بيني وبين ابن مسرع وهباش المخيريمي

[معلومات العضو المسعري]

ارسل لي شاعرنا الكبير نايف ابن مسرع اربعه ابيات بالجوال على طريقه مداعبه وحقيقه تشرفت بتوجيه هذه الابيات كونها تجي من شاعر بمكانه ابن مسرع وكان الطرف الثالث هباش المخيريمي احد الاصدقاء اللي حقيقه معرفتهم يفخر فيها الرجل وكانت على النحو التالي
ابن مسرع

شوتنا هبوب الصيف والشام ماتناش=ولنا يدين عن جمع الدنانير مصروفه
نمر الجمام الراهيه والكبود عطاش=ولانردها مادامها جات محفوفه
مادام الجميل لحافنا والمديح فراش=يكفي وباقي باق الاطماع مخلوفه
تجهز يابو خالد وسلم على هباش=ضباب الجنوب لزووم بعيوننا نشوفه

المسعري

على خوه اهل العز والجود ندفع كاش=دنانيرنا لاهل المواجيب موقوفه
توكلتنا بالله وعزمتنا المطراش=مع اللي مواقفهم على العز معروفه
رجالاً معرفتهم تزيد الطنخ شوباش=ووقفاتهم بالعسر واللين مألوفه
توكل على الله يابن مسرع وخذها كاش=تراء صاحبي هباش لابد وتشوفه
على وارد اليابان لاهاب ولد اللاش=يجيك المنيعي مايحسب لمصروفه
عوائد هل الوقفات ماهي تجي بخشاش=زحازيح قوماًللملاقيف ملقوفه

رد هباش

على خوه اهل الطيب والعز ندفع كاش=ولوكان ننحر فاطر العود مشعوفه
زعامتك يانايف ولاخوه ابن اللاش=لو نسومها بالمال ماتثمن ألوفه
ولايهون ابو خالد رعى الطيب والشوباش=رفيقاًقديم وخوته دوم معرووفه
ضباعين اهل وقفات قدم الرفيق هشاش=ولامن زبنهم جالي(ن)فرجوا خوفه
ضباعين واحدهم الى جاء اللقاء ثم هاش=تحطم سيوف الهند في مقبض اكفوفه
من الاد ابن مسعر لاجاء العلم فيه نقاش=تواريخهم مع ماض الازمان معروفه
وانا حاظراً بالحال والمال والرشاش=ونفسى على خوة هل الطيب مشغوفه
وانا اقول لك قدام ومن انثنى ماعاش=وانا محزمك لاصدك الوقت وصدوفه
نبي نسوجها من قبل يطوى علينا الشاش=وكل الخساير يافتى الجود مخلوفه
نبي ناصل دياراًسماها سحب ورشاش=ديارالطبيعه بالبها دوم معروووفه

وسلامتكم

 

 

 

 

[معلومات العضو أبو سعود الودعاني]

عز الله العزيز

انكم وافين وكفوا في ذمتي ذمه بالجميع

وصح الله السنتكم وبيض الله وجيهكم

والله لايحرمنا مداعباتكم

تقبلوا جميعا حبي وتقديري

 

 

 

 

[معلومات العضو ابو زابن المسعري]

ياسلام عليك يالمسعري انت واخوياك

بيض الله وجهك يالمسعري على اتحافنا بهذه الدرر الجزله

وصح الله السانك والسان المنيعي ونايف

وبكل صراحه الحر ذالايام ماينطاق

اللي مايروح لـ أبهاء ذلحين لاعاد يروح

 

 

 

 

[معلومات العضو مبارك الخييلي]

أعيال عمي لكم مني التقدير والشكر
ونتو أبداع المنتدي

تقبلو الشكر والتقدير

مبارك الخييلي

 

 

 

 

[معلومات العضو راشد المسعري]

كفو ياتريحيب المسعري ونايف بن مسرع وهباش المخاريم

كفو والله يالنشاما وعز الله ابيات تنومس وكلكم وافين

لا تتركنا من ذالقصايد يابوخالد ولازم تعطينا جديدكم إذا حصل شيء جديد

ولك مني أجمل الود والتقدير ،،،،

 

 

 

 

[معلومات العضو ابو زيد الغييثي]

صح اللسانكم ملايييين

يابو خالــد بيض الله وجهك على نقل هذه الابيات الرائعه لشعار مبدعين

ولا يستغرب الابداع منكم كم عودتمونا على الجزل .


محبك ومغليك

ابو زيد الغييثي

 

 

 

 

[معلومات العضو فهد الغريري]

صح الله السانك ياتريحيب المسعري ونايف بن مسرع وهباش المخاريم


كفو والله يالنشاما وعز الله ابيات جزله وكلكم وافين جعلكم المعزه


لا تبطي من ذالقصايد يابوخالد


ولك مني أجمل الود والتقدير

 

 

 

 

[معلومات العضو **المنيعي**]

صح لسانكم جميع

 

 

 

 

[معلومات العضو ماجد المهنا]

المسعري

خطييييييييير

صح لسانك

وابن مسرع وهباااش


جزااااله .. إلى الا نهائيه ومابعدهاااااااااا

اسلم وسلم

 

 

 

 

[معلومات العضو ابو زابن المسعري]

صح السانك والسانك اخوياك يالمسعري

 

 

 

 

[معلومات العضو شافي بن راشد النتيفات]

بيض الله وجهك يالمسعري على اتحافنا بهذه الدرر الجزله

وصح الله السانك والسان المنيعي ونايف

 

 

 

 

[معلومات العضو راشد المسعري]

لله دركم ياثلاثة

وهذا ردي للمرة الثانية وشهادتي فيكم جميعا مجروحة

قصائد لها روح ولها طعم وفيها تبين الخوة والمحبة بين الجميع

لاهنتو جميع وترى قصايدكم أغرتنا والجو حر ذالأيام

تقبل ودي وتقديري ،،،

 

 

 

 

[معلومات العضو دغش محمد الصخابرة]

بيض الله وجهك يالمسعري

وصح الله السانك والسان الشعراء المميزين

والله يعطيك العافيه

 

 

 

 

[معلومات العضو سالم الخضراني]

صح الله السنتكم والله يعطيكم العافيه




تحياتي

 

 

 

 

[معلومات العضو فهد المقابله]

بيض الله وجهك يالمسعري

وصح الله السانك والسان الشعراء المميزين

والله يعطيك العافيه