محاورة رائعه لجهز المسعري وصقر سليم

[معلومات العضو حسن مسرع الدوسري]

محاورة نارية بين الشاعر جهز المسعري والشاعر صقر السلمي

--------------------------------------------------------------------------------

نقدم لكم واحدة من اجمل المحاورات على الاطلاق والتي جرت بين الشاعر جهز المسعري والشاعر/ صقر السلمي


جهز


يامرحبا بالرجال اهل الوفاء والمقام
ترحيبتن قلتها وناس يوحونها

ياصقر ذالليل ليلك مير شد الحزام
لي هقوتن فيك وحذر تنقصر دونها

صقر

الله يبقيك والواجب تـرد السـلام
انتم نزلتـو بديـره ماتعرفونهـا
يالي توصي تقال ابو ثمانين عـام
واشيب عينك من الكلمه ومضمونها

جهز
لاصرتنا امون في ديرت رجال كرام
ماهوب عيب (ن) الياء رحبت من دونها

اي والله اوصيك ووصي معك كم غلام
ماكل يمنآ ياهل جده تقاوونها
صقر

كان الميانه تودي قلـة الاحتـرام
لاوالله الا بلاشـي لا تمونونهـا
ركز معي ونتبه ولا علي الحرام
لحشرك حتى عيونك يختلف لونها

جهز

ماهوب قل احترام ولا عليه ملام
واهل الوفاء ماتوقف دون ماعونها

ان جات ياسليم من ضربات حرب وزحام
ضربتكم ضربة (ن) ماعاد تنسونها
صقر

وشفيك ياخر سطر سبقت قبل الائمام
الناس صارت يديها تعمي اعيونهـا
لاتجرح اصيامنا حنا ترانا صيـام
رجع بضاعتك وحفظها بكرتونهـا

جهز

ان كان ياصقر عندك غير هذي كلام
ولا تركنا لك الابيات ولحونها

ياصقر كب الضعافه وبد روس العدام
لاتفتضح فالعرب وتخيب اضنونها
صقر

ماعندني الاالسيوف اللي تقص العظام
وان رحت روحت مقيط اللي يقولونها
ليت الدواسر تجيب الراك والاالبشام
الراك والاالبشـام ينظـف سنونهـا
جهز
ان عودت لسيوف الحدب رحتو صرام
لاكن درج قدم رجلك على هونها

اسليم ياليتها تترك طريق الحرام
وطهر افواها وتنظف ابطونها
صقر

قد قيل من حل واد الهيم جاه الهيام
وانت منول خشير الهيم فصحونهـا
اللي نكب منطقة تكريت صاروخ سام
من الخطا والذنوب اللي يسوونهـا

جهز

اقول من يشمت المضيوم لازم يضام
وانته كما الي تحفر الموت بقرونها

مالعب فالمسرحيه غير عادل لمـــام
من عقب مافوضه حسني على شونها
صقر

اصبر على الضيم والادور الانتقام
القوم مدري وش اللي يبرد غبونها
وانتم تراكم محل الشك والاتهـام
يوم انها جت خفيفـة تستغلونهـا

 

 

 

 

[معلومات العضو أبونواف الدوسري]

لا هنت أخي حسن بن مسرع علي وضع هذه المحاوره

الله يوفقكم جميعا

 

 

 

 

[معلومات العضو حسن مسرع الدوسري]

الاخ ابو نواف الدوسري
شكرأ على المرور

 

 

 

 

[معلومات العضو فهد بن مبارك الودعاني]

بيض الله و جهك يا حسن بن مسرع على المحاروه الجميله

التي ضمت الشاعرين جهز المسعري و صقر السلمي وصح السانهم جميعاً.



تقبل مني أرق التحايا و أعذبها من أخوك....

 

 

 

 

[معلومات العضو ابن وتيد السباعي]

لا هنت أخي حسن بن مسرع علي وضع هذه المحاوره

الله يوفقكم جميعا

 

 

 

 

[معلومات العضو حسن مسرع الدوسري]

فهد مبارك الودعاني
الف شكر يبو فهد على المرور