عوده بدربن نايف معافى وقصيده الوفاء

[معلومات العضو عامر النتيفات]

اخواني واخواتي زوار واعضاء منتدى الدواسر الرسمي
بمناسبه شفاء عضو الموقع الرسمي واحد مشرفيه وعودته من لندن بعد رحله علاجيه طالت
كتبت هذه القصيده استكمال للقصيده الاولى ومتابعة ابو نايف منذ ان الم به الباس حتى عودته
الى الكويت سليما ولله الحمد

مانسيت الصاحب اللي له حقوق جسام = عندي وعند المناعير قدره معتلي
خص عند اللي يعرفه من الناس الحشام =كيف لا وابوه نايف ولد شين الحلي
من رجال الطيب واهل الوفا واهل المقام =في الكويت وهاهنا طيبهم متأصلي
ربعنا الرجبان عز الخوي عون المضام = في المراجل قسمهم وافي ومدبلي
اهل خيل واهل جيش واهل شلف وحسام= سعد منهم فزعته في نهار يصطلي
واهل غرس ونخل ما حط من دونه حزام =مخشرين الجار به للطراقي مدهلي
ماتهرجنا مجامل ولا نخشى اللئام = الحقايق عدها مايغيض ويزعلي
ولا لنا غايه ومقصد ورا هذا الكلام = جا مجال وربعنا كفو والمنزل علي
والله اني معه في كربته طول الدوام = لو جهلها غيرنا والله اني ما اجهلي
للرفيق اللي سواته مكانه وحترام =وفي الشدايد حقه اكبر ولا غاب اسألي
ذي عوايد لابتي مع رفاقتهم حرام =ما تخلى ساعة الضيق اوتتبدلي
تاقف وقوف يشرف لياشتد الزحام=لين ينفك الزحام ويحل المشكلي
جارها محشوم والضيف مادور يدام = في بلدنا نكرمه حيل يردفها طلي
مدح ربعي والاشاده بهم حق ووسام= دون قاصر في القبايل وقولي يشملي
ومثل ابو نايف وشرواه في شرق وشام=غيبته لا غاب يفقد وقرم مشكلي
ان زهم شاش وتعزوى وميقافه شمام =لوظروف الوقت عسره ما عذر واجلي
كل محفل للقبله مع الصف الامام = شاعر محسوب مهوب شاعر يكملي
ولاياكم واحد غيبته برد وسلام =ماتضايقنا ولا جاء مجيه يدبلي
في الرخا يهرج هروج مكاسبها آثام=ولا حتمى الميقاف ولى مع الفج الخلي
وفي اللوازم يختفي مثل خفاش الظلام= لا انتها اللازم تبين بصوت جلجلي
يتدخل في الامور الصغاير والعظام = والعظام الها رجال تحل وتفتلي
يتمرجل بالحكي وهو حماي الجهام =وهو من هذي وهذيك كفينه خلي
في المواقع والمحافل وصل حد الغمام = هكذا فجأه ظهر دون مجد اولي
رزة ماهي على ساس تاليها هدام = قلتها ويقولها كل عقل ممتلي
ولانريد انشط بالوضع عن سير النظام= والقوافي تزدحم في هجوس خيلي
ولانريد نطول الماد ونثير العسام =والعلوم اطوال وعراض والمخرج ملي
لكن الموجز يكفي هل العرف الفهام=وغيرهم من قولنا ذا يضيق و يجفلي
ناذر نذر ويشهد علي رب الانام =ان ااتابع حالته ونشده واو صلي
والله اني من عرفت الخبر جوي كتام =والفكر مشغول والجوف نار تشعلي
اتصلت بصاحبي انشده ويش العلام =وسط قلبي عبرة كيف بيجاوب علي
قال يامرحب وانا طيب وضعي تمام = مو منن باللي حصلي وبالله مملي
وهو في لندن يعاني من هموم وسقام = ستت اشهر صابرمحتسب متحملي
من نشده يقول طيب على احسن مايرام = ماجزع ولا سخط لامر محكم منزلي
ابتلاه اللي خلقنا من تراب وعدام =اختبار له من الله رضى به واقبلي
معه في الغربه شقيقه تعداه الملام = من معاناته يعاني ويخفي ويغلي
غربو من دارهم غربه ماهي سلام = لا ولاهي سجة في الدير تتجولي
لو سما لندن خيالي ولاهو بالاحلام =مالهم راده بها لومطرها يهملي
مايبون الا السلامه ويرجون السلام =ان ماحل ابدر وسط لندن ينجلي
معهم ارجال الوفاء معهم ارجال اكرام =تبتهل لله وتطلب معافاة الشلي
وستجاب الله لهم والطف ببدر التمام =وزال باسه جل شانه مغيث الممحلي
وعاد لاهله طيب عاد لكويت السلام =ولشيوخ للثقيلات عنهم تنقلي
وعاد لرجال على شوفته طيب حيام =في غيابه ما هتنو يوم عاد تهللي
عاد سالم ومتعافي عسى الصحه دوام = وان ماصابه طهور لذنبه يعسلي
ياعساي اوفيت في واجب يلزم لزام =وان حصل مني قصور فعذري سجلي
وسلم وسلم وميعادنا بعد الصيام = ذا وصلى الله على اخر نبي مرسلي

 

 

 

 

[معلومات العضو محمد بن سالم الخضراني]

يستاهل المدح الشاعر بدر بن نايف وعزالله انه كفو ويجمل والله يعافيه من هذا المرض

صح لسانك ياعامر قصيده جزله وعزالله انك صديقن وافي جعل عمرك طويل

 

 

 

 

[معلومات العضو عايض بن فهاد]

الحمد لله على سلامة بدر بن نايف

و صح لسااااااانك يـ عامر

و يستاهل المدح

 

 

 

 

[معلومات العضو عبدالله الحافر الغييثي]

اللهم لك الحمد والفضل والمنه على شفاء اخونا بدرنايف وجعله طالع من الشر
صح لسانك واعتلى شانك وافي من ربع وافين ولاهي غريبه عليكم هالمواقف وانتم ربعا" تشهد لكم فعلوكم يالاد العميري
تقبل مني التقدير والاحترام

 

 

 

 

[معلومات العضو ابو زابن المسعري]

الحمدلله على سلامة ابونايف
والله يسلمه من كل مكروه

وصح الله السانك وبيض الله وجهك ياعامر على هذه القصيده الجزله

عزالله انها قصيدة جزله ومن شاعر جزل

لاهنت وجعلك تسلم

 

 

 

 

[معلومات العضو عامر النتيفات]

الاخ محمد سالم الخضراني
اللهم امين
ولا هنت على مرورك الذي اسعدنا
ولا عليكم زود يالطيب

 

 

 

 

[معلومات العضو عامر النتيفات]

الأخ / عايض بن فهاد
لاهنت على مرورك الذي اسعدنا

وصح الله بدنك

 

 

 

 

[معلومات العضو فارس الدبالين]

اخوي الشاعر الجزل عامر النتيفات

اول شي اقول الحمدلله على سلامة اخونا الكريم / بدر بن نايف وعساها طهورٍله ان شاء الله

وصح الله لسانك الى ماله مدا جزل وفكرك بحر وطيبٍ من طيبين وموقفك هذا يشهد لك ياكحيلان

ويستاهل بدر بن نايف كل علمٍ غانم.

تقبل التقدير والاعجاب يالقرم .

 

 

 

 

[معلومات العضو مبارك بن الجوير]

ومثل ابو نايف وشرواه في شرق وشـام
غيبته لا غـاب يفقـد وقـرم مشكلـي

ان زهم شاش وتعزوى وميقافـه شمـام
لوظروف الوقت عسره ما عذر واجلـي

كل محفل للقبلـه مـع الصـف الامـام
شاعر محسوب مهوب شاعـر يكملـي

صح الله لساااانك يا عامر
وحمد"لله على سلامة الاخ ابونايف
وبني عمنا الرجبان وسبعة انعام و يستاهلووون ماقلت و كل خير
ولايهونوون باقي الربوع

وسبعة انعما فيك ياعامر وفي ربعك النتيفاات
وقصيدة وفاء وانت من اهل الوفاء وانا اخووك..
تقبل مروري المتواضع لاهنت..

 

 

 

 

[معلومات العضو محمد بن حمد الشكرة]

صح الله لساااانك يا عامر وحمد"لله على سلامة الاخ ابونايف ويستاهلون الرجبان والنتيفات الطيب والعلوم الغانمة وهم كفون لها

 

 

 

 

[معلومات العضو ابوضيدان]

صح لسانك يالسنافي ولاهي غريبه على مثلك الوفاء لبني عمك
وهاذي عاداتنا وسلومنا معى القريب والبعيد وبيض الله وجهك
والحمدلله على سلامت ابونايف طهور انشالله

تقبل مروري وخالص شكري

 

 

 

 

[معلومات العضو عامر النتيفات]

الاخ القدير خميس الغييثي
سعداء بتواجدك الدائم وتفاعلك المستمر مع كل موضوع يطرحهنا
ونشكرك على بصماتك الظاهره للعيان في هذا المنتدى الذي اصبحت احد رموزه المهمين

لك كل الشكر من على حضورك وتواجدك ولا عليكم زود يالطيب

 

 

 

 

[معلومات العضو عامر النتيفات]

ابو زابن المسعري
اسعدنا تواجدك ومرورك الله لايهينك ولا عليكم زود
تقبل الشكر والتقدير

 

 

 

 

[معلومات العضو عامر النتيفات]

الأخ القدير / فارس الدبالين
سعداء بتواجدك ومرورك هنا
وماقمنا به ماهو الا جزء بسيط مما يستحقه ابونايف

ولا عليكم وشرواكم زود يالطيب

 

 

 

 

[معلومات العضو محمد سعد السباعي]

الحمد لله على شفاه وبيض الله وجهك ياعامر مهيب غريبة عليك

وودي اسالك اخوي خميس لاهنت أنت تقول ربعنا ( لاد العميري ) ؟ عامر من النتيفات ولا من العمور ؟ ولا هي غلطة مطبعية؟

اسف على الاطالة