبود ماتعرف الزور يشوش راسي لاذكرت السنافي=اللي ...على جل المواقيف وافي والله....... ماتوفيه كثر القوافي=يا ريف منهو يشكي الضيم والجور فعلك ينومس كل قاصي وداني=دايم وذكرك معتلي فالبياني ياحي منهو مايعرف الطماني=هذاك رجال الصعيبات منصور من دون ربعه ما يسبق بالاعذار=هو سيفنا اللي فالمواقيف بتار الله يجيره من صواديف الاقدار=ويالله عسى محمد في جنة الحور وختامها مني سلام وتحيه=للابة اللي نارها دوم حيه صلو على المبعوث خير البريه=محمد اللي بين الحق و النور الشاعر عبدالاله بن عمر بن انقيزان الحقباني ثم ألقى الشاعر عبدالاله بن عمر بن انقيزان الحقباني قصيدةً بهذا الحفل ، حيث يقول في قصيدته : قال منهو يبدع القاف من صدرن غزير =والقوافي لالفتله تجيب اجزالها مرحبا باللي لفى من كبير ومن صغير= عد ما لاحت بروقن فعرض خيالها ومرحبا يابومحمد تراحيب البشير =مرحبا من خاطرن صادقن في قالها بيض الله وجه منهو على العليا يسير =نظرته لطيب دايم وذا منوالها الكريم الذرب وافي الخصايل والبصير = رايه إقديك في مظلمات ليالها وفزعته لامن فزع دايمن تاتيك غير=يرتكي للحمولها والعقد حلالها اسمعوا بقولها ياعرب قدم النظير =والحقيقه تزعل امن الرجال ارذالها ليت كلن مثل منصور ولا ليت اخير =رافعن اسم القبيله في عالى اجبالها من سلايل لابتن تدحم الجمع الغفير =في نهار الهوش كلن يشوف افعالها لابتي لاد العياضي هل السيف الشطير =مزبن الجاني اقرومن يضل ضلالها كم عقيدن في نهار اللقى خلي كسير =من سبب ضربن يهز الوطى واجبالها وحن حماة البل الى صاح صياح النذير =نلطم العدوان وترد الى مدهالها وضيفنا يلقى الشحم ومحشومن القصير =والنشما لا لفو دارجن فنجالها من سلايل تغلبن ترثت كليب الامير =وسالمن الزير منا زعيم ابطالها ولاد زايد درعنا في ضحى اليوم الكبير =لابتن يوم الملاقى يشاف اهوالها والختم مني سلامن عدد ما طار طير =تشمل اهل الحفل واللي لفو في قالها الشاعر :عبدالله سالم الحقباني ثم ألقى الشاعر :عبدالله سالم الحقباني قصيدةً بهذا الحفل ، حيث يقول في قصيدته : سبحان منهو كاسي الكون بالنور=سبحان منهو هامتي تنحنيله سبحانه الي لجله البيت معمور=نركع ونسجد كل يومً وليله بنات فكري في حناياي طابور =تمثلن ببيات عذبه جزيله من بعدها يامرحباً ربع وحضور=ترحيبتن تشفي اصدورن عليله اعداد مانبتت بساتين وزهور =وعداد ماهلت امزون المخيله في حفل منهو بفعله الطيب مغمور=راعي العلوم الغانمه والجليله اسمه ووصفه سيد الجود منصور =منصور من طبعه يشيل الثقيله عقيد متعلم وفالطيب دكتور=هو شايل الرتبه حشى ماتشيله من جاه في لازم قضى منه مسرور=وقت الشدايد لاتدور بديله انشهد ان فعله مع الناس مذكور =يمناه بالمدات ماهي بـخـيله ياجعل ابو محمد على الخير ماجور =من يفعل المعروف يلقا حصيله ترفع له البيضا على عالي القور=هذا الذي فعله ينومس قبيله وياجعل عودً ورثه ينظر الحور=في جنة الفردوس روحه نزيله ماقولها اجامل ولا اقولها زور =ولا خير في قولن ابليا دليله وصلاة ربي عد ماشعشع النور =على نبي الله محمد خليله ____________________________________________ وبعدها قدمت هدايا تذكرية للمحتفى به العقيد منصور بن محمد بن مفرج الحقباني الشيخ عبدالله بن سلمان آل مصلح الخييلات والشيخ مدعث بن محمد بن جريس الخييلات يقدمان هدية رمزية عبارة عن سيف مذهب بإسم قبيلة الخييلات للعقيد منصور بن محمد الحقباني الشاعر سعدون النصافي يقدم هدي تذكارية __________________________________________ من ثم جاء تكريم الشعراء المشاركين بـــ الحفل تكريم الشاعر مانع بن شلحاط تكريم الشاعر صالح بن محمد الصليبي الحقباني تكريم الشاعر مبارك المري تكريم عضو مجلس إدارة الموقع الأستاذ فهد بن هادي الغريري تكريم الشاعر والمنشد جابر آل جوزاء تكريم الشاعر مفضي العازمي تكريم الشاعر خالد بن علي المري تكريم مقدم الحفل الاعلامي راشد بن حماد الغريري تكريم الشاعر فيصل بن بدر آل مرسان الهاجري تكريم الشاعر محمد بن مبارك الشرع العمور تكريم الشاعر صالح حمد الفارعه المري تكريم مجول بن عيد الحقباني تكريم المنشد سعود بن جابر آل جوزاء تكريم الشاعر مبارك بن عبدالله بن انقيزان الحقباني تكريم الشاعر شبيب عامر الحقباني تكريم الشاعر مدعث بن محمد بن جريس تكريم الشاعر نايف بن راشد الحقباني _________________________________ وبعدها قام عامر بن عبدالرحمن بن ناهض الحقباني بهداء رشاش لـــ عبدالله بن راشد بن انقيزان الحقباني وذالك لمواقفه المشرفه وعلمه الغانم تجاه ابناء عمومته من اليمين عامر بن عبدالرحمن بن ناهض الحقباني وبجانبة عبدالله بن راشد بن انقيزان الحقباني _____________________________________ وبعد إنتهاء فقرات الشعر والإحتفال الأولى، فتحت أبواب موائد العشاء ليتفضل الجميع ليتناولوا طعام العشاء على مائدة . قبيلة الحقبان بعدها بدأت أمسية شعرية جميلة أحياها نخبة من شعراء لقبيلة الدواسر ، ومنهم: الشاعر والمنشد جابر آل جوزاء والشاعر ميارك بن عبدالله بن انقيزان والشاعر شبيب عامر الحقباني وشعراء أخرين. وقد أدار الأمسية الشعرية بجداره الاعلامي الاستاذ راشد بن حماد الغريري ____________________________________ صــور عــــامــه من الحفل وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لـ قبيلة الحقبان لتكريم العقيد منصور بن محمد بن مفرح الحقباني والشكر موصول للجنه المنظمة للأحتفال. (صوت قبيلة الدواسر) الموقع الرسمي لقبيلة الدواسر www.alduwaser.org

 

 

 

 

[معلومات العضو حمد ابن فهد]

والله ومليون نعم في ابومحمد رجل له مواقف كبيرة وكثيرة بيض الله وجيه الربع بتكريمهم وحفلهم الرائع
أدارة ممثلة ببوراشد لكم بياض الوجه بالتغطية المميزة لاهنتو

 

 

 

 

[معلومات العضو مبارك بن شافي النتيفات]

والله ومليون نعم في ابومحمد رجل له مواقف كبيرة وكثيرة
مع اني ما اعرفه ولكن ..قيل ..علوم الحيا والطيبين تبين

وبيض الله وجيه الربع بتكريمهم وحفلهم الرائع

والشكر موصول لادراة موقع قبيلة الدواسر الرسمي واخص بالشكر ممثلها
الاستاذ فهد الغريري على جهودهم الجبارة

دمتم بحفظ الرحمن

 

 

 

 

[معلومات العضو راشد المسعري]

كفوووو يالاد العياضي على هذا الحفل المميز والمتكامل بتكاتفكم وحضوركم المميز كالعاده بيض الله وجيهكم على هذه المبادرة الرائعة في تكريم من يستحق التكريم والنعم بالعقيد منصور بن محمد الحقباني وسمعته الطيبه وصلتنا قبل نواجهه الله يبيض وجهه ويكثر من امثاله وشكر خاص للأخ فهد الغريري والأخ راشد بن حماد ومن شاركهم في ترتيب وإخراج هذا الحفل بهذا الشكل الرائع وللجميع ودي وتقديري ،،،،