..غــــــزلان...

[معلومات العضو حسن بن بطحيه]

السلام عليكم ورحمة الله وبركاته.. من الجديد الى موقعنا الراقي اهديكم هذه..

على شاطيك يامرفأ الجعيمه روعة الصوره=بحرومجاورخظرالفياض بمنطقة غزلان
يداعب موجك الهادي مفاتن راس تنوره=تعانقك اوتعانقها تقول معانق الخلان
وقفت اشاهدك معهاوهي تحضنك مسروره=مالومك يابحرلامن ظحكت لعينها طربان
تشكل لوحة الرسم إلالهي بأجمل حضوره=تثير الدهشه بعين المشاهدصنعة الرحمن
يزوع الهامي الساكن وياخذبالفضا دوره=ليا شفتك غروب الشمس تلبس زاهي الالوان
رميت الثوب الابيض وارتديت اليل بعطوره=على هيبتك فيك من الشجن مايسرق الوجدان
تزينك النجوم اللي تلآلا والقمر نوره=على صفحتك يأسرني بوجه ساطع فتان
غموضك حد ذاته سرصعب تكشف اسبوره=الاياقو صبرك يابحرتقوى على الكتمان
ونالي معك ساعه جبت مابالصدر وقعوره=بدون شعورهليت الشريط وقصة الحرمان
افضفض لك بأمور تعتبر بالعرف محظوره=لك الله يابحر محدسمعها كائن من كان
ابدوي جايترجم يابحرلك صادق شعوره=غريب شده المنظرعلى موجك يجر الحان
بعد ممشا الخلارجلي بقاع جرد مهجوره=على مقرنه من لاهب سموم القيظ وسم بان
حداه الي حدا غيره عذاب الوقت ودهوره=وحداه الموقف اللي مالقابه طيب الجدان
غريب في بلادي والكنوزتعوم فبحوره=ابي منها القليل وحايل من دونها حيتان
بقاوش عاد باقي يابحروالحال مستوره=بعدفقد الصديق وغالي بار بغلاه وخان
حسدت النوخذه لاابحر على متنك فبابوره=يغني يابحر يامال هويامال ليلا دان
معك تقريب ساعه عشتها والنفس مأموره=على بعض الصدف واحترت كيف اكتب لها عنوان

 

 

 

 

[معلومات العضو فهد الغريري]

اخوي العزيز والشاعر الكبير والمبدع الغالي "حسن بن محمد آل بطحيّه" إنا اشهد انك شاعر كبيييييير والشعر يتدفق في مشاعرك كما يتدفق الخير لطيبين شرواك الذي يبحر في قصيدك يرى ان هناك جزاله في مضمون المعاني ويرى ان الكلمات التي انتقاها فؤادك واستلهمها عقلك غايه في الروعه الشاعر "الوحيد" يعجبني فيك القوه في المعاني والسلاسه في المعاني واسأل الله رب العرش العظيم ان يوفقك وينير طريقك على العز والطاعه ونتظر جديدك المميز النادره جعلك تحيا.. تقبل تحياتي وتقديري واحترامي واعجابي في قلمك الشامخ اخـــــوك / فـــهــــد الــغــريـــري,,

 

 

 

 

[معلومات العضو ناصر بن فهد]

ارررررررررررررررررحب يا الوحيد
وصح لسااااااااااااانك وعز الله قصيده واافيهُ
وبيض الله وجهك على القصيده الطيبهُ ومعانيها الرآئعهُ
ولاعرفتُ اختار بيتُ منهاُ لقيتُ كلُ الابياتً رررآئعهُ
ولاهنت يا القرم

 

 

 

 

[معلومات العضو محمد بن سالم الخضراني]

الشاعر الكبير المبدع والفريد/ حسن بن بطحيه الودعاني يعجز السان والقلم عن لفظ وخط مايجود به لسانك البرع وقلمك الذهبي الذي قل مانقرى او نسمعه به في الساحه الشعبيه في الوقت الحالي خلطت بين اللهجات فالله درك وبيض الله وجهك يابو وليد يحز في الخاطر عدم ضهورك اعلاميا , ولكن يكفينا انك احد افراد قبيلتنا وابرز شعراها تقديري واعجابي ,,

 

 

 

 

[معلومات العضو نايف الخييلي]

صح لساااانك يابو محمد

قصيده رائعه جدا جدا

الله لايضرك على هذا الابداع الممتع والذي يطرب الذائقه الشعريه


صح لسانك واعتلى شانك

دمت بخير

 

 

 

 

[معلومات العضو حسن بن بطحيه]

المشاركة الأصلية كتبت بواسطة فهد الغريري

ارحب ارحب يالامير اي والله امير بالعلوم الطيبه الله يمد بايامك يابوراشد مرورك تتويج وتكريم لشخصي وذلك لمودتك البالغه عندي وعند الكثير صح الله بدنك يالمنعور كلامك شهاده فخر يعتزبها اي شاعر لاهنت وبيض الله وجهك وحفضك ربي..

 

 

 

 

[معلومات العضو حسن بن بطحيه]

المشاركة الأصلية كتبت بواسطة ناصر فهد الدوسري

ارررررررررررررررررحب يا الوحيد
وصح لسااااااااااااانك وعز الله قصيده واافيهُ
وبيض الله وجهك على القصيده الطيبهُ ومعانيها الرآئعهُ
ولاعرفتُ اختار بيتُ منهاُ لقيتُ كلُ الابياتً رررآئعهُ
ولاهنت يا القرم

ارحب يابوفهد صح بدنك.. بس توقيعك سبب مشكله تكفا اصبغه بالازرق والاصفر بعض الناس يشكك فيه اذا ماكنت غلطان لاهنت ويسلم راسك..

 

 

 

 

[معلومات العضو عبدالله الحافر الغييثي]

ارحب تراحيب البدو بالسيل ابومحمد انا داخل مادريت ان القصيده لك هههههههههه وانت عارف اللي اقصده لكن دخلت ووجدت جوهرة من جواهر العملاق ابن بطحية كما هي عاداته صح لسانك واعتلى شانك ويكفي للعود الكبير اللي هو الشعر النبطي انك احد ابنائه البارين به والمبدعين في البر فيه تقبل الاعجاب الكبير من اخوك الصغير للشاعر الكبير

 

 

 

 

[معلومات العضو مبارك بن الجوير]

ابـدوي جا يترجـم يابحرلـك صـادق شعـوره

غريب شده المنظرعلـى موجـك يجـر الحـان

بعد ممشـا الخلارجلـي بقـاع جـرد مهجـوره

على مقرنه من لاهب سموم القيـظ وسـم بـان

حداه الي حدا غيـره عـذاب الوقـت ودهـوره

وحداه الموقـف اللـي مالقابـه طيـب الجـدان

صح الله لسااااااانك ملاييييين ياحسن
شاعر مبدع فكر وجزالة وابداع متواصل (ماشاءالله)
استمتعت بمروري المتواضع تقبله لاعدمناااك..
دام عزك يا خال...

 

 

 

 

[معلومات العضو حسن بن بطحيه]

ابوسالم صح بدنك كلامك هذا كله من طيب خلقك ولاني مستغربه منك بس رحت منك ذاك اليل ماسمعت منك شي لاهنت..

 

 

 

 

[معلومات العضو أبو ريم]

كلمة صح لسانك ماتفي بالغرض
فصح كلك يابن بطيحه على القصيده الشامخه

 

 

 

 

[معلومات العضو حسن بن بطحيه]

اقتباس:المشاركة الأصلية كتبت بواسطة نايف الخييليصح لساااانك يابو محمد

قصيده رائعه جدا جدا

الله لايضرك على هذا الابداع الممتع والذي يطرب الذائقه الشعريه


صح لسانك واعتلى شانك


دمت بخير



الله يعز مقدارك يالذرب والله انك نايف على اسمك صح بدنك ولاهنت شهاده عزيزه من رجل عزيز لك حبي..

 

 

 

 

[معلومات العضو حسن بن بطحيه]

اقتباس:المشاركة الأصلية كتبت بواسطة خميس مطر الغييثي

ارحب تراحيب البدو بالسيل ابومحمد انا داخل مادريت ان القصيده لك هههههههههه وانت عارف اللي اقصده لكن دخلت ووجدت جوهرة من جواهر العملاق ابن بطحية كما هي عاداته صح لسانك واعتلى شانك ويكفي للعود الكبير اللي هو الشعر النبطي انك احد ابنائه البارين به والمبدعين في البر فيه تقبل الاعجاب الكبير من اخوك الصغير للشاعر الكبير

ههههههههههه اثرك اطفي النور عزتي لقلبك صح بدنك ياحنييييييييييييين..

 

 

 

 

[معلومات العضو الواضـــــــــــح]

غريـب فـي بـلادي والكنوزتعـوم فبـحـوره *** ابي منها القليـل وحايـل مـن دونهـا حيتـان
بقـاوش عـاد باقـي يابحروالحـال مستـوره *** بعدفقـد الصديـق وغالـي بـار بغـلاه وخـان


شـــــــــــاعر فعلا متمكن تبارك الله


صــــدق من قال (المعنى في بطــــــــــــن الشــــــــــاعر)

رائع يابن العم وانشهـــــــــد انك من نسل احـــــــــرار

 

 

 

 

[معلومات العضو حسن بن بطحيه]

الله يصح بدنك ويطول عمرك يالواضح وتسلم يالغالي..