خطلان الايدي هل القالات والطاله " جديد خالد مدعث "

[معلومات العضو نايف الخييلي]

بسم الله الرحمن الرحيم

الشاعر الكبير شعرياً والمتميز الشاعر \ خالد بن مدعث الخرفاني

لاشك انه لاحد يختلف على شاعريته وقوة جزالته بالقصيد وجمال الصور الشعريه التي يرسمها في قصايده حتى يصيغ لك اجمل القصيد الذي يليق ويستحق السماع

وإرضاء الذائقة الشعريه , يسرني اليوم ان اتفرد بطرح هذه الجزله الوافيه التي لم يسبق لها النشر وهي من فرايد شعره وقصايده لكم

ويقول ابو مدعث

يالله بنو ً من القبله محاديره = متوافقً مع دخول الوسم مدخاله
نوً تسابق قدم وجهه عصافيره = متدليً كن وجه الارض يرقاله
وسمً بكور يسوق الله تباشيره = على وطنا من الريشه لشواله
على مدى الوسم ماشحت شخاتيره= لاقبل حمار الشفق تزبر خياله
وانهل من مقدمه حتى مواخيره = نوب يتحما ونوب يخف هماله
ومع تالي الوسم عشبه يشبع بعيره = عشبه يعانق رقاب قصاره طواله
وشدوا له اهل البل وخاضوا مخاضيره = وكلً تبع شف ذيدانه ومدهاله
وحنا تبعنا هوى الطافح والاميره = وذروه ودويه ودهامه وعياله
نرعابها قافرً تزمي نواويره = وطته دهم المزون وزينت فاله
وحنا هل الذود لاعدوا مشاهيره = الابل لنا من زمان العسر واهواله
نرعاباها القفر من ديره ليا ديره = شمال والا جنوب الربع ورماله
من كل روض تقطفً روس ازاهيره = ومن كل عدً قراح تشرب زلاله
وعن مرتع الخوف ماردت على غيره = نرعابها الخوف لو نجيه عيّاله
ترعى بهيبه هل الحرب ومغاويره = كل ابلجً ناشدً ابوه من خاله
ومن دونها كم وكم شيخً عدل سيره = امزرج معربً ماشرب فنجاله
حنا الدواسر هل الكار ومواكيره = خطلان الايدي هل القالات والطاله
حنا لنا سيره مامثلها سيره = ناسم عصى جارنا ونتيه جماله
وحنا هل الخوه وحنا هل الجيره = وحنا حجى الخايف المضهود وضلاله
خوينا في ذرانا مغنيً طيره =وعدونا يشتكي حزنه وسلاله
وحنا كما السيل تعميره وتدميره = لاسال عمّر الديار ودار يشتاله
واليوم حكم السعود اللى كثر خيره = كلً لبس شماغ ونكس عقاله

__________________

ديوان خالد بن مدعث الخرفاني

 

 

 

 

[معلومات العضو عبدالله الحافر الغييثي]

الله الله على الانتقاء في النقل يابوفهاد صح لسان الشاعر/خالد بن مدعث وبيض الله وجهك على النقل يالنادر تقبل مني فائق وجليل الاحترام والمحبه والتقدير

 

 

 

 

[معلومات العضو ابو حسين الدوسري]

عليه لاهنت يخوي ينايف وخالد شاعر لايختلف اثنان عليه

شاعريه وجزاله انتقاء رائع تسلم يمينك عليه

خالص التقدي لشخصكم الكريم

 

 

 

 

[معلومات العضو نايف الخييلي]

خميس الغييثي

ووجهك ابيض ومشكور على التواجد الطيب

وجعلك بالوجود

دمت بخير

 

 

 

 

[معلومات العضو نايف الخييلي]

ابو حسين الدوسري

مرحبا يابو حسين

اشكرك على الرد الكريم

وجعلك سالم

 

 

 

 

[معلومات العضو عادلة]

:

خااااالد بن مدعث شااااااعر جزل وقصائدة
رسمت باتقان وتميزلامثيل له

موضوع عآلي بذوقهـ ,, رفيع بشآنهـ
لاهنت اخوي على النقل الرائع
بارك الله فيك

 

 

 

 

[معلومات العضو عبدالرحمن بن فلاح آل بريك]

اختيار موفق


لشاعر كبير ..



بارك الله فيك ..

 

 

 

 

[معلومات العضو بدر سلطان التمامي]

الشاعر الكبير خالد بن مدعث الدوسري غني عن التعريف

وهو شاعر جزل وتتميز قصائده بالقوه والجزاله والوضوح

والمتابع لقصائده يجد انها نابعه من قلب ومن غير تكلف

ومن يقرء هذه القصيده يجد ان جميع ابياتها جزله من اول القصيده حتى النهايه

وهذا من وجهة نظري مايميز الشاعر خالد

اشكرك اخوي على النقل وصح السان الشاعر

 

 

 

 

[معلومات العضو راشد ناصرالدوسري]

قصيدة على الكيف يالشاعر

 

 

 

 

[معلومات العضو نايف الخييلي]

عادله

مرحبا بك

شاكر لك التواجد والرد الجميل

 

 

 

 

[معلومات العضو دغش محمد الصخابرة]

صح السااااان الشاعر الكبير خالد بن مدعث الدوسري

وبيض الله وجهك يا نايف على الانتقاء الرائع والنقل

 

 

 

 

[معلومات العضو ابومبخوت الدوسري]

يااا سلاااااااااااااااااام

صح لسانك يابدر بن سلطان وعز الله جبت اللي على الخاطر ووفرت علي كثير من الكلام ...

ياااااااسلاااااااام مره ثانيه

قصيده شامخه فعلاً ابحرت معها في خيالي وكني
اشوف بعيني ذاك الجو الأخضر او لوحه فنيه من رسام
وفنان كلمه بحق .... لله درك يابومدعث

وش اقول وش اخلي

فقط اسجل اعجابي الشديد بالشاعر خالد بن مدعث

وبيض الله وجهك يابوفهاد على هذا الاختيار الجميل والرايع .

تقبل مني فائق التقدير والاحترام

الطربان والمكيّف على القصيده

ابومبخوت

 

 

 

 

[معلومات العضو ابو فهد الغييثي]

الله الله على الانتقاء في النقل يابوفهاد
صح لسان الشاعر/خالد بن مدعث
وبيض الله وجهك على النقل يالنادر
تقبل مني فائق وجليل الاحترام والمحبه والتقدير

 

 

 

 

[معلومات العضو أخو الشيوخ]

صح الله لسان الشاعر


وبيض الله وجه الناقل


عز الله ان شعره جزل راعي قول وفعل


لاهان ولاهنتوا جميعاً

 

 

 

 

[معلومات العضو راشد ناصرالدوسري]

قصيدة ترفع الرس بيض الله وجهك يا أبو مدعث وبيض الله وجه الي مرسلها