جبت لك كل الحروف (الفيه)

**معلومات** **العضو** · 27-02-2010, 01:41 AM

من باب حب التجربة وتنوع في الشعر اضع بين ايديكم اول الفية لي.

زيادة على القصيدة حبيت اخلى الصدر ملتزم بالحرف الابجدي في كل بداية اول ثلاث كلمات من الشطر.

اتمنى ان تنال اعجابكم.

يلي حروفك في غرامي قصيدي=استحلفك بالله ترسى على حال
حال الذي امره عسير وعنيدي=يشقى على همن تورده لاجيال
اخلي الكلمه اساس الوعيدي=واذكرك ياغالي وشلون تغتال
اعاتبك اصبر ادور جريدي=وانت الوحيد الي على الروح شيال
باين بهالدينا بيديني بريدي=يشكي له العالم صوعيب الامثال
بسطتلك بلسم بقايا مديدي=عل وعسى تنسى طموحات الاشغال
تدري تهامل تربتي تستعيدي=بين الشقى والروح كمن من اميال
تسعى تنادي تستعد ماتجيدي=غير الطموح الي على الراس ميال
ثاني ثواني ثالجه ثارت ايدي=من الجفا هلت على ايدي اثقال
ثابرت ثاري ثالثه في هديدي=يوم الشعر يقلط على كل رجال
جاني جواهر جمرتي في وريدي=احرقت مافيني من اليوم احوال
جحدت جرحي جافي(ن) كل مصيدي=وغديت طرقي يتبع الجو رحال
حجزت حبري حايرن في قصيدي=حتى تركت ابيات شعري بلا بال
حبيت حادر حذو كل مايغيدي=صوب العذارى طابلي قسوة الفال
خذيتها خبرة خبير(ن) عميدي=لأجل العيون الي لها كل ماشال
خذلتني خايب خروجك سعيدي=ماتدري جرحي مستوى زود الاطلال
داري دواري دريتك يافريدي=ترقى على روسن تخاشر لها جبال
دمعك دفن دفتر جروح(ن) تزيدي=يم العشيق الي له الجرح مدخال
ذاري ذراها ذابلن لي وحيدي=كيف الغطى يملي سماها بالاعمال
ذكرى ذلت ذيب الرخى في الجحيدي=وياكم ليل(ن) عاوي الصوت دلال
رسيت رامي رميتي ياضديدي=وانت المزن همك ملاقيه همال
رعيت ردي رفض(ن) كل جريدي=يمكن عيونك تفهم العشق وتنال
زاهي زمنها زابنن في حديدي=يبغى الدلع يطرب على كل موال
زخرفت زاجل زايره كل غريدي=تتبع اثر كل الحبايب ولا طال
ساويت سدك ساهين من بعيدي =جالس اتابع نظرتك ياغلا المال
سمحتلك سافر سنين الوفيدي=وخل اللقا يقبل على القلب ينقال
شديت شدك شايبن كل قيدي=قسوه يزينها الحيا بلسبة الشال
شريت شرك شاهي(ن) للعبيدي=من اقصى حده تارك(ن) كل فنجال
صايغ صبر صبرا على كل حيدي=وماكل مانبغى يجينا على حال
صعدتلي صدرك صفيف المريدي=الي يسوق الشر في كل منزال
ضامي ضمى ضاوي بلاها يبيدي=وشلونها دنيا تباعدها الاحمال
ضاري ضجر ضامر ينادي الحميدي=يوم النهد تدعيلها كل خيال
طالب طلب طلبه لجلها نزيدي=ابي عيونك تحتضن كل الامال
طاري طموحك طايل(ن) بنك كريدي=الي يسوق المال ربح(ن) بلا عال
ظهرت ظاهر ظهرته في معيدي=وقتن مضى كنا على سن الاطفال
ظافر ظروف(ن) ظالمه في هجيدي=عقدت غرام(ن) مبتدع نوع الاحبال
عيت عوامل عبرتي تستعيدي=لمن تجيني كلمة فراق او جال
عبرت عامي عاجز(ن) في نديدي=اصعب غرام(ن) تايهه وسط الادغال
غابت غرايب غربتي من جديدي=لاشفتها دمع الاسى داخلي سال
غامرت غافل غدرتي من صديدي=الي خطف قلبي بلا شوق حمال
فهمت فتره فاهقني كل طريدي=وين الذي قادر على الروح يحتال
فزيت فجري فااخر الدمع عيدي=لو ترجع الكلمة على سود الاظلال
قابلت قبلة قاضية من بعيدي=في زينها نجني مكاسيب وقتال
قضيت قدرك قافل(ن) كل بديدي=يصبر على بسط الصعيبه في الاخجال
كفيت كفك كافل(ن) كل رصيدي=ويعدلك بنك الغلا عدادها رمال
كسرت كتفي كايدات(ن) تقيدي=ياقيد سجن(ن) يتبع الحكم بأجفال
لاتحسب(ن) لومي لقلبك يفيدي=لك طلتن تسقي بها ارواح من نال
لولا لطير(ن) لافي(ن) من هديدي=اول غصن قلبك يحول بها زال
ماقلت محدن منك حبره سديدي=كله حكي قلبن بهالروح تحتال
مجمع مصير(ن) ماسك القلب جيدي=مدرى الغلا يصبر ولا يشوف الانذال
نهيت نهين ناهي القلب بأيدي=ينسي حروفك وانت غالي بلا مال
ندمان ناسي نافعه مايريدي=من الغلا والروح والعشق طيال
هملت هدات(ن) هافاها شديدي= يفهمها الشامخ وتنساها الاشبال
هويت هجري هاجر(ن) في الشريدي=شارد ذهن اصبر على كل مرسال
وينك وقلبي واقف(ن) لوتحيدي=ان الجروح مابين انواع واشكال
ودي ولو وارد انادي عضيدي=حتى يفهمك الغلا كيف بي صال
ياليت ياغالي يذوب بك جليدي=حتى نزيح الهم ونرقى بلا جدال
ياعارف(ن) يفهم ينادي ويكيدي=كيد(ن) عسى يرحم بتدبير الافعال
جبت لك كل الحروف لك ياسيدي =عل وعسى ترسى على اي منوال

وسلامتكم

محمد بن حسين الحضيري

**معلومات** **العضو** · 27-02-2010, 11:03 AM

صح السانك اخوي محمد وعلاشانك قصيده جزله من جزل الف شكر لك

**معلومات** **العضو** · 27-02-2010, 09:48 PM

اقتباس:

المشاركة الأصلية كتبت بواسطة محمد العبداللطيف

صح السانك اخوي محمد وعلاشانك قصيده جزله من جزل الف شكر لك

محمد صح بدنك وماعليك زود

لاهنت على مرورك الطيب

تقبل تحياتي

**معلومات** **العضو** · 27-02-2010, 10:13 PM

الشاعر / محمد بن حسين

صح الله لسانك وبيض الله وجهك

الفيه جزله وانت كذالك

حترامي وتقديري ,,

**معلومات** **العضو** · 27-02-2010, 10:40 PM

اقتباس:

المشاركة الأصلية كتبت بواسطة محمد بن سالم الخضراني

الشاعر / محمد بن حسين

صح الله لسانك وبيض الله وجهك

الفيه جزله وانت كذالك

حترامي وتقديري ,,

المشرف محمد بن سالم صح الله بدنك ووجهك ابيض لاهنت على المرور وماعليك زود

تقبل تحياتي

**معلومات** **العضو** · 01-03-2010, 01:43 PM

صح لسانك واعتلى شانك

يعطيك الف عافيه على القصيده المتميزه والرائعه

وهي ترقى الي منافسة حريفين الشعر المتخصصين في القصائد الطويله
فعلا تعجيزيه، وهي من مستوى مختلف تماما!

ودي واحترامي

**معلومات** **العضو** · 01-03-2010, 07:36 PM

اقتباس:

المشاركة الأصلية كتبت بواسطة غزلان.

صح لسانك واعتلى شانك

يعطيك الف عافيه على القصيده المتميزه والرائعه

وهي ترقى الي منافسة حريفين الشعر المتخصصين في القصائد الطويله
فعلا تعجيزيه، وهي من مستوى مختلف تماما!

ودي واحترامي

غزلان صح بدنك ولاهنتي على مرورك الطيب والاطراء الرائع والتصنيف اتركه للاداره وللاعضاء والزوار ليحكمو.

تقبلي تحياتي