اسماء أسر اهل الريـــــــاض الاصليين ( من الدواسر)

[معلومات العضو هنا الرياض]

هذه اسماء بعض اسر اهل الرياض الاصليين من قبيلة الدواسر والمقصود بأهل الرياض الاصليين يعني هل الرياض هل الرياض الي مالهم علاقة في القرى او المحافظات يعني ديرتهم الريااااااااااض انا جبت لكم الي ينتموووووووووووووووووون لقبيلة الدواسر منهم .



الدخيل
بالشده فوق الياء
من ابا الحسن من المساعرة من الدواسر

ال سلمة
من الغييثات من الدواسر ويقالهم (بن سلمة ) وهم غير ال سلمة الفخذ الي في الغييثات منهم ابراهيم بن سلمة مدير عام شركة سابك سابقا وعضو مجلس الشوى الحين

ال حسين
ويقالهم ال محمد من الوداعين من الدواسر


ال سيف
من آل سويلم ، من الوداعين ، من الدواسر

الجريس
من ال بريك من الدواسر ( اهل العمارية)

ال شويش
من الدواسر


ال عواد
من الدواسر

ال يوسف
من البدارين من الدواسر

ال الدويسري
وهم اسرة صغيره من الحقباني من الدواسر


فيه أسر ثانيه من هل الرياض من الدواسر لكن لهم بنو عم في في مناطق اخرى

مثل ال صقر من البدارين ولهم بنو عم في الخرج

ومثل الجاسر من العمور ولهم بنو عم في الخرج

ومثل الحقباني ولهم بنو عم في الخرج والافلاج

ومثل ال فوزان ولهم بنو عم في الخرج

ومثل ال دايل من الوداعين لهم بنو عم في مراة والخرج


طبعا اكيد نسيت عوايل ثانيه بس العذر والسموحه للي نسيتهم

تحياتي للجميع

 

 

 

 

[معلومات العضو العماني]

بيض الله وجهك اخوي على هذه بعض اسر الدواسر في الرياض

وفي انتظار المزيد من هذه المواضيع

تقبل تحياتي،،

 

 

 

 

[معلومات العضو ابوعبدالرحمن الودعاني]

	أخي وإبن عمي الحبيب الغالي أحسنت وبارك الله فيك على هذا الجهد الطيب والمشاركة الرائعه نتمنى منك الإستمرار بإفادتنا بهذه المواضيع الشيقه لكن أنت ذكرت بض العوائل ولم تنسبهم لأي فخذ ينتمون وهذه هي المشكله التي نواجهها مع من ينتسب إلى الدواسر زوراً وبهتاناً.

 

 

 

 

[معلومات العضو محمد الدوخي]

السلام عليكم و رحمة الله

بيض الله وجهك يا أخوي على المجهود الرائع
بس حبيت اسألك عن بن سلمة..... انا سامع انهم من آل سلمة من الغياثات
وانت تقول انهم من فخذ ثاني, فياليت ان كان عندك معلومات عنهم من أي الغييثات هم اكون لك من الشاكرين

 

 

 

 

[معلومات العضو هنا الرياض]

الاخ هايف العماني
الله يسلمك وابشر المزيد ان شاء الله المزيد في الطريق

الاخ ابو عبد الرحمن الودعاني
صدقت اخوي بعض الاسر ماحددت من اي الدواسر وهذا سببه قلت اطلاعي ومعرفتي وليس التقليل او التشكييك فيهم
وشاكر مشاركتك ياولد العم

محمد الدوخي
انا كنت اقصد ان
المقصود هينا اسرة ال سلمة او (ابن سلمة) الغييثات من الدواسر اهل الريـــــــــــــاض وهم معرووووفين وانا اعرفهم جيدا
ومنهم: حق سابك سابقا وعضو مجلس الشورى
منهم : وكيل الحج والاوقاف السابق محمدبن عبدالرحمن بن سلمة
ومنهم:عبدالرحمن بن سلمة قاضي محاكم الدرعية
ومنهم : منصور بن سلمة مدير عام تعليم الرياض
ومنهم الدكتور عبد العزيز بن سلمة مندوب المملكه في اليونسيف ودكتور محاضر في جامعة الملك سعود
ومنهم: استشاري التخدير علي بن سلمة
ومنهم الدكتور فهد بن سلمة محاضر كلية الامنية

وليس المقصود الجزء او فخذ (ال سلمة) من الغييثات الي موجود في الافلاج يمكن يكونون ينتسبون لهم ويمكن من فرع ثاني من الغييثات انا بصراحه مااادري ولا قلت انهم من فرع ثاني مثل ماتفضلت

عموما راح اتأكد لك ان شالله

وشاكر لك اخوووووي

 

 

 

 

[معلومات العضو محمد الدوخي]

السلام عليكم و رحمة الله

مشكور يا أخي الكريم على هالمعلومات
بن سلمة عائلة معروفة كما تفضلت, لكن قصدي بما انك تعرفهم يمكن تفيدنا هم من أي الغييثات
لأن أكثر المصادر تذكر انهم من الغييثات فقط بدون تحديد فرعهم
وما كان قصدي التشكيك بمعلوماتك لأني مثلك مانيب متأكد هم من أي فرع, و بغيت اني استفيد و باقي الأعضاء من معلوماتك

و حبيت اضيف على هالعوائل عائلتي الدوخي من آل ناجم من الشياحين الغييثات, و الدوخي بالأصل من سكان الوقف بشقراء
و قد انتقل جميع أفراد العائلة إلى الرياض في عهد الملك عبدالعزيز رحمه الله
و أضيف أيضاً عائلة السلوم من آل ناجم أيضاً من الغييثات, و أكثرهم بالرياض لكن لا أعلم ان كان لهم عيال عم للحين بضرما أو شقرا

 

 

 

 

[معلومات العضو هنا الرياض]

الاخ محمد
ونعم والله بالدوخي والسلوم وكل الغييثات
وبالنسبة لعائلة بن سلمة تأكد اني راح اسأل احدابنائهم واجيب لك العلم الاكيد ان شاء الله
تحياتي لك

 

 

 

 

[معلومات العضو فهاد الغييثي]

	بيض الله وجهك اخوي على هذه بعض اسر الدواسر في الرياض وفي انتظار المزيد من هذه المواضيع

 

 

 

 

[معلومات العضو أبو محمد الغييثي]

السلام عليكم ورحمة الله وبركاته

بالنسبة لآل سلمة اللي في الرياض فهم يرجعون لآل سلمة الغياثات فهم فرع واحد لكنهم يتميزون بكتابة بن سلمة في آخر أسمائهم .

ويقول لي أحد الإخوان أنهم يرجعون لآل مخيزيم من آل نابت ولكني غير متأكدمن ذلك

 

 

 

 

[معلومات العضو بنت الأكارم]

أشكرك هنا الرياض على اجتهادك ولكن هناك ملاحظه يجب على الجميع أن ينتبهو لها ألا وهي .. يجب أن نفصل بين سكان الرياض اللذين هم من قبيلتنا واللذين كانو يقطنون الرياض منذ 3 مئة سنة وما حولها فهؤلاء يكونون من أهل الرياض أما الدواسر اللذين خرجو من محافظاتهم وقراهم سواء من (المحمل , سدير ، الوشم ، القصيم , الزلفي , الشعيب) متجهين بعدها إلى الرياض وسكنو بها فهؤلاء ينتمون إلى مناطقهم اللتي خرجو منها أثناء سؤال الغريب عنهم وليس إلى المنطقه اللتي سكنو بها طلبآ للعيش وما حول ذلك جرى هذا الإيضاح كي لاتختلط الأوراق وتضيع الأنساب ..
تحياتــــــــــــي للجميع ..

 

 

 

 

[معلومات العضو الصقر الحر]

بيض الله وجهك اخوي على هذه بعض اسر الدواسر في الرياض

أحسنت وبارك الله فيك على هذا الجهد الطيب

تقبل تحياتي أخوك الصقر الحر

 

 

 

 

[معلومات العضو المحايد المستقل]

هنا الرياض شكرا لك ويعطيك العافية ومازالت بعض الاسر لم تذكر هنا مع الاسف

 

 

 

 

[معلومات العضو ابو عبدالعزيز]

هنا الرياض
ما قصرت وبارك الله فيك

 

 

 

 

[معلومات العضو رعاد]

مشكور اخوي والله يعطيك العافية على هذا الجهد

مثل الجاسر من العمور ولهم بنو عم في الخرج ..

مثل الحقباني ولهم بنو عم في الخرج والافلاج

ونعم بهم وبكل الدواسر عموما ً

اخوك

رعــــــــاد

 

 

 

 

[معلومات العضو معلم يتعلم]

ولاتنسى يا اخي الكريم الزمامي من المساعره الدواسر منهم امير المصانع سلطان الزمامي وبقيه الوجهاء منهم